Lajme nga vendi

Gashi: Informacionet e mija janë se ndryshimet kushtetuese nuk do të kalojnë

Published

9 months ago

July 31, 2023

Lideri i Alternativës, Afrim Gashi thotë se informacionet e tij janë se ndryshimet kushtetuese nuk do të kalojnë, sepse vetë mënyra se si u miratua propozimi në Kuvend flet për faktin se shumica qeverisëse nuk i intereson nëse do të kalojnë ndryshimet kushtetuese, por për të vënë në provë opozitën dhe për të ndikuar në rezultatin e ardhshëm zgjedhor.

Sa i përket bashkimit të opozitës shqiptare në një bllok të përbashkët, Gashi për “Lokalno” thotë se duhet të ngrihen mbi interesat personale, partiake e të tjera dhe të bashkohen jo vetëm për rrëzimin e BDI-së së korruptuar, sepse siç thekson ai tashmë po bëhet problemi më i vogël, por për shpëtimin e së ardhmes së fëmijëve dhe të rinjve, të cilët presin bashkimin, vendosmërinë dhe ofertën politike të tyre.

“Identiteti i çdo kombi mund të kërcënohet vetëm nga anëtarët e atij identiteti. “Propozimi francez” as nuk kërcënon dhe as nuk e forcon identitetin maqedonas. Maqedonasit janë një popull i veçantë, me gjuhën, shkrimin dhe kulturën e tyre, pavarësisht se si perceptohet nga të tjerët.

Mendoj se nuk ka nevojë për asnjë deklaratë, sepse një sjellje e tillë tregon inferioritet dhe dobësi”, vlerëson kryetari i Alternativës për deklaratën e dorëzuar të LSDM-së në Kuvend për Ilindenin.

Lajme nga vendi

Valon Asanin e dënon edhe fshati i tij. Pëson debakël në Poroj

Published

14 hours ago

May 9, 2024

TetovaExpres

Për të dytën herë Valon Asani kandidat për deputet nga radhët e BDI ka humbur bindshëm nga koalicioni VLEN në vendlindjen e tij në fshatin Poroj.

Fitorja e VLENIT në Porojin legjendar ka qenë e thellë edhe atë 980 vota për VLEN dhe 616 për Frontin Europian.

Lajme nga vendi

Shehu: Anëtarë të Komisioneve Zgjedhore, shkelin Kodin Zgjedhor

Published

1 day ago

May 8, 2024

TetovaExpres

Konferencë e jashtëzakonshme e KSHZ-së. Nënkryetarja e këtij institucioni, Ditmire Shehu deklaroi se disa anëtarë të Komisioneve Zgjedhore nuk iu përmbahen rregullave të parapara me ligj, duke shkel kështu Kodin Zgjedhor.

“Disa anëtarë të Këshillave zgjedhor nuk iu përmbahen udhëzimit për votim për zgjedhjet presidenciale dhe parlamentare të ditës së sotme, apo 8 majit. Të nderuar anëtarë të Këshillave Zgjedhorë, ju lutemi që tu përmbaheni në përpikshmëri detyrave dhe obligimeve që dalin nga Kodi Zgjedhor dhe nga aktet nënligjore të KSHZ-së…Votuesi mund të paraqitet në vendvotim vetëm njëherë për të ushtruar të drejtën e tij të votës.

Në disa komuna kishim, shkelje, kemi dërguar vërejtje tek të njëjtat dhe shpresojmë se i njëjti gabim nuk do të përsëritet. Ka disa komuna ku është regjistruar shkelja e Kodit Zgjedhor”, tha Shehu.

Lajme nga vendi

Avokati i Popullit ka pranuar 30 telefonata për shkelje të së drejtës së votës

Published

1 day ago

May 8, 2024

TetovaExpres

Zyra e Avokatit të Popullit njoftoi se kanë pranuar 30 telefonata dhe një person i ka kontaktuar personalisht. Shumica e ankesave janë për atë pse u pyetën nëse dëshironin të votonin për zgjedhjet presidenciale apo parlamentare.
Disa persona thirrën dhe u ankuan nga shtëpitë e të moshuarve se nuk mund të ushtrojnë të drejtën e tyre për të votuar. Ankesa ka edhe nga punonjës të sektorit privat të cilët nuk janë liruar sot nga detyra.

Avokati i Popullit njoftoi se nga ora 07:00 deri në 19:00 qytetarët do të mund të paraqesin çdo shkelje të së drejtës së votës në linjën telefonike falas 0800-543-21 ose personalisht në zyrat në Shkup, Strumicë, Kërçovë, Tetovë. Manastir, Shtip dhe në Kumanovë.