Connect with us

Lajme nga vendi

Kasami nga Besëlidhja e Lezhës: Pllaka Dardanus e dëshmon autoktoninë tonë në trojet shqiptare

Published

on

Kreu i Tetovës, Bilall Kasami në Shqipëri ka marrë pjesë në përkujtimin e Besëlidhjes së Lezhës. Para të pranishmëve Kasami ka mbajtur një fjalim që është ndërlidhur me situatën aktuale në Maqedoninë e Veriut dhe me gjetjen e fundit të pllakës Dardanus në Karposh të Shkupit.

Në vazhdim ju sjellim fjalimin integral të z.Kasami:

Trajektorja e historisë shqiptare, e bashkimit dhe e afirmimit të idesë së shtetit shqiptar në periudhën e mesjetës ka për zanafillë Kuvendin e Lezhës, këtë parlament të hershëm shqiptar që i jep kuptim gjithë ekzistencës së kombit shqiptar në periudhat e mëvonshme. Kuvendi i Lezhës është themeli i identitetit etnik, kulturor dhe politik të shqiptarëve në rrugën e trazuar të historisë. Është pika ndriçuese që ka përndritur gjithë përpjekjen e shqiptarëve për të pasur shtetin e tyre në rrethana të përhershme sundimi dhe pengesash të shumta në rrugën e afirmimit të identitetit kombëtar.

Kuvendi i Lezhës përfaqëson vetëdijen e kristalizuar kombëtare dhe politike për shtet dhe përgjithësisht për mëvetësi në rrugën e historisë, përfaqëson përpjekjen e vazhdueshme të shqiptareve si entitet i veçantë etnik dhe kulturor në rrjedhën e historisë. Ky kuvend për më tepër është shprehje e vullnetit përbashkues të princërve shqiptarë, të fisnikëve, të cilët me Besëlidhjen e Lezhës shpërfaqën vullnetin e pakontestueshëm për mëvetësi shtetërore në periudhën, që tashmë në historinë shqiptare, por edhe atë botërore njihet si Periudha Gjergj Kastriot Skënderbeut.
Padiskutim Kuvendi i Lezhës si një nga ngjarjet më të rëndësishme të historisë shqiptare rrumbullakonte praninë e shqiptarëve në histori që nga antikiteti ilir, si një vazhdimësi mbijetese dhe rezistence të përhershme. Kjo trashëgimi antike e shqiptarëve, këtyre ditëve është dëshmuar edhe nëpërmjet gërmimeve arkeologjike në Skupin e lashtë, që tashmë po vërtetohet nëpërmjet pllakës mbivarrore Dardanus si prani e padiskutueshme në antikitetin e vonë, por edhe si kontinuitet historik autoktonie.

Të ndëruar të pranishëm,

Advertisement

Ne, sot, në këtë shënim të përvjetorit të Kuvendit të Lezheës, edhe njëherë ripërsërisim angazhimin tonë të përhershëm për të komunikuar dhe për të bashkëpunuar brenda hapësirave shqiptare. Pikërisht në frymën e Kuvendit të Lezhës, para nesh shtrohet domosdoshmëria e frymës përbashkuese të bashkëpunimit si një përpjekje për të lëvizur përpara shqiptarët drejt progresit të gjithmbarshëm në të gjitha hapësirat ku jetojnë.

Në madhështinë e kësaj feste, ne të gjithë së bashku, shfaqim gatishmërinë tonë për të qenë në lartësinë e kësaj ngjarjeje, duke kultivuar komunikimin mes shqiptarëve, duke afirmuar vizionin e përbashkët për të punuar në rrugën e integrimit dhe përvetësimit të vlerave më të mira evropiane. Pikërisht ky vizion, na mundëson që të jemi pranë njëri-tjetrit, të bashkuar dhe të përkushtuar në kultivimin e vlerave më të mira kombëtare dhe evropiane.

