Lajme nga vendi
Dramë në Maqedoni! Gruaja futet në lokal, derdh benzinë dhe e kërcënon pronarin se do ta djeg objektin
![](https://tetovaexpres.com/wp-content/uploads/2024/03/Untitled-4.jpg)
Nga Ministria e Punëve të Brendshme njoftojnë se mbrëmjen e djeshme, respektivisht rreth orës 22:10, është arrestuar një grua 32 vjeçe me iniciale K.I. në Prilep, përcjell TV21. Sipas Policisë, e njëjta ishte futur në një lokal dhe kishte kërcënuar pronarin se do ta digjte të njëjtin.
“Përkatësisht, me datë 16.03.2024, rreth orës 22:00, në DPB Prilep, T.K.(61) nga Prilepi ka raportuar se rreth orës 21:30, K.I ka hyrë në objektin e tij hotelierik në Prilep dhe ka spërkatur dyshemenë me një shishe të mbushur me lëng të ndezshëm dhe ka kërcënuar se do t’i vinte flakën objektit. K.I. është ndaluar në stacionin policor në Prilep dhe pas dokumentimit të rastit do të bëhet kallëzim përkatës”, shtojnë nga MPB.
Lajme nga vendi
Përfundoi dita e dytë e debatit për ribalancin e Buxhetit, seanca vazhdon sot
![](https://tetovaexpres.com/wp-content/uploads/2024/07/1111rebalanci-i-buxhetit-qeveria-e-re.png-750x430-1.webp)
Komisioni për Financim dhe Buxhet pasdite e vazhdoi seancën për ribalancin e Buxhetit. Në ditën e dytë të debatit të përgjithshëm, deputetët diskutuan rreth uljes së buxhetit të gjykatave dhe prokurorive publike, Sipas deputetëve të opozitës, institucionet e pushtetit gjyqësor duhet të kenë buxhet më të madh, ndërsa sërish, sipas deputetëve të qeverisë, ky buxhet është i tepërt me besim prej vetëm dy për qind te qytetarët.
Debati i përgjithshëm për ribalancin e buxhetit zgjat më së shumti tri ditë, ndërsa ai i amendamenteve për të cilin janë dorëzuar 58 amendamente gjashtë ditë. Dje, në ditën e parë të debatit, ministrja Gordana Dimitrieska-Koçoska ka arsyetuar ribalancin, duke theksuar se është krijuar në përputhje me gjendjen e konstatuar në buxhet. Siç tha Dimitrieska-Koçoska, janë siguruar mjete për gjithçka që duhet të paguhet sipas ligjit.
Të hyrat e përgjithshme në ribalancin e buxhetit janë planifikuar në 318,2 miliardë denarë, ndërsa shpenzimet në 362,8 miliardë denarë. Rritja e PBB-së është parashikuar në 2.1 për qind, inflacioni në nivelin 3.5 për qind dhe deficiti buxhetor 4.9 për qind.
Kryetarja e Komisionit për financim dhe buxhet, Sanja Lukarevska, e ndërpreu seancën dhe njoftoi se ajo do të vazhdojë sot në orën 12:00.
Lajme nga vendi
Temperatura deri në 38 gradë Celsius, njihuni me parashikimin e motit për Maqedoninë e Veriut
![](https://tetovaexpres.com/wp-content/uploads/2024/07/temperatura-termometri-1-650x488-1-1.jpg)
Moti sot do të jetë kryesisht me diell dhe i nxehtë me erë të lehtë deri mesatare nga drejtimi verior. Temperatura minimale do të lëvizë në interval prej 9 deri në 20, ndërsa ajo maksimale do të lëvizë prej 30 deri 38 gradë Celsius. Indeksi UV do të jetë 9.
Në Shkup moti do të jetë me diell dhe i nxehtë me erë të lehtë deri mesatare veriore. Temperatura minimale do të bie deri në 17, ndërsa ajo maksimale do të arrijë deri 37 gradë.
Sipas paralajmërimeve nga Drejtoria për Punë Hidrometeorologjike (DPHM), edhe në ditët në vijim do të mbizotërojë mot me diell me rritje graduale të temperaturës. Në fillim të javës së ardhshme përsëri do të fryjë erë mesatare deri e përforcuar veriore.
Lajme nga vendi
Hasën në derra të egër në Shkup, autoritetet arrijnë t’i shpëtojnë tri vajza
![](https://tetovaexpres.com/wp-content/uploads/2024/07/Screenshot-28.png)
Tri vajza mbrëmë kanë shpëtuar në mënyrë të sigurt pasi kanë hasur në derra të egër në majën e Vodnos. Qendra për Menaxhim me Kriza (QMK) kumtoi sot se raporti ka arrit në numrin 112.
“Mbrëmë tre vajza të cilat po zbrisnin nga maja e Vodnos, pas orës 23 në drejtim të Vodnos së mesme hasën në derra të egër. Në numrin 112 në QMK kanë denoncuar se një tufë me derra të egër kanë qenë vazhdimisht pas tyre dhe rreth tyre edhe pse ata kanë zbritur përmes rrugës së asfaltuar dhe se kanë qenë shumë të frikësuara. Më pas ata kanë kërkuar që të lirohet trau në Vodno të mesme që të afërmit e tyre të mund t’i marrin me automjete. Në orën 23:42, personi që ka lajmëruar urgjencën ka njoftuar në numrin 112 në QMK se në vendngjarje ka arritur një furgon policor dhe se të gjithë janë të sigurt”, thuhet në informacionin e QMK-së.
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve