Connect with us

Lajme nga vendi

Funksionarët e lartë të BDI-së takuan banorët e lagjes Cetinska në Tetovë

Published

on

Funksionarët e lartë të BDI-së të përbërë nga Izet Mexhiti, Blerim Bexheti, Musa Xhaferi, Visar Ganiu dhe Nevzat Bejta takuan mbrëmë banorët e lagjes Cetinska në Tetovë ku bashkëbiseduan me banorët e kësaj lagjeje rreth gjëndjes së mjerë të krijuar në BDI, nga pasiviteti absolut të ekzekutivit të udhëhequr nga zv/kryeministri i dështuar Artan Grubi.

Siç theksohet në kumtesë, sekretari organizativ Blerim Bexheti tha se këtu kanë ardhur sepse janë të shqetësuar për politikat që i udhëheq ky ekzekutiv, ne jemi këtu se ia duam të mirën BDI-së.

“Investime nuk ka, aktivistët nuk përfillen, ka një arrogancë nga Artan Grubi, ka pakënaqësi nga Struga deri në Likovë. Sot jemi në Tetovë, të marrim edhe nga ju sygjerime se si ta rregullojmë këtë katrahurë të krijuar. Organet e partisë nuk funksionojnë dhe partia është shndërruar në parti funksionarësh. Unë dhe gjithë këtu nuk jemi për funksione, por dëshirojmë të parandalojmë shuarjen e BDI-së siç ndodhi me PPD-në e shumë partitë tjera. Pas Sellcës, sot ne Cetinska jemi për të shprehur pakënaqësinë për humbjen e Tetovës ne zgjedhjet lokale, sepse dikush duhet të jep përgjegjësinë”, tha Bexheti.

Kryetari i Këshillit mbikëqyrës Musa Xhaferi tha se lidhur me shqetësimet e thëna nga banorët e Ceninskës, se ministrat nuk pranojnë ti takojnë ata, tha se ‘vërehet se Tetova ska ministra, të paktën të tillë për të zgjidhur probleme të qytetarëve. As pasi morën ortak Aleancën për Shqiptarët, Tetova ska ministra. Pse BDI sot ska ministra për ti takuar qytetarët, për ti shqyrtuar hallet e qytetarëve dhe për tu ndihmuar që ti zgjedhin. BDI është krijuar për të bashkuar popullin, jo për të ikur nga populli. Do ti dalim zot ne Tetovës dhe BDI-së, se nuk do ti lëmë ta shkatrojnë’, tha Xhaferi. Do tu themi stop, se kjo nuk na çon në rrugë të mirë, tha Xhaferi.

Advertisement

Nënkryetari i BDI-së Izet Mexhiti tha se vendosëm të takohemi në këtë mënyrë që të dëgjojmë zërin e qytetarit.

“Ne shofim se qytetari në çdo lagje, çdo fshat, çdo qytet ka ngritur zërin, shfaq shqetësime. Dhe ne jemi këtu të gjejmë zgjidhje, të tregojmë se nuk jemi dy-tre vetë të pakënaqur siç e gënjen Artan Grubi kryetarin Ali Ahmeti. Shofim se gjithandej qytetarët janë të pakënaqur, ndërsa ne kemi gjetur dijagnozën, se ky ekzekutiv është i dështuar, ka aq shumë pozita politike, ndërsa nuk arrin të bën asgjë, as punësime, as investime, as zbatim të gjuhës shqipe dhe në çdo segment kemi dështim total. 50 përqind ministra, nga 400 milion euro investime kapitale, asnjë euro në vendbanimet shqiptare. Ne nuk jemi këtu për funksione, por ministrat e dështuar ti zëvendësojmë Artanin dhe Artanat, me ministra që do të punojnë për shqiptarët, që nga 400 milion, 100 milion të paktën të shkojnë te vendbanimet shqiptare”, tha Mexhiti.

Funksionarët e lartë të BDI-së thanë para tetovarëve se ideja nuk është që të ndahet BDI e të përfundon si PPD-ja e si PDSH-ja, por përkundrazi ajo të fuqizohet dhe të kthehet te qytetari, pa ministrat oportunistë të kryesuar nga Artan Grubi, theksohet në kumtesë.zhurnal.mk

Advertisement
Advertisement

Lajme nga vendi

Saiti: Vendimet e Gjykatës Kushtetuese doemos të respektohen

Published

on

Vendimi i Gjykatës Kushtetuese duhet të respektohet. E lexova deklaratën e tyre dhe është e vërtetë, ato nuk përcaktojnë pagën, por kanë korrigjuar dispozita që sipas tyre konsiderojnë se mund të korrigjohen, deklaroi kryetari i Shoqatës së gjyqtarëve, Xhemali Saiti.

Në pyetjen e gazetarëve në kuadër të Konferencës së sotme të gjyqtarëve 2023, me rastin e 31 Marsit – Ditës së gjyqësorit, Saiti theksoi se çështja është nëse shteti për momentin ka kapacitete ekonomike për t’i përmbushur ato kërkesa.

“Kjo mënyrë e përllogaritjes së pagës e cila ekzistonte deri më tani është bllokuar me një dispozitë e cila duhej të ketë karakter të përkohshëm, por ajo dispozitë ka që zbatohet tashmë 15 vite. Çështje tjetër është se a ka për momentin shteti kapacitet ekonomik për t’i përmbushur këto kërkesa, atë çështje me siguri e dinë njerëz nga qeveria dhe mund të përgjigjen”, tha Saiti.

Ai shprehu edhe indinjatën e tyre për mospërmbushjen e obligimeve të Qeverisë ndaj gjyqtarëve lidhur me rritjen e pagave.

Advertisement

“Ju e dini se jemi në një proces të gjatë negociatash me Qeverinë, duke hequr dorë nga kërkesat tona legjitime që të miratohet Ligj për pagat e gjyqtarëve i cili një ditë para vendimit të Gjykatës Kushtetuese u dorëzua në Komisionin para Kuvendit dhe u bllokua përmes amendamenteve, pastaj pasoi vendimi i Gjykatës Kushtetuese”, sqaroi Saiti, duke shtuar se pushteti ekzekutiv dhe legjislativ duhet ta përmbushin obligimin e tyre.

Gjykata Kushtetuese me vendim për shfuqizimin e dy neneve të Ligjit për paga dhe kompensim të funksionarëve, mundësoi rritjen e pagave të funksionarëve shtetërorë për 78 për qind. Me vendimin, përveç kryeministrit, presidentit, kryetarit të Kuvendit dhe të gjithë kryerësve të funksioneve publike përfshihen edhe gjyqtarët kushtetues.

Continue Reading

Lajme nga vendi

Zhduket një vajzë 12-vjeçare nga Shkupi, prindërit e saj kërkojnë ndihmë

Published

on

Një vajzë 12-vjeçare nga Shkupi është zhdukur që nga dje. Thirrje për ndihmë kanë publikuar edhe prindërit që kanë denoncuar rastin në polici mbrëmjen e djeshme në rrjetet sociale.

Familja e 12-vjeçares Anisa Ajro nga Shkupi që nga mëngjesi i sotëm është në kërkim të saj në rrjetet sociale dhe janë lënë numra telefoni që kushdo që e sheh të telefonojë të afërmit e saj. Të dhënat zyrtare thonë se vajza është larguar disa herë nga shtëpia dhe me ndihmën e policisë është kthyer pranë familjes.

“Më datë 30.03.2023 në Stacionin Policor Bit Pazar në ora 20:30, E.A.(38) ka raportuar se vajza e tij A.A.(12) ka ikur, ndërsa rreth orës 22:00 G.O.(39) ka lajmëruar se vajza e tij ka ikur vajzën MK (15). ). MK dhe më parë në disa raste ajo është larguar nga shtëpia dhe është kthyer mbrapsht. “Po merren masa për gjetjen e personave”, tha MPB për “A1on”.

Advertisement
Continue Reading

Lajme nga vendi

Në rrugën magjistrale Shkup-Bllacë gjendet një trup i pajetë

Published

on

Në rrugën magjistrale Shkup-Bllacë, mbrëmë rreth orës 23:30 (30.03.2023) është denoncuar se tek qarkorja në Vizbeg është gjetur një trup i pa jetë, pa kokë. Në vend ngjarje ka dalë ekip i mjekësisë ligjore dhe prokuror publik.

Sipas informacioneve të para, me siguri bëhet fjalë për migrant ilegal i cili është rrëzuar nga kamioni në të cilin ka qenë duke udhëtuar, ndërsa më pas është shkelur nga një makinë e rëndë që nuk është ndaluar në vendin e ngjarjes. Më tepër informacione pritet gjatë ditës.

Continue Reading

Më të lexuarat