Connect with us

Lajme nga vendi

Seanca e parë plenare për promovimin e barazisë gjinore

Published

on

Kuvendi sot do të mbajë seancën e 107-të, seancën e parë plenare ekskluzivisht kushtuar promovimit të barazisë gjinore. Në të njëjtën kohë shënohet edhe 20 vjetori i themelimit të Klubit të Deputeteve.

Në rendin e ditës të kësaj seance është edhe Informacioni për progresin në çështjet gjinore në dy dekadat e fundit në Republikën e Maqedonisë së Veriut. Informacionin do ta prezantojë ministrja e Punës edhe Politikës Sociale, Jovana Trençevska, ndërsa do të flasin edhe deputetët aktualë.

Siç informojnë nga shërbimi për shtyp i qeverisë, në fund të seancës plenare është planifikuar të arrihen konluzione. Seanca do të mbahet në sallën “Maqedonia”, ndërsa për shkak të pranisë të më shumë të ftuarve e njëjta do të përcillet edhe nga salla “Kupola e Madhe”.

Nga Kuvendi paralajmërojnë se si mysafirë do të marrin pjesë ministret në Qeverinë e Repulbikës së Maqedonisë së Veriut, zëvendësministret, përfaqësues të trupit diplomatik dhe të organizatave joqeveritare vendore dhe ndërkombëtare, me theks në NDI, OSBE dhe UN Women, të cilët në vazhdimësi bashkëpunojnë me Klubin e deputeteve në Kuvend, që nga themelimi në vitin 2003 deri më sot.

Theksojnë se ftesa për pjesëmarrje u janë dërguar edhe ish-ministreve në Qeveri, si dhe ish-deputeteve në periudhën nga viti 2003, përkatësisht duke filluar nga përbërja e katërt e Kuvendit (2002-2006), duke përfunduar me përbërjen e mëparshme (2016-2020).

Advertisement

Për nder të përvjetorit të Klubit të deputeteve, pas përfundimit të seancës plenare në Sallën e kristalit është planifikuar edhe një ceremoni e përshtatshme, në të cilën do të ndahen mirënjohje për ish kryetaret e Klubit të Deputeteve, për organizatat që kanë nisur iniciativa dhe kanë marrë pjesë në themelimin e Klubit dhe për disa organizata ndërkombëtare.

Në pjesën ceremoniale, siç theksojnë nga shërbimi për shtyp i qeverisë, përveç kryetarit të Kuvendit, Talat Xhaferi, do të drejtohet edhe ish deputetja Eleonora Petrova – Mitevska, kryetarja e parë e Klubit të deputeteve, ndërsa në emër të të gjithë marrësve të mirënjohjeve do të drejtohet Cvetanka Ivanova, ish kryetarja e Klubit të deputeteve dhe sekretarja aktuale e përgjithshme e Kuvendit. Mirënjohjet do t’i ndajë kryetarja aktuale e Klubit të Deputeteve, Lolita Ristova.

Advertisement

Lajme nga vendi

Njëmbëdhjetë persona në kontakt me të punësuaren e hospitalizuar në Klinikën infektive nën mbikëqyrje 14-të ditore

Published

on

Njëmbëdhjetë persona në kontakt me një të punësuare të shtruar në Klinikën infektive janë nën mbikëqyrje 14-të ditore, pasi ajo është diagnostikuar me ethe hemorragjike krimea kongo, informoi sot Renata Mlladenovska, drejtore e Inspektoratit Shtetëror Sanitar dhe Shëndetësor (ISHSSH).

“Pas marrjes së informacionit nga Instituti për Shëndet Publik, të njëjtën ditë, pra më 5 gusht, ekip i epidemiologëve nga Qendra për Shëndet Publik – Shkup, ka kryer kontroll epidemiologjik, janë bërë anketa dhe kontakte. Informacioni është ndarë dhe me ISHSSH-në dhe si institucion lëshuam edhe 11 zgjidhje, ato janë kontakte të tashmë pacientes së shtruar e cila është edhe e punësuar në Klinikën infektive. Ato 11 kontakte do të jenë nën mbikëqyrje shëndetësore 14-ditore”, tha Mlladenovska.

Ajo sqaroi se çfarë nënkupton mbikëqyrja shëndetësore.

“Pacientja, përkatësisht kontaktet do të duhet të paraqiten dhe të jenë në kontakt të vazhdueshëm me epidemiologun kujdestar nga Qendra për Shëndet Publik – Shkup, nuk është izolim klasik, megjithatë nuk duhet të kenë kontakt me të tjerët – nëse është familja e ngushtë, thjesht të durojnë këto 14 ditë që të mos përhapet ky infeksion dhe shpresoj që ky të jetë rasti i fundit. Sa u përket 29 kontakteve të mëparshme, nga ato 29 kontakte, një është konfirmuar si rast, kemi mbikëqyrje shëndetësore, vendime të marra për 40 persona”, ka thënë Mlladenovska.

E pyetur nëse këta 11 kontakte janë të gjithë nga Klinika infektive apo familja, ajo sqaroi se nga këta 11, dhjetë persona janë nga familja e ngushtë e pacientes dhe një kontakt është e një kolege të saj poashtu nga Klinika infektive.

Advertisement

Më herët, kryetari i Komisionit për Sëmundje Infektive, Zllate Mehmedoviq, tha për MIA-n se Komisioni absolutisht qëndron prapa asaj që është bërë nga Instituti i Shëndetit Publik, masat e ndërmarra dhe rekomandimet që jepen.

Nga ajo që kanë parë, shtoi ai, rasti i parë është rast i infektimit të drejtpërdrejtë, ndërsa i dyti me gjasë është gjatë transmetimit përmes gjakut të kontaminuar.

Në rastin e parë të infeksionit të drejtpërdrejtë ndërroi jetë një paciente 27-vjeçare, pas infektimit nga pickimi i rriqrës.

Continue Reading

Lajme nga vendi

Dogana e Maqedonisë ka konfiskuar fletobligacione në vlerë 92 milionë dollarë nga një shtetas i Turqisë

Published

on

Drejtori i Doganave, Stefan Bogoev në një konferencë të jashtëzakonshme për shtyp njoftoi se Doganat e Maqedonisë së Veriut kanë konfiskuar fletobligacione në vlerë të 92 milionë dollarëve, shkruan TV21. Bogoev tha se janë konfiskuar 184 fletobligacione me vlerë të veçantë nominale prej 500 mijë dollarëve.

“Obligacionet janë gjetur tek një udhëtar, shtetas i Turqisë, i cili ka ardhur me fluturim të rregullt nga Stambolli dhe është përcaktuar për të kaluar në të ashtuquajturin “kanal i gjelbër”, respektivisht se nuk ka mall për të deklaruar, ndërsa gjatë kontrollit me skaner dhe kontrollit shtesë të detajuar, tek i njëjti janë gjetur në 4 dosje brenda një çante të zezë”, tha mes tjerash Bogoev duke shtuar se personi në fjalë është dënuar nga gjykata e vendit, ndërsa fletobligacionet i janë dorëzuar Agjencisë për Menaxhim me Pronë të Konfiskuar.

Continue Reading

Lajme nga vendi

100 ushtarë nesër nisen për në Slloveni, janë kërkuar mjete materiale dhe teknike

Published

on

Nesër në mëngjes ushtarët maqedonas duhet të nisen për në Slloveni, ku do të ndihmojnë në përballimin e përmbytjeve katastrofike. Këtë e theksoi sot ministrja e Mbrojtjes, Slavjanka Petrovska, duke theksuar se nuk ka pasur vonesa në ndihmën e ofruar.

Që në momentin e parë kur ndodhi aksidenti, e gjithë maja e shtetit kontaktoi autoritetet atje dhe ne i dhamë mbështetjen tonë vetëmohuese. Nga ata na thanë se sapo të bëjnë analizat do të dorëzohen kërkesat dhe kanë mbërritur dje. Për këtë kemi reaguar menjëherë dhe sot në seancën e Qeverisë do të marrim vendim që të dërgohen 100 ushtarë nga përbërje të ndryshme, të cilët do t’u përgjigjen nevojave të ushtrisë dhe shtetit slloven, tha Petrovska.

Ministri sqaroi se ushtarët tanë tashmë janë gati. Në kërkesë thuhet se kërkohen 200 ushtarë.

Sipas saj, janë kërkuar mjete të tjera materialo-teknike të cilat nuk jemi në gjendje t’i dorëzojmë.

Presidenti Stevo Pendarovski dje në bisedë me presidenten sllovene Natasha Pirc-Musar shprehu keqardhje dhe keqardhje për Slloveninë dhe gjithë banorët e saj për humbjet dhe dëmet e pësuara nga vërshimet, të cilat ishin të përmasave të mëdha, dhe shprehu gatishmërinë për të ndihmuar.

Advertisement
Continue Reading

Më të lexuarat