Connect with us

Lajme nga vendi

Saiti: Vendimet e Gjykatës Kushtetuese doemos të respektohen

Published

on

Vendimi i Gjykatës Kushtetuese duhet të respektohet. E lexova deklaratën e tyre dhe është e vërtetë, ato nuk përcaktojnë pagën, por kanë korrigjuar dispozita që sipas tyre konsiderojnë se mund të korrigjohen, deklaroi kryetari i Shoqatës së gjyqtarëve, Xhemali Saiti.

Në pyetjen e gazetarëve në kuadër të Konferencës së sotme të gjyqtarëve 2023, me rastin e 31 Marsit – Ditës së gjyqësorit, Saiti theksoi se çështja është nëse shteti për momentin ka kapacitete ekonomike për t’i përmbushur ato kërkesa.

“Kjo mënyrë e përllogaritjes së pagës e cila ekzistonte deri më tani është bllokuar me një dispozitë e cila duhej të ketë karakter të përkohshëm, por ajo dispozitë ka që zbatohet tashmë 15 vite. Çështje tjetër është se a ka për momentin shteti kapacitet ekonomik për t’i përmbushur këto kërkesa, atë çështje me siguri e dinë njerëz nga qeveria dhe mund të përgjigjen”, tha Saiti.

Ai shprehu edhe indinjatën e tyre për mospërmbushjen e obligimeve të Qeverisë ndaj gjyqtarëve lidhur me rritjen e pagave.

“Ju e dini se jemi në një proces të gjatë negociatash me Qeverinë, duke hequr dorë nga kërkesat tona legjitime që të miratohet Ligj për pagat e gjyqtarëve i cili një ditë para vendimit të Gjykatës Kushtetuese u dorëzua në Komisionin para Kuvendit dhe u bllokua përmes amendamenteve, pastaj pasoi vendimi i Gjykatës Kushtetuese”, sqaroi Saiti, duke shtuar se pushteti ekzekutiv dhe legjislativ duhet ta përmbushin obligimin e tyre.

Advertisement

Gjykata Kushtetuese me vendim për shfuqizimin e dy neneve të Ligjit për paga dhe kompensim të funksionarëve, mundësoi rritjen e pagave të funksionarëve shtetërorë për 78 për qind. Me vendimin, përveç kryeministrit, presidentit, kryetarit të Kuvendit dhe të gjithë kryerësve të funksioneve publike përfshihen edhe gjyqtarët kushtetues.

Advertisement

Lajme nga vendi

Taravari: Nuk mund ta besojë se bashkëpartiakët e mi do të shkojnë në lista me BDI

Published

on

Arben Taravari, kryetar i Aleancës për Shqiptarët, tha se ende nuk mund të beson se bashkëpartiak të tij mund të shkojnë në lista me BDI-në. Ai tha se do ta presin zyrtarzimin e marrëveshjes mes BDI-së dhe atyre dhe më pas do të komentojnë të njëjtin veprim.

Megjithatë, Taravari, përsëri shtoi se nuk mund ta besojë që krahu i Selës mund të bashkohet me BDI-në.

Sa i përket çështjes së kujt do t’i takojë Aleanca për Shqiptarët, Arben Taravari tha se ka presione mbi gjykatën dhe tendencë për të ndërruar gjykatësin, që sipas tij nuk është në rregull.

“Uroj dhe shpresoj që sa më shpejtë të ketë një vendim, e kam thënë që çdo vendim ta pranoj, gjitha argumentet janë në anën tonë, por le t’ia lëmë gjykatës që të vendos”, tha Taravari.

Arben Taravari tha se ka dëgjuar se ka iniciativë për ta tërhequr gjykatësen e re e cila sipas tij është punësuar disa muaj dhe është munduar t’i bashkon të dy lëndët dhe ta sjell një vendim.

Advertisement

“Por nuk e di tani kryetari i gjykatës çfarë ka vendos edhe pse nuk ka bazë për ndryshuar gjykatësen por do ta shohim këto ditë do t’i marrim informacionet e sakta”, u shpreh Arben Taravari, kryetar i ASH-së.

Continue Reading

Lajme nga vendi

Nesër ora 12.00 , Ali Ahmeti do të fillojë zyrtarizimin e Frontit Europian

Published

on

Nesër e martë 19 mars 2024 me fillim në ora 12.00 në hotelin Aleksandar Palas në Shkup Kryetari Ali Ahmeti nis themelimin e Frontit Evropian.

“Nesër do të fillojë zyrtarizimi i krijimit të Frontit Evropian me Lëvizjen Populli të z.Skender Rexhepi-Zejdi, dhe më pas do të pasojnë edhe zyrtarizime të tjera me të gjitha ato grupime qofshin politike apo të organizatave joqeveritare të cilat do ti bashkohen këtij fronit i cili do të udhëhiqet nga lideri Ali Ahmeti dhe Bashkimi Demokratik për Integrim”,

Continue Reading

Lajme nga vendi

Bekteshi: Në këto zgjedhje BDI e vetme i merr 17-18 deputetë, me koalicion jemi me mbi 20 deputetë

Published

on

Ministri i Ekonomisë, Kreshnik Bekteshi në emisonin Klan Debat deklaroi se BDI ngelet e vetmja parti serioze në vend, pasi çdo premtim dhe mision e ka realizuar.

“Arben Taravari garon për president dhe në ndërkohë iu thotë se nuk ka interes për të fituar, sepse edhe ai e din qe nuk do të bëhët, pra nuk është serioz. Ndërsa, kemi edhe Bilall Kasamin i cili garon si bartës liste, duke e ditur se nëse e fiton atë mandat, atëherë brenda 6 muajve duhet të ketë zgjedhje per kryetar komune në Tetovë dhe do ngecin punët. Opozita shqiptare janë të bindur qe do t’i humbin zgjedhjet pavarësisht se ndoshta nuk e tregojnë”, tha Bekteshi.

Bekteshi tha se BDI pret fitore deri në 18 deputetë, teksa opozita më pak se 10.

“Nuk shoh garë të nxëhtë, sepse BDI do t’I fitoj këto zgjedhje vetëm BDI ka 17-18 deputetë, pa partnerët e koalicionit, më partnërë shkojmë mbi 20, teksa opozita do të këtë fitore më numër një shifror, pra nën 10”, deklaroi Bekteshi.

Continue Reading

Më të lexuarat