Lajme nga vendi
Debat publik për ndryshimet e Ligjit për shërbimet audio dhe audiovizuale mediatike

Debat publik për Propozim ligjin për ndryshim dhe plotësim të Ligjit për shërbime audio dhe audiovizuale mediatike do të mbahet sot në Klubin e deputetëve në Shkup, në organizim të Ministrisë së Shoqërisë Informatike dhe Administratës.
“Qëllimi i Propozim ligjit për ndryshim dhe plotësim të Ligjit për shërbime audio dhe audiovizuale mediatike është vendosja e mënyrës së zgjedhjes së emetimit të fushatave shtetërore me qëllim të transparencës më të madhe gjatë zgjedhjes si dhe zbatimi dhe emetimi i tyre më i shpeshtë me qëllim të ngritjes më të madhe të vetëdijes publike. Saktësohen edhe dispozitat për riemetim të serviseve programore të cilat kanë të bëjnë me rregullimin e të drejtave autoriale dhe të ngjashme në territorin e shtetit”, thekson MSHIA në Propozim ligj.
Ministri i Shoqërisë Informatike dhe Administratës, Azir Aliu në intervistë për MIA-n në prag të debatit publik tha se pret nga të gjitha palët të bëhet ligji që do të jetë në kahje të asaj që kërkohet nga direktivat e BE-së dhe me të cilin do të përmirësohet hapësira mediatike.
“Për momentin po analizojmë katër nene të ligjit. Ato janë të rëndësishme për atë infrastrukturë. Neni i parë është mundësia që shteti të krijojë rregullativë për të drejtat autoriale, ndërsa i dyti është për atë që të përpunohet neni i famshëm 102 në mënyrë që të jetë në pajtim me direktivat e BE-së, sepse tnai nuk mund të përdoret, është i ndaluar, por nga ana tjetër nevoja për institucionet publike dhe komunikimi me qytetarët është rrezikuar. Shohim nga ai aspekt të gjejmë mënyrë sipas direktivave të BE-së, punojmë së bashku edhe me ekspertë lokal edhe me ata ndërkombëtarë, por gjithashtu janë të përfshira të gjitha palët. E di se nuk janë ligje të lehta, prandaj me siguri edhe zgjasin shumë, me vite, por personalisht i dhashë vetes për obligim të mundet mke ato ligje të përballemi me të gjitha sfidat dhe një ditë të kemi zgjidhje për ato sfida”, tha Aliu.
Në arsyetimin e Propozim ligjit është cekur se me nenin 7 nga propozim ligji, pas kreut V shtohen dy krerë të rinj V-a dhe V-b. Kreun V-a (Fushata nga fushata shtetërore në nivel qendror) e përbëjnë pesë nene të reja, 101-а, 101-b, 101-v, 101-g dhe 101-d, me të cilat rregullohen çështjet rreth zbatimit të fushatave shtetërore, komisioni për vendim-marrje pas fushatës shtetërore në nivel qendror, financim të fushatave shtetërore në nivel qendror, zgjedhje e zgjidhjes ideore për fushatë shtetërore në nivel qendror dhe çmimore për emetim. Kreun V-b (Fushata shtetërore në nivel lokal) e përbëjnë pesë nene të reja 101-gj, 101-е, 101-zh, 101-z dhe 101-x dhe me to rregullohen çështjet lidhur me zbatimin e Fushatës shtetërore në nivel lokal, komisioni për vendim-marrje ças fushatave shtetërore në nivel loka, financim të fushatave shtetërore në nivel lokal, zgjehdja e zgjidhjes ideore për Fushatë shtetërore në nivel lokal dhe çmimore për emetim.
“Me nenin 8 të propozim ligjit, neni 102 i ligjit fshihet. Me nenin 9 të propozim ligjit, në nenin 105, paragrafi 1 nga ligji në pikëpamje të financimit të veprimtarisë radiodifuzive, për punën dhe zhvillimin e Radio Televizionit të Maqedonisë së Veriut, Ndërmarrjes publike Radiodifuzioni i Maqedonisë së Veriut dhe Agjencia për shpërbime audio dhe audiovizuale mediatike, 1 për qind zëvendësohet me 0,9 për qind dhe shtohet paragrafi i ri 2 me të cilin caktohen mjetet për financim të fushatave nga fushatat shtetërore”, qëndron në arsyetim.
Lajme nga vendi
Njëmbëdhjetë persona në kontakt me të punësuaren e hospitalizuar në Klinikën infektive nën mbikëqyrje 14-të ditore

Njëmbëdhjetë persona në kontakt me një të punësuare të shtruar në Klinikën infektive janë nën mbikëqyrje 14-të ditore, pasi ajo është diagnostikuar me ethe hemorragjike krimea kongo, informoi sot Renata Mlladenovska, drejtore e Inspektoratit Shtetëror Sanitar dhe Shëndetësor (ISHSSH).
“Pas marrjes së informacionit nga Instituti për Shëndet Publik, të njëjtën ditë, pra më 5 gusht, ekip i epidemiologëve nga Qendra për Shëndet Publik – Shkup, ka kryer kontroll epidemiologjik, janë bërë anketa dhe kontakte. Informacioni është ndarë dhe me ISHSSH-në dhe si institucion lëshuam edhe 11 zgjidhje, ato janë kontakte të tashmë pacientes së shtruar e cila është edhe e punësuar në Klinikën infektive. Ato 11 kontakte do të jenë nën mbikëqyrje shëndetësore 14-ditore”, tha Mlladenovska.
Ajo sqaroi se çfarë nënkupton mbikëqyrja shëndetësore.
“Pacientja, përkatësisht kontaktet do të duhet të paraqiten dhe të jenë në kontakt të vazhdueshëm me epidemiologun kujdestar nga Qendra për Shëndet Publik – Shkup, nuk është izolim klasik, megjithatë nuk duhet të kenë kontakt me të tjerët – nëse është familja e ngushtë, thjesht të durojnë këto 14 ditë që të mos përhapet ky infeksion dhe shpresoj që ky të jetë rasti i fundit. Sa u përket 29 kontakteve të mëparshme, nga ato 29 kontakte, një është konfirmuar si rast, kemi mbikëqyrje shëndetësore, vendime të marra për 40 persona”, ka thënë Mlladenovska.
E pyetur nëse këta 11 kontakte janë të gjithë nga Klinika infektive apo familja, ajo sqaroi se nga këta 11, dhjetë persona janë nga familja e ngushtë e pacientes dhe një kontakt është e një kolege të saj poashtu nga Klinika infektive.
Më herët, kryetari i Komisionit për Sëmundje Infektive, Zllate Mehmedoviq, tha për MIA-n se Komisioni absolutisht qëndron prapa asaj që është bërë nga Instituti i Shëndetit Publik, masat e ndërmarra dhe rekomandimet që jepen.
Nga ajo që kanë parë, shtoi ai, rasti i parë është rast i infektimit të drejtpërdrejtë, ndërsa i dyti me gjasë është gjatë transmetimit përmes gjakut të kontaminuar.
Në rastin e parë të infeksionit të drejtpërdrejtë ndërroi jetë një paciente 27-vjeçare, pas infektimit nga pickimi i rriqrës.
Lajme nga vendi
Dogana e Maqedonisë ka konfiskuar fletobligacione në vlerë 92 milionë dollarë nga një shtetas i Turqisë

Drejtori i Doganave, Stefan Bogoev në një konferencë të jashtëzakonshme për shtyp njoftoi se Doganat e Maqedonisë së Veriut kanë konfiskuar fletobligacione në vlerë të 92 milionë dollarëve, shkruan TV21. Bogoev tha se janë konfiskuar 184 fletobligacione me vlerë të veçantë nominale prej 500 mijë dollarëve.
“Obligacionet janë gjetur tek një udhëtar, shtetas i Turqisë, i cili ka ardhur me fluturim të rregullt nga Stambolli dhe është përcaktuar për të kaluar në të ashtuquajturin “kanal i gjelbër”, respektivisht se nuk ka mall për të deklaruar, ndërsa gjatë kontrollit me skaner dhe kontrollit shtesë të detajuar, tek i njëjti janë gjetur në 4 dosje brenda një çante të zezë”, tha mes tjerash Bogoev duke shtuar se personi në fjalë është dënuar nga gjykata e vendit, ndërsa fletobligacionet i janë dorëzuar Agjencisë për Menaxhim me Pronë të Konfiskuar.
Lajme nga vendi
100 ushtarë nesër nisen për në Slloveni, janë kërkuar mjete materiale dhe teknike

Nesër në mëngjes ushtarët maqedonas duhet të nisen për në Slloveni, ku do të ndihmojnë në përballimin e përmbytjeve katastrofike. Këtë e theksoi sot ministrja e Mbrojtjes, Slavjanka Petrovska, duke theksuar se nuk ka pasur vonesa në ndihmën e ofruar.
Që në momentin e parë kur ndodhi aksidenti, e gjithë maja e shtetit kontaktoi autoritetet atje dhe ne i dhamë mbështetjen tonë vetëmohuese. Nga ata na thanë se sapo të bëjnë analizat do të dorëzohen kërkesat dhe kanë mbërritur dje. Për këtë kemi reaguar menjëherë dhe sot në seancën e Qeverisë do të marrim vendim që të dërgohen 100 ushtarë nga përbërje të ndryshme, të cilët do t’u përgjigjen nevojave të ushtrisë dhe shtetit slloven, tha Petrovska.
Ministri sqaroi se ushtarët tanë tashmë janë gati. Në kërkesë thuhet se kërkohen 200 ushtarë.
Sipas saj, janë kërkuar mjete të tjera materialo-teknike të cilat nuk jemi në gjendje t’i dorëzojmë.
Presidenti Stevo Pendarovski dje në bisedë me presidenten sllovene Natasha Pirc-Musar shprehu keqardhje dhe keqardhje për Slloveninë dhe gjithë banorët e saj për humbjet dhe dëmet e pësuara nga vërshimet, të cilat ishin të përmasave të mëdha, dhe shprehu gatishmërinë për të ndihmuar.
-
Lajme nga vendi1 year ago
Zyra e Avokatit të Popullit në Tetovë sot do të jetë e hapur
-
Lajme nga vendi1 year ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi9 months ago
Kovaçevski paralajmëroi drejtor të ri të Drejtorisë për Zbatimin e Sanksioneve