Lajme nga vendi
ITSHKSH-së i shtohen edhe gjashtë Departamente rajonale të trashëgimisë kulturore
Drejtori i ITSHKSH, prof.dr. Skender Asani, është shprehur i kënaqur , pasi që përpos gjashtë departamente rajonale të trashëgimisë kulturore, në kuadër të ITSHKSH-së në të ardhmen do të funksionojnë edhe Departamenti i Mërgatës si dhe Qendra multimediale dhe dokumentare
Shkup, 21 mars, 2023 – Sot në mbledhjen e Qeverisë së MV ka kaluar propozim-projekti i ITSHKSH për formimin e gjashtë departamenteve rajonale të Trashëgimisë kulturore shqiptare. Gjithashtu janë miratuar edhe propozim-projektet për formimin e Departamentit të Mërgatës dhe Qendrës multimediale dhe dokumentare në kuadër të ITSHKSH.
Drejtori i ITSHKSH, prof.dr. Skender Asani, është shprehur i kënaqur, duke falënderuar me këtë rast liderin e BDI-së, Ali Ahmetin, për mbështetjen e pa rezervë të këtyre projekteve, ZvKryeministrin e parë, Artan Grubin, për menaxhimin dhe bashkërendimin e procesit dhe Jeton Shaqirin, ministër i Arsimit dhe Shkencës, për finalizimin e implementimit institucional të këtyre propozim-ideve.
“Ky është kurorëzim i një pune shumëvjeçare që ka për qëllim rrumbullakimin dhe plotësimin e kuadrit ligjor për një veprimtari më të gjerë kërkimore-shkencore në terren dhe përgatitje e një faze të re të punës sonë që si objektiv kryesor do të ketë zgjerimin e fushëveprimit tonë gjithkund ku ndodhet trashëgimia jonë shpirtërore e kulturore. Në
të ardhmen presim që me ekipimin e kuadrit të specializuar të zhvillojmë një sërë projektesh që përpos karakterit shkencor, do të kenë edhe karakter edukativ e njohës për gjeneratat e reja, të cilat duhet të jenë në korrent me historinë dhe trashëgiminë kulturore në trevat ku ata banojnë”, dekaroi Asani.
Me vendimin e sotëm të Qeverisë, ITSHKSH-së do t’i shtohen gjashtë departamente rajonale të trashëgimisë kulturore, duke filluar nga Manastiri (Rajoni i Pellagonisë), ku do të ngrihet Departamenti rajonal i trashëgimisë kulturore me emrin “Qiriazët”, pastaj pellgu i Ohrit dhe Strugës – Departamenti rajonal “Dervish Hima”, rajoni i Rekës së Epërme
me qendër në Dibër, që do të mbaj emrin e Josif Bagerit , rajoni i Kërçovës – “Nëna Shqiptare”, rajoni i Pollogut në Tetovë – “Deralla”, si dhe Departamenti rajonal i Kumanovëe -“Jashar Erebara”, që do të përfshijë rajonin e rrafshit të Kumanovës dhe Karadakut.
Secili prej këtyre departameneteve rajonale i ka specifikat e veta dhe jo rastësisht i kanë emërtimet që iu përkasin atyre specifikave. Kështu, bie fjala, në Manastir dihet mirëfilli kontributi historik i familjes Qiriazi dhe për rrjedhojë emri që do të mbaj Departamenti rajonal në këtë qytet ndërlidhet me historinë lavdishme të kësaj familjeje.
Pastaj e kemi rilindësin Dervish Hima nga Ohri, një patriot intelektual që radhitet bashkë me firmëtarët tjerë të Pavarësisë së Shqipërisë, i njohur me penën e tij të spikatur si publicist dhe botues. Dhe jo rastësisht emrin e tij do ta mbajë Departamenti rajonal i Pellgut të Ohrit dhe Strugës.
Vjen pastaj Rajoni i Rekës së Epërmes që do të mbaj emrin e veprimtarit, poetit dhe publicistit Josif Bageri, i cili u angazhua edhe për bashkëpunimin në mes të popujve të Ballkanit në frymën e Rilindjes Evropiane.
Në Kërçovë do ta kemi simbolin e sakrificës shekullore – “Nëna Shqiptare”, një atribut ky që do të arsyetojë fushëveprimin e Departamenti rajonal të trashëgimisë kulturore, duke sublimuar të gjitha virtytet e shenjta të nënës shqiptare, ky burim i pashtershëm frymëzimi
dhe pjellorie ndër shekuj.
Rajoni i Pollogut ka dhënë shumë figura të shquara që i kanë kontribuuar progresit dhe dinjitetit ndër shekuj, andaj është përzgjedhur që Departamenti rajonal i trashëgimisë kulturore që do të mbuloj këtë rajon, me seli në Tetovë, të ketë emrin “Deralla”, një personifikim ky isakrificave dhe aspiratave liridashëse të banorëve të këtij rajoni dhe
më gjerë.
Në janar të vitit 1909, me nismën e atdhetarit dhe publicistit , Jashar Erebara, themelohet “Klubi i Kumanovës”, i cili është cilësuar edhe si vatra e parë e arsimit shqip në këto treva. Me themelimin e këtij klubi dalin në ndritë personalitete dhe ngjarje të tjera që kanë rëndësi historike për trevën shqiptare të Kumanovës. Prandaj edhe Departamenti i
trashëgimisë kulturore të këtij rajoni jo rastësisht do të mbaj emrin e Jashar Erebarës.
Në kuadër të ITSHKSH në të ardhmen do të funksionojnë edhe Departamenti i Mërgatës si dhe Qendra multimediale dhe dokumentare.
Duke themeluar Departamentin e Mërgatës, ITSHKSH synon që të ofroj një shikim të ri sa i përket trajtimit të mërgatës sonë, e cila duhet të jetë më e lidhur me vendlindjen, duke kontribuar kështu në dy plane: në njërën anë, vendlindja përfiton nga përvoja dhe mirëqenia e mërgatës, kurse kjo e fundit përfiton nga vendlindja edukimin dhe traditën.
Ndërkaq Qendra multimediale dhe dokumentare do të jetë një shtyllë ndihmëse e ITSHKSH në dokumentimin dhe arkivimin digjital të trashëgimisë sonë materiale e shpirtërore, një përvojë kjo e njohur e instituteve botërore të cilët kanë edhe produksionet e tyre, shembull ky që do të ndiqet edhe nga ITSHKSH.
Lajme nga vendi
Rasti “Durmo”, ekspertët e komunikacionit përjashtojnë mundësinë që rruga dhe autobusi të jenë shkaktar të aksidentit
Gjendja e rrugës dhe gjendja e autobusit të “Durmo Turs” nuk janë shkaktar të aksidentit i cili ndodhi në vitin 2019-të në Llaskarcë të Shkupit, ku humbën jetën 16 persona dhe mbi 30 të tjerë u lënduan. Këtë mes tjerash e thanë sot në seancë gjyqësore, ekspertët të cilët e kanë përgatitur superekspertizën e komunikacionit, e cila është bërë me qëllim që t’i pastrojë mendimet e ndryshme të tre ekspertizave tjera të komunikacionit, të cilat janë bërë paraprakisht, me porosi të palëve, raporton Portalb.mk.
Ekspertët e komunikacionit, sot deklaruan se ata kanë analizuar tre faktorë si shkaktar të mundshëm të aksidentit – rrugën, autobusin dhe shoferin. Siç thanë ata, prej këtyre treve, autobusi dhe rruga nuk janë shkaktarë të aksidentit. Në fakt, ashtu siç shpjeguan ekspertët, faktorin e autobusit si shkaktar të mundshëm të aksidentit, e kanë marrë të gatshëm nga ekspertët të cilët e kanë përgatitur superekspretizën makinerike.
“Koleget e makinerisë na thanë se faktori autobus nuk ka qenë arsye për aksidentin.
