Connect with us

Lajme nga vendi

Kovaçevski: Tërheqja e VMRO-DPMNE-së nga ajo që është rënë dakord do t’i zhgënjejë qytetarët dhe komunitetin ndërkombëtare

Published

on

Tani duhet të zbatohet ajo që është marrë vesh dhe është thënë publikisht në konferencën për shtyp pas takimit të liderëve për ndryshimet kushtetuese, e jo të interpretohet se çfarë ka dashur të thotë dikush sepse ajo që është biseduar edhe është thënë, tha sot kryeministri Dimitar Kovaçevski.

Duke iu përgjigjur pyetjes së një gazetari gjatë vizitës së sotme në Bogdanci, Kovaçevski përsëriti se “VMRO-DPMNE i ka pranuar ndryshimet kushtetuese” dhe ka vlerësuar se “demantimi apo tërheqja nga ajo që është rënë dakord dhe thënë në konferencën për shtyp pas takimit të liderëve do të ishte zhgënjim i madh për qytetarët dhe për komunitetin ndërkombëtar”.

“Si një parti shtetformuese që gjithmonë ka marrë vendimet më të vështira dhe më të mëdha për shtetin, VMRO-DPMNE-së për herë të parë po i japim shansin të marrë pjesë në marrjen e një vendimi nga i cili varet realizimi i një qëllimi strategjik për shtetin. Tani i takon VMRO-DPMNE-së që t’i bashkohet procesit, gjegjësisht të qëndrojë në proces, sepse demantimi apo tërheqja nga ajo që u dakordua dhe u shpreh në konferencë për shtyp do të ishte një zhgënjim i madh si për qytetarët ashtu edhe për komunitetin ndërkombëtar që realisht këtë herë dëshiron ta shohë Maqedoninë e Veriut të vazhdojë rrugën e saj drejt BE-së dhe të jetë anëtare deri në vitin 2030, tha Kovaçevski, i pyetur se cili nga dy propozimet e VMRO-DPMNE-së është i pranueshëm.

Ajo që u tha në konferencën për shtyp, shtoi kryeministri, është e pranueshme për ne dhe është e pranueshme edhe për BDI-në dhe partitë e tjera të koalicionit tonë, LDP, NSDP dhe DOM. Mendoj se tani duhet zbatuar ajo që është rënë dakord dhe është thënë publikisht, ndërsa jo tek interpretimi i asaj që dikush ka dashur të thotë sepse ajo që është thënë në fakt edhe është biseduar.

Kovaçevski ka përsëritur VMRO-DPMNE-në në konferencën për shtyp pas takimit të liderëve ka konfirmuar se nuk ka asgjë kundër ndryshimeve kushtetuese.

Advertisement

“Gjatë gjithë periudhës së kaluar ata akuzuan se me ndryshimet kushtetuese dhe përfshirjen e pjesëve të tjera të kombeve në Preambulën tonë, shteti do të bullgarizohej, do të asimilohej, do të kishim humbur gjuhën, identitetin. Ne thamë dhe themi se kjo nuk është e vërtetë, por tani edhe VMRO-DPMNE në atë konferencë për shtyp konfirmoi se nuk ka asgjë kundër ndryshimeve kushtetuese”, tha Kovaçevski.

Në takim, siç shtoi, u diskutua se VMRO-DPMNE dëshiron të hyjë dhe të jetë pjesë e Qeverisë, gjë që ne e pranuam, se LSDM është e gatshme të tërhiqet nga 50 për qind e posteve ministrore.

“VMRO-DPMNE kishte edhe një kusht, që Bashkimi Demokratik për Integrim të mos merrte pjesë në atë Qeveri, të cilën unë e vlerësova si kërkesë që mund të shkaktonte një dinamikë të caktuar politike, por BDI-ja e pranoi me shpejtësi. Fakti që mund të shkaktojë dinamikë politike u konfirmua më vonë kur edhe Aleanca për Shqiptarët edhe BESA thanë se nuk do të marrin pjesë në një qeveri të tillë siç është kërkuar për BDI-në, por kjo ka qenë dëshirë e VMRO-DPMNE-së e shprehur përmes kryetarit të tyre të partisë”, tha Kovaçevski.

Advertisement

Lajme nga vendi

Mungesa e gjykatësve detyron qytetarët që të presin me vite që lënda e tyre të vijë në radhë

Published

on

Gjykatat në të gjithë vendin po përballen me mungesë serioze të gjykatësve. Qytetarët me muaj madje me vite kërkojnë epilog për lëndë të caktuar nëpër labirintet e gjykatave. Për shembull, në Gjykatën Themelore të Strugës, delegohen gjykatës nga Shkupi ose për raste të caktuara gjykimet dërgohen në qytetin e Ohrit.

“Këta gjykatës që janë këtu, nuk dinë çfarë të bëjnë me numrin e madh të lëndëve dhe si t’i zgjidhin ato, janë shkelur afatet ligjore të parashikuara në ligj, duke qenë se nuk mund të veprojnë sipas afateve, për shkak të numrit të madh. Seancat caktohen për dy-tre muaj, pastaj fillon procedura prej në fillim. E tërë kjo komplikohet për shkak të mungesës së gjykatësve”, tha Vllado Çingoski- avokat.

Zgjidhja, thotë profesori Davitkovski, është në ndryshimet e ligjit, me të cilat u mundësua përzgjedhja e gjykatësve nga radhët e bashkëpunëtorëve profesionalë në gjykata, të cilët kanë përvojë pune dhe praktikë 10-15 vjet.

“Gjenerata e mëparshme që ka mbaruar Akademinë e gjykatësve, të gjithë duan të qëndrojnë në Shkup. Në Kriva Pallankë, në Kratovë dhe në disa qyteza nuk kishte gjykatës. Dhe çfarë bënë ata që janë fëmijë të dikujt, me lidhje politike dhe me kërkesë në Gjykatën Supreme, të gjithë qëndruan në Shkup. Tani ato gjykata janë bosh, dhe nga ana tjetër kemi mbipopullim në Shkup. Ne po e bllokojmë veten dhe kjo është rezultat i ndikimit të politikës”, tha Borçe Davitkovski- profesor.

Një nga propozimet është racionalizimi i gjykatave.

Advertisement

“Ndoshta duhet të ndryshohen edhe kompetencat e gjykatave. Për këtë arsye, një gjykatës zhvendoset nga një gjykatë në tjetrën. Atëherë do të racionalizohen edhe gjykatësit”, theksoi Arsen Janevski- profesor.Gazetar: Miki Trajkovski

Continue Reading

Lajme nga vendi

Së shpejti mund të ulet çmimi i energjisë elektrike për amvisëri

Published

on

Zvogëlimi i importit të energjisë elektrike për shkak të prodhimit të termocentraleve fotovoltaike së shpejti mund të ulë çmimet e saj për amvisëri, paralajmëron kryetar i Komisionit Rregullator për Energjetikë Marko Bislimovski.

Ai në një intervistë për “”Radio Europa e Lirë” thotë se aktualisht po punohet për plotësimin e tarifës së lirë të energjisë elektrike për amvisëri edhe për një orë tjetër. Bislimoski tha se tani duhet bërë një analizë reale për të treguar nëse ekziston mundësia që tarifa falas e energjisë elektrike të zgjatet edhe për një orë, pra deri në orën 16.00.

“Po zgjerojmë tarifën falas për të përfituar nga çmimi i lirë i energjisë elektrike në këto periudha. Po ashtu, me atë sinjal që i dërgojmë ESM dhe EVN Home, për të blerë energji elektrike në ato periudha, veçanërisht EVN Home, do të ofrojmë një çmim më të ulët të energjisë elektrike, që është shumë e mundur që të na mundësojë uljen e çmimit të energjisë elektrike për amvisëritë”, tha Bislimovski.

Aktualisht tarifa më e lirë e energjisë elektrike është nga ora 13:00 deri në orën 15:00.

Continue Reading

Lajme nga vendi

Ekspertët: Digjitalizimi është i domosdoshëm jo vetëm për antarësim në BE, por edhe për zhvilimin e ekonomisë

Published

on

Paralajmërimin e VMRO-DPMNE-së për themelimin e Ministrisë për Digjitalizim, konkretisht ndarjen nga Administrata, ekspertët e shohin si nevojë që, shteti duhet të ketë qasje serioze ndaj digjitalizimit real të shërbimeve elektronike, të cilat qytetarët duhet t’i marrin në jetën e përditshme.

Sipas, Marko Troshanovskit nga Instituti për Demokraci, për t’u realizuar kjo duhet të unifikohen bazat e të dhënave të institucioneve shtetërore që qytetarët të mos enden prej sporteli në sportel për një dokument të thjeshtë.

“Nëse ju e plotësoni aplikimin në mënyrë elektronike, duhet t’ju mundësohet që edhe në mënyrë elektronike ta dorëzoni. Domethënë, prej në fillim deri në fund të mos keni kontakt me zyrtarin administrativ. Ky është një moment shumë i rëndësishëm. Kështu, bazat e të gjitha institucioneve të jenë të unifikuara dhe këtu paralajmërimi për themelimin e Agjencisë për Digjitalizim, ndarja e administratës nga shoqëria informatike, ka kuptim dhe është shumë i rëndësishëm”, tha Marko Troshanovski, Instituti për Demokraci (IDSCS).

Profesori universitar Gjorgji Maxharov, për Alsat shprehet se digjitalizimi është i domosdoshëm, jo vetëm për anëtarësimin e vendit në BE, por edhe për zhvillimin e ekonomisë, por edhe për përfitimet të cilat qytetarët në mënyrë të drejtpërdrejtë do t’i përjetojnë. Megjithatë, për t’u realizuar kjo, duhet që në Kuvend të votohet ligjet e nevojshme.

“Pjesa më e vështirë është që e tërë kjo të finalizohet në kuadër të Kuvendit, në kuadër të miratimit të akteve ligjore, të cilat do të japin rëndësi të njëjtë të dokumenteve digjitale në lidhje me dokumentet në letër. Kështu që, duhet të punojmë në atë bashkë dhe duhet të kihet kujdes ndaj gjendjes së përgjithshme se ku gjendet shoqëria, cilat procese duhet dhe duam t’i digjitalizojmë dhe në lidhje me prioritetet që i kemi vendosur të fillojmë ta bëjmë atë. Siç thash, ai proces ka filluar, megjithatë nuk është i përfunduar dhe duhet që edhe shumë të punohet që në fund qytetarët ta shohin përfitimin direkt të shërbimeve të tilla digjitale”, u shpreh Gjorgji Maxharov, profesor universitar.

Advertisement

Rikujtojmë që Komisioni Evropian dy vite radhazi i rekomandoi Maqedonisë së Veriut ta harmonizojë legjislacionin me atë të BE-së në lidhje me procesin e digjitalizimit. Përbërja e kaluar kuvendore, nuk arriti që ta votojë ligjin për themelimin e Agjencisë Digjitale, si institucion udhëheqës në procesin e digjitalizimit të shërbimeve, trajnimit të qytetarëve, por edhe mbrojtjes së institucioneve nga sulmet kibernetike, të cilat gjatë periudhës së kaluar ishin të shpeshtuara. Sipas ekspertëve, Maqedonia e Veriut është mbi një dekadë mbrapa BE-së në procesin e digjitalizimit./Alsat.mk

Continue Reading

Më të lexuarat