Connect with us

Lajme nga vendi

Komuna e Tetovës do të dëmshpërblejë qytetarët prej 500 deri 1600 euro nga sulmet e qenve endacakë

Published

on

Komuna e Tetovës ka ndarë me opinionin në ueb faqen e saj Rregulloren për përcaktimin e mënyrës së pagesës dhe të kompensimit për dëmet e shkaktuara nga kafshimi i qenve endacak. Komuna ka ndarë edhe kërkesën për kompensim të dëmit që rezulton nga kafshimi i qenve endacakë. Kjo rregullore u votua gjatë seancës së katërt të këshillit komunal, shkruan Portalb.mk.

Kjo vlen për sulmet të cilat ndodhin në territorin e Komunës, të cilat janë të përcaktuara në rregullore.

Qytetarët të cilët sulmohen, lëndohen apo kafshohen nga qentë e rrugës do kenë mundësi kompensimi nga 30 mijë deri në 100 mijë denarë. Shumë kjo e cila do të varret nga ajo sa do e caktojë Komisioni i kompensimeve nga kafshimi i qenve endacakë, i cili tani më është formuar.

Komisioni përbëhet nga kryetari i cili vjen nga radhët e të punësuarve të administratës komunale dhe katër anëtarë të tjerë, edhe atë: një anëtar nga Sektori Juridik në Komunë, një anëtar nga NPK Tetova, