Connect with us

Lajme nga vendi

Aleanca për Shqiptarët, vazhdojnë akuzat për pronësinë e partisë

Published

on

Kreu i Aleancës për Shqiptarët, Arben Taravari vazhdon akuzat ndaj ministri të Drejtësisë, Krenar Lloga për presion ndaj Gjykatës në Tetovë me qëllim tërheqjen e gjykatësve jo të dashur nga procedura kontestuese mbi pronësinë e partisë. Nga $llimi i procesit deri tani janë ndërruar dy gjykatës të cilët sipas Taravarit kishin për qëllim të sillnin vendim të drejtë dhe ligjor, por që LLoga ka ushtruar presion për tërheqjen e tyre.
“Një gjykatëse u ndërrua para shtatë tetë dhe u emërua gjykatësja tjetër. Tani po bëhen presion i jashtëzakonshëm ose kërkesë nga ministri Lloga, kërkesë për ta ndërruar edhe të dytën, ndërsa para vetëm tre katër ditësh ia kanë ndarë lëndën. Se di sa gjykatës do ndërrojnë? Nëse zgjidhet edhe i treti më duket se do kërkojnë ta nderojnë edhe të tretin, apo më duket se shkojnë ta kërkojnë gjykatësin i cili ju konvenon atyre. Por mos lodhen kot se pastaj do ketë ankesë kjo”, tha Arben Taravari, Kryetar i ASH-së.
Ndaj akuzave të Taravarit ka reaguar Lloga i cili e ka cilësuar ish kreun e tij partiak të lajthitur e që duhet t’i kërkon falje publike. Lloga tha se kërkesa ka ardhur nga subjekti përmes avokatit dhe me arsye konkrete. “Arben Taravari ose është i keqinformuar ose është në një lajthitje të plotë dhe për të njëjtën gjë duhet të kërkojë falje publike. Ministri i Drejtësisë në asnjë moment dhe në asnjë rast nuk ka kërkuar të ndërrohet ndonjë gjyqtar në ndonjë proces gjyqësor, kërkesa për ndërrim të gjyqtarëve në procedure të rregullt gjyqësore është bërë nga Aleanca për Shqiptarët përmes avokatit të saj, me arsyet konkrete”, u shpreh Krenar Lloga, Ministër i Drejtësisë.
Bashkimi me opozitën shqiptare i Arben Taravarit, nxori në pa përçarjet brenda ASH-së. Arben Taravari u kërcënua për vendimin e marrë, ndërsa dyja palët thirrën kongrese të ndara. I pari e la Taravarin për kryetar, ndërsa kongresi tjetër e riktheu Ziadin Selën në krye të partisë. Mbi pronësinë e partisë, vulat dhe hapësirat, çështja do të merr epilog në rrugë gjyqësore.TV KOHA
  • Aleanca për Shqiptarët, vazhdojnë akuzat për pronësinë e parsë
Advertisement

Lajme nga vendi

MPB: 188 gjoba në Shkup, 17 vozitës pa patentë shoferi

Published

on

Sektori për Punë të Brendshme-Shkup gjatë ditës së djeshme (15.04.2024) ka vazhduar me kontrolle të shtuara në trafik me çrrastë vetëm në territorin e qytetit të Shkupit janë shqiptuar gjithsej 188 gjoba, nga të cilat 25 për tejkalim të shpejtësisë, 17 për drejtim të automjetit pa patentë shoferi, shtatë sanksione për kalim në semafor të kuq, katër gjoba për drejtim të automjetit nën ndikimin e alkoolit.

“Kontrollet në komunikacion do të vazhdojnë edhe në ditët në vijim. Apelojmë tek qytetarët që të respektojnë rregullat e komunikacionit në mënyrë që të rrisim sigurinë në komunikacion dhe së bashku të kontribuojmë për rrugë më të sigurta”, thuhet në njoftimin e MPB-së.

Continue Reading

Lajme nga vendi

CIVIL me kritika: Mos abuzoni fëmijët për fushatë zgjedhore! Duhet të ndalohet menjëherë

Published

on

Abuzimi politik i fëmijëve është i ndaluar me ligj! Sipas nenit 12, paragrafi 4 i Ligjit për Mbrojtjen e Fëmijëve: “Ndalohet keqpërdorimi i fëmijëve për shkak të organizimit dhe veprimit politik apo fetar”.

Ekipi monitorues i CIVIL-it ka konstatuar më shumë raste të keqtrajtimit të fëmijëve dhe të miturve gjatë fushatës zgjedhore sesa pothuajse të gjithë kandidatët në garën për president të Republikës së Maqedonisë së Veriut.

Abuzimi politik i fëmijëve është i ndaluar me ligj! Sipas nenit 12, paragrafi 4 i Ligjit për mbrojtjen e fëmijëve:

“Abuzimi i fëmijëve për shkak të organizimit dhe veprimit politik apo fetar është i ndaluar”.

CIVIL u kujton partive politike, prindërve, mediave dhe institucioneve se çdo fëmijë, pa përjashtim, ka të drejtën për një jetë dinjitoze dhe të gëzojë të gjitha të drejtat e përcaktuara në Deklaratën e të Drejtave të Fëmijëve dhe Ligjin për Mbrojtjen e Fëmijëve. Ata kanë të drejtën e një fëmijërie të pakujdesshme, të lirë nga ngjarjet e përditshme politike.

Advertisement

Vendi i fëmijëve është jashtë politikës! Partitë politike dhe mbështetësit e tyre duhet të kontribuojnë në mbrojtjen e fëmijëve dhe jo në abuzimin e tyre politik. Shteti dhe institucionet kanë detyrimin t’u sigurojnë fëmijëve zhvillim fizik, mendor, shpirtëror, moral dhe social, një mënyrë jetese të shëndetshme dhe normale në kushte lirie dhe dinjiteti!

CIVIL në vazhdimësi alarmon opinionin, institucionet, partitë politike dhe mediat për abuzimin e fëmijëve për qëllime politike dhe kërkon nga institucionet që të sanksionojnë të gjithë ata që në çfarëdo mënyre i përfshijnë fëmijët në politikë.

CIVIL kërkon nga institucionet që të marrin sanksione vendimtare ndaj kujtdo që përpiqet të vendosë fëmijët dhe të miturit në listën e tyre të aktiviteteve. Thjesht duhet të ndalet, menjëherë!

Continue Reading

Lajme nga vendi

Kalendari i imunizimit/ Demiri: Qytetarët t`i marrin vaksinat e nevojshme!

Published

on

Kalendari për imunizimin e rregullt është përditësuar me vaksinën nëntëvalente HPV-Gardasil 9, e cila pas një muaji do të jetë në pikat e vaksinimit. Krahas faktit që po kalojmë nga një vaksinë katërvalente në një vaksinë nëntëvalente për HPV-në, risia e këtij viti është se do të jetë e disponueshme edhe për djemtë, deklaroi sot në një konferencë për media ministri i Shëndetësisë , Ilir Demiri. Ai theksoi se kjo vaksinë do të ofrojë parandalim më të mirë të infeksioneve nga virusi papilloma humane (HPV), lezionet prekanceroze, si kanceri i qafës së mitrës. Ministri Demiri, apeloi deri tek qytetarët që të pranojnë të gjitha vaksinat enevojshme, sepse siç tha, më mirë të bëhet parandalim, se sa kurim.Duke folur për vaksinimin, Demiri tha se planifikon të kërkojë ndryshime ligjore të cilat do të ndalonin regjistrimin në shkoll të fëmijëve të pavaksinuar.

“Megjithatë, nuk ka ligj që do të sanksiononte prindërit, të cilët nuk i vaksinojnë fëmijët e tyre. Këtu është kontradikta. 09:32 Prandaj, shfrytëzoj çdo mundësi që kam që t’u bëj thirrje që t’i vaksinojnë fëmijët e tyre. Shpresoj që pas zgjedhjeve do të përgatitit ndonjë kornizë ligjore që do të mundësojë sanksionimin e prindërvëe që nuk vaksinojnë fëmijët”, tha Ilir Demiri.

Continue Reading

Më të lexuarat