Ekspertiza e eksperteve makinerik na ka ndihmuar gjatë përgatitjes së superkespertizes së komunikacionit. Faktikisht të mënjanohet dilema nëse faktori njeri ose automjeti ka qenë arsye.
Sipas tyre boshti i drejtimit, nuk ka qenë arsyeja për devijimin e automjetit”, tha eksperti, Jakub Mamuti.
Ndaj përgjigjes së tij, ndërhyu kolegu i tij, Lupço Apostollovski, i cili e plotësoi duke thënë se sipas ekspertëve të makinerisë, sistemet e autobusit nuk janë arsyeja për aksidentin.
“Jo vetëm boshti drejtues, por gjithashtu edhe sistemi i drejtimit nuk ka qenë arsye për aksidentin, ashtu sikur edhe sistemi për frenim. Këto informata i morëm nga ekspertët e makinerisë”, tha Apostollovski.
Prokurori Darko Jakimovski theksoi se ekspertët, e kanë përgatitur ekspertizën duke mos sqaruar se cilat fakte i kanë marrë parasysh.
“A shkruan një fjalë në ekspertizë se e keni marrë parasysh superekspertizën makinerike, dhe që bazohemi në mendimin e tyre”, pyeti prokurori Jakimovski, disa herë ekspertin Mamuti, pas çka mori përgjigje mohuese nga ana ekspertit.
Eksperti Lupço Apostollovski tha se mendimin e tyre të përgjithshëm nuk e bazojnë vetëm në mendimin e ekspertëve makinerik.
“Ne nuk e bazojmë mendimin tonë vetëm në bazë të mendimit të ekspertëve makinerik.
Nëse merren parasysh edhe elementet tjera, do të japim përgjigje shumë më precize për mendimin tonë”, tha Apostollovski.
Ai i numëroi arsyet pse e kanë përjashtuar edhe faktorin rrugë si arsye të aksidentit.
“Nuk ka asnjë problem në lidhje me rrugën, s’ka ndonjë gropë, pengesë ose ngjashëm, apo diçka tjetër që do të ndikonte ndaj autobusit. Kur jemi te faktori rrugë dua të theksoj edhe një punë. Ekspertizat e komunikacionit atë pjese të rrugës e definojnë si kthesë të butë”, tha Apostollovski.
Pas kësaj, prokurori e pyeti “pse merreni me faktorin shofer?” dhe nuk shpjegoni për çështjen e ekspertizës së komunikacionit në aspektin e rrugës.
Eksperti tha se në disa pjesë të ekspertizës kanë sqaruar për çështjen e rrugës.
“Në faqen 4 të mendimit ka të dhëna për rrugën dhe motin. Në faqen 5, është paraqitur rruga me incizim satelitor ku mund të shihet nëse rruga është e drejtë”, tha Apostollovski duke numëruar dhe disa faqe tjera ku mes tjerash shihen edhe gjurmët.
Kjo është seanca e dytë që dëshmojnë ekspertët që e kanë përgatitur superekspertizën e komunikacionit.
Nga seanca e parë mund të lexoni: Eksperti Mamuti: Analizuam rrugën dhe shoferin pasi ekspertët e makinerisë na thanë që autobusi nuk është shkaktar
Paraprakisht, kanë dëshmuar edhe ekspertët të cilët e kanë përgatitur superekspertizën makinerike.
Avokatët e pjesëtarëve të kompanisë “Durmo Turs”, me superekspertizën makinerike, por edhe të komunikacionit pretendojnë t’ia hedhin fajin vetëm shoferit të autobusit, duke shmangur përgjegjësinë për gjendjen e rregullt teknike të autobusit. Nga ana tjetër, avokati i shoferit të autobusit, pretendon që shoferi nuk ka faj, por ka kompania, pasi që autobusi nuk ka qenë në gjendje të rregullt teknike.
Procesi gjyqësor ka filluar në shtator të vitit 2019-të. Gjykatëse e lëndës është Diana Gruevska Ilievska.
Aksidenti i autobusit ka ndodhur më 13 shkurt 2019, kur autobusi i “Durmo Tours” i cili lëvizte në linjën e rregullt Shkup-Gostivar doli nga autostrada afër fshatit Llaskarcë. 16 udhëtarë humbën jetën dhe 37 u plagosën. Në këtë proces gjyqësor akuzohen gjashtë persona: pronari i “Durmo Tours”, Durmish Beluli, personi përgjegjës për transport në kompani, Remzi Miftari dhe shoferi i autobusit Manoil Trifunovski, si dhe tre punonjës të stacionit të kontrollit teknik. Tre të parët akuzohen për krime të rënda kundër sigurisë së njerëzve dhe pronës në trafik, ndërsa të tjerët akuzohen për bashkëpunim në të njëjtën vepër.
“Durmo Tours” edhe sot vazhdon të punojë dhe të bartë udhëtarë.
Hanif Zendeli është zgjedhur zëvendëskryetar i ri i Këshillit gjyqësor. Me propozim të anëtarit Ivica Nikollovski në seancën e sotme të 444-të të Këshillit gjyqësor me nëntë vota “për” dhe një “kundër”, Zendeli u zgjodh si zëvendëskryetar i ri në vend të Selim Ademit.
“Sigurisht se do të angazhohem maksimalisht që të japë kontributin në përmirësimin e të gjitha situatave. Mendoj se kam qenë pjesë e kësaj dhe dua që punët të shkojnë ashtu siç i ka hije një institucioni më të lartë në vend, ai është Këshilli gjyqësor”, tha Zendeli.
Anëtarët e tjerë të Këshillit i dëshiruan punë të suksesshme zëvendëskryetarit të ri.
Në seancën e sotme, Këshilli gjyqësor ka konstatuar pushimin e mandatit të anëtarëve Mirjana Radevska-Stefkova dhe Zoran Gerasimovski pas dorëheqjeve të tyre.
Lajme nga vendi
Drejtori i spitalit psikiatrik Arifi: Kam ndërmarrë të gjitha masat që rastet e tilla të mos përsëriten më
“Të nderuar qytetarë,
Si drejtor i sapoemëruar i spitalit psikiatrik “Skopje” Shkup, ndjej për detyrë t’i drejtohem opinionit të gjerë për zhvillimet e fundit lidhur me pacientët agresiv të cilët rrihen mes vete të njejtit ndodhen në repartin gjyqësor në të cilin repart trajtohen persona me masë nga gjykata kompetente. Bëhet fjalë për persona qe kan kryer vepra të rënda penale si vrasje , tentim vrasje etj. Me gjithë respektin për paraardhësit e mi, dua të theksoj se kam gjetur një situatë në të cilën spitali funksionon në kushte të vështira teknike, sigurie dhe mungesë të personelit , ju njoftoj se pas ngjarjes nga ana ime janë marrë të gjitha masat e nevojshme , mbrojtja e pacientëve dhe janë njoftuar të gjitha organet kompetente ‘ institucionet që aktualisht kujdesen për sigurinë. Pres një zgjidhje institucionale të rastit në një kohë sa më të shkurtër dhe në ndërkohë kam filluar me vendosjen e masave dhe mekanizmave për parandalimin e ngjarjeve të tilla fatkeqe në të ardhmen.Qëllimi përfundimtar është të arrihet një zgjidhje e përhershme për ngritjen dhe ruajtjen e sigurisë në spital dhe përmirësimi i kushteve për funksionimin normal të tij.
Me respect
U.D. Drejtor Muhsin Arifi”- shkruan Arifi ne facebook.
Rasti “Durmo”, ekspertët e komunikacionit përjashtojnë mundësinë që rruga dhe autobusi të jenë shkaktar të aksidentit
Hanif Zendeli zgjidhet zëvendëskryetar i ri i Këshillit gjyqësor
Drejtori i spitalit psikiatrik Arifi: Kam ndërmarrë të gjitha masat që rastet e tilla të mos përsëriten më
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Çertifikohet Këshilli komunal në Tetovë
-
Lajme nga vendi10 months ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi5 months ago
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi10 months ago
Çertifikohet Këshilli komunal në Tetovë