Connect with us

Lajme nga vendi

(VIDEO)Mjekët me apel:Të sëmurët kronikë të mos i nënshtrohen agjërimit

Published

on

Rreth 13 orë brenda ditës besimtarët muslimanë janë të privuar nga konsumimi i ushqimeve dhe lëngjeve.Kjo për shkak të muajit të shenjtë të Ramazanit.Megjithatë jo gjithë kush mund të qëndrojë për kaq orë i privuar nga vaktet e ushqimit dhe lëngjeve për shkak të problemeve shëndetësore. Mjekët thonë se kujdes në këtë drejtim duhet të bëjnë pacientët të cilët kanë sëmundje kronike dhe ata janë të liruar nga agjërimi.Por, nëse qytetari kahas kësaj që ka sëmundje kronike, megjithatë ndihet mirë ai edhe mund të agjërojë, thonë mjekët. “Kjo, për shkak se në një farë mënyre do ta dëmtonin shëndetin e tyre duke menduar se bëjnë veprim të mirë se janë të obliguar të agjërojnë kurse në anën tjetër e dëmtojnë shëndetin e tyre dhe ata janë një kategori, sidomos ata që vuajnë nga diabeti, pacientët që kanë probleme kardio-vaskulare, pacientët që kanë probleme me sëmundjen e veshkëve, pasi që e dijmë se këta pacientë duhet që të konusmojnë brenda ditës ujë, që të punojnë veshkat e tyre. Nuk bëjnë pjesë të gjithë pacientët me këta sëmundje, sepse ka prej tyre që ndihen mirë ‘zikisht dhe ata mund të agjërojnë”, deklaroi mjeku Bekim Ismaili.Por, jo gjithmonë pacientët dëgjojnë rekomandimet e mjekëve. Ka prej tyre që vendosin të agjërojnë edhe pse kanë sëmundje kronike. Kjo pastaj e përkeqëson gjendjen shëndetësore të tyre. Rastet e këtilla janë të shpeshta, pohojnë mjekët, sepse është i madh numri i pacientëve që drejtohen për ndihmë mjekësore për shkak të komplikimeve të ndryshme. Prandaj mjekët, shprehen se duhet që ata pacieent që janë me këta sëmundje, më mirë do të jetë të kujdesen për veten e tyre dhe të mos rrezikojnë edhe jetën e tyre.“Neve si mjek kemi raste të tilla shumë, sidomos të pacientëve të cilët e dijnë se kanë sëmundje kronike, ata sërish agjërojnë dhe normalisht kur vijë orët e mbrëmjes, vjen deri tek komplikimi i shëndetit të tyre, sidomos me tensionin e gjakut, vijnë me kokë dhimbje,me vjellje, pastaj pacientët që janë me diabet, tek ata paraqiten probleme, sepse kanë nevojë që të konsumojnë ujë vazhdimisht.Në këtë drejtim janë edhe pacientët të cilët kanë probleme me veshkët”, theksoi mjeku Ismaili.Mjekët, në këtë drejtim apelojnë tek kjo kategori që pavarësisht dëshirës së tyre për të agjëruar, duhet që të mos mbajnë dhe në këtë formë duhet që të ruajnë shëndetin e tyre edhe ashtu të cënuar.Muaji i Ramazanit për besimtarët muslimanë ‘lloi më 11 mars dhe do të përfundojë me 9 prill. Mauji i agjërimit, do të thotë shmangia e ushqimit dhe lëngjeve.TV KOHA

Lajme nga vendi

MPB: 188 gjoba në Shkup, 17 vozitës pa patentë shoferi

Published

on

Sektori për Punë të Brendshme-Shkup gjatë ditës së djeshme (15.04.2024) ka vazhduar me kontrolle të shtuara në trafik me çrrastë vetëm në territorin e qytetit të Shkupit janë shqiptuar gjithsej 188 gjoba, nga të cilat 25 për tejkalim të shpejtësisë, 17 për drejtim të automjetit pa patentë shoferi, shtatë sanksione për kalim në semafor të kuq, katër gjoba për drejtim të automjetit nën ndikimin e alkoolit.

“Kontrollet në komunikacion do të vazhdojnë edhe në ditët në vijim. Apelojmë tek qytetarët që të respektojnë rregullat e komunikacionit në mënyrë që të rrisim sigurinë në komunikacion dhe së bashku të kontribuojmë për rrugë më të sigurta”, thuhet në njoftimin e MPB-së.

Continue Reading

Lajme nga vendi

CIVIL me kritika: Mos abuzoni fëmijët për fushatë zgjedhore! Duhet të ndalohet menjëherë

Published

on

Abuzimi politik i fëmijëve është i ndaluar me ligj! Sipas nenit 12, paragrafi 4 i Ligjit për Mbrojtjen e Fëmijëve: “Ndalohet keqpërdorimi i fëmijëve për shkak të organizimit dhe veprimit politik apo fetar”.

Ekipi monitorues i CIVIL-it ka konstatuar më shumë raste të keqtrajtimit të fëmijëve dhe të miturve gjatë fushatës zgjedhore sesa pothuajse të gjithë kandidatët në garën për president të Republikës së Maqedonisë së Veriut.

Abuzimi politik i fëmijëve është i ndaluar me ligj! Sipas nenit 12, paragrafi 4 i Ligjit për mbrojtjen e fëmijëve:

“Abuzimi i fëmijëve për shkak të organizimit dhe veprimit politik apo fetar është i ndaluar”.

CIVIL u kujton partive politike, prindërve, mediave dhe institucioneve se çdo fëmijë, pa përjashtim, ka të drejtën për një jetë dinjitoze dhe të gëzojë të gjitha të drejtat e përcaktuara në Deklaratën e të Drejtave të Fëmijëve dhe Ligjin për Mbrojtjen e Fëmijëve. Ata kanë të drejtën e një fëmijërie të pakujdesshme, të lirë nga ngjarjet e përditshme politike.

Advertisement

Vendi i fëmijëve është jashtë politikës! Partitë politike dhe mbështetësit e tyre duhet të kontribuojnë në mbrojtjen e fëmijëve dhe jo në abuzimin e tyre politik. Shteti dhe institucionet kanë detyrimin t’u sigurojnë fëmijëve zhvillim fizik, mendor, shpirtëror, moral dhe social, një mënyrë jetese të shëndetshme dhe normale në kushte lirie dhe dinjiteti!

CIVIL në vazhdimësi alarmon opinionin, institucionet, partitë politike dhe mediat për abuzimin e fëmijëve për qëllime politike dhe kërkon nga institucionet që të sanksionojnë të gjithë ata që në çfarëdo mënyre i përfshijnë fëmijët në politikë.

CIVIL kërkon nga institucionet që të marrin sanksione vendimtare ndaj kujtdo që përpiqet të vendosë fëmijët dhe të miturit në listën e tyre të aktiviteteve. Thjesht duhet të ndalet, menjëherë!

Continue Reading

Lajme nga vendi

Kalendari i imunizimit/ Demiri: Qytetarët t`i marrin vaksinat e nevojshme!

Published

on

Kalendari për imunizimin e rregullt është përditësuar me vaksinën nëntëvalente HPV-Gardasil 9, e cila pas një muaji do të jetë në pikat e vaksinimit. Krahas faktit që po kalojmë nga një vaksinë katërvalente në një vaksinë nëntëvalente për HPV-në, risia e këtij viti është se do të jetë e disponueshme edhe për djemtë, deklaroi sot në një konferencë për media ministri i Shëndetësisë , Ilir Demiri. Ai theksoi se kjo vaksinë do të ofrojë parandalim më të mirë të infeksioneve nga virusi papilloma humane (HPV), lezionet prekanceroze, si kanceri i qafës së mitrës. Ministri Demiri, apeloi deri tek qytetarët që të pranojnë të gjitha vaksinat enevojshme, sepse siç tha, më mirë të bëhet parandalim, se sa kurim.Duke folur për vaksinimin, Demiri tha se planifikon të kërkojë ndryshime ligjore të cilat do të ndalonin regjistrimin në shkoll të fëmijëve të pavaksinuar.

“Megjithatë, nuk ka ligj që do të sanksiononte prindërit, të cilët nuk i vaksinojnë fëmijët e tyre. Këtu është kontradikta. 09:32 Prandaj, shfrytëzoj çdo mundësi që kam që t’u bëj thirrje që t’i vaksinojnë fëmijët e tyre. Shpresoj që pas zgjedhjeve do të përgatitit ndonjë kornizë ligjore që do të mundësojë sanksionimin e prindërvëe që nuk vaksinojnë fëmijët”, tha Ilir Demiri.

Continue Reading

Më të lexuarat