Lajme nga vendi
Ndalimi i imamit shqiptar nxit përplasje mes institucioneve në Shkup
Vendimi i Ministrisë së Punëve të Brendshme të Maqedonisë së Veriut për t’ia ndaluar hyrjen në këtë vend imamit nga Tirana, Ahmed Kalaja, ka shkaktuar përplasje mes institucioneve në Shkup, pasi ndalesa e policisë është kritikuar nga Ministria e Drejtësisë.
Imamit Ahmed Kalaja iu ndalua të hyrë në territorin e Maqedonisë së Veriut, më 16 prill, në pikën e kalimit kufitar në Qafëthanë.
Atij policia kufitare i ka dorëzuar vendimin mbi arsyet e ndalesës e që kanë të bëjnë me rrezikun që paraqet për Maqedoninë e Veriut, bazuar në nenin 17 të Ligjit për të huajt.
“Ndalimi i hyrjes në Maqedoninë e Veriut bazohet në rrezikun që paraqet për rendin publik, sigurinë kombëtare, shëndetin publik ose marrëdhëniet ndërkombëtare të Republikës së Maqedonisë së Veriut”, thuhet në vendimin për refuzimin e hyrjes në Maqedoninë e Veriut të imamit Ahmed Kalaja.
Autoritetet kufitare nuk kanë dhënë detaje tjera mbi këtë vendim apo çfarë rreziku paraqet Kalaja për sigurinë kombëtare të Maqedonisë së Veriut.
Por, ky vendim i MPB-së është vlerësuar si absurd nga ministri i Drejtësisë, Krenar Lloga, duke akuzuar madje struktura të caktuara të shtetit për “islamofobi dhe albanofobi”.
“Maqedonia [e Veriut] vazhdon të vuajë nga sëmundjet e vjetra ku akoma elemente, të cilët janë antishqiptare dhe anti-islame, apo albanofobe dhe islamofobe janë pjesë e strukturave në shtet, e sidomos në atë të sigurisë. Unë shpreh keqardhje për atë që ka ndodhur, hoxhës i kërkoj falje në emrin tim dhe asaj që unë përfaqësoj… Për disa ditë ne do ta kryejmë punën dhe nuk do të ketë më pengesë për hoxhën e nderuar që të vijë në Maqedoni [të Veriut] dhe të mos jetë në stop listë, sepse është absurde që një njeri që bën thirrje për paqe, mirësi dhe dashuri, të mund të cilësohet si ekstrem ose diçka e tillë”, deklaroi Lloga.
Imami Ahmed Kalaja ishte ftuar të merrte pjesë në një manifestim fetar nga drejtuesit e një xhamie në Shkup.
Në reagimin pas ndalesës për hyrje në Maqedoninë e Veriut, imami Ahmed Kalaja ka akuzuar institucionet maqedonase për “politika shoviniste ndaj shqiptarëve”.
Ai në reagimin në rrjetin social Facebook tha se për vizitën e tij ishin të njoftuara institucionet e Maqedonisë së Veriut.
“Arsyeja e ndalimit shprehet në letër, e normalisht nuk ke ku të ankohesh vetëm se te Zoti, që t’jua japë hakun atyre ndaj kësaj sjellje të paprecedent, arrogante dhe monstruoze. Ndoshta institucionet e përfaqësimit të islamit në dy shtetet, Avokati i Popullit, Ministria e Jashtme dhe shteti do të reagojnë. Ndjesë besimtarëve edhe qytetarëve të Shkupit ndaj politikave monstruoze të atyre që i udhëheqin”, thuhet në reagimin e imamit Kalaja.
Bashkësitë Fetare Islame në Shkup dhe Tiranë nuk e kanë komentuar këtë rast, që është i pari që një imami i ndalohet hyrja në Maqedoninë e Veriut.
Kush është Ahmet Kalaja?
Imami Ahmet Kalaja me postimet e tij në rrjetet sociale disa herë ka ngjallur debate dhe rasti i fundit ishte postimi i tij për Andrew Tate, influencuesin britaniko-amerikan i arrestuar në Rumani si pjesë e një hetimi mbi akuzat për trafikim me qenie njerëzore dhe përdhunim.
