Connect with us

Lajme nga rajoni

Escobari sot raporton për dialogun Kosovë-Serbi, detaje nga përmbajtja e dokumentit që ia ka dërguar Kongresit

Published

on

Gabriel Escobar, emisar i Shteteve të Bashkuara të Amerikës për Ballkanin Perëndimor, të martën (sot), do të raportojë para Kongresit Amerikan për përgjegjësitë me të cilat është i ngarkuar t’i kryejë.

Këto përgjegjësi përfshijnë edhe Kosovën, ku muajve të fundit ka pasur tensione. Tashmë ai ia ka dërguar një dokument Kongresit për zhvillimet dhe perspektivën përpara.

Ai në fokus kryesor pritet ta ketë nevojën e zbatimit të Marrëveshjes për Rrugën drejt Normalizimit, e cila përfshin edhe obligimin për themelimin e Asociacionit të komunave me shumicë serbe.

Po ashtu këtu përfshihet edhe themelimi i Asociacionit të Komunave me Shumicë Serbe.

“Elementi kyç është përmbushja e obligimit të Kosovës për themelimin e Asociacionit të Komunave me shumicë Serbe në vitin 2013. AKS do të fuqizonte komunat me interesa të përbashkëta, gjuhë dhe kulturë për të koordinuar sfidat e përbashkëta në ofrimin e disa shërbimeve publike, duke përfshirë arsimin, kujdesin shëndetësor dhe zhvillimin ekonomik lokal. Për më tepër, Kosova dhe Serbia ranë dakord të njohin reciprokisht dokumentet dhe simbolet kombëtare”, thuhet në dokumentin të cilin ai pritet t’ua paraqes kongresistëve”, thuhet në dokument.

Ndër tjerash përmendet edhe marrëveshja e Ohrit dhe mundësia e zbatueshmërisë së asaj marrëveshjeje.

Advertisement

”Që kur palët arritën këto marrëveshje, ka pasur provokime serioze, tensione të përshkallëzuara dhe dhunë të papranueshme nga protestuesit serbë kundër KFOR-it, policisë dhe gazetarëve në veri të Kosovës. Si përgjigje, NATO vendosi elementë të forcave rezervë për të përforcuar misionin; mban një qëndrim të zgjeruar në veri të Kosovës për të siguruar një mjedis të sigurt dhe të sigurt në përputhje me mandatin e saj të OKB-së”, thuhet ndër tjerash.

 

Advertisement

Lajme nga rajoni

Tentativa e 12-të për konstituimin e Kuvendit të Kosovës

Published

on

Lëvizja Vetëvendosje ka propozuar Albulena Haxhiun për kryetare të Kuvendit, gjersa partitë tjera, PDK, LDK e AAK, nuk po e përkrahin, duke thënë se nuk është person unifikues.

E sot, deputetët do të mblidhen pas dështimit të 11 seancave për konstituim.

Të hënën, kryetari i LVV-së, Albin Kurti i ka dërguar një letër kryetarit të Lidhjes Demokratike të Kosovës, Lumir Abdixhiku, përmes së cilës i ka ftuar në koalicion qeverisës.

Pas kësaj letre, të martën është mbledhur kryesia e LDK-së, gjersa kryetari i kësaj partie ka mbajtur edhe një konferencë për media.

Abdixhiku në këtë konferencë ka propozuar një qeveri tranzicionale, duke refuzuar kështu koalicion qeverisës vetëm me LVV.

Advertisement

“Kam marrë një letër nga kryetari i VV-së dhe i nxitur nga konsiderata për votuesit e VV-së, kam ndjerë nevojën që t’i përsëris qëndrimet dhe bindjet tona mbi çështjet qe janë ngritur mbi atë. LDK-ja duke parë stagnimin 4-vjeçar, e kam fjalën për aleancat e rrezikuara, rrezikimin e sigurisë nacionale…

E kam vlerësuar të pamundur bashkëpunimin me z.Kurti. Por, sot vendi është në krizë të thellë institucionale, pikërisht për shkak të partisë së parë. Dhe zgjidhjen nga kjo bllokadë LDK-ja e konsideron të domosdoshme. Propozojmë nisjen e një procesi të ri politik. Në përputhshmëri me këtë LDK-ja propozon nisjen e këtij procesi me të gjitha partitë për nisjen e një qeverie nacionale te tranzicionit”, ka deklaruar ai.

Abdixhiku ka ftuar të gjitha partitë që të bëhen bashkë dhe të ofrojnë zgjidhje.

“Një qeveri me afat të caktuar, deri në zgjedhjen e presidentit të ri”, theksoi Abdixhiku.

Në konferencën për media, ai ftoi Kurtin dhe liderët tjerë politikë për një takim rreth kësaj nisme.

Advertisement

Ai pohoi se kjo do të ishte një qeveri me afat të shkurtër, derisa tha se duhet krijuar qeveria në mënyrë që të shkohet në zgjedhje.

“Qëndrimi i LDK-së është i pandryshuar, pavarësisht a vjen një letër apo disa. Nuk e kam ndërmend ta tradhtoj votuesin e LDK-së. Votuesit tanë le të ndihen të qetë, pra po flas vetëm për një zgjidhje në mes të krizës”, ka pohuar ai.

Continue Reading

Lajme nga rajoni

Kosovë Ekspozita “Urat” hapet në Prishtinë, prezantohet trashëgimia kulturore e Arabisë Saudite

Published

on

Kryesia e Bashkësisë Islame të Kosovës, në bashkëpunim me Ministrinë e Çështjeve Islame të Mbretërisë së Arabisë Saudite, ka hapur zyrtarisht ekspozitën “Urat” në Prishtinë.

Kjo ekspozitë synon të shpalosë dhe promovojë trashëgiminë e pasur kulturore, fetare dhe historike të Mbretërisë Saudite për publikun kosovar dhe më gjerë.

Në ceremoninë e hapjes morën pjesë personalitete të rëndësishme të jetës politike dhe kulturore të Kosovës, përfshirë kryeministrin në detyrë, Albin Kurti, si dhe kryetarin e Komunës së Prishtinës, Përparim Rama.

Kurti, ndër të tjera gjatë një fjalimi të shkurt, ka theksuar se emri i ekspozitës “Urat” është mjaft i qëlluar, pasi përfaqëson më së miri traditën kulturore arabe dhe veçanërisht atë të Mbretërisë së Arabisë Saudite.

“Arabia Saudite ka qenë pranë popullit të Kosovës ne moment kyçe të historisë sonë më të re. Mbështetja ofruar nga ky shtet mik, sidomos gjatë periudhave të vështira ka qenë thelbësore për Kosovë dhe është dëshmie e një miqësie të fortë e të sinqertë… Kjo ekspozitë nuk do mund të kishte emër më ekspozues për traditën arabe në përgjithësi dhe mbretërinë e Arabisë Saudite, në veçanti, sesa emri i tanishëm ‘Urat’”, ka thënë Kurti.

Advertisement

Në fjalën e tij, kreu i Bashkësisë Islame të Kosovës, Naim Tërnava, theksoi rëndësinë e këtij bashkëpunimi kulturor

“Ky angazhim pasqyron bashkëpunim e dyja palëve për përforcimin e dy kulturave, për njohjen e vlerave sublime të islamit, inkurajimin e dialogut konstruktiv dhe ndërtimin e urave mes komuniteteve përmes artit…”, ka thënë Tërnava.

Ekspozita “Urat” paraqet një pasqyrë të gjerë të traditave të Arabisë Saudite përmes artefakteve kulturore, fotografive historike dhe elementeve të tjera vizuale që ilustrojnë kontributin e këtij shteti në historinë dhe zhvillimin e qytetërimit islam. Nëpërmjet kësaj ekspozite, vizitorët kanë mundësinë të njihen më nga afër me aspektet shpirtërore dhe kulturore që kanë ndërtuar ura komunikimi ndërmjet popujve myslimanë.

Continue Reading

Lajme nga rajoni

Autobusi përmbyset në Antalia të Turqisë, të paktën 18 turistë rusë u plagosën

Published

on

Të paktën 18 turistë rusë u plagosën mëngjesin e 29 prillit pasi autobusi ku po udhëtonin u përmbys në lagjen Manavgat të Antalyas në Turqi.

Autobusi po transportonte turistë për në hotelin e tyre kur shoferi raportoi se kishte humbur kontrollin e automjetit, duke bërë që ai të përmbysej pranë një grumbulli serrash. Incidenti ndodhi rreth orës 8:00 të mëngjesit.

Ekipet e emergjencës mbërritën menjëherë në vendngjarje dhe të gjithë pasagjerët e lënduar u transportuan në spitalet më të afërta për trajtim mjekësor.

Autoritetet lokale kanë hapur një hetim për të përcaktuar shkakun e aksidentit.

Continue Reading

Më të lexuarat