Lajme nga vendi
Lëvizja Besa: Qeveria e BDI-së dhe Kovaçevskit hesht ndaj punësimit të maqedonasve të cilët deklarohen si shqiptarë

Partia opozitare Lëvizja Besa, ka reaguar në lidhje me rastin e fundit në Kumanovë, ku qytetarët maqedonas janë deklaruar si shqiptarë, vetëm për të zënë vende pune.
Nga Lëvizja Besa thonë se heshtja totale e Qeverisë së BDI-së dhe Kovaçeskit “Kumanovar”, tregon se kjo dukuri e kundërligjshme tashmë po bëhet standard i punësimit në Administratën Publike në Maqedoninë e Veriut.
“Ironike në këtë rast është fakti se mediat online që kur doli konkursi bënë apel të konkurrojnë shqiptarët ngaqë vendet për punësim në administratën komunale të Komunës së Kumanovës janë të rezervuar për shqiptarë. Tashmë kur dolën emrat ku Margica Boshkovska, Igor Trajkovskin, Dejan Dimitrievski, Robert Nikollovski, Ivana Bogdanovskën, janë deklaruar rrejshëm për t’iu zënë vendin shqiptarëve, po njëjtë siç kanë vepruar edhe në ministritë ku udhëheqin shqiptarët më herët, BDI dhe kujdestari i saj në Qeveri Artan Grubi, po heshtin ndaj këtij fakti”.
“Deklarimi i rrejshëm i identitetit është vepër penale ku dënimi sipas Kodit Penal shkon deri në tre vjet me burgim efektiv dhe po vepër e dënueshme dhe për funksionarët që kanë toleruar një gjë të tillë sipas Ligjeve Administrative. Për Lëvizjen Besa është e papranueshme zënia e vendit të punës në mënyrë antiligjore që u takon shqiptarëve nga ana e maqedonasve”, thonë nga Lëvizja Besa.
Më tej shtojnë se për ta do të ishte e mirëseardhur dhe do të përkrah çdo padi të mundshme nga ana e qytetarëve shqiptarë dhe çdo iniciativë për proces administrativ që mund të bëhet në organin adminsitrativ, Gjykatën Administrative deri dhe tek Gjykata Kushtetuese duke mos përjashtuar Gjykatën e Strasburgut për marrëdhëniet e punës.
“Rasti i deklarimeve të maqedonasve si shqiptarë flet qartë për humbjen e ndjeshmërisë së BDI-së dhe satelitit të saj ASH-së ndaj një të drejte legjitime dhe kushtetuese të shqiptarëve për t’u punësuar në Administratën Publike. Aq më shumë kur BDI thirret në stilin e saj mashtrues në Marrëveshjen e Ohrit që segment kryesor ka punësimin e shqiptarëve, rri në pushtet mbi 20 vite duke keqpërdorur skajshmërisht votën dhe besimit që shqiptarët i dhanë këtij subjekti”.
“Fatkeqësisht mbi dy dekada nga Marrëveshja e Ohrit, BDI në shumë institucione si Enti Shtetëror i Statistikave, e shumë drejtori të tjera, nuk ka lëvizur nga 0 përqind punësimet për shqiptarët. Si rezultat i politikës së mashtrimit të BDI-së, degjenerimit dhe rrënimit të vlerave tona njerëzore si shqiptarë, të rinjtë tanë nuk po e shohin perspektivën e shkollimit dhe punësimit në Maqedoninë e Veriut por me të madhe po ikin për në Gjermani dhe vendet tjera të Evropës Perëndimore”, thonë nga Lëvizja Besa.
Lajme nga vendi
Njëmbëdhjetë persona në kontakt me të punësuaren e hospitalizuar në Klinikën infektive nën mbikëqyrje 14-të ditore

Njëmbëdhjetë persona në kontakt me një të punësuare të shtruar në Klinikën infektive janë nën mbikëqyrje 14-të ditore, pasi ajo është diagnostikuar me ethe hemorragjike krimea kongo, informoi sot Renata Mlladenovska, drejtore e Inspektoratit Shtetëror Sanitar dhe Shëndetësor (ISHSSH).
“Pas marrjes së informacionit nga Instituti për Shëndet Publik, të njëjtën ditë, pra më 5 gusht, ekip i epidemiologëve nga Qendra për Shëndet Publik – Shkup, ka kryer kontroll epidemiologjik, janë bërë anketa dhe kontakte. Informacioni është ndarë dhe me ISHSSH-në dhe si institucion lëshuam edhe 11 zgjidhje, ato janë kontakte të tashmë pacientes së shtruar e cila është edhe e punësuar në Klinikën infektive. Ato 11 kontakte do të jenë nën mbikëqyrje shëndetësore 14-ditore”, tha Mlladenovska.
Ajo sqaroi se çfarë nënkupton mbikëqyrja shëndetësore.
“Pacientja, përkatësisht kontaktet do të duhet të paraqiten dhe të jenë në kontakt të vazhdueshëm me epidemiologun kujdestar nga Qendra për Shëndet Publik – Shkup, nuk është izolim klasik, megjithatë nuk duhet të kenë kontakt me të tjerët – nëse është familja e ngushtë, thjesht të durojnë këto 14 ditë që të mos përhapet ky infeksion dhe shpresoj që ky të jetë rasti i fundit. Sa u përket 29 kontakteve të mëparshme, nga ato 29 kontakte, një është konfirmuar si rast, kemi mbikëqyrje shëndetësore, vendime të marra për 40 persona”, ka thënë Mlladenovska.
E pyetur nëse këta 11 kontakte janë të gjithë nga Klinika infektive apo familja, ajo sqaroi se nga këta 11, dhjetë persona janë nga familja e ngushtë e pacientes dhe një kontakt është e një kolege të saj poashtu nga Klinika infektive.
Më herët, kryetari i Komisionit për Sëmundje Infektive, Zllate Mehmedoviq, tha për MIA-n se Komisioni absolutisht qëndron prapa asaj që është bërë nga Instituti i Shëndetit Publik, masat e ndërmarra dhe rekomandimet që jepen.
Nga ajo që kanë parë, shtoi ai, rasti i parë është rast i infektimit të drejtpërdrejtë, ndërsa i dyti me gjasë është gjatë transmetimit përmes gjakut të kontaminuar.
Në rastin e parë të infeksionit të drejtpërdrejtë ndërroi jetë një paciente 27-vjeçare, pas infektimit nga pickimi i rriqrës.
Lajme nga vendi
Dogana e Maqedonisë ka konfiskuar fletobligacione në vlerë 92 milionë dollarë nga një shtetas i Turqisë

Drejtori i Doganave, Stefan Bogoev në një konferencë të jashtëzakonshme për shtyp njoftoi se Doganat e Maqedonisë së Veriut kanë konfiskuar fletobligacione në vlerë të 92 milionë dollarëve, shkruan TV21. Bogoev tha se janë konfiskuar 184 fletobligacione me vlerë të veçantë nominale prej 500 mijë dollarëve.
“Obligacionet janë gjetur tek një udhëtar, shtetas i Turqisë, i cili ka ardhur me fluturim të rregullt nga Stambolli dhe është përcaktuar për të kaluar në të ashtuquajturin “kanal i gjelbër”, respektivisht se nuk ka mall për të deklaruar, ndërsa gjatë kontrollit me skaner dhe kontrollit shtesë të detajuar, tek i njëjti janë gjetur në 4 dosje brenda një çante të zezë”, tha mes tjerash Bogoev duke shtuar se personi në fjalë është dënuar nga gjykata e vendit, ndërsa fletobligacionet i janë dorëzuar Agjencisë për Menaxhim me Pronë të Konfiskuar.
Lajme nga vendi
100 ushtarë nesër nisen për në Slloveni, janë kërkuar mjete materiale dhe teknike

Nesër në mëngjes ushtarët maqedonas duhet të nisen për në Slloveni, ku do të ndihmojnë në përballimin e përmbytjeve katastrofike. Këtë e theksoi sot ministrja e Mbrojtjes, Slavjanka Petrovska, duke theksuar se nuk ka pasur vonesa në ndihmën e ofruar.
Që në momentin e parë kur ndodhi aksidenti, e gjithë maja e shtetit kontaktoi autoritetet atje dhe ne i dhamë mbështetjen tonë vetëmohuese. Nga ata na thanë se sapo të bëjnë analizat do të dorëzohen kërkesat dhe kanë mbërritur dje. Për këtë kemi reaguar menjëherë dhe sot në seancën e Qeverisë do të marrim vendim që të dërgohen 100 ushtarë nga përbërje të ndryshme, të cilët do t’u përgjigjen nevojave të ushtrisë dhe shtetit slloven, tha Petrovska.
Ministri sqaroi se ushtarët tanë tashmë janë gati. Në kërkesë thuhet se kërkohen 200 ushtarë.
Sipas saj, janë kërkuar mjete të tjera materialo-teknike të cilat nuk jemi në gjendje t’i dorëzojmë.
Presidenti Stevo Pendarovski dje në bisedë me presidenten sllovene Natasha Pirc-Musar shprehu keqardhje dhe keqardhje për Slloveninë dhe gjithë banorët e saj për humbjet dhe dëmet e pësuara nga vërshimet, të cilat ishin të përmasave të mëdha, dhe shprehu gatishmërinë për të ndihmuar.
-
Lajme nga vendi1 year ago
Zyra e Avokatit të Popullit në Tetovë sot do të jetë e hapur
-
Lajme nga vendi1 year ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi9 months ago
Kovaçevski paralajmëroi drejtor të ri të Drejtorisë për Zbatimin e Sanksioneve