Connect with us

Lajme nga vendi

Bojmacaliev: Migrimi ilegal kërkon përgjigje evropiane, RMV lider për këtë çështje

Published

on

Bojmacaliev tha se migrimi është një proces dinamik dhe kompleks mbi të cilin është e vështirë të vendoset kontroll nëse nuk ka bashkëpunim të vendeve evropiane.

“Partneriteti dhe shkëmbimi i informacionit ndërmjet vendeve është thelbësor. Pas krizës së migracionit të vitit 2015, e cila u ndje në shkallë globale, mund të them se migrimi është në agjendën socio-politike të shumë vendeve. Maqedonia e Veriut është një vend tranzit. Emigrantët vijnë përmes vendeve fqinje, Bullgarisë dhe Greqisë. Po flasim për njerëz kryesisht nga kategoritë e cenueshme që kanë nevojë për mbrojtje ndërkombëtare”, shpjegoi Bojmacaliev. Në të njëjtën kohë, ai tha se nevojitet një përgjigje evropiane në drejtim të shtypjes së migracionit të paligjshëm.

“Nënshkrimi i marrëveshjes mes Edi Ramës dhe Giorgia Melonyt për akomodimin e emigrantëve nga Italia në Shqipëri është pjesë e përgjigjes së përbashkët europiane në luftën kundër migracionit të paligjshëm. Ai përfaqëson një hap të rëndësishëm drejt përballjes së krizës së migracionit në rajon në mënyrë të koordinuar dhe humane, dhe aq më tepër, tregon rëndësinë e bashkëpunimit dhe solidaritetit ndërkombëtar në përballjen me sfidat globale që lidhen me migracionin. Dhe janë përpjekjet tona si shtet dhe ministri që vazhdimisht forcojnë bashkëpunimin me vendet fqinje, përmirësojnë infrastrukturën dhe teknologjinë kufitare, si dhe forcojnë kapacitetet për menaxhimin e migracionit”, tha Bojmacaliev.

“Kemi pasur kapacitete të dobëta për ta luftuar këtë fenomen, por që nga viti 2015, pas një sërë masash dhe aktivitetesh, arritëm të bëhemi lider në luftën kundër migracionit në nivel rajonal. Këtu, nënshkrimi i Marrëveshjes me FRONTEX, Agjencinë Evropiane të Rojës Kufitare dhe Bregdetare, ishte me rëndësi të madhe për ne, si marrëveshje e parë ndërmjet BE-së dhe Maqedonisë së Veriut, e cila u nënshkrua në gjuhën maqedonase”, tha Bojmacaliev. Në të njëjtën kohë, ai ndau statistika në lidhje me rezultatet e Ministrisë së Punëve të Brendshme në fushën e parandalimit të migrimit të paligjshëm dhe kontrabandës së emigrantëve.

Lajme nga vendi

MPB: 188 gjoba në Shkup, 17 vozitës pa patentë shoferi

Published

on

Sektori për Punë të Brendshme-Shkup gjatë ditës së djeshme (15.04.2024) ka vazhduar me kontrolle të shtuara në trafik me çrrastë vetëm në territorin e qytetit të Shkupit janë shqiptuar gjithsej 188 gjoba, nga të cilat 25 për tejkalim të shpejtësisë, 17 për drejtim të automjetit pa patentë shoferi, shtatë sanksione për kalim në semafor të kuq, katër gjoba për drejtim të automjetit nën ndikimin e alkoolit.

“Kontrollet në komunikacion do të vazhdojnë edhe në ditët në vijim. Apelojmë tek qytetarët që të respektojnë rregullat e komunikacionit në mënyrë që të rrisim sigurinë në komunikacion dhe së bashku të kontribuojmë për rrugë më të sigurta”, thuhet në njoftimin e MPB-së.

Continue Reading

Lajme nga vendi

CIVIL me kritika: Mos abuzoni fëmijët për fushatë zgjedhore! Duhet të ndalohet menjëherë

Published

on

Abuzimi politik i fëmijëve është i ndaluar me ligj! Sipas nenit 12, paragrafi 4 i Ligjit për Mbrojtjen e Fëmijëve: “Ndalohet keqpërdorimi i fëmijëve për shkak të organizimit dhe veprimit politik apo fetar”.

Ekipi monitorues i CIVIL-it ka konstatuar më shumë raste të keqtrajtimit të fëmijëve dhe të miturve gjatë fushatës zgjedhore sesa pothuajse të gjithë kandidatët në garën për president të Republikës së Maqedonisë së Veriut.

Abuzimi politik i fëmijëve është i ndaluar me ligj! Sipas nenit 12, paragrafi 4 i Ligjit për mbrojtjen e fëmijëve:

“Abuzimi i fëmijëve për shkak të organizimit dhe veprimit politik apo fetar është i ndaluar”.

CIVIL u kujton partive politike, prindërve, mediave dhe institucioneve se çdo fëmijë, pa përjashtim, ka të drejtën për një jetë dinjitoze dhe të gëzojë të gjitha të drejtat e përcaktuara në Deklaratën e të Drejtave të Fëmijëve dhe Ligjin për Mbrojtjen e Fëmijëve. Ata kanë të drejtën e një fëmijërie të pakujdesshme, të lirë nga ngjarjet e përditshme politike.

Advertisement

Vendi i fëmijëve është jashtë politikës! Partitë politike dhe mbështetësit e tyre duhet të kontribuojnë në mbrojtjen e fëmijëve dhe jo në abuzimin e tyre politik. Shteti dhe institucionet kanë detyrimin t’u sigurojnë fëmijëve zhvillim fizik, mendor, shpirtëror, moral dhe social, një mënyrë jetese të shëndetshme dhe normale në kushte lirie dhe dinjiteti!

CIVIL në vazhdimësi alarmon opinionin, institucionet, partitë politike dhe mediat për abuzimin e fëmijëve për qëllime politike dhe kërkon nga institucionet që të sanksionojnë të gjithë ata që në çfarëdo mënyre i përfshijnë fëmijët në politikë.

CIVIL kërkon nga institucionet që të marrin sanksione vendimtare ndaj kujtdo që përpiqet të vendosë fëmijët dhe të miturit në listën e tyre të aktiviteteve. Thjesht duhet të ndalet, menjëherë!

Continue Reading

Lajme nga vendi

Kalendari i imunizimit/ Demiri: Qytetarët t`i marrin vaksinat e nevojshme!

Published

on

Kalendari për imunizimin e rregullt është përditësuar me vaksinën nëntëvalente HPV-Gardasil 9, e cila pas një muaji do të jetë në pikat e vaksinimit. Krahas faktit që po kalojmë nga një vaksinë katërvalente në një vaksinë nëntëvalente për HPV-në, risia e këtij viti është se do të jetë e disponueshme edhe për djemtë, deklaroi sot në një konferencë për media ministri i Shëndetësisë , Ilir Demiri. Ai theksoi se kjo vaksinë do të ofrojë parandalim më të mirë të infeksioneve nga virusi papilloma humane (HPV), lezionet prekanceroze, si kanceri i qafës së mitrës. Ministri Demiri, apeloi deri tek qytetarët që të pranojnë të gjitha vaksinat enevojshme, sepse siç tha, më mirë të bëhet parandalim, se sa kurim.Duke folur për vaksinimin, Demiri tha se planifikon të kërkojë ndryshime ligjore të cilat do të ndalonin regjistrimin në shkoll të fëmijëve të pavaksinuar.

“Megjithatë, nuk ka ligj që do të sanksiononte prindërit, të cilët nuk i vaksinojnë fëmijët e tyre. Këtu është kontradikta. 09:32 Prandaj, shfrytëzoj çdo mundësi që kam që t’u bëj thirrje që t’i vaksinojnë fëmijët e tyre. Shpresoj që pas zgjedhjeve do të përgatitit ndonjë kornizë ligjore që do të mundësojë sanksionimin e prindërvëe që nuk vaksinojnë fëmijët”, tha Ilir Demiri.

Continue Reading

Më të lexuarat