Connect with us

Lajme nga vendi

Raporti i fundit i OKB-së, Maqedonia e Veriut ndër më të palumturat në rajon

Published

on

Maqedonia e Veriut është në vendin e 84 në listën e vendeve më të lumtura në botë, sipas raportit botëror të OKB-së. Në krahasim me vendet e Ballkanit, Maqedonia e Veriut është më e lumtur vetëm se Shqipëria, e cila është në fund në rajon (87). Ndërsa vendi më i lumtur në rajon është Kosova e cila renditet në vendin e 29.Kurse sa i përket indeksit të lumturisë së të rinjve, Maqedonia është në vendin e 67-të.Nga vendet e rajonit, më e lumtur është Sllovenia, e cila është në vendin e 21-të, Kosova (vendi 29), Serbia (vendi 37), Kroacia (63), Greqia (64), Bosnja dhe Hercegovina (vendi 65), Mali i Zi në vendin e 76-të. Vendi, Bullgaria në vendin e 81-të dhe Shqipëria në vendin e 87-të.Sipas raportit vendin numër një e zë sërish Finlanda, ndërsa pas saj janë Danimarka, Islanda, Suedia, Izraeli, Holanda, Norvegjia, Luksemburgu, Zvicra, Australia.Ndërkaq, në vendin e fundit të raportit të lumturisë është Afganistani.

Advertisement

Lajme nga vendi

Sindikata e postave kërkon sistematizim të ri

Published

on

Posta e Maqedonisë në prag të egzistencës. Kreu i sindikatës Boro Veligdenov në një konferencë për media para Qeverisë, tha se mbi 2 000 vende pune janë në pyetje. Veligdenov thotë se Sindikata do ta përgatisë sistematizimin dhe do t’ia dorëzojë qeverisë së ardhshme, duke insistuar që qeveria ta shqyrtojë urgjentisht si një zgjidhje fillestare për situatën e Postës.

Boro Veligdenov, Kreu i Sindikatës

“Të gjitha anomalitë dhe problemet në operim do të tejkalohen me sistematizim dhe do të pozicionohemi në treg,  gjegjësisht do t’ua kthejmë qytetarëve Postën e Maqedonisë me dërgesa të rregullta dhe me kohë të dërgesave. Ka punëtorë që nuk vijnë në punë, ka punëtorë që vijnë dhe nuk e dinë se çfarë janë punët e tyre, prandaj ky sistematizim i ri është – për të nxitur produktivitetin në punë, dhe me këtë do të rrisim të ardhurat dhe do të jemi në gjendje të funksionojnë në mënyrë të pavarur si kompani”.

Kreu i sindikatës, theksoi se tashmë janë duke u konsultuar me anëtarësinë për organizimin e një proteste të re dhe fillimin e procedurës së grevës, meqënëse nuk kanë marrë përgjigje për kërkesat për takim me Bordin Drejtues dhe Qeverinë pas protestës së muajit të kaluar.

Ai në ndërkohë thotë se kushtet janë jashtëzakonisht të rënda dhe se gjendja financiare është alarmante.  “Si punonjës jemi të shqetësuar për vonesat e pagave. Dje kemi marrë rrogë, por kemi mbi 200 postierë të papaguar”,  shtoi Veligdenov.

Advertisement

Ai thotë se është e rëndësishme të mos vazhdohet me politikën e keqe kadrovike partiake që ka vite e vite dhe e ka sjellë Postën e Maqedonisë në prag të mbijetesës. Problemi kyç, sipas tij, është pikërisht sistemi.

Mbi të gjitha, Veligdenov thekson se qëllimi është përgaditja e një sistematizimi të ri sipas nevojave të kompanisë dhe tregut, dhe vëmendja e madhe në procesin teknologjik dhe përpunimin e dërgesave. /SHENJA/

Continue Reading

Lajme nga vendi

Deri në mesnatë personat e paaftë dhe të sëmurit mund të regjistrohen për të votuar në zgjedhjet presidenciale në Maqedoni

Published

on

Personat e paaftë dhe të sëmurë mund të regjistrohen për të votuar në zgjedhjet presidenciale të planifikuara për 24 prill deri në mesnatë.

Votuesi i cili nuk ka mundësi të votojë në vendvotim (i paaftë ose i sëmurë) dhe dëshiron të votojë për këtë e njofton KSHZ-në jo më vonë se 7 ditë para ditës së caktuar për votim, 16 prill ora 24:00, siç është shënuar në orarin e Komisionit Shtetëror të Zgjedhjeve.
KSHZ-ja informon se personat e paaftë apo të sëmurë votojnë në shtëpitë e tyre një ditë para ditës së caktuar për mbajtjen e zgjedhjeve.

“Këtë votim e bën këshilli zgjedhor përgjegjës për realizimin e votimit për vendvotimin ku bëjnë pjesë këta persona, më 23 prill (e martë)”, shkruan në procesverbalin e KSHZ-së.

Fushata për zgjedhjet presidenciale përfundon në mesnatën e 22 prillit.

Continue Reading

Lajme nga vendi

MPB: 188 gjoba në Shkup, 17 vozitës pa patentë shoferi

Published

on

Sektori për Punë të Brendshme-Shkup gjatë ditës së djeshme (15.04.2024) ka vazhduar me kontrolle të shtuara në trafik me çrrastë vetëm në territorin e qytetit të Shkupit janë shqiptuar gjithsej 188 gjoba, nga të cilat 25 për tejkalim të shpejtësisë, 17 për drejtim të automjetit pa patentë shoferi, shtatë sanksione për kalim në semafor të kuq, katër gjoba për drejtim të automjetit nën ndikimin e alkoolit.

“Kontrollet në komunikacion do të vazhdojnë edhe në ditët në vijim. Apelojmë tek qytetarët që të respektojnë rregullat e komunikacionit në mënyrë që të rrisim sigurinë në komunikacion dhe së bashku të kontribuojmë për rrugë më të sigurta”, thuhet në njoftimin e MPB-së.

Continue Reading

Më të lexuarat