Lajme nga vendi
Pendarovski: Qëndrim për nënshkrimin e dekretit pasi që ta shohim versionin përfundimtar të ligjeve për autostradat
Kur do ta shohim versionin përfundimtar të ligjeve për autostradat do të mund të dimë për çdonjërën prej tyre si do të jetë qëndrimi në raport me nënshkrimin e dekretit, deklaroi sot presidenti i shtetit, Stevo Pendarovski duke u përgjigjur në pyetjen se a do ta nënshkruajë dekretin nëse kalon ligji për ndërtimin e korridoreve infrastrukturore Korridori 8 dhe Korridori 10 D.
Pendarovski theksoi se nuk mundet prej tani të dihet në çfarë versioni përfundimtar do të jenë ato zgjidhje ligjore, sepse, siç theksoi, mund të ndryshohen me amandamente.
“Ta presim debatin, ta shohim përmbajtjen përfundimtare të atyre ligjeve, ekipi im i juristëve edhe në Kabinet edhe jashtë tij tashmë janë të angazhuar në ndjekjen e debatit dhe në atë që do të dalë si produkt përfundimtar. Në lidhje me procedurën mendoj se edhe pse shkojnë me procedurë të shkurtër, nuk janë me flamur evropian dhe do të ketë mjaftueshëm kohë edhe për opozitën që të parashtrojë amandamente, të përfshihet në debat dhe të ketë debat të argumentuar siç i ka hije këtij grupi të rëndësishëm të ligjeve”, tha Pendarovski.
Në lidhje me reagimet e ekspertëve dhe organizatave civile, Pendarovski theksoi se ata reagojnë në këtë fazë, ndërsa bëhet fjalë për propozime të ligjeve.
“Reagojnë në këtë fazë, por bëhet fjalë për propozime të ligjeve, hyjnë në Kuvend edhe opozita edhe pushteti mund të propozojnë amandamente. Është me rëndësi që presidenti ta shohë versionin përufundimtar të ligjit dhe vetëm nga kjo varet. Nëse i shkelin të drejtat e qytetarëve nëse hyjnë në të drejtat e personave të tretë, etj, kuptohet se një pjesë, ose të paktën një pjesë e atyre ligjeve nuk do të kalojnë, por t’i shohim në version përfundimtar”, theksoi Pendarovski.
Ndryshimet dhe plotësimet e nëntë ligjeve në lidhje me austradat që duhet t’i ndërtojë konsorciumi amerikan-turk “Bektel dhe Eka” janë në rend dite të mbledhjes së sotme të 112-të të kuvendit. Të gjitha ligjet janë me procedurë të shkurtër, ndërsa propozues janë deputetët të shumicës parlamentare.
Lajme nga vendi
Zgjedhjet presidenciale, sot votojnë të sëmurët, të burgosurit dhe personat në shtëpitë e të moshuarve
Në Maqedoninë e Veriut është heshtje, para zgjedhjeve të nesërme, të shtata presidenciale. Heshtja përfundon më 24 prill në orën 19:00, kur mbyllen vendvotimet. Këtë vit, për shkak se mbahen zgjedhje të dyfishta, gjatë heshtjes për zgjedhjet presidenciale, nuk ka ndërprerje të fushatës për zgjedhjet parlamentare të caktuara për më 8 maj.
Zakonisht sot, një ditë para zgjedhjeve, votimi për zgjedhjet presidenciale mbahen për të sëmurët dhe personat e pafuqishëm, të burgosurit në Shtëpitë ndëshkuese-përmirësuese dhe personat në paraburgim, në shtëpitë e të moshuarve dhe shtetasit tanë jashtë vendit.
Votimi për president filloi me 191 anëtarë të këshillave zgjedhor të shtunën të cilët udhëtuan për ta zbatuar votimin në diasporë. Në përfaqësitë diplomatike dhe zyrat konsullare sot prej orës 7:00 deri në orën 19:00 sipas kohës lokale, në bazë të 2.571 paraqitjeve të pranuara të shtetasve tanë, votimi duhet të mbahet në Abu Dabi, ku janë paraqitur 26 shtetas tanë për votim, në Beograd – 31, Berlin- 260, Bernë – 186, Bon– 164, Bruksel – 93, Uashington – 34, Venecie – 79, Vjenë – 123, Detroid – 34, Zagreb – 87, Kaberrë – 31, Kopenhagë – 74, Londër – 87, Lubjanë – 332, Munih – 166, Melburn – 64, Nju-Jork – 85, Osllo – 41, Paris – 44, Pragë – 52, Romë – 30, Stokholm – 85,Toronto – 117, Hagë – 65, Çikago – 88, Ankara – 18, Varshavë – 23, Madrid – 18, Pekin – 12 dhe Sofje 22.
Qytetarët tanë të tjerë të cilët jetojnë jashtë Mqedonisë së Veriut të drejtën e vet të votës mund ta realizojnë në vendvotimet në vend.
Rezultatet nga votimi i sotëm do të dihen nesër, së bashku me rezultatet nga votimi në vend.
Të drejtë vote në zgjedhjet e shtata presidenciale kanë 1.814.317 votues. Vendvotimet hapen në orën 7:00, ndërsa votimi zgjatë deri në orën 19:00. Votohet në 3480 vendvotime në tërë vendin.
Kandidati për president nga radhët e VLEN, Arben Taravari menjëherë pas tubimit në sheshin “Skëdërbeu”, në TV21 tha se me një fjalë do ta definonte tubimin me fjalën “shpresë”.
“Një pamje impozante, frymë e jashtëzakonshme, energji pozitive që nuk mund të përshkruhet me fjalë, me një fjalë në qoftë se komplet doni ta definoj tubimin e sotëm, do të kisha thënë, shpresë…shpresë për ndryshim”, tha Taravari.
default
default
Kryetari i Lëvizjes BESA, Bilall Kasami, në tubimin qëndror të VLEN, në sheshin e Shkupit i ka dërguar një sërë pyetjesh kryetarit të BDI-së, Ali Ahmeti.
“Ali, kur dëshiron të shitesh patriot po të pyes hapur: Përse nuk e kërcënove shefin tënd, Nikolla Gruevskin kur u vra komandanti i UÇK-së Harun Aliu?
Ali Soravia, përse nuk e kërcënove shefin tënd Nikolla Gruevskin kur u montua rasti Monstra?
Ali Kazinoja, përse nuk e kërcënove shefin tënd Nikolla Gruevskin kur ndodhi rasti i Kumanovës?
Ali tradhtia, përse nuk e kërcënove shefin tënd Nikolla Gruevskin kur shqiptarët rriheshin çdo ditë nëpër Shkup?
Ku ishe fshehur atëherë Ali tenderi, dhe pse shfaqesh tani kur të rrezikohet Sovaria, Eurovia dhe Llotarija.
Kam edhe një pyetje që e parashotrojnë gjithë shqiptarët për dy dekada: Ali ku ishe kur u vra komandant Teli dhe ju bë atentati komandant Hoxhës?
Bëhu burr, e dil përgjigju o Ali Ahmeti!” ka deklaruar Kasami.
Zgjedhjet presidenciale, sot votojnë të sëmurët, të burgosurit dhe personat në shtëpitë e të moshuarve
Turizmi po nxit importet, jo prodhimin vendas
Taravari për tubimin e VLEN: Atmosferë e jashtëzakonshme, me një fjalë SHPRESË
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve