Connect with us

Lajme nga vendi

A ka mundësi për parregullsi zgjedhore? OSBE-ODIHR: Vijmë me 230 mbikëqyrës për shkak të zgjedhjeve të dyfishta

Published

on

Shefja e misionit mbikëqyrës të OSBE/ODIHR-së Xhilian Stirk, nuk dha përgjigje konkrete nëse numri i shtuar i mbikëqyrësve për zgjedhjet e ardhshme do të thotë se kanë informacione për parregullsi të mundshme, siç pohojnë partitë politike shqiptare. Stirk tha se numri i shtuar i mbikëqyrësve është për shkak të zgjedhjeve të dyfishta.

“Numri i mbikëqyrësve bazohet në rekomandimet e misionit për vlerësimin e nevojave dhe se ka dy lloj zgjedhjesh që do të mbahen në të njëjtën ditë dhe nuk është diçka e pazakonshme që të kemi numër të madh të mbikëqyrësve dhe se kërkojmë numër të madh të mbikëqyrësve”, tha Xhilian Stirk, OSBE-ODIHR.

Nga koalicioni VLEN këto ditë akuzuan se misioni OSBE/ODIHR-së e rriti numrin e mbikëqyrësve për shkak se druajnë nga parregullsi në zgjedhjet e ardhshme, si shtet me demokraci të brishtë.

“A përgatit BDI terren për të shkaktuar krizë politike pas zgjedhjeve që të mund qeveria teknike e Talat Xhaferit ta vazhdojë jetën e saj teknike?”, pohoi Amir Elezi, VLEN (16.03.2024).

Akuzave të tilla, BDI-ja iu përgjigj përmes një deklarate se i ndjekin akuzat e opozitës shqiptare ndaj Bujar Osmanit dhe Xhaferit, por që të gjithë, siç thanë, ishin pjesë e skenarit rus për të mos pranuar rezultatet e zgjedhjeve dhe të shkaktojnë trazira politike pas 8 majit. Megjithatë, nga OSBE-ODIHR thonë se do të ketë një ekip prej 12 ekspertëve ndërkombëtarë dhe përveç kësaj, ekspertë afatgjatë dhe afatshkurtër.

Advertisement

“Përveç ekipit kryesor do të kemi edhe një grup ekspertësh afatgjatë, prej 20 personave që do të shpërndahen në vend në ekipe prej 2 personave. Ne po ashtu kërkuam 300 mbikëqyrës afatshkurtër që duhet të vijnë para zgjedhjeve, disa ditë para zgjedhjeve, do të shkojnë në vendvotimet, do t’i monitorojnë zgjedhjet dhe procesin e numërimit të votave dhe rezultatet”, deklaroi tha Xhilian Stirk, OSBE-ODIHR.

Në lidhje me atë nëse miratimi i rekomandimeve të OSBE/ODIHR-së që kanë të bëjnë me disa ndryshimet e Kodit zgjedhor u sollën tepër me vonesë, Stirk tha se ende janë në fazë të analizimit dhe se tani fillojnë me vlerësimet se sa prej rekomandimeve të tyre janë harmonizuar. Shefja e misionit njoftoi se e kanë mbajtur takimin e parë me KSHZ-në.

Lajme nga vendi

Vazhdon greva e specializantëve privat

Published

on

As premtimi i ministrit të Shëndetësisë se do ta zgjidh problemin, nuk i bindi specializantët privat që ta ndërpresin grevën. Ata e vazhduan grevën mëngjesin e të martës, të cilën  e filluan të hënën. Specializantët privat thonë se nuk do ta ndalojnë grevën derisa Ministria e Shëndetësisë të dalë me vendim dhe derisa vendimi të kaloj në seancë qeveritare. Varësisht se si do të jetë vendimi i Qeverisë, thonë se do të vendosin se çfarë do të ndërmarrin më tutje.

Hristina Ilioska-Çeshlaoska, specializante private në mjekësinë interne

“E vazhdojmë grevën derisa vendimi të kaloj në seancë të Qeverisë dhe derisa Ministria e Shëndetësisë të dalë me njoftim zyrtar se çfarë është vendosur në atë seancë të Qeverisë dhe më pas me të gjithë kolegët, do të vendosim se cilat do të jenë hapat e ardhshëm”.

Ajo përsëriti se edhe para një muaji Demiri u premtoi se ai ka mirëkuptim për problemet e specilizantëve, por se ata deri ato kërkesa nuk janë propozuar në seancë të Qeverisë.

Një ditë më parë specializantët privat realizuan takim me ministrin e Shëndetësisë Ilir Demirin, zëvendës ministren Maja Manoleva dhe këshilltaren e kryeministrit për çështje shëndetësore Ana Daneva Markova. Në takim u është thënë se lidhur me kërkesat e tyre për rritjen e kontributeve do të ketë informcione në formë të shkruar pas seancës së Qeverisë.

Advertisement

Ndërkaq, ministri Demiri dyshon se greva e specializantëve privat ka prapavijë politike. Në mesin e kërkesave të speializantëve janë rritja e pagave, pagesa e sigurimeve shëndetësore si dhe rregullimi i statusit të punës. Emine Ismaili Luzha /SHENJA/

Continue Reading

Lajme nga vendi

Sindikata e postave kërkon sistematizim të ri

Published

on

Posta e Maqedonisë në prag të egzistencës. Kreu i sindikatës Boro Veligdenov në një konferencë për media para Qeverisë, tha se mbi 2 000 vende pune janë në pyetje. Veligdenov thotë se Sindikata do ta përgatisë sistematizimin dhe do t’ia dorëzojë qeverisë së ardhshme, duke insistuar që qeveria ta shqyrtojë urgjentisht si një zgjidhje fillestare për situatën e Postës.

Boro Veligdenov, Kreu i Sindikatës

“Të gjitha anomalitë dhe problemet në operim do të tejkalohen me sistematizim dhe do të pozicionohemi në treg,  gjegjësisht do t’ua kthejmë qytetarëve Postën e Maqedonisë me dërgesa të rregullta dhe me kohë të dërgesave. Ka punëtorë që nuk vijnë në punë, ka punëtorë që vijnë dhe nuk e dinë se çfarë janë punët e tyre, prandaj ky sistematizim i ri është – për të nxitur produktivitetin në punë, dhe me këtë do të rrisim të ardhurat dhe do të jemi në gjendje të funksionojnë në mënyrë të pavarur si kompani”.

Kreu i sindikatës, theksoi se tashmë janë duke u konsultuar me anëtarësinë për organizimin e një proteste të re dhe fillimin e procedurës së grevës, meqënëse nuk kanë marrë përgjigje për kërkesat për takim me Bordin Drejtues dhe Qeverinë pas protestës së muajit të kaluar.

Ai në ndërkohë thotë se kushtet janë jashtëzakonisht të rënda dhe se gjendja financiare është alarmante.  “Si punonjës jemi të shqetësuar për vonesat e pagave. Dje kemi marrë rrogë, por kemi mbi 200 postierë të papaguar”,  shtoi Veligdenov.

Advertisement

Ai thotë se është e rëndësishme të mos vazhdohet me politikën e keqe kadrovike partiake që ka vite e vite dhe e ka sjellë Postën e Maqedonisë në prag të mbijetesës. Problemi kyç, sipas tij, është pikërisht sistemi.

Mbi të gjitha, Veligdenov thekson se qëllimi është përgaditja e një sistematizimi të ri sipas nevojave të kompanisë dhe tregut, dhe vëmendja e madhe në procesin teknologjik dhe përpunimin e dërgesave. /SHENJA/

Continue Reading

Lajme nga vendi

Deri në mesnatë personat e paaftë dhe të sëmurit mund të regjistrohen për të votuar në zgjedhjet presidenciale në Maqedoni

Published

on

Personat e paaftë dhe të sëmurë mund të regjistrohen për të votuar në zgjedhjet presidenciale të planifikuara për 24 prill deri në mesnatë.

Votuesi i cili nuk ka mundësi të votojë në vendvotim (i paaftë ose i sëmurë) dhe dëshiron të votojë për këtë e njofton KSHZ-në jo më vonë se 7 ditë para ditës së caktuar për votim, 16 prill ora 24:00, siç është shënuar në orarin e Komisionit Shtetëror të Zgjedhjeve.
KSHZ-ja informon se personat e paaftë apo të sëmurë votojnë në shtëpitë e tyre një ditë para ditës së caktuar për mbajtjen e zgjedhjeve.

“Këtë votim e bën këshilli zgjedhor përgjegjës për realizimin e votimit për vendvotimin ku bëjnë pjesë këta persona, më 23 prill (e martë)”, shkruan në procesverbalin e KSHZ-së.

Fushata për zgjedhjet presidenciale përfundon në mesnatën e 22 prillit.

Continue Reading

Më të lexuarat