Kuvendi i Lezhës mbetet mesazh i madh historik i frymës përbashkuese shqiptare dhe ne sot po e dëshmojmë këtë nëpërmjet komunikimit dhe bashkëpunimit tonë. Padiskutim është një nder i madh të jesh pjesë e këtij përvjetori. Uroj që gjithmonë të jemi në lartësinë e kësaj frymë dhe të vlerave më të mirëqena, të cilat synojmë t’i kultivojmë pandërprerë në hapësirat tona. FALEMINDERIT!

Advertisement

Lajme nga vendi

Mickoski reflektoi duke pranuar emrin kushtetues të shtetit – a do të reflektoi edhe për ndryshimet kushtetuese?

Published

on

Pasi kryeministri në ardhje Hristijan Mickoski reflektoi duke pranuar realitetin politik, emrin kushtetues të shtetit, njohësit e zhvillimeve politike presin që ajo të pasqyrohet edhe në amendamentet kushtetuese.

“Mandatari veç theksoi se gjatë betimit do të përmend emrin kushtetues të vendit. Kjo ndonëse ka të bëjë edhe me reagimet dhe sugjerimet e mara nga faktori ndërkombëtar mbase gjykoj se edhe ai vet është i vetëdijshëm se si kryeministër duhet sjellje më ndryshe sesa nga pozita e opozitarit. Pa dyshim se reflektim do të ketë edhe për ndryshimet kushtetuese sepse në parim nuk janë kundër por synojnë në harmonizim të disa gjërave me shtetin fqinjë dhe faktorin ndërkombëtar. Dhe në këto rrethana të zgjedhjeve të BE ata në Bullgari dhe në nëntor në SHBA, ndonëse do duhet pak kohë qeveria e re të menaxhojë eventualisht për të harmonizuar diçka Ndërkaq reflektim vlerësoj se do të ketë sepse integrimi është pa alternativë për vendin”, thotë Qenan Aliu për PRESSonline.al

Mandatari Hristijan Mickoski – në paraqitjen e emrave të ministrave të rinj dhe programin për qeverinë e re, e përdor emrin kushtetues të shtetit tre herë në një fjali. Për të katërtën herë e vendos pranë mbiemrit të tij si mandatar.

Në daljen e tij të fundit televizive, Mickoski tha:

“Unë do të bëj betimin si kryeministër i ri me emrin kushtetues të shtetit, kjo është e qartë. Në daljet e mia jashtë vendit do të përdor emrin kushtetues. Nuk mund të sillemi me standarde të dyfishta, nuk mund t’u kërkojmë qytetarëve të respektojnë ligjet dhe kushtetutën dhe nuk i respektojmë ato. Por në paraqitjet e mia në vend dhe në deklaratat do të përdor emrin e vendit tim, që është Maqedonia”.

Advertisement

Më 5 qershor, Mickoski tha se nuk do ta përdor emrin Maqedonia e Veriut në fjalimet e tij dhe se do të nënshkruajë të gjitha dokumentet dhe ligjet me emrin kushtetues.

“Komunikimi i përgjithshëm institucional që është pjesë e Kushtetutës dhe ligjeve do të respektohet për aq kohë sa ato ligje janë në fuqi. Por në deklaratat e mia emri do të jetë Maqedoni”, tha Mickoski më 5 qershor, përcjell PRESSonline.al

Kryetari i Kuvendit Afrim Gashi ka caktuar seancën për zgjedhjen e Qeverisë së re të shtunën në ora 11:00.(PRESSonline.al)

Continue Reading

Lajme nga vendi

KAMBOVSKI DHE LIMANI DHANË DEKLARATË SOLEMNE SI ANËTARË TË RINJ TË KËSHILLIT GJYQËSOR, POR NUK U PËRGJIGJËN NËSE AI DUHET TË SHPËRNDAHET

Published

on

Askush të mos përzihet në pushtetin gjyqësor, porositën sot anëtarët e rinj të Këshillit gjyqësor Isamedin Limani dhe Aleksandar Kambovski, të cilët dhanë dekalrata solemne para kryetarit të Kuvendit, Afrim Gashi. Limani dhe Kambovski nuk u përgjigjën se çka mendojnë për propozimin për shpërndarje të Këshillit gjyqësor.

“Çdoherë kam besuar në pavarësi, në transparencë, llogaridhënie, përgjegjësi, luftë kundër korrupsionit. Shpresoj se këto bindje të mija do të trajtohen në këshill”, deklaroi Kambovski.

I pyetur se çka mendon për shpërndarjen e Këshillit, Kambovski tha se nuk ka çka të mendojë tani, sepse duhet të shqyrtohen propozimet e reja, ndërsa tani për tani nuk i din ato.

“Çdoherë është mirë gjqyësia të jetë e pavarur. Kjo është një nga autoritetet në shtet. Siç janë të pavarura autoritetet e tjera, edhe gjyqësia duhet të jetë e pavarur dhe vetë të vendosë për nevojat e veta”, shtoi Kambovski.

Ndërkaq gjyqtari Limani, iu referohet  dispozitave ligjore dhe kushtetuese për pavarësinë e Këshillit gjyqësor.

Advertisement

“Në pajtim me dispozitat kushtetuese dhe ligjore dihet se Këshilli gjyqësor është organ i pavarur kushtetues i cili do të kudjeset për sigurimin e pavarësisë së gjyqësorit. Këshilli gjyqësor duhet të sigurojë kushte që ajo pavarësi të jetë më transparente, dhe të mund të punojnë në mënyrë më efikase gjykatat”, deklaroi Limani.

As ai nuk u përjgigj nëse konsideorn se Këshilli gjyqësor duhet të shpërndahet, por tha se nëse duhet të bëhen reforma tët jera, Kuvendi është ai i cili mund ta ndryshojë Kushtetutën.

“Sepse krijuesi i Kushtetutës, Kuvendi është ligjvënës dhe krijues i Kushtetutës, ata kanë kompetencë nëse e ndryshojnë kushtetutën sepse dihet se amandamentet që janë sjellë në vitin 2006 se gjyqësori është autoritet i pavarur, por ata mund ta ndryshojnë kushtetutën, mund të sjellin edhe reforma të tjera”, tha Limani.

Gjyqtari nga Gjykata supreme, Isamedin Limani dhe gjyqtari nga Gjykata e Apelit Manstir, Aleksandar Kambovski u zgjidhën në 6 qershor të këtij viti pasi që gjykatësit votuan për kandidatët nga zona e tyre e apelit. Për Limanin votuan  shtatë gjykatës, ndërsa Kambovski u zgjodh për anëtar të Këshillit gjyqësor me gjithsej 28 vota të fituara.

Në pajtim me ligjin përr këshill gjyqësor anëtarët e Këshilli nga radhët e gjykatësve kanë mandat prej gjashtë viteve, me të drejtë rizgjedhjeje për edhe një mandat pas skadimit të së paku gjashtë viteve nga ndërprerja e mandatit paraprak në Këshillin gjyqësor.

Advertisement
Continue Reading

Lajme nga vendi

Aksident në rrugën Gostivar-Ohër, automjeti godet një ari

Published

on

Një ari ka mbetur i ngordhur pasi një automjet e ka goditur mëngjesin e sotëm në rrugën e Gostivarit-Ohër, ndërsa nuk ka persona të ndaluar.

Sipas njoftimit në numrin e vetëm të urgjencës 112, aksidenti trafiku ka ndodhur në ora 05:37 në gurthyesin e dytë në rrugën Gostivar-Ohër.

“Në vendin e aksidentit janë të pranishëm zyrtarë policorë nga stacioni policor i Gostivarit dhe një ekip hetimor.

Për largimin e ariut të ngordhur nga rruga kryesore janë njoftuar edhe Parku Kombëtar i Mavrovës dhe Njësia e Zjarrfikësve – Gostivar”, thuhet në njoftimin e Qendrës Rajonale për Menaxhimin e Krizave – Tetovë.

Continue Reading

Më të lexuarat