Lajme nga vendi
Tetovë : 100 masa për drejtimin e automjeteve pa kaluar provimimin për patent shofer
Në gjysmën e parë të kaluar të këtij muaji, deri më sot (16-qershor) në rajonin më të gjërë të Tetovës janë shqiptuar gjithsej 100 masa për drejtimin e automjeteve pa kaluar provimimin për patent shofer dhe pa leje të vlefshme informon Tetovasot. Më së shumti ka bëhet fjalë për të rinjtë e moshës së shkollës së mesme që drejtonin automjetet, kryesisht nëpër rrugët e qytetit, në shkollat e tyre apo në ambientet hotelierike ku qëndronin dhe argëtoheshin këto ditë. Të gjithë janë përjashtuar nga trafiku dhe për ta janë përgatitur parashtresa në përputhje me nenin 225 të Ligjit për siguri në komunikacionin rrugor, i cili parasheh gjobë prej 250 euro në kundërvlerë në denarë. Gjithashtu, një gjobë e tillë i pret edhe pronarët e automjeteve që i lënë të drejtojnë, edhe pse e dinin se nuk kishin patentë shoferi, kanë lejuar që veturat e tyre ti drejtojnë.
Sektori i Punëve të Brendshme Tetovë rikujton dhe apelon para së gjithash adoleshentët e rinj që të përmbahen nga ngasja pa e dhënë provim për patent shofer, sepse në këtë mënyrë rrezikojnë sigurinë e tyre dhe të përdoruesve të tjerë të rrugës. Krahas kësaj, këshillohen të gjithë drejtuesit e mjeteve që të kenë kujdes të madh dhe të përshtasin shpejtësinë e tyre sipas kushteve të rrugës, pasi për shkak të reshjeve të gjata të shiut, rrugët janë shumë të lagështa dhe të rrëshqitshme, dhe në disa vende të mbushura me ujë. Ata këshillohen që të kenë kujdes edhe ndaj këmbësorëve përreth që të mos i spërkasin me ujë, pasi kjo paraqet kundërvajtje, për të cilën gjoba është 35 euro në kundërvlerë në denarë.TS
Në Tetovë, Bashkësia Islame e Maqedonisë së Veriut dhe Myftinia e Tetovës organizuan Manifestimin fetar, “Mirë e vjen Ramazan”. Ky manifestim bëri bashkë përfaqësues të jetës fetare, politike e shoqërore, organizuar në në shenjë respekti për ardhjen e muajit të bekuar të Ramazanit.
Ilahi, ligjërata fetare, monolog teatror, lexim të Kuranit famëlartë, fëmijë e të rritur pjesë e manifestimit, ishte kryefjala e Manifestimit të mbrëmshëm fetar “Mirë se vjen Ramazan”.
Si zakonisht në kësi eventesh Pallati I Kulturës në Tetovë ishte I stërmbushur me të pranishëm.
Myftinia e Tetovës njoftoi se për muajin e shenjtë të Ramazanit ka organizuar aktivitete të larmishme që krahas shënimit Ditës së Bedrit dhe Natës së Kadrit, do të organizojë edhe aktivitete të përditshme nëpër xhamitë e Tetovës me rrethinë.
Myftiu I Tetovës, Dr.Selver ef.Xhemaili, në fjalën e rastit potencoi rëndësinë e muajit të bekuar të Ramazanit.
DR.SELVER EF.XHEMAILI – MYFTI I TETOVËS
“Në këtë muaj Kurani lexohet më shumë, xhamitë mbushen më shumë, familjet bashkohen, zemrat zbuten, faljet shtohen. Edhe njerëzit që gjatë vitit janë larg fesë në Ramazan ndjejnë dicka ndryshe. Kjo është sepse Ramazani nuk troket vetëm në dyert e shtëpisë, por troket në derën e shpirtit. Agjërimi na mëson kontrollin dhe ai nuk është vetëm për prindin dhe gjyshin. Ramazani është Shansi jonë për ta ndërtuar karakterin. Ky muaj na mëson durimin kur je I urritur, edukatën kur je I nervozuar, respektin kur dikush të provokon dhe vetkontrollin kur askush nuk të sheh”
Jetojmë në kohëra të sfidueshme globale, ku edhe shoqëria jonë nuk është imune ndaj disa devijimeve – u tha në ligjëratat fetare. Ramazani vjen për të na rikujtuar se duhet të kthehemi te origjinaliteti.
DR.QENAN EF. ISMAILI – MYFTI I SHKUPIT
“Dhe, ja. Vjen Ramazani që të na I rikujtojë të gjitha këto. Vjen Ramazani për të na kthyer në origjinalen. Vjen Ramazani për të na I rikujtuar vlerat tona, si njerëz dhe si besimtarë musliman”
Gjatë ligjëratave nuk u anashkalua edhe dobia nga Agjërimi, për të cilën u tha se nuk është vetëm uri dhe etje, por paraqet ngopje shpirtërore.
PROF.DR.MUSA MUSAI – TEOLOG
“Nga njëra anë është ajo “beteja” jonë fizike, për arsye se njeriu të investojë 11 muaj vetëm për trupin, vërtetë është kohë e gjatë për t`u çliruar prej kërkesave të trupit. Por, një muaj të investojmë për shpirtin do jetë investimi më I rëndësishëm për secilin prej nesh për ta kuptuar rëndësinë e fjalës se agjërimi nuk është vetëm uri dhe etje, por është ngopje shpirtërore, pa mëdyshje”
Për fund Myftinia e Tetovës ndau mirënjohje për të gjithë ata që kontribuan e kontribuojnë për mbarëvajtjen e këtij institucioni fetar sidomos në sferën e humanitetit por edhe mbulimit mediatik.
Në mesin e laureatëve ishte edhe Televizioni Koha, I cili gjatë muajit të bekuar të Ramazanit, përmes përmbajtjeve fetare dhe podcastit të organizuar në bashkëpunim me Myftininë e Tetovës, I cili do të emetohet çdo natë para Iftarit, do ta pasqyrojë jetën fetare në rajonin e Pollogut dhe jo vetëm.
Lidhja e Sindikatave të Maqedonisë bllokoi sot dyert e Qeverisë. Paralajmëruan se masa e ardhshme do të jetë greva e përgjitrhshme. Kërkesat e tyre mbeten të njëjta, mbështetje për propozimin për 600 euro pagë minimale dhe 100 euro rritje të pagave tjera. Sipas tyre, standardi I qytetarëve nuk mund t`u bëjë ballë rritjes së çmimeve.
Nëse nuk respektohen kërkesat e punëtorëve për rritjen e pagës minimale në 600 euro deri më shkurt, në mars paralajmërohet grevë e madhe e përgjithshme e punëtorëve. Paralajmërimi erdhi nga Lidhja e Sindikatave të cilët, pas Kuvendit dhe Odave Ekonomike, sot bllokuan Qeverinë.
Sipas tyre, jehona e dobët e protestës së sotme, është për shkak se punëtorët janë në vendet e tyre të punës. Paralajmërojnë që protesta e radhës do të mbahet në ditë jo pune në mënyrë që punëtorët ta shprehin pakënaqësinë nga paga minimale.
SLOBODAN TRENDAFILOV – LSM
“24 ministra, në seancën e sotme qeveritare duhet të propozojnë ndryshime dhe plotësime të Ligjit për pagë minimale, nëse duan të jenë me punëtorët. Deri në fillim të marsit nuk përjashtohet mundësia për bllokimin e institucioneve të targetuara në brendësi të vendit. Nëse vendosin në seancë qeveritare ta rrisin pagën minimale në 600 euro dhe pagat tjera për 100 euro, nuk do të më shohin më në TV, nëpër rrjetet sociale. Deri atëherë vazhdojmë aty ku qëndrojmë sot – në rrugë”
Lidhja e Sindikatave nuk heq dorë nga përpjekjet për të siguruar 10.000 nënshkrime që të kenë mundësi në Kuvend të dorëzohen ndryshime ligjore për uljen e pagave të funksionarëve dhe rritjen e pagës minimale.
Lajme nga vendi
Zëvendësdrejtori i Doganave zhvilloi sot një takim pune me Ambasadorin e Republikës së Turqisë në vend, Fatih Ulusoy.
Në takim u diskutua për bashkëpunimin ndërmjet institucioneve, me theks të veçantë në forcimin e marrëdhënieve ekonomike, lehtësimin e procedurave doganore dhe rritjen e shkëmbimevetregtare mes dy vendeve.
Zëvendësdrejtori Mustafa Dauti theksoi rëndësinë e komunikimit të drejtpërdrejtë institucional dhe koordinimit tëvazhdueshëm për përballimin e sfidave të përbashkëta në fushëne tregtisë dhe qarkullimit të mallrave. Ai nënvizoi gatishmërinëpër thellimin e bashkëpunimit profesional dhe krijimin e mekanizmave më efikasë që do të kontribuojnë në rritjen e transparencës dhe sigurisë në proceset doganore.
Nga ana e tij, Ambasadori Ulusoy rikonfirmoi përkushtimin e Turqisë për të mbështetur iniciativat që nxisin zhvilliminekonomik dhe partneritetin afatgjatë ndërmjet dy vendeve.
Bashkëbiseduesit vlerësuan se takime të tilla kontribuojnë nëforcimin e raporteve institucionale dhe në ndërtimin e bashkëpunimit të qëndrueshëm.
MILANO-CORTINA: AUSTRIA FITON TË ARTËN NË GARËN KËRCIME ME SKI
MANIFESTIMI FETAR “MIRË SE VJEN RAMAZAN” MAHNITI TETOVARËT!
LSM “BLLOKOI” QEVERINË – PARALAJMËROHET GREVË E PËRGJITHSHME!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