“Zot ruaje e mbroje habibin!”, shkroi Kalaja në Facebook, duke nxitur reagime të shumta nga ndjekësit e tij.
Pak vite më parë emri i tij u përmend nga disa të akuzuar për pjesëmarrjen e tyre në luftën në Siri, duke pretenduar se ishin frymëzuar prej tij në ligjëratat që mbante në xhami. Vetë imami i kundërshtoi këto deklarata, ndërsa në një intervistë për mediat në Shqipëri tha se myslimanët në Shqipëri e kanë “xhihadin”e tyre në vendin e tyre.
Ai njihet për marrëdhëniet e tij të mira me disa futbollistë të kombëtares kuqezi si mërgim Mavraj, Andi Lila, Armando Sadiku etj. Në një video të publikuar në rrjetet sociale imami u shfaq së bashku me miqtë e tij duke përdorur fjalë fyese ndaj priftërinjve dhe kjo ngjalli reagime të shumta e madje u kërkua shkarkimi tij nga Komuniteti Mysliman Shqiptar.
Në vitin 2021, në xhaminë ku shërben imami Ahmet Kalaja u regjistrua një sulm me thikë. Një person hyri në xhami derisa po kryhej falja dhe plagosi me thikë gjashtë persona të tjerë./REL
Imunizimi midis fëmijëve në shoqërinë e Maqedonisë së Veriut ka rënë ndjeshëm, thonë mjekët vendas. Mosbesimi, dyshimet, “konsultimet” nga rrjetet sociale janë disa nga arsyet pse prindërit nuk i çojnë fëmijët për vaksinim, raporton Zëri i Amerikës.
Edhe pse në vitin 2000, Maqedonia e Veriut mori mirënjohje nga Organizata Botërore e Shëndetësisë, pasi mbulimi i vaksinimit për disa vaksina ishte më i madh se 95 përqind, kjo përqindje tani është më e ulët, thotë Katerina Stavriq, pediatre në Klinikën e Fëmijëve në Shkup. Pandemia e Covid, thotë ajo, ndikoi në këtë trend negativ.
“Pas Covid-it, 2022, 2023, pothuajse të gjitha vaksinat i kemi nën 90%, përveç vaksinës së Hepatitit që merret në maternitet dhe BSZ, të gjitha vaksinat e tjera janë nën 90%, që është një rrezik që t na paraqiten sëmundje. Dhe po e shohim atë. Kemi kollë të keqe, jemi në kufi me fruthin dhe me këtë mbulim mund të kemi lehtësisht një epidemi, siç kemi pasur në vitin 2018”, thotë Stavriq.
Niveli më i ulët i vaksinimit është për vaksinën HPV, rreth 50 përqind, si dhe për dozën e parë të vaksinës së fruthit. Ndryshe nga rajonet e tjera në vend, situata është disi më e mirë në rajonin Ohër-Strusë.
“Veçanërisht për vaksinën gjashtëvalente, imunizimin kundër poliomielitit, hepatitit B, difterisë dhe kollës së keqe, përqindja është mbi 97 përqind për vitin 2024, ndërsa vaksina primare për Hepatitin B dhe kundër tuberkulozit e dhënë në muajin e parë është 100 përqind”, thotë Jovanka Strulakova Korovesoska, epidemiologe në Qendrën për Shëndet Publik në Ohër.
Përveç pandemisë Covid, mjekët tregojnë edhe arsye të tjera për përqindjen e ulët të imunizimit.
“Ka disa faktorë. Besoni, prindër që janë gjithnjë e më shumë hezitues dhe kanë pyetje. Ata shpesh kërkojnë përgjigje për këto pyetje në rrjetet sociale. Këtu marrin dezinformata, konsultohen me prindërit e tjerë dhe prapë marrin dezinformata”, thotë pediatri Stavriq.
Në rajonin e Ohrit përqindja e vaksinimit me vaksinën MRP, përkatësisht kundër fruthit, rubeolës dhe parotitit është më e ulëta.
Për të rritur shtrirjen e imunizimit, është mirë të mendohet për një vaksinim më intensiv në terren në shkolla dhe zona rurale, sugjerojnë mjekët.
Në shkolla nuk duhet të ketë kafene sepse janë institucione arsimore, thonë nga Ministria e Arsimit dhe Shkencës (MASH). Pasi Sdk, pas raportimeve të qytetarëve në mjetin Raporto problem, publikoi një tekst se oborret e shkollave janë shndërruar në lokale ku mbahen festa, ditëlindje, madje edhe dasma, Ministria deklaroi se kjo praktikë duhet të ndalet.
“Në shkolla kryhen aktivitete edukative dhe jemi dakord që të mos ketë përmbajtje apo shërbime nga të cilat nuk përfitojnë të rinjtë dhe procesi i tyre arsimor. Kryesia e re e Ministrisë së Arsimit në 6 muajt e fundit i është afruar zgjidhjes së sfidave të shumta që janë akumuluar në vitet e fundit, ndaj besojmë se do të gjendet një zgjidhje e përshtatshme në lidhje me pyetjen që ju jeni duke kërkuar”, tha Ministria e Arsimit.
Me lejen e Komunave, drejtorët e shkollave u japin me qira oborret kompanive private, me arsyetimin se do të mirëmbahen terrenet sportive, të cilat nxënësit do të mund t’i përdorin gjatë orëve të mësimit.
Pas përfundimit të mësimit, terrenet sportive shfrytëzohen nga klubet sportive apo qytetarët që merren me sport deri në orët e vona të natës. Por, në vend që të jenë vetëm për aktivitete sportive, nëpër oborre bëhen kafene, në të cilat ndonëse ndodhen në institucione arsimore për të mitur, hidhet alkool, bëhen ditëlindje, festa e deri në dasma.
Sipas anketës, në territorin e Komunës Qendër shkollat fillore “Dimitar Miladinov” dhe “11 Oktomvri” janë të shënuara si oborre të shkollave që jepen me qira për aktivitete sportive, në Komunën e Aerodromit shkolla “Bllaze Koneski”, kurse në Komunën e Kisella Vodës oborret janë lëshuar për balona në shkollat ”Krume Kepeski” dhe “Kuzman Shapkarev”. Në Komunën e Karposhit, oborri i shkollës “Petar Pop Arsov” është lëshuar për çerdhe private.
Në këto shkolla që janë përgjegjësi e komunave nuk ka kafene, por qytetarët ankohen se ka aktivitete sportive deri në orët e vona të natës dhe ka shumë zhurmë në verë.
Lajme nga vendi
Mickoski takon familjen Rusi në SHBA: Ata janë shembull i shqiptarëve të suksesshëm nga Maqedonia
Kryeministri, Hiristijan Mickoski gjatë vizitës në SHBA ka takuar familjen shqiptare Rusi të cilët janë me prejardhje nga Dibra.
Kryeministri në profilin e tij në Facebook shkruan se me familjen Rusi kanë diskutuar për mundësitë për forcimin e lidhjeve mes diasporës dhe Maqedonisë, si dhe për projekte që do të sjellin përfitime për të gjithë qytetarët.
Besoj se vetëm të gjithë së bashku, pavarësisht nga përkatësia etnike, mund të punojmë së bashku për të ndërtuar një Maqedoni stabile dhe të begatë.
Ne kemi nevojë për të gjithë ata që mund të kontribuojnë, si në vendlindje ashtu edhe nga diaspora, për të krijuar të ardhmen që meritojmë”, shkruan Mickoski në Facebook./Telegrafi/
Rritet numri i shitjeve të veturave të reja në BE
Mjekët në RMV thonë se vaksinimi te fëmijët ka rënë, pasi prindërit dezinformohen
Ministria e Arsimit e RMV-së: Oborret e shkollave të mos shndërrohen në kafene
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve