Lajme nga vendi
“Kutia e Pandorës” ka arritur e paketuar në Shkup, kush do fitojë e kush do humbë pas hapjes së saj?

Shtetet e vogla shpeshherë vuajnë nga sindromi se janë qendra e botës. Është një dukuri normale. Mungesa e një territori të madh me pasuri të ndryshme natyrore, ekonomike, turisktike e gjëra tjera që shihen e vërehen, shtetet e vogla mundohen ta kompensojnë duke krijuar mite për madhështi, të cilën nuk e shohim edhe pse ekziston diku.
Ky sindrom është prezent pak a shumë edhe në vendin tonë. Shumë qytetarë të Maqedonisë së Veriut, pa marë parasysh etninë e tyre, mendojnë se nga ajo që ndodh tek ne varet fati i botës.
Edhe pse kjo nuk është e vërtetë shtetet dhe fuqitë e mëdha tregojnë tolerancë ndaj shteteve të vegjël, duke respektuar veçoritë e tyre.
Mirëpo situata ndryshon në momente vendimtare të zhvillimeve gjeo-strategjike. Moment i tillë është edhe momenti i tanishëm nëpër të cilin po kalon Evropa dhe bota. Tani si duket i ka ardhur fundi tolerancës të cilën e kanë treguar qendrat e vendimmarrjes dhe në Shkup kanë vendosur të sjellin “Kutinë e Pandorës”.
Për momentin ajo Kuti është e paketuar në pritje se do të vetëdijësohemi dhe se nuk do të ketë nevojë për hapjen e saj. Mirëpo nëse vetëdijesimi i (shumë)pritur nuk ndodh më shpejt, atëherë gjithsesi se kjo Kuti do të hapet.
Por, për dallim nga Kutia e Pandorës nga mitologjia greke, pas hapjes së cilës të gjitha të këqijat dolën dhe u shpërndanë në botë, “Kutia e Pandorës” që ka arritur në Shkup dhe po qëndron e paketuar në selitë e disa partive politike, me hapjen e saj do të sjellë më shumë të mira për qytetarët e Maqedonisë së Veriut.
Kuptohet se prej saj do të dalin edhe gjëra të këqija, por që kryesisht do të prekin politikën dhe politikanët. Do të prekin ata politikanë që vite e dekada kanë gënjyer se po punojnë për përmbushjen e kushteve për anëtarësim të Maqedonisë së Veriut në BE, por në fakt kanë punuar për interesin individual.
Kush e solli Kutinë e Pandorës në Shkup?
Është vështirë për të dhënë përgjigje të saktë ndaj kësaj pyetje, por në fund të fundit përgjigja e saj nuk është me rëndësi kyçe. Me rëndësi është se se brenda kësaj Kutie gjenden datat dhe afatet që duhet t’i respektojmë për të ndërmarrë hapa konkretë, ose në të kundërtën kompetencat kalojnë në nivel tjetër më të lartë. Brenda kësaj kutie gjenden vijat e kuqe dhe afatet që nuk guxon të shkelen. Poashtu qëndrojnë edhe vijat e kaltra, lidhur me detajet e lejuara. Në mënyrë precize qartësohet se lejohen akuza dhe kundërakuza mes partive politike, lejohet shprehja e gatishmërisë për dalje të ndonjë subjekti nga qeveria si sakrificë për integrim në BE, sikurse lejohet edhe nxjerrja e kushteve shtesë jo për të dalur por për të betonuar edhe më shumë qëndrimin në Qeveri. Lejohet edhe kyçja e ndonjë subjekti tjetër në Qeveri, lejohen takime zyrtare e jozyrtare, publike e sekrete mes politikanëve të ndryshëm, qofshin ata ende aktiv në politikë, ose ish politikanë që ende kanë ndikim në segmente të caktuara politike. Lejohet aktrim i angazhimit politik për vetting, për luftë kundër korrupsionit, e lejohen edhe kërkesa e aktrime për të bë brenda 2-3 ditëve diçka që nuk është bë 20-30 vite. Mirëpo fati ynë është se në “Kutinë e Pandorës” që ka arritur në Shkup, momenti është caktuar. Nuk mund të ketë një prolongim të këtij momenti, pa marrë parasysh se kush çka do të thotë, e kush çka do të bëjë ndërkohë. Kur të përputhen akrepat vendimi duhet të sillet ashtu siç e kërkon rendi, Ligji dhe Kushtetuta! Mjaft na ka ledhatuar bashkësia ndërkombëtare.
