Connect with us

Lajme nga rajoni

Shqipëria hap dyert për studentët nga Lugina e Preshevës, Hasani: Bursa studimi në universitet, akomodim falas dhe mundësi punësimi

Published

on

Nisma e Ministrisë shqiptare për Evropën dhe Punët e Jashtme “Për shqiptarët në rajon”, nisi sot me bursat e studimit, që pesë universitete shqiptare do të ofrojnë çdo vit akademik, për studentë të Luginës së Preshevës.

Ministri i Jashtme, Igli Hasani deklaroi sot se, studentët nga Lugina e Preshevës do të përfitojnë bursa studimi në universitetet shqiptare.

Në konferencën e përbashkët për shtyp të ministrit Hasani, kryetarit të Këshillit Kombëtar Shqiptar të Luginës së Preshevës, Nevzad Lutfiu dhe rektorit të universitetit “Eqrem Çabej”, Gjirokastër Bektash Mema, për nismën “Për shqiptarët në rajon: Mundësi studimi për studentët e Luginës së Preshevës”, mbajtur në Ministrinë për Evropën dhe Punët e Jashtme, Hasnai u shpreh se, do të jenë 30 bursa në vit, duke filluar nga viti tjetër akademik 2024-2025.

Fillimisht Hasani uroi “gëzuar 7 Marsin, këtë ditë simbolike të mësimdhënies, duke i përçuar një falënderim të posaçëm mësuesve për ndryshimin frymëzues që ata sjellin”.

“Jam i lumtur që pikërisht në këtë ditë kaq të rëndësishme, mirëprita një grup miqsh nga Këshilli Kombëtar Shqiptar i Luginës së Preshevës dhe nga disa universitete kryesore në Shqipëri, për të diskutuar mbi një nismë të rëndësishme bashkëpunimi në fushën e arsimit universitar”, tha ai.

Advertisement

Konkretisht, theksoi Hasani, “duke filluar nga viti akademik 2024 – 2025,30 studentë, vajza dhe djem nga Lugina e Preshevës do të kenë çdo vit mundësinë të kryejnë studimet universitare në Shqipëri, duke përfituar bursa studimi dhe akomodimin falas përgjatë gjithë periudhës së studimit”.

“Jo vetëm kaq, por duke ndjekur modelin që ka propozuar Bashkia e Gjirokastrës dhe Universiteti i Gjirokastës, e cila e ka nisur projektin që në tetor të vitit të kaluar, studentëve mund t’ju ofrohen edhe mundësi punësimi në Shqipëri gjatë muajve të verës. Falënderoj nga zemra të gjithë ata që kanë punuar për këtë projekt: miqtë nga Presheva, posaçërisht Kryetarin e Këshillit Kombëtar Shqiptar të Luginës së Preshevës, Nevzad Lutfiu; drejtuesit e universiteteve të Gjirokastrës, Vlorës, Elbasanit, Shkodrës dhe Tiranës, por edhe përfaqësinë e Republikës së Shqipërisë në Serbi, për punën e mirë që kanë bërë”, tha Hasani.

Kjo ditë, shtoi ministri, “shënon një tjetër moment të rëndësishëm të mbështetjes për arsimin e bashkëkombësve tanë në Luginën e Preshevës nga ana e Shqipërisë, pas kontributit të dhënë nga Bashkia e Tiranës me fonde e donacione për rikonstruksionin e shkollave dhe palestrave sportive për nxënësit shqiptarë, në komunat e Preshevës dhe Bujanocit”.

Hasani theksoi se, “nuk është e rastësishme që Shqipëria ka zgjedhur pikërisht arsimin si fokusin kryesor të mbështetjes për Luginën. Ne besojmë që pikërisht nga arsimi fillon e gjithë përpjekja për fuqizimin dhe rivitalizimin politik, ekonomik, kulturor e social të këtij komuniteti të bashkëkombësve tanë të cilët përballen me një situatë jo të lehtë dhe meritojnë të gjithë mbështetjen tonë”.

Por, vijoi ai, “edhe pse fillon me arsimin, angazhimi i Qeverisë Shqiptare për të mbështetur qytetarët shqiptarë të Luginës së Preshevës nuk mbaron këtu. Ky angazhim nuk përfshin vetëm Ministrinë për Evropën dhe Punët e Jashtme apo vetëm universitetet e bashkitë, sepse këtu bëhet fjalë për një vullnet të qartë e të shprehur të qeverisë shqiptare, të Kryeministrit Edi Rama, për të mbështetur në çdo fushë e përmes sa më shumë nisma konkrete për vëllezërit e motrat tona në Preshevë”.

Advertisement

Kështu, nënvizoi ai, “Shërbimi ynë i Jashtëm ka bërë një punë të mirë për të dakordësuar bashkëpunimin mes Unionit të Afaristëve Shqiptarë dhe Fondit Humanitar të Luginës së Preshevës me Dhomat e Tregtisë e Industrisë së Tiranës dhe Këshillin Kombëtar të Agro-bujqësisë”.

Ndërkohë, shtoi Hasani, “janë duke u shqyrtuar me shumë prioritet, mënyrat sesi mund të ofrohet për Luginën, mbështetje për specializime në fushën e mjekësisë dhe të zhvillimit të praktikave mjekësore pranë spitaleve shtetërore apo private në Shqipëri, por mundësitë e bashkëpunimit në fushën e kulturës dhe medies”.

Përveç këtyre nismave, shefi i diplomacisë shqiptare u shpreh se, “në të ardhmen e afërt, objektivat tona do të materializohen edhe me projekte të tjera në ndihmë të komunitetit shqiptar. Së pari, për të frenuar pasivizimin e adresave, çka padyshim është diçka që na shqetëson shumë,
Së dyti, për njohjen e diplomave dhe thellimin e shkëmbimeve kulturore, ekonomike e tregtare, sepse besojmë se kjo do të kontribuojë në afirmimin e të drejtave të shqiptarëve në Luginën e Preshevës, i cili përbën edhe një kriter të procesit të integrimit të Serbisë në Bashkimin Evropian. Thellimi i bashkëpunimit me faktorin shqiptar, kudo në rajon, garantimi i të drejtave të tyre të gjithë shqiptarëve dhe fuqizimi i tyre politik, social e ekonomik, janë prioritete të punës tonë”.

Hasani i siguroi shqiptarët e Luginës se, “këtu do të gjejnë gjithmonë derën e hapur dhe gatishmërinë maksimale për të punuar së bashku me nisma dhe projekte konkrete që do t’i vijnë në ndihmë bashkëkombësve tanë kudo që ata jetojnë e punojnë në Luginën e Preshevës”.

Advertisement

Lajme nga rajoni

Mediat malazeze për fjalimin e Presidentes Osmani në Amerikë: 12 minutat më së miri të shfrytëzuara ndonjëherë nga një politikan

Published

on

Më 6 shkurt, presidentja Vjosa Osmani ishte folëse e Lutjeve të Mëngjesit, organizuar nga Kongresi amerikan në Washington, D.C ku morën pjesë mijëra vetë.
Fjalimi i Osmanit është lavdëruar në gazetën malazeze “Vijesti.me” në një shkrim autorial të gazetarit Zheljko Ivanoviq, i cili pati kritika për udhëheqësit e vendit të tij
Ivanoviq në këtë shkrim thumbon edhe ministrin malazez të Urbanizmit, Slaven Radunoviq, i cili kundërshton pavarësinë e Kosovës. Ai tha se nëse Radunoviq s’do ta kishte braktisur sallën kur Osmani mori fjalën, ai do të kishte kuptuar që Kosova s’është shtet “fake”
“Por nuk ka të bëjë Lutja e Mëngjesit vetëm me fjalimin e presidentit të vendit më të fuqishëm në botë. Pas mëngjesit, vjen dreka. Edhe aty gjithçka fillon me lutje, e më pas, skena u takon të ftuarve të veçantë. Nga tre të përzgjedhurit, njëra ishte Vjosa Osmani, Presidente e Kosovës. Kjo flet për fuqinë e diplomacisë dhe lobimit të fqinjëve tanë. Më vjen keq që ministri i urbanizmit dhe i Velje Brdo-s, Slaven Radunović, e anashkaloi këtë drekë. Dhe lutjen. Mbi të gjitha, ai humbi fjalimin e zonjës Osmani. Po ta kishte dëgjuar, do të kuptonte se Kosova nuk është një “shtet i rremë””, shkruan Ivanoviq në kolumnën e tij.
“Një rrëfim i ngrohtë dhe personal për një rrugëtim atipik politik—një fëmijë lufte, siç e quajti veten, të cilës politika e urrejtjes (Millosheviqi dhe rrethi i tij) i mori gjithçka, e dëboi nga shtëpia, nga qyteti i lindjes, duke kaluar përmes mërgimit, vuajtjes, varfërisë, deri te çlirimi dhe kthimi në vendlindje. Dhe tani, në skenën më të madhe, në Uashington. Ishin 12 minutat më së miri të shfrytëzuara nga një politikan që kam parë ndonjëherë. Dhe këtë e konfirmuan ovacionet e të pranishmëve pas fjalimit të saj. Dëmi është për Slavenin—mund të kishte mësuar diçka, të nxirrte ndonjë përfundim dhe, kur të kthehej, t’ua përcillte
bashkëmendimtarëve të tij. Sidomos Vranešit, i cili kishte premtuar se vitin e ardhshëm—pra, këtë vit—do të jetë në Prizren. Do ta kenë dëshirë”. Ivanoviq shkruan se Mali i Zi krahasuar me Kosovën është një “banana shtet”. “Kur krahasohemi me Kosovën, ne jemi një shtet “banane”. Ndërsa zonja Osmani vizitonte Kongresin, Senatin, Departamentin e Shtetit, dhe merrte ovacionet e dy mijë pjesëmarrësve të Lutjes së Mëngjesit, udhëheqësit tanë mbetën në shtëpi. Kishin punë më të rëndësishme. Jakovi, pas blerjes së gomave të reja dhe makinës së re për veten dhe familjen, duhej të siguronte edhe një apartament të ri. Ndërsa Mickey kishte një justifikim më të fortë: Krvavac po e linte dhe duhej të shuante zjarrin në shtëpi. Sepse, ashtu siç Milo nuk mundej pa Roçkon, Aleksa pa Bokin, Dritani pa Porfirien, po ashtu as Miki nuk mundet pa Brankon. E radhën e ka Joanikije”.
Continue Reading

Lajme nga rajoni

Shefi i BE në Kosovë: Qeveria e re duhet të përmbushë pritshmëritë e popullit për BE-në

Published

on

Ambasadori i Bashkimit Evropian në Kosovë, Aivo Orav,  ka thënë se qeveria re duhet të përmbushë pritshmëritë e popullit, i cili aspiron të bashkohet me BE-në.

“Për ta arritur këtë, qeveria e re duhet të punojë shumë, shumë aktivisht. Detyrat e vështira duhet të bëhen. Reformat duhet të realizohen”, citohet Orav në X nga Zyra e Bashkimit Evropian për Kosovë të ketë thënë për Associated Press.

Mbrëmjen e 9 shkurtit pas mbylljes së qendrave të votimit, Komisioni Qendror i Zgjedhjeve filloi me publikimin e të dhënave mbi rezultatet preliminare.

KQZ ka numëruar 99.17 qind për qind të votave nga 2,512 qendra votimi nga gjithsej 2.533, deri në orën 19:10, sipas të cilave vazhdon të prijë Lëvizja Vetëvendosje në koalicion me partitë Guxo dhe Alternativa me 40.83 për qind ose 339 mijë 350 vota.

Partia Demokratike e Kosovës (PDK) renditet e dyta me 22.16 për qind ose 184 mijë e 040, Lidhja Demokratike e Kosovës (LDK) e treta me 17.60 për qind ose 146 mijë e 147 vota.

Advertisement

AAK-NISMA-Konservatorët-Intelektualët-Ideal renditet subjekti i katërt me 7.46 për qind ose 61 mijë e 968 vota.Më 9 shkurt qytetarët e Kosovës votuan për të zgjedhur përfaqësuesit e tyre për katër vitet e ardhshme. Ky proces zgjedhor është konsideruar demokratik dhe i qetë.

https://x.com/EUKosovo/status/1889351642035744851

Continue Reading

Lajme nga rajoni

Konstantinos Thasoulas është presidenti i ri i Greqisë

Published

on

Votimi i katërt i sotëm kërkonte një shumicë prej 151 deputetësh, numër ky që tashmë ishte tejkaluar në votimet e mëparshme nga ish-kryetari i Kuvendit, Konstantinos Thassulas, i propozuar nga Demokracia e Re.

Në votimin e parë dhe të dytë kërkohej një shumicë prej dy të tretash ose 200 vota parlamentare, ndërsa për votimin e tretë kërkohej një shumicë prej tre të pestat (180). Në votim, Tassoulas fitoi me votat e 160 deputetëve, ndërsa kandidati i PASOK-ut Tassos Giannitsis mori 34 deputetë, kandidati i SYRIZA-PS Luca Katseli mori 40 deputetë dhe kandidati Niki K. Kiriakou vetëm 14 deputetë.

Pas shpalljes së rezultatit, Kryetari i Dhomës Nikitas Kaklamanis shkoi në zyrën e Konstantinos Thasoulas për ta informuar atë se ai ishte Presidenti i ardhshëm i Republikës së Greqisë.

Mandati i presidentes aktuale, Katerina Sakellaropoulou, përfundon më 13 mars 2025.

Continue Reading

Më të lexuarat