Connect with us

Lajme nga vendi

Pasiguri e madhe, veturat e zyrtarëve digjen para shtëpive, hetimet bëhen hi i çon era nuk shihen askund!!!

Published

on

Siguria është nevojë elementare e bazike për të jetuar kudo në cilin do vend. Por, krahas mungesave tjera që janë të shumta në gjitha sferat, në vendin tonë mungon edhe siguria. Mungesa e sigurisë prodhon ndjenjën e frikës dhe të qenurit i pasigurt në vendin tënd të lindjes, ndërkaq padrejtësia e vështirëson mbijetesën në këtë vend sepse duhet të përballesh me një sistem të kalbur të drejtësisë. Mund të vritesh në vend publik ngjashëm sikurse në vend të fshehtë nga ajo vrasje mbeten vetëm viktimat dhe mbetjet e plumbave, asgjë më shumë. Gjurmë të tjera nuk vërehen jo se vrasësit janë ekspert por se ekipet hetuese nuk e bëjnë punën e tyre si duhet. Kjo gjë është vërtetuar vërtetohet shumë herë. Nga ana tjetër vetëm përbrenda javës janë djegur dy vetura të zyrtarëve, para tre ditësh para shtëpisë ia dogjën veturën komandantit të burgut të Idrizovës, ndërkaq dje në mbrëmje iu dogj vetura edhe zëvendës drejtorit të burgut të Idrizovës. Për çfarë sigurie flitet kur zyrtarët janë të pa sigurt, si ka mundësi që qytetarët të ndihen të sigurt? Kjo është tmerruese, madje komandanti i burgut të Idrizovës ka vë në dilemë nëse do të vazhdojë të jetojë ende në këtë vend, ku siguria është zero, ta djegin veturën para shtëpisë dhe autorët mund të vijnë në mëngjes edhe ta shohin nëse është djegur tërësisht. Kjo është siguria në këtë vend, hetime deklarative pa masë, në praktikë nuk zbulohet asgjë. Kjo nxjerrë në pah edhe dëshpërimin e të rinjve që nuk e kanë brengën vetëm të punësimit, e as që mendojnë për luks, por duan dhe kanë të drejtë që të jetojnë në një vend ku ndihen të sigurt, shkruan Zhurnal.

Në RMV qytetarët ndjehen të pasigurt sepse ndodhin vrasje, digjen vetura edhe të zyrtarëve autorët nuk zbulohen–

Siguria është njëri nga kushtet themelore që duhet plotësuar për të garantuar një mirëqenie të mirë sociale. E për këtë pjesë ekzistojnë edhe organet e sigurisë që me kompetencat e tyre duhet ta garantojnë një gjë të tillë. Por, në Maqedoninë e Veriut ngjanë sikurse këto organe janë në gjumë e pasive në funksionim. Pasi ndodhin raste të shumta por përfundojnë pa zbardhje dhe pa asnjë epilog dhe kjo krijon ndjenjën e pasigurisë dhe frikës te qytetarët.

Tre ditë më parë, rreth orës 22:30, në një ndër pjesët më të frekuentuara të lagjes, i vihet flaka veturës së Afrimi Rexhepit, komandantit në burgun e Idrizovës. Vetura është tërësisht e shkatërruar dhe nuk mund të riparohet. Rexhepi, siç përcjell KlanM, është i mendimit se shkaktar për ndezjen e veturës së tij mund të jenë zënkat që ka pasur me të burgosurit.

”Unë kam pas mosmarrëveshje me disa të burgosur në burgun e Idrizovës, për shkak se e kam kryer punën time me nderë dhe me profesionalizëm maksimal. Për ata që më njohin, e dinë se jam profesionist dhe nuk jam njeri që jam i korruptuar apo kriminel. I kam penguar krimit dhe për këtë shkak ma kanë bërë këtë dëm”, deklaroi Afrim Rexhepi.

Advertisement

Afrim Rexhepi nuk ndjehet më i sigurt dhe po mendon edhe të largohet nga shteti –

”Si polic zyrtar mendoj që kur neve na ndezin veturat e tona këtu mendoj se është cenuar siguria e shtetit. E çka të flasim për qytetarët e thjeshtë? Këtu nuk bëhet fjalë për Afrimin. Unë nuk kam pas problem personal, kam pas problem institucional. Në këtë moment është sulmuar institucioni, jo Afrimi. Nuk jam vetëm unë i shqetësuar, është tërë familja. Mi ka shqetësuar fëmijët, prindërit kështu që mendoj që me të vërtetë duhet mirë të analizohet thellë që a do të vazhdoj më tutje me punën apo do ta lë” tha Afrim Rexhepi.

Autorët e këtij zjarri janë ndjerë jashtëzakonisht të sigurt meqë në orët ku frekuentimi është jashtëzakonisht i lartë në lagjen ku ka banuar zyrtari policor ia kanë vë flakën veturës. Pra, në këtë vend kriminelët janë të sigurt për të bë krime, ndërkaq qytetarët vazhdojnë të jetë të pa sigurt për të jetuar.

Mbase djegia e kësaj veture nuk është rast i parë, e që nuk mbeti as i fundit pasi dy ditë më vonë përkatësisht dje po në formën e njëjtë është vepruar edhe ndaj zëvendës drejtorit të burgut të Idrizovës,

Digjet vetura zyrtare e zv/drejtorit të burgut të Idrizovës, Femi Jonuzit –

Advertisement

Dje në mbrëmje është djegur vetura zyrtare zv/drejtorit të Burgut të Idrizovës, Femi Jonuzi. Burime të Alsat thonë se ngjarja ka ndodhur në orët e mbrëmjes. Ky është rasti i dytë që brenda një javë u digjen automjetet zyrtarëve të punësuar në burgun e Idrizovës.

Pra, pas rastit të parë ndaj komandantit të të njëjtit burg, brenda javës është vepruar edhe ndaj zëvendës drejtorit. Kjo nënkupton që ata nuk e kanë ndërmend të ndalen, sepse po e shohin dhe janë të sigurt që organet hetuese janë ndalur së punuari. Sepse, nëse punojnë organet e hetuesisë e sigurisë këto gjëra nuk do të ndodhnin. Përderisa nuk janë ndërmarrë hapa për zbardhjen e djegies së veturës së parë, kriminelët me shpejtësi vazhdojnë drejtë djegies së veturës së dytë. Tani nuk dihet cila veturë është në radhë.

Kujtojmë edhe mbrëmjen e 6 marsit, Jeton Krivanjeva i njohur me nofkën “Zhilla” dhe Enes Isejni, i njohur me nofkën “Llaci”, mbetën të vrarë në hapësirat e një lokali në afërsi të Kalasë në Çarshinë e Shkupit, kur ndaj tyre kanë shtënë me armë zjarri pesë persona të maskuar, të cilët më pas janë larguar në drejtim të panjohur. Gjatë të shtënave është plagosur rëndë edhe A.T. që punonte si kamerier në këtë lokal. Ky rast ende nuk është zbardhur, mbase si shumë raste të tjera edhe ky do të mbetet nën hijen e hetimeve që janë pa afat e pa limit, zgjatin deri në pafundësi.

Pasiguri e madhe, besimi i ulët në gjyqësi, institucionet e papërgjegjshme që nuk janë fare në shërbim të qytetarëve, mungesa e meritokacisë, papunësia, zhvillimi i dobët ekonomik, krizë gjithandej, këto janë shkaqet kryesore që të rinjtë dëshpërohen deri në palcë dhe vendosin që këtë dëshpërim ta ngushëllojnë me largim nga vendi. Sepse, në të kundërtën nuk kanë fuqi t’ia dalin dot me këtë sistem të vjetruar që nuk prodhon perspektivë dhe kushte normale për jetesë. Por më e rëndësishmja, ripërsërisim, mbetet siguria, dhe kur policët dhe zyrtarët nuk janë të sigurt në këtë vend çfarë të bëjnë qytetarët e mjerë? /Zhurnal.mk

Advertisement
Advertisement

Lajme nga vendi

QMK: Një fëmijë i sëmurë është transportuar me helikopter nga Ohri në Stamboll

Published

on

Qendra për Menaxhim me Krizat (QMK) njoftoi se mëngjesin e sotëm një fëmijë tetë vjeçar është transportuar me helikopter në spitalin “Parku Mjekësor” në Stamboll të Turqisë, për një operacion në shtyllën kurrizore.

Transporti është realizuar me një helikopter të MPB-së i cili ka pajisje transportuese mjekësore, ndërsa fëmija tashmë është vendosur në Qendrën Mjekësore në Stamboll dhe për një kohë të shkurtër helikopteri do të kthehet në bazën në Shkup.

“Më datë 13 maj 2024, përmes numrit të vetëm të urgjencës 112 në QMK, ndërsa më pas me email në Qendrën e Menaxhimit të Krizave, është dërguar kërkesë nga prindi i fëmijës për transport nga Ohri deri në spitalin në Stamboll. Fëmija që u transportua me helikopter kishte probleme motorike, nuk mund të ecë në mënyrë të pavarur, nuk flet dhe ka një lakim të lartë të shtyllës kurrizore, mbi 80 për qind. Për shkak të problemeve të përmendura shëndetësore, transporti afatgjatë mund të ndikojë negativisht në shëndetin e fëmijës. Nëse merret parasysh se ky operacion në shtyllën kurrizore ishte një nga operacionet e vështira dhe të rrezikshme, dhe shërimi pas operacionit është afatgjatë dhe shumë i vështirë, veçanërisht në një gjendje të tillë, është vërtetuar se një lloj tjetër transporti me një kohëzgjatje të tillë është shumë i rrezikshëm për jetën e vajzës”, citon QMK.

Pas dërgimit të kërkesës në QMK, në koordinim ndërmjet Ministrisë së Punëve të Brendshme dhe Ministrisë së Shëndetësisë, kërkesa ka marrë përgjigje pozitive.

Continue Reading

Lajme nga vendi

Nesër seanca konstituive, me shumë gjasa Afrim Gashi kryeparlamentar

Published

on

Nesër deputetët e posazgjedhur edhe zyrtarisht do të ulen në kolltukët e deputetëve pasi që para 20 ditëve morën mandat nga qytetarët. Seanca e cila është caktuar për në ora 11, ka katër pika. Së pari zgjidhet komisioni për verifikim, i cili ka për obligim që të verifikojë mandatet e deputetëve, e më pas do të vijojë edhe zgjedhja e Komisionit për zgjedhje dhe emërime. Sipas Rregullores së re, seanca konstitutive mund të zgjasë më së shumti 3 ditë, ndërsa përfundon pas zgjedhjes së kryetarit të shtëpisë ligjvënëse, i cili me shumë gjasa do të jetë kryetari i Alternativës, Afrim Gashi.Pasi që paraprakisht kryetari i Kuvendit, Jovan Mitrevski, e caktoi, nesër seancën do ta udhëheq deputeti më i vjetër, përkatësisht Merita Koxhaxhiku, nga Lidhja Demokratike e Izet Mexhitit. Me konstituimin e përmbajtjes së re parlamentare do të hartohet edhe shumica e re, e cila, siç është e ditur do ta ketë koalicioni i VMRO-DPMNE-së që pas negociatave që u mbajtën këto ditë duhet t’i bashkohet edhe VLEN dhe deputetët e ZNAM. Me këtë shumica e ardhshme paralmentare po i afrohet numrit të dy tw tretave. Mandat për deputet për herë të parë mori kryetari i VMRO-DPMNE-së, HristijanMickoskii cili do të jetë mandatari i ardhshëm për formimin e qeverisë së re. Disa nga deputetët e shumicës së re parlamentare në ulëset e deputetëve do të jenë vetëm një kohë të shkurtër sepse një pjesë e madhe prej tyre do të shkojnë në kabinetin e ri qeveritar. Situata është e ngjashme edhe me deputetët e koalicionit VLEN, liderët e të cilit u zgjodhën për deputetët, por pritet që disa prej tyre do të shkojnë në ekzekutiv, ose të vazhdojnë punën si kryetar komune. Nga ana tjetër, përfaqësuesit e deritanishëmtë qeverisë do të jenë në karriget e parlamentit të destinuara për opozitën. Ish-kryeministri dhe kryetari i LSDM-së në largim DimitarKovaçevski, ish-zëvendëskryeministri për ekonomi Fatmir Bytyqi, ish-ministri i punëve të brendshme OliverSpasovski, ai i bujqësisë LupçoNikollovski, ministrja e mbrojtjes SllavjankaPetrovska, e kulturës BiseraKostadinovskaStojçevska, për punë dhe politikë sociale,JovanaTrençevska, për transport dhe lidhjeBllagojBoçvarski, si dhe ish-drejtoresha e Drejtorisw sw tw ardhurave publike SanjaLlukarevska. Nga radhët e BDI-së, sërish deputet do të jetë kryetari i kësaj partie, AliAhmeti, e bashkë me të edhe ish-kryetari i Kuvendit, TalatXhaferi. Ish-ministrat e kësaj partie nuk janë në përbërjen e re parlamentare.

Continue Reading

Lajme nga vendi

Haxhi 2024, nga Tetova udhëtojnë 452 persona

Published

on

Këtë vit organizimi për në Haxh ka filluar më herët se viteve të kaluara. Organizimi filloi që para fillimit të muajit të Ramazanit, me kërkesë të Ministrisë së Haxhit të Arabisë Saudite. Nga Muftinia e Tetovës thonë se fillimi më herët i organizimit ka qenë një lehtësim më i madh rreth përga&tjeve dhe organizimin e haxhit 2024. Të shtunën pritet të mbahet edhe një seminar sqarues me të gjithë ata që udhëtojnë për në haxh. Nga Tetova këtë vit për në Haxh sikurse edhe viteve të kaluara interesimi është i madh për të udhëtuar në vendet e shenjta dhe nuk janë përfshirë të gjithë të interesuarit, shkaku i numrit të kufizuar që lëshon Ministria e Haxhit. Udhëtimi për në haxh nga Tetova do të jetë më 6, 7 dhe 8 qershor.Udhëtimet e para nga Maqedonia e Veriut. për në vendet e shenjta, Mekë dhe Medina fillojnë më 4 qershor.

Nga Maqedonia e Veriut, këtë vit udhëtojnë 2020 persona për në haxh bashkë me udhëheqësit dhe ekipin mjekësor. Nga Tetova kemi 452 që do të shkojnë në haxh, duke përfshirë ekipin mjekësor dhe udhëheqësit profesional.

Mënyra e pagesës ka shkuar përmes sistemit bankar, pra qytetarët kanë paguar direkt në xhiro-llogarinë e Bashkësisë Fetare islame dhe kjo tashmë është e relizuar. Çmimi nuk ka ndryshuar nga viti I kaluar, pra kanë paguar nga 6550 euro. Në këtë çmim janë përfshirë të gjitha nevojat që kanë haxhilerët, pra, përpos banimit, qëndrimit në hotel, vaksninimit, prerja e kurbanit, veshja e posaçme, pra të githa nevojat janë në këtë çmim”, deklaroi muftiu Xhemaili. Udhëtimi nga Tetova më 6, 7 dhe 8 qershor do të bëhet me autobus deri në aeroport, ndërsa më pas me aeroplan. Udhëheqësit e grupeve, do të informojnë personat që udhëtojnë për datën dhe orën e nisjes. Haxhi është një nga pesë shtyllat e fesë islame dhe është një detyrim fetare që duhet të kryhet të paktën një herë në jetën e të gjithë myslimanëve të rritur të cilët janë fizikisht dhe financiarisht të aftë për të ndërmarrë udhëtimin, dhe që mund të mbështesin familjet e tyre gjatë mungesës së tyre.

Continue Reading

Më të lexuarat