Connect with us

Lajme nga vendi

Dita botërore e veshkave- në vend 1.540 persona janë në dializë

Published

on

Në vend vlerësohet se sëmundja kronike e veshkave është e pranishme tek 10 për qind e popullsisë, ndërsa në fazën përfundimtare të sëmundjes për trajtim me dializë janë 1.540 persona, tregojnë të dhënat e Shoqatës me sëmundje të veshkave “Nefron”. Shoqata nën moton “Avancimi i qasjes deri te kujdesi dhe trajtimi optimal i personave me sëmundje të veshkave”, sot do të shënoj Ditën botërore të veshkave.

Dita botërore e veshkave shënohet secilën të enjte të dytë të muajit mars në më shumë se 150 vende të botës. Tek ne përkujtohet për të 19-të herë, nën organizimin e Shoqatës ndërkombëtare të nefrologjisë (ISN) dhe Federatës ndërkombëtare të Fondacioneve të veshkave (IFKF).

Në ngjarjen e organizuar nga Shoqata “Nefron”, siç është paralajmëruar, do të marrin pjesë përfaqësues nga institucionet dhe do të mbajnë ligjërata profesionale me qëllim edukimin e anëtarëve, por edhe ngritjen e vetëdijes për parandalimin e sëmundjeve të veshkave, zbulimin e hershëm të tyre dhe gjetjen e mundësive për trajtimin në kohë të duhur.

Sipas kryetarit të Shoqatës së “Nefron”, Dushko Gjorgiev edhe përkundër avancimit të arritur në qasje dhe përmirësimit të dukshëm të kushteve për trajtimin e dializës në vend, si prioritet mbetet rritja e mbrojtjes parandaluese dhe disponueshmërinë e barnave të reja të përshtatshme për të gjithë pacientët.

Si shkaktarë më të shpeshtë të dështimit të veshkave nga Shoqata “Nefron” kanë bërë të ditur se janë diabeti dhe sëmundjet kardiovaskulare. Thonë se parandalimi është kyç për uljen e shpenzimeve njerëzore dhe ekonomike të HBB në fazën terminale të sëmundjes dhe për atë është e nevojshme qasje e barabartë deri tek skriningu, diagnostikimi i hershëm dhe trajtimi cilësor si dhe edukimi i pacientëve dhe profesionistëve shëndetësor për të pranuar metodat e reja dhe barnat.

Advertisement

“Transplantimi si nga donator i gjallë dhe kadaverik është sfidë dhe në të duhet të punohet shumë për t’iu përgjigjur nevojave të pacientëve”, tha Gjorgiev.

 

Advertisement

Lajme nga vendi

MPB: 188 gjoba në Shkup, 17 vozitës pa patentë shoferi

Published

on

Sektori për Punë të Brendshme-Shkup gjatë ditës së djeshme (15.04.2024) ka vazhduar me kontrolle të shtuara në trafik me çrrastë vetëm në territorin e qytetit të Shkupit janë shqiptuar gjithsej 188 gjoba, nga të cilat 25 për tejkalim të shpejtësisë, 17 për drejtim të automjetit pa patentë shoferi, shtatë sanksione për kalim në semafor të kuq, katër gjoba për drejtim të automjetit nën ndikimin e alkoolit.

“Kontrollet në komunikacion do të vazhdojnë edhe në ditët në vijim. Apelojmë tek qytetarët që të respektojnë rregullat e komunikacionit në mënyrë që të rrisim sigurinë në komunikacion dhe së bashku të kontribuojmë për rrugë më të sigurta”, thuhet në njoftimin e MPB-së.

Continue Reading

Lajme nga vendi

CIVIL me kritika: Mos abuzoni fëmijët për fushatë zgjedhore! Duhet të ndalohet menjëherë

Published

on

Abuzimi politik i fëmijëve është i ndaluar me ligj! Sipas nenit 12, paragrafi 4 i Ligjit për Mbrojtjen e Fëmijëve: “Ndalohet keqpërdorimi i fëmijëve për shkak të organizimit dhe veprimit politik apo fetar”.

Ekipi monitorues i CIVIL-it ka konstatuar më shumë raste të keqtrajtimit të fëmijëve dhe të miturve gjatë fushatës zgjedhore sesa pothuajse të gjithë kandidatët në garën për president të Republikës së Maqedonisë së Veriut.

Abuzimi politik i fëmijëve është i ndaluar me ligj! Sipas nenit 12, paragrafi 4 i Ligjit për mbrojtjen e fëmijëve:

“Abuzimi i fëmijëve për shkak të organizimit dhe veprimit politik apo fetar është i ndaluar”.

CIVIL u kujton partive politike, prindërve, mediave dhe institucioneve se çdo fëmijë, pa përjashtim, ka të drejtën për një jetë dinjitoze dhe të gëzojë të gjitha të drejtat e përcaktuara në Deklaratën e të Drejtave të Fëmijëve dhe Ligjin për Mbrojtjen e Fëmijëve. Ata kanë të drejtën e një fëmijërie të pakujdesshme, të lirë nga ngjarjet e përditshme politike.

Advertisement

Vendi i fëmijëve është jashtë politikës! Partitë politike dhe mbështetësit e tyre duhet të kontribuojnë në mbrojtjen e fëmijëve dhe jo në abuzimin e tyre politik. Shteti dhe institucionet kanë detyrimin t’u sigurojnë fëmijëve zhvillim fizik, mendor, shpirtëror, moral dhe social, një mënyrë jetese të shëndetshme dhe normale në kushte lirie dhe dinjiteti!

CIVIL në vazhdimësi alarmon opinionin, institucionet, partitë politike dhe mediat për abuzimin e fëmijëve për qëllime politike dhe kërkon nga institucionet që të sanksionojnë të gjithë ata që në çfarëdo mënyre i përfshijnë fëmijët në politikë.

CIVIL kërkon nga institucionet që të marrin sanksione vendimtare ndaj kujtdo që përpiqet të vendosë fëmijët dhe të miturit në listën e tyre të aktiviteteve. Thjesht duhet të ndalet, menjëherë!

Continue Reading

Lajme nga vendi

Kalendari i imunizimit/ Demiri: Qytetarët t`i marrin vaksinat e nevojshme!

Published

on

Kalendari për imunizimin e rregullt është përditësuar me vaksinën nëntëvalente HPV-Gardasil 9, e cila pas një muaji do të jetë në pikat e vaksinimit. Krahas faktit që po kalojmë nga një vaksinë katërvalente në një vaksinë nëntëvalente për HPV-në, risia e këtij viti është se do të jetë e disponueshme edhe për djemtë, deklaroi sot në një konferencë për media ministri i Shëndetësisë , Ilir Demiri. Ai theksoi se kjo vaksinë do të ofrojë parandalim më të mirë të infeksioneve nga virusi papilloma humane (HPV), lezionet prekanceroze, si kanceri i qafës së mitrës. Ministri Demiri, apeloi deri tek qytetarët që të pranojnë të gjitha vaksinat enevojshme, sepse siç tha, më mirë të bëhet parandalim, se sa kurim.Duke folur për vaksinimin, Demiri tha se planifikon të kërkojë ndryshime ligjore të cilat do të ndalonin regjistrimin në shkoll të fëmijëve të pavaksinuar.

“Megjithatë, nuk ka ligj që do të sanksiononte prindërit, të cilët nuk i vaksinojnë fëmijët e tyre. Këtu është kontradikta. 09:32 Prandaj, shfrytëzoj çdo mundësi që kam që t’u bëj thirrje që t’i vaksinojnë fëmijët e tyre. Shpresoj që pas zgjedhjeve do të përgatitit ndonjë kornizë ligjore që do të mundësojë sanksionimin e prindërvëe që nuk vaksinojnë fëmijët”, tha Ilir Demiri.

Continue Reading

Më të lexuarat