Ishte vetë Presidentja e Koisionit Evropian, Ursula von der Leyen, e cila brenda katër muajve dy herë erdhi në Shkup për të dhënë kontributin e saj personal dhe në emër të KE-së, që të tejkalojmë kushtin e mbetur për të filluar negociatat me BE-në.
“Ne kemi premtuar se nëse Maqedonia e Veriut me parlamentin e saj është në gjendje të ndërmarrë hapat e nevojshëm, kjo do të çonte në hapjen e negociatave të anëtarësimit. Më pas do të fillonte procesin e screening-ut të legjislaturës (Acquis) të BE-së, pa asnjë vonesë. Dhe mbi të gjitha do të respektonim plotësisht identitetin tuaj dhe gjuhën tuaj, që është gjuha maqedonase”, tha asokohe von der Leyen.
Ajo nuk kërkoi vetëm “sakrifikim” nga Maqedoni e Veriut, nëse mund të quhen ashtu ndryshimet kushtetuese, por njëkohësisht na e “vizatoi” se çka përfiton vendi ynë me këtë hap.
“Jini të sigurt se solidariteti dhe uniteti që tregojmë në Bashkimin Europian nënkupton edhe solidaritet dhe unitet me Maqedoninë e Veriut. Sepse ne jemi në këtë së bashku. Dhe kjo do të thotë se ne do ta zgjidhim këtë krizë dhe do ta kapërcejmë këtë krizë së bashku. Do të vazhdojmë të mbështesim miqtë tanë në Ukrainë. Dhe ne do të jemi shumë të fortë dhe të vendosur për të siguruar që këtu në Bashkimin Europian të kemi solidaritetin dhe unitetin që na nevojitet. Mesazhi im sot për qytetarët e Maqedonisë së Veriut është shumë i qartë: Bashkimi Europian është pranë jush. Ne jemi në këtë së bashku. Ne do ta kalojmë këtë së bashku dhe do ta kapërcejmë këtë krizë së bashku dhe do të shkojmë drejt një të ardhmeje më të mirë….
Më lejoni t’ju them se jam thellësisht e bindur se Bashkimi Europian nuk është i plotë pa Maqedoninë e Veriut. Ne duam t’ju kemi me vete. Ne jemi miq, jemi partnerë. Dhe një ditë, do të jemi së bashku në një Bashkim Europian”, ishin mesazhet e Von der Leyen të shprehura në fund të vitit të kaluar, por që sot e kësaj dite jehojnë në qiellin e Maqedonisë së Veriut, kuptohet për ata që kanë veshë për të dëgjuar.
Vizitat e miqve të Maqedonisë së Veriut nuk kanë pasur të ndalur edhe para edhe pas presidents Ursula vvon der Leyen. Janë të shumta në numër edhe vizitat edhe mesazhet e rëndësishme nga këto vizita. Një porosi e cila vlen të përmendet është ajo nga vizita e presidentes sllovene Natasha Pirc Musar gjatë qëndrimit të fundit dje në Shkup.
Ajo tha se Sllovenia pret që procesi i anëtarësimit të Maqedonisë në Bashkimin Evropian të vazhdojë pa vonesa të mëtejshme, ndërsa para kësaj do të duhet të ndryshohet Kushtetuta, ashtu siç ranë dakord Shkupi dhe Brukseli.
Pirc Musar kujtoi se edhe sllovenët kishin frikë se mundeshin të humbin identitetin dhe gjuhën kur ndryshuan Kushtetutën para se të hynin në Union, por, siç thotë ajo, asgjë nga këto nuk ndodhi. Rast më të ngjashëm se ky me rastin e Maqedonisë a mund të ketë?
“Është e rëndësishme të kemi unitet dhe mendim strategjik që duhet bërë pesë apo gjashtë hapa përpara, për të kuptuar se çfarë është e mirë për Maqedoninë dhe popullin maqedonas. Ju uroj sinqerisht që të keni mençuri të mjaftueshme politike për të ndryshuar Kushtetutën e Maqedonisë”, tha Natasha Pirc Musar.
Kemi edhe raste tjera
Turqia ndryshoi emrin e saj pas 70-80 viteve ekzistimi si shtet, për të përmirësuar imazhin ndërkombëtar, sepse në kohën e re që ka ardhur, emri “Turkye” tingëllon më mirë se emri “Turkey”. Kemi edhe rastin e Kroacisë e cila pas shumë vitesh negociata pranoi marrëveshje për Gjirin e Piranit me Slloveninë edhe pse konsiderohej si çështje shumë e dhimbshme pëpr opinionin e atjeshëm. Sërish bëhet fjalë për një vend që ka nivel më të lartë standardish që përputhen me BE-në se sa Maqedonia e Veriut, por në fund u desh patjetër të bëjë kompromis.
Janë këto leksione nga të cilat mund të mësojmë shumë. Nëse jo, atëherë do të presim të përputhen akrepat e orës der isa vendimi të sillet. Vonim kësaj radhe nuk do të ketë, kurse të këqijat e Kutisë së Pandorës, fatmirësisht kësaj radhe do të godasin vetë ata që do të duan të shkaktojnë vonim shtesë! Shkruan, Bexhet Musliu
Lajme nga vendi
Njëmbëdhjetë persona në kontakt me të punësuaren e hospitalizuar në Klinikën infektive nën mbikëqyrje 14-të ditore

Njëmbëdhjetë persona në kontakt me një të punësuare të shtruar në Klinikën infektive janë nën mbikëqyrje 14-të ditore, pasi ajo është diagnostikuar me ethe hemorragjike krimea kongo, informoi sot Renata Mlladenovska, drejtore e Inspektoratit Shtetëror Sanitar dhe Shëndetësor (ISHSSH).
“Pas marrjes së informacionit nga Instituti për Shëndet Publik, të njëjtën ditë, pra më 5 gusht, ekip i epidemiologëve nga Qendra për Shëndet Publik – Shkup, ka kryer kontroll epidemiologjik, janë bërë anketa dhe kontakte. Informacioni është ndarë dhe me ISHSSH-në dhe si institucion lëshuam edhe 11 zgjidhje, ato janë kontakte të tashmë pacientes së shtruar e cila është edhe e punësuar në Klinikën infektive. Ato 11 kontakte do të jenë nën mbikëqyrje shëndetësore 14-ditore”, tha Mlladenovska.
Ajo sqaroi se çfarë nënkupton mbikëqyrja shëndetësore.
“Pacientja, përkatësisht kontaktet do të duhet të paraqiten dhe të jenë në kontakt të vazhdueshëm me epidemiologun kujdestar nga Qendra për Shëndet Publik – Shkup, nuk është izolim klasik, megjithatë nuk duhet të kenë kontakt me të tjerët – nëse është familja e ngushtë, thjesht të durojnë këto 14 ditë që të mos përhapet ky infeksion dhe shpresoj që ky të jetë rasti i fundit. Sa u përket 29 kontakteve të mëparshme, nga ato 29 kontakte, një është konfirmuar si rast, kemi mbikëqyrje shëndetësore, vendime të marra për 40 persona”, ka thënë Mlladenovska.
E pyetur nëse këta 11 kontakte janë të gjithë nga Klinika infektive apo familja, ajo sqaroi se nga këta 11, dhjetë persona janë nga familja e ngushtë e pacientes dhe një kontakt është e një kolege të saj poashtu nga Klinika infektive.
Më herët, kryetari i Komisionit për Sëmundje Infektive, Zllate Mehmedoviq, tha për MIA-n se Komisioni absolutisht qëndron prapa asaj që është bërë nga Instituti i Shëndetit Publik, masat e ndërmarra dhe rekomandimet që jepen.
Nga ajo që kanë parë, shtoi ai, rasti i parë është rast i infektimit të drejtpërdrejtë, ndërsa i dyti me gjasë është gjatë transmetimit përmes gjakut të kontaminuar.
Në rastin e parë të infeksionit të drejtpërdrejtë ndërroi jetë një paciente 27-vjeçare, pas infektimit nga pickimi i rriqrës.
Lajme nga vendi
Dogana e Maqedonisë ka konfiskuar fletobligacione në vlerë 92 milionë dollarë nga një shtetas i Turqisë

Drejtori i Doganave, Stefan Bogoev në një konferencë të jashtëzakonshme për shtyp njoftoi se Doganat e Maqedonisë së Veriut kanë konfiskuar fletobligacione në vlerë të 92 milionë dollarëve, shkruan TV21. Bogoev tha se janë konfiskuar 184 fletobligacione me vlerë të veçantë nominale prej 500 mijë dollarëve.
“Obligacionet janë gjetur tek një udhëtar, shtetas i Turqisë, i cili ka ardhur me fluturim të rregullt nga Stambolli dhe është përcaktuar për të kaluar në të ashtuquajturin “kanal i gjelbër”, respektivisht se nuk ka mall për të deklaruar, ndërsa gjatë kontrollit me skaner dhe kontrollit shtesë të detajuar, tek i njëjti janë gjetur në 4 dosje brenda një çante të zezë”, tha mes tjerash Bogoev duke shtuar se personi në fjalë është dënuar nga gjykata e vendit, ndërsa fletobligacionet i janë dorëzuar Agjencisë për Menaxhim me Pronë të Konfiskuar.
Lajme nga vendi
100 ushtarë nesër nisen për në Slloveni, janë kërkuar mjete materiale dhe teknike

Nesër në mëngjes ushtarët maqedonas duhet të nisen për në Slloveni, ku do të ndihmojnë në përballimin e përmbytjeve katastrofike. Këtë e theksoi sot ministrja e Mbrojtjes, Slavjanka Petrovska, duke theksuar se nuk ka pasur vonesa në ndihmën e ofruar.
Që në momentin e parë kur ndodhi aksidenti, e gjithë maja e shtetit kontaktoi autoritetet atje dhe ne i dhamë mbështetjen tonë vetëmohuese. Nga ata na thanë se sapo të bëjnë analizat do të dorëzohen kërkesat dhe kanë mbërritur dje. Për këtë kemi reaguar menjëherë dhe sot në seancën e Qeverisë do të marrim vendim që të dërgohen 100 ushtarë nga përbërje të ndryshme, të cilët do t’u përgjigjen nevojave të ushtrisë dhe shtetit slloven, tha Petrovska.
Ministri sqaroi se ushtarët tanë tashmë janë gati. Në kërkesë thuhet se kërkohen 200 ushtarë.
Sipas saj, janë kërkuar mjete të tjera materialo-teknike të cilat nuk jemi në gjendje t’i dorëzojmë.
Presidenti Stevo Pendarovski dje në bisedë me presidenten sllovene Natasha Pirc-Musar shprehu keqardhje dhe keqardhje për Slloveninë dhe gjithë banorët e saj për humbjet dhe dëmet e pësuara nga vërshimet, të cilat ishin të përmasave të mëdha, dhe shprehu gatishmërinë për të ndihmuar.
-
Lajme nga vendi1 year ago
Zyra e Avokatit të Popullit në Tetovë sot do të jetë e hapur
-
Lajme nga vendi1 year ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi11 months ago
Kovaçevski paralajmëroi drejtor të ri të Drejtorisë për Zbatimin e Sanksioneve