Connect with us

Lajme nga vendi

Në Kumanovë shkollat e mesme dallojnë për nga etnia e nxënësve që mësojnë!

Published

on

Vitin që lamë pas përderisa shkolla e mesme “Goce Dellçev” rinovohej duke marrë pamje të një shkolle evropiane, shqiptarët i gëzoheshin vendimit që shkolla e mesme “Sami Frashëri” do të bëhet me objekt të ri, pa çka se objekti i ri do t’i largojë nxënësit shqiptarë nga qendra e qytetit në drejtim të periferisë. Shkolla e rinovuar plotësisht me kushte dhe standarde moderne është Gjimanzi “Goce Dellçev”, në të cilin mësojnë nxënësit maqedonas. Ndërkaq, objekti që me gjithçka tjetër mund të ngjajë vetëm me shkollë jo, është Gjimnazi “Sami Frashëri”, ku mësojnë nxënësit shqiptarë. Pra, po flasim për dallime esenciale të dy shkollave të mesme në të njëjtin qytet por brenda të cilave vijojnë mësimin nxënës të përkatësive të ndryshme etnike. Derisa nxënësit shqiptarë po presin shkollën e re, nxënësit maqedonas po pajisen me banka e karrige moderne që nxënësit shqiptarë mund t’i shohin vetëm në ëndërr. Si dhe në kohën e njëjtë kur për shkollat shqiptare është arritje dhe sukses ndërrimi i çative të kalbura, në shkollat maqedonase vendosen termocentrale fotovoltaike mbi çati, shkruan Zhurnal.

Në Kumanovë ka dallim esencial të jesh nxënës shqiptarë dhe të jesh nxënës maqedonas

Nxënësit shqiptarë dallohen nga bashkëmoshatarët e tyre maqedonas për nga kushtet me të cilat disponojnë, kur flasim posaçërisht për nxënësit e dyja gjimnazeve që janë në këtë qytet, atë të maqedonasve “Goce Dellçev”, dhe atë të shqiptarëve “Sami Frashëri”. Kjo për shumë arsye, mes tjerash dhe kryesoret infrastruktura dhe kushtet që posedojnë këto shkolla.

Në objektin e shkollës dhe sallës sportive në gjimnazin “Goce Dellçev” në Kumanovë është vendosur fasadë e re vitin që lamë pas, me çka kjo shkollë mori pamje krejtësisht tjetër duke plotësuar standardet evropiane, si për nga pamje jashtme ngjashëm edhe nga brendësia.

“Kemi ndërruar të gjitha dritaret e vjetra me dritare të reja PVC efiçente. Kulmi i vjetër i objektit të shkollës dhe sallës sportive tërësisht është zëvendësuar me një çati të re. Rinovuam ambientet e brendshme të sallës sportive të shkollës, vendosëm një sistem të ri ngrohjeje dhe një tapet të ri sportiv. Ndërtuam një fushë të re sportive me dysheme speciale në oborrin e shkollës. Janë ndërruar dyert e ambienteve të zyrës dhe klasave, janë ndrruar sipërfaqet e dyshemesë në klasa si dhe ambientet sanitare në shkollë”, ka njoftuar Komuna e Kumanovës (gusht, 2022).

Advertisement

Nuk është kjo e tëra sepse shkolla e mesme “Goce Dellçev” ku mësojnë vetëm nxënësit maqedonas së fundmi si fazë përfundimtare të rikonstruimit është pajisur edhe banka dhe karrige me standarde të larta për të gjithë nxënësit, ngjashëm edhe zyrat e mësimdhënësve.

“Pas përfundimit me dyshemenë e re blemë dy makineri të reja për mirëmbajtjen e dyshemesë, tavolina dhe karrige për të gjithë nxënësit si dhe pajisje të reja të destinuara për zyrat e punonjësve të kësaj shkolle. Janë vendosur edhe tetë kondicionerë inverter. Ka përfunduar montimi dhe instalimi i një termocentrali fotovoltaik në çatinë e shkollës, tani jemi në pritje të lejes dhe aktivizimit nga EVN në rrjetin e shpërndarjes elektrike që do të na mundësojë të fillojmë përdorimin e pajisjeve dhe të kursejmë energjinë elektrike“, ka thënë drejtoresha, Marija Todorovska për Kumanonews. https://kumanovonews.mk/vesti/nova-oprema-klupi-i-stolcinja-za-ucenicite-vo-gimnazijata-goce-delcev-kumanovo

“Gjimanzi “Goce Dellçev” mbi çati termocentrale fotovoltaike, gjimanzi “Sami Frashëri” ka ngelë pa çati”

Përderisa gjimnazi ku mësojnë maqedonasit ka vendosur edhe termocentrale fotovaltike mbi çati, gjimnazi ku mësojnë nxënësit shqiptarë ka mbetur ende pa adresë të saktë, nxënësit po vijojnë mësimin në objektin që vetëm shkollë nuk mund të quhet.

Vitin që lamë pas derisa shkolla e mesme “Goce Dellçev” rinovohej duke marrë pamje të një shkolle evropiane, shqiptarët i gëzoheshin vendimit që shkolla e mesme “Sami Frashëri” do të bëhet me objekt të ri, pa çka se objekti i ri do t’i largojë nxënësit shqiptarë nga qendra e qytetit në drejtim të periferisë.

Advertisement

Ky objekt i kësaj shkolle ku mësojnë nxënësit shqiptarë është prapavija më e njohur gjatë fushatave parazgjedhore kur ka zgjedhje lokale, pra janë bërë më shumë se 17 vite që kur është premtuar gjetja e një zgjidhjeje të përshtatshme për gjimnazin “Sami Frashëri”, e tani vitin e kaluar u mor ai vendim që nuk konsiderohet të jetë aspak i përshtatshëm dhe i duhur. Kjo shkollë nuk ka as sallë sportive nxënësit aktivitetet sportive i realizojnë në bodrumin e kësaj shkolle që sipas tyre kundërmon erë e rëndë, dhe ka hapësira që janë të mykura.

Kujtojmë që, para rinovimit të gjimnazit “Goce Dellçev” Komuna e Kumanovës ishte kujdesur edhe për shkollat tjera, duke rinovuar shkollën fillore ne “Ljubodrag”, shkollën fillore “Brakja Milladinovci”, shkolle fillore në “Umin Doll’, shkollën e mesme “Pero Nakov” në të gjitha këto shkolla mësojnë vetëm nxënësit maqedonas.

Ndërkaq, shkollat fillore në të cilat mësojnë shqiptarët janë të rinovuar pjesërisht, në përjashtim të shkollës së mesme ekonomike “Pero Nakov” paralelja në gjuhën shqipe që është me objekt në periferi të qytetit që është e rinovuar më shumë se të tjerat, por asesi në formën e njëjtë sikurse shkolla e mesme “Goce Dellçev”. Siduket, kjo është strategji e instaluar që kushte më të mira në shkollat ku mësojnë shqiptarët, por me kusht që ato shkolla të jenë sa më larg qendrës së qytetit. /Zhurnal.mk

Advertisement

Lajme nga vendi

Rënia e cilësisë në arsim, pasojë e politikës

Published

on

Pa reforma të mirëfillta, e para së gjithash, pa largimin e politikës nga shkollat, nuk mund të pritet rritje e cilësisë në arsim. Kështu thonë njohësit e çështjeve të arsimit në Shkup duke komentuar përkeqësimin e gjendjes në këtë fushë bazuar në hulumtimet e fundit të opinionit publik.

Mbi dy të tretat e qytetarëve të Maqedonisë së Veriut besojnë se arsimi në vend nuk është cilësor, sipas një hulumtimi të opinionit publik të kryer nga Instituti për Kërkime Politike.

Sipas hulumtimit, 69.7 për qind e qytetarëve mendojnë se arsimi në Maqedoninë e Veriut është i dobët, ndërsa 26.8 për qind mendojnë se është i cilësisë së lartë.

Krahasuar me vitin 2019 kur 47.4 për qind besonin se kemi arsim të cilësisë së ulët, tani vendi shënon rekord prej 69.7 për qind sa i përket rënies së cilësisë.

Faktorët kryesorë që kanë ndikuar në këtë rënie, sipas hulumtimit, kanë të bëjnë me kurrikulat arsimore, stafin e keq mësimdhënës, cilësinë e dobët të teksteve dhe kushtet e këqija në shkolla.

Advertisement

Profesori i pedagogjisë, Avzi Mustafa, thotë për Radion Evropa e Lirë, se arsimi në Maqedoninë e Veriut asnjëherë nuk ka qenë në gjendje më të keqe se tani, si pasojë e siç thotë, politikave të gabuara arsimore, kopjimit të programeve të huaja pa studime paraprake dhe mungesës së kushteve në shkolla.

“Kjo që ne po shohim është për të ardhur keq, pasi arsimi çdo ditë e më tepër po shkon në dekadencë. Një prej faktorëve kryesorë që e kemi këtë gjendje në arsim është se kompetentët marrin dhe kopjojnë sisteme arsimore të shteteve perëndimore pa pasur parasysh kushtet, në të cilat ndodhet arsimi ynë”.

“Deri tani kemi pasur 18 ministra të arsimit dhe po aq reforma në arsim, domethënë çdo ministër që vjen bën reformën e vet. Në shkollat tona kemi cilësi të dobët në arsim pasi faktori kryesor që duhet të bëjë reformën është mësuesi, por ai sot nuk pyetet pasi është vetëm një administrator”, konsideron Mustafa.

Maqedonia e Veriut duhet të bëjë reforma të thella në arsim duke filluar nga programet mësimore, thotë Vllado Dimovski nga Qendra për Tolerancë dhe Mësim të Përjetshëm.

Ai thotë se Qeveria e re që pritet të votohet javën e ardhshme, ka afat deri në shtator që të bëjë ndryshime apo të detektojë shkaqet që po ndikojnë në rënien e cilësisë në arsim.

Advertisement

“Duhet të ketë ndryshim të madh në programet mësimore. Byroja për zhvillimin e arsimit ka kuadër të mirë, por duhet t’i mundësohet apo të lihet e lirë për të bërë programe të mirëfillta arsimore që do të zbatohen në të ardhmen. Vendi ka nevojë për një drejtues të Ministrisë së Arsimit që e kupton arsimin dhe që do të ketë gatitshmëri për përmirësimin e gjendjes”, vlerëson Dimovski.

Por, profesori Mustafa thotë se gjendja mund të përmirësohet vetëm në qoftë se politika i largon duart nga arsimi dhe vetëm nëse në dikasterin e arsimit vendosen profesionistë të fushës, të cilët në bashkëpunim me punonjësit e arsimit i bëjnë reformat e mirëfillta në arsim.

“Politika i ka futur duart thellë në arsim duke emëruar drejtorët, të cilët i sheh si persona politikë. Në arsim punësohen kuadro që mund të jenë edhe me diploma të blera apo me nota të falura dhe kjo tregon se arsimi është i politizuar. Derisa ne nuk e flakim politikën nga arsimi, gjendja do të jetë e tillë”, thotë profesori Mustafa.

Maqedonia e Veriut ka treguar rezultate të dobëta edhe në rezultatet e testit PISA që vlerëson cilësinë e arsimit në tri fusha, gjuhë, matematikë dhe shkencë, ndërsa rezultate të dobëta janë regjistruar edhe në arsimin e lartë.

Universiteti Shtetëror i Shkupit është renditur i 1990-ti në listën e 2000 universiteteve më të mira në botë për vitin 2024 nga Qendra për Renditjen e Universiteteve Botërore (CWUR). Ndërsa, pesë universitetet tjera shtetërore nuk kanë arritur të përfshihen fare në këtë listë.

Advertisement

Qeveria e re që pritet të formohet nga VMRO DPMNE-ja dhe koalicioni VLEN, në programin e punës ka paraparë reforma edhe në sferën e arsimit.

Drejtuesit e koalicionit VLEN në disa raste kanë theksuar nevojën për konsultime të gjera rreth një ideje për bashkimin e tri universiteteve në gjuhën shqipe me qëllim të rritjes së cilësisë me përzgjedhjen e kuadrit dhe programeve më të mira.

Veç kësaj, arsimi parashkollor që aktualisht funksion në kuadër të Ministrisë së Punës dhe Politikës Sociale, nga shtatori do të kalojë në kompetencë të Ministrisë së Arsimit.

Kujdes do t’i kushtetohet edhe procesit të digjitalizimit të teksteve mësimore, forcimit të programeve mësimore për të arritur rezultate më të mira në renditjen e arsimit në suaza ndërkombëtare./REL

Advertisement
Continue Reading

Lajme nga vendi

A do te ketë zgjedhje te parakohshme ne tre komuna?Duhen 80 vota për ndryshimin e ligjit për Vetëqeverisjen Lokale

Published

on

Nga e hëna do të bëhet e qartë nëse do të mbahen zgjedhje të reja lokale në tre komuna të vendit. Koordinatorët e grupeve parlamentare në Kuvend tashmë kanë propozuar ndryshime në Ligjin për Vetëqeverisje Lokale, bënë të ditur  nga koalicioni “VLEN”.

Sipas informacioneve të pakonfirmuara, të hënën do të mbahet një koordinim, në të cilin pritet që përfaqësuesit e palëve të shprehin qëndrimet dhe vërejtjet e mundshme rreth tekstit. Burime nga VMRO-DPMNE, nga ana tjetër, thonë se nëse sigurohet shumica e nevojshme prej dy të tretave për ndryshimet ligjore, debati do të fillojë të martën, kur është caktuar seanca plenare në Kuvend. Për këtë ligj, përveç 80 votave “pro”, nevojitet edhe shumica e Badenterit dhe tani për tani ndryshimet kanë mbështetjen e sigurt të 78 deputetëve.

Koalicioni “VLEN” njoftoi ndryshimet ligjore në Ligjin për Vetëqeverisjen Lokale që të mos ketë zgjedhje të parakohshme në komunat, kryetarët e të cilave do të kalojnë në pushtetin ekzekutiv dhe legjislativ. Fjala është për Gostivarin, kryetar i të cilit Arben Taravari do të jetë ministër i ri i Shëndetësisë, pastaj për Aerodromin, sepse pritet që në karrige ministrore të ulet Timço Mucunski, e po ashtu edhe Sarajin, sepse kryetari Blerim Bexheti nga BDI do ta vazhdojë karrierën e tij politike si deputet.

Propozimi parashikon funksionin e “ushtrimit të detyrës kryetar komune”, i cili do ta menaxhonte komunën deri në mbajtjen e zgjedhjeve të rregullta lokale. Zbatuesi do të zgjidhej në këshillin komunal. Sipas zgjidhjes aktuale ligjore, nëse mbeten më shumë se gjashtë muaj deri në zgjedhjet e rregullta lokale, atëherë shpallen zgjedhje të reja për kryetar komune. Kështu do të ishte nëse nuk kalojnë ndryshimet në Ligjin për Vetëqeverisje Lokale, sepse zgjedhjet e ardhshme lokale janë vitin e ardhshëm në vjeshtë. Koalicioni “VLEN”, i cili do të ishte propozues i ligjit, shpreson që ndryshimet të miratohen para votimit për Qeverinë e ardhshme, që pritet të jetë fundjavën e ardhshme.

Continue Reading

Lajme nga vendi

AlternAtivA: Orhan Murtezani është kandidat për ministër në Ministrinë e Çështjeve Europiane

Published

on

Në mbledhjen e sotme të Kryesisë Qendrore të Alternativës është diskutuar për emrin e kandidatit të Alternativës për ministër në Ministrinë e Eurointegrimeve dhe me këtë rast në mënyrë unanime është vendosur që kandidat i Alternativës për këtë resor të jetë Orhan Murtezani, ish drejtor në MEPSO dhe në Hekurudhat e Maqedonisë – Transporti, si dhe Sekretar për Marrëdhënie me Publikun e zëdhënës i Alternativës, njoftojnë nga Alternativa.

“Në këtë mbledhje është diskutuar edhe kandidati për zëvendësministër të Ministrisë së Arsimit dhe Shkencës dhe po ashtu me vota unanime për këtë detyrë është propozuar Prof. dr. Lulzim Aliu, profesor universitar e prodekan në Fakultetin Pedagogjik, ish zëvendësministër i Arsimit dhe aktualisht Sekretar i Sekretariatit të Politikave Strategjike në Alternativë.

Meqë Alternativa e ka marrë edhe përgjegjësinë e zëvendësministrit të Ministrisë së Bashkësive Etnike, Kryesia Qendrore diskutoi edhe për këtë emër dhe në mënyrë unanime vendosi që kandidati i Alternativës për këtë detyrë të jetë Safije Sadiki Shaini – profesoreshë universitare, ish deputete dhe aktualisht nënkryetare e Alternativës”, thuhet në njoftim.

Përveç kësaj nga Alternativa bëjnë të ditur se në mbledhje u diskutua edhe për temën e dorëheqjes së, tashmë, ish kryetarit të Alternativës, Afrim Gashi, i cili është zgjedhur në detyrën e Kryetarit të Kuvendit të Republikës së Maqedonisë së Veriut. Duke gjykuar se në të mirë të përfaqësimit të partisë është që partia të ketë kryetar të plotfuqishëm, Kryesia Qendrore e Alternativës ka vendosur që ta ftojë Kuvendin Qendror, të cilit do t’i propozojë që të marrë vendim për organizimin të kongresit të jashtëzakonshëm për zgjedhje të kryetarit të Alternativës.

Continue Reading

Më të lexuarat