Lajme nga vendi
Moti paradite me diell, pasdite me shi të rrëmbyeshëm dhe bubullima
Moti paradite do të jetë me diell me vranësira të vogla deri mesatare, pasdite do të ketë paraqitje të izoluar të shiut të rrëmbyeshëm i shoqëruar me bubullima. Do të fryjë erë e lehtë deri mesatare nga drejtimi juglindor, informojnë nga Drejtoria për Punë Hidrometeorologjike.
Temperatura minimale do të jetë në interval prej 11 deri 16, ndërsa ajo maksimale do të lëvizë nga 23 deri 29 gradë.
Në Shkup paradite moti me diell me vranësira të vogla deri mesatare, pasdite në disa pjesë të luginave do të jetë i paqëndrueshëm me shi të rrëmbyeshëm, bubullima dhe erë të përforcuar. Temperatura minimale do të bie deri në 15, ndërsa ajo maksimale do të arrijë deri 26 gradë.
Në ditët në vijim pritet që në orët e pasdites në disa vende moti të jetë i paqëndrueshëm me shi dhe bubullima dhe paraqitje lokale të proceseve më intensive të motit të keq. Temperaturat nuk do të kenë ndryshime të mëdha.
Lajme nga vendi
Policia jep detaje për vdekjen e 18-vjeçarit nga Tetova, është gjetur pa shenja jete në banjon e shtëpisë
Më datë 13.05.2024 rreth orës 18.00 në SPB-Tetovë, nga Qendra Urgjente e Spitalit Klinik të Tetovës, është raportuas në spital është sjellur personi E.Sh. (18) nga Tetova. Sipas raportit, nëna dhe motra e tij e gjetën atë pa shenja jete në banjo në shtëpinë e tyre familjare. Vdekjen pa gjurmë të dhunës e ka konfirmuar mjeku, kurse inspektimin në vendin e ngjarjes e ka kryer Prokurori publik dhe një ekip nga SPB-Tetovë. Me urdhër të Prokurorit publik, trupi i pa jetë i të ndjerit iu dorëzua familjes.
Lajme nga vendi
ASH zgjodhi nënkryetarët dhe sekretarët partiakë
Aleanca për Shqiptarët (ASH) e prirë nga Arben Taravari në mbledhjen e mbajtur të kryesisë partiake ka zgjedhur nënkryetarët dhe sekretarët partiakë, mëson INA.
Nënkryetarë janë zgjedhur: Bujare Abazi, Gëzim Kadriu dhe Bekim Pocesta
Sekretar i Përgjithshëm: Blerant Ramadani
Sekretar Organizativ: Gadaf Uzairi
Të sapozgjedhurit do kryejnë këto detyra si ushtrues detyre deri në kongresin e ardhshëm partiak.(INA)
Lajme nga vendi
“Monstra” në Strasburg, avokatët dorëzojnë tre ankesa
Avokatët e të dënuarve në rastin “Monstra”, për Alsat konfirmojnë se këtë javë kanë dorëzuar gjithsej tre ankesa Gjykatën e Strasburgut, për aktgjykimet në gjykatat e vendit për rastin “Monstra”. Për shkak se korrespodenca me Gjykatën e Strasburgut, zhvillohet në mënyrë të fshehtë, avokatët nuk japin detaje. Ankesat e avokatëve përfunduan në Strasburg pasi të dënuarit nuk janë të kënaqur me vendimin e Gjykatës Supreme të shtatorit të vitit 2023, me të cilin, u vërtetuan aktgjykimet e shkallës së parë dhe të dytë. Sipas vendimit, Alil Demiri, Afrim Ismailloviq dhe Agim Ismailloviq u shpallën fajtorë për veprën dhe u dënuan me burgim të përjetshëm, ndërkaq Fejzi Aziri dhe Haki Aziri u dënuan me burg 15 dhe 9 vjet burg. Sami Luta u lirua nga akuza, në mungesë të fakteve. /Alsat.mk
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve