Lajme nga vendi
22 vite nga fillimi i luftës në Kalanë e Tetovës
AtmosferëKëta krisma erdhën nga Kalaja e Tetovës, nga pushka e luftarëve të Ushtrisë Çlirimtare Kombëtare më 14 mars të vitit 2001.Përderisa mbante fjalim Bashkim Mashkulli, të shtënat me armë në Kalanë e Tetovës elektrizuan masën e tubuar në sheshin e Tetovës ku ishte thirrur një protestë masive “Ndal dhunës ndaj shqiptarëve” nga shoqata të ndryshme për të drejtat e shqiptarëve.Atmosferë në ndërkohë, tashmë I ndjeri Milaim Fejziu, kryetar I senatit të Universitetit të Tetovës, tha se ata djem që luftojnë në Kalanë e Tetovës nuk janë terroristë por janë bijtë tanë.Deklarata Milaimk Fejziu Ndryshe, një ditë më parë më 13 mars të vitit 2001, tre grupe të UÇK-së, me nga 11-12 veta u ngjitën rreth kalasë së Tetovës e cila është një pikë strategjike në qytetin e Tetovës.Grupi i parë i luftëtarëve u vendos brenda në Kala ndërsa grupi i dytë u pozicionua në krahun e majtë të Kalasë, në vendin e quajtur Stërmoll. Grupi tjetër i ushtarëve të Ushtrisë Çlirimtare Kombëtare u përqendrua në fshatin Gajre, që i bie të jetë krahu i djathtë mbrojtës i Kalasë së Tetovës.Po atë ditë në fshatin Sellcë u instalua njësiti i parë i Logjistikës së UÇK, që do luante një rol të rëndësishëm për mbarëvatjen e luftës. Tashmë, çdo vit në Kalanë e Sellcës, në organizim të Shoqatës së Veteranëve të Ushtrisë Çlirimtare Kombëtare, mbahet manifestimi tradicional Pranvera e Dinjitetit.Pas luftës disa mujore mes forcave ushtarako-policore maqedonase dhe pjesëtarëvetë Ushtrisë Çlirimtare Kombëtare, më 13 gusht u nënshkrua Marrëveshja e Ohërit, që avancoi të drejtat e shqiptarëve në Maqedoni. Pas 22 viteve, gjuha shqipe ende nuk zbatohet në bazë të kësaj marrëveshje, statusi i invalidëve, veteranëve dhe ish luftarëve nuk është zgjidhur. Në vend, ka ende shumë insitucione ku shqiptarët janë të padëshiruar.
Lajme nga vendi
Prokuroria Publike e RMV-së; Deri në mbylljen e vendvotimeve nuk është pranuar asnjë kallëzim për krim lidhur me zgjedhjet
Prokuroria Publike e RMV-së ka dalë me njoftim në lidhje me procesin zgjedhor të ditës së sotme. Gjatë ditës së zgjedhjeve deri në mbylljen e vendvotimeve, në adresën elektronike të Prokurorisë Publike të Republikës së Maqedonisë së Veriut izbori@jorm.mk nuk është pranuar asnjë kallëzim për krim lidhur me zgjedhjet.
“Sipas informacioneve të marra nga prokuroritë publike në mbarë vendin, dita e zgjedhjeve në rrethin e parë të zgjedhjeve për President të Republikës së Maqedonisë së Veriut ka kaluar në mënyrë të qetë dhe pa shqetësime të mëdha në procesin zgjedhor. Nuk u regjistruan incidente më të rënda që do të kishin karakteristikat e krimit kundër zgjedhjeve dhe votimit apo krime të tjera që do të rrezikonin procesin zgjedhor”.
“Komisioni i Përkohshëm i Prokurorisë Publike për parregullsi të mundshme zgjedhore ka monitoruar rrjedhën e votimit dhe gjatë ditës janë organizuar punë të jashtëzakonshme në të gjitha prokuroritë themelore publike. Prokuroria Publike ka koordinuar me institucionet tjera përgjegjëse për monitorimin e procesit zgjedhor”.
“Komisioni do të vazhdojë punën deri në përfundim të ciklit zgjedhor. Të gjitha dyshimet e mundshme për vepra penale që mund të prishin procesin zgjedhor do të hetohen dhe rastet do të kenë prioritet për veprim në prokuroritë publike”, thuhet në njoftimin e Prokurorisë.
Lajme nga vendi
Toshkovski: Dita e votimit ka kaluar në atmosferë të qetë, të sigurtë dhe demokratike
Ministri I Punëve të Brendshme Pançe Toshkovski njoftoi se në nivel të shtetit janë evidentuar 12 raste të fotografimit të fletvotimit, dy raste të grisjes së fletvotimit, 6 denoncime për ofrim të ryshfetit dhe 15 denoncime për agjitim. Në përgjithësi ai vlerëson se dita e votimit ka kaluar në atmosferë të qetë, të sigurtë dhe demokratike.
“ Gjatë ditës janë evidentuar më shumë ngjarje që kanë të bëjnë me fotografimin e fletvotimit, paraqitje për agjitim në vendvotime dhe parregullësi të tjera të vogla, por nuk janë evidentuar incidente më serioze, që çojnë në prishjen e procesit zgjedhorë.”- deklaroi Toshkovski.
Lajme nga vendi
Kasami: BDI është fajtore pse shqiptarët nuk arritën të dërgojnë kandidat shqiptar në raundin e dytë
Bilall Kasami në pres konferencë për media akuzoi BDI për blerje të votave duke thënë se VLEN është fitues legjitim në këto zgjedhje. Ai shtoi se VLEN në zgjedhjet e 8 majit do të fitoj.
Ai shtoi se BDI është fajtore se shqiptarët nuk arritën të dërgojnë një kandidat shqitpar në raundin e dytë.
“Fillimisht dua të falënderoj votuesit që votuan për kandidatin tonë. Fitues jemi ne nga koalicioni VLEN. VLEN fitoi votat e shqiptarëve. BDI-ja ka humbur legjitimin“, tha Kasami. Ai shtoi se “Edhe ky rezultat po të përkthehet në mandat deputetësh është një diferencë e vogël. BDI-ja shkatërroi mundësinë që presidenti shqiptar të zgjedhej në këto zgjedhje. Kjo garë vlejti sot dhe do të vlej edhe më shumë më 8 maj”, shtoi Kasami.
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve