Lajme nga vendi
Rritja e pagave të zyrtarëve shton revoltën, kërkesa për rritje pagash në më shumë sektorë
Te të punësuarit në sektorin publik sa vjen e shtohet revolta për mos rritje të pagave. Madje në disa institucione të shtetit vetëm se kanë filluar protesta periodike gjatë orarit të punës. Hapi i radhës, sipas sindikalistëve është greva e përgjithshme. Mosmarrëveshja me autoritetet për unifikim të metodologjisë së re të pagave ka bërë që Lidhja e Sindikatave të Maqedonisë të ngre alarmin si asnjëherë më parë. Por, pakënaqësi të mëdha ka edhe në sektorin privat. Ivan Peshevski, Sindikata e Ndërtimtarisë dhe Industrisë tha se ideja për protestë vlon edhe te të punësuarit në kompanitë private, të cilët nuk janë të kënaqur me rrogat. Peshevski tha se punëdhënësit kanë abuzuar me fondet e shteti dhe masat lehtësuese, por asnjëherë nuk kanë përmirësuar kushtet e punëtorëve vetëm atëherë kur ka pasur kriza të ikjes masive.
“Do të vazhdojnë trysnitë tona jo vetëm në sektorin publik por edhe në atë privat sepse një pjesë e madhe e të punëdhënësve aty ku nuk e kanë pasur patjetër tu rritin pagat, iu kanë lënë të njëjta. Duke i thirrur në atë se mbushin standardin e pagës minimale por ato është pagë sociale që në këtë krizë nuk mjafton as paga mesatare dhe duhet patjetër të bëhet riorganizimi në ato sektorë”, deklaroi Ivan Peshevski, Sindikata e Ndërtimtarisë, Industrisë dhe Planifikimit.
Sipas ekspertëve ky mllef u shtua kur funksionarët e shtetit, vetes ia rritën pagën 2 mijë denarë në ditë, kurse vetëm një pjese të sektorit publik u rritën pagat veç 2 mijë denarë në muaj. Profesori ekonomisë Abil Baushi thotë se rritja e pagës minimale nuk është për tu lavdëruar nga autoritetet kur inflacioni dy shifrorë ka shkrirë edhe pagat mesatare. Ai tha se formulimi i pagave është bërë në qindra mënyra dhe ka krijuar padrejtësi ndërmjet të punësuarëve dhe treg jo lojal të punës.
“Patjetër duhet të ketë shpejtë metodologji të re të pagave, jo vetëm në rritje të pagave por edhe kushtet më të mira dhe rezultate në punë të sektorit publik. Rritja e pagës minimale e ngacmoi sektorin privat, mendoj se atyre iu paraqiti një shtesë. Nëse fillojnë paralajmërimet për rritje shtesë të energjisë elektrike dhe energjensave tjera, ata do të kërkojnë një alternativë tjetër për ti mbajtur punëtorët. Kërkesat e tyre do të shtohen me presion ndaj Qeverisë”, tha Abil Baush, profesor i ekonomisë.
Në shtetin tonë ku ka rreth 1.8 milion banorë, në sektorin publik janë të punësuar mbi 130 mijë të cilët marrin rrogë nga buxheti i shtetit kurse në sektorin privat janë të punësuar rreth 350 mijë. Nga e gjithë kjo shifër e të punësuarëve në vendin tonë ¼ marrinë paga minimale, diçka mbi 20 mijë denarë. Në vendet e Evropës tre të punësuar duhet të mbulojnë shpenzimet e një pensionisti, kurse te ne duhet 6 të punësuar të mbushin normën e Fondit Pensional për një pensionist. Gjithsesi, kontributi i punëtorit në sektorin privat përveç tjerash, siguron në buxhet edhe një pagë të atyre në sektorin publik./tvnews/
Lajme nga vendi
Janevska paralajmëroi zgjidhje sistematike për angazhimin e asistentëve: Nga janari do të jenë prezent edhe në shkollat e mesme
Sot, asistentët arsimorë filluan të nënshkruajnë kontrata pune me shkollat për këtë vit shkollor, ndaj mund të mos fillojnë menjëherë punën të gjithë. Por në ditët në vijim ky proces do të përfundojë. Kështu deklaroi sot ministrja e Arsimit, Vesna Janevska, gjatë vizitës së saj në shkollën fillore “Gjorgija Pulevski” në Komunën e Aerodromit, nga ku duke folur për mungesën e asistentëve në shkolla, paralajmëroi se problemi do të zgjidhet sistematikisht në të ardhmen, transmeton Portalb.mk.
Zvarritjen e angazhimit të asistentëve në fillim të vitit shkollor Janevska e arsyeton me pritjen e ribalancimit të buxhetit dhe siç tha ajo me funksionimin e shkollave në mënyra të ndryshme.
“Qendra burimore “Zlaten Sremec” që mbulon këtë territor e përfundon me sukses procesin, sot në këtë shkollë, besoj edhe në të tjerat, ka asistentë të arsimuar”, thotë ajo.
Sipas saj, po punohet për një zgjidhje sistematike për angazhimin e asistentëve, gjegjësisht është paralajmëruar se ligjet e reja për arsimin fillor, të mesëm dhe të mesëm profesional do të përcaktojnë një afat në të cilin duhet të përfundojë e gjithë procedura, gjegjësisht në muajin qershor do të dihen asistentët arsimorë për vitin e ardhshëm shkollor.
“Është risi e madhe që ne ofrojmë asistentë arsimorë edhe për shkollat e mesme, gjë që nuk ka qenë më parë. Ajo që mendoj se është e rëndësishme është që asistentët ta ndjekin nxënësin gjatë gjithë procesit të tij arsimor, përveç rasteve kur asistenti vendos të tërhiqet nga ky proces ose me këmbënguljen e prindërve që fëmija i tyre të arrijë sukses më të mirë me një asistent tjetër, sepse ndonjëherë është ndryshimi i nevojshëm i asistentit. Pra do ta zgjidhim të gjithë procesin sistematikisht, që në të ardhmen të mos kemi probleme”, tha ajo.
Ajo pret të ketë asistentë arsimorë në shkollat e mesme sa më parë në janar 2025.
“Ligji do të hidhet në diskutim publik shumë shpejt, do ta shohin të gjithë dhe do të mund të reagojnë nëse kanë kundërshtime për disa pika. Duhet të përfundojë, pastaj të kalojë në Qeveri, për t’u dorëzuar në Kuvend”, thotë Janevska.
Qysh në javën e kaluar ministrja bëri të ditur se nga sot do të zgjidhet problemi me asistentët. Për problemin me mungesën e asistentëve ajo fajësonte vetë shkollat dhe drejtorët e tyre.
Në fillim të vitit shkollor në shkollat e vendit janë punësuar 815 asistentë, ndërsa procedura për punësimin e tyre është në vazhdim për 200 asistentë.
Asistentët edukativë duhet të ndihmojnë nxënësit me nevoja të veçanta të ndjekin më lehtë mësimin dhe të zotërojnë materialin mësimor.
Komisioni Rregullator për Energjetikë (KRRE) solli vendimin, me të cilin bëhet ulja e çmimeve të shitjes me pakicë të derivateve të naftës, mesatarisht 1,79 % në raport me vendimin e datës 6.9.2024.
Nga data 11.9.2024, ora 00:01 çmimet maksimale të derivateve të naftës do të jenë:
EUROSUPER BS – 95 74,00 (denarë/litër)
EUROSUPER BS – 98 76,50 (denarë/litër)
EURODIZEL BS (D-E V) 68,50 (denarë/litër)
Vaj për Djegie Ekstra i Lehtë 1 (EL-1) 67,50 (denarë/litër)
Mazut М-1 SU 43,507 (denarë/kilogram)
Çmimi i shitjes me pakicë i benzinës EUROSUPER BS-95 ulet për 0,50 den/l.
Çmimi i shitjes me pakicë i benzinës EUROSUPER BS-98 ulet për 2,00 den/l.
Çmimet e shitjes me pakicë të EURODIZELIT (D-Е V) dhe të Vajit Ekstra të Lehtë për Amvisëri (ЕL-1) ulen për 1,00 denarë/litër.
Çmimi i shitjes me pakicë i Мazutit М-1 SU ulet për 1,273 den/kg dhe do të jetë 43,507 den/kg.
Lajme nga vendi
Skandalet përfshijnë Ministrinë e Bujqësisë, ministri i ri Tripunovski shpalos shpërdorimet
Ministri i Bujqësisë Cvetan Tripunovski, publikoi dy rastet e para, nga gjithsej 5 rastet e keqpërdorimit të parave të shtetit, të cilat kanë ndodhur gjatë kohës kur me ministrinë e bujqësisë e udhëhiqte Ljupço Nikollovski nga LSDM. Tripunovski tha se gjatë kësaj periudhe, persona të caktuar juridikë, edhe pas mosrespektimit të marrëveshjeve, kanë vazhduar të jenë shfrytëzues të parave të shtetit në formë subvencionesh. Ministri Tripunovski thotë se bëhet fjalë për dy subjekte juridike që kanë dëmtuar buxhetin e shtetit në vlerë prej 765 mijë euro. Ministri tha se aktualisht po punohet në 5 raste, por vetëm për dy rastet që u publikuan sot, janë siguruar dëshmi të forta. Tripunovski ftoi institucionet kompetente të punojnë në zbardhjen e plotë të këtyre rasteve. /Alsat.mk
Janevska paralajmëroi zgjidhje sistematike për angazhimin e asistentëve: Nga janari do të jenë prezent edhe në shkollat e mesme
Nga mesnata ulen çmimet e derivateve të naftës
Skandalet përfshijnë Ministrinë e Bujqësisë, ministri i ri Tripunovski shpalos shpërdorimet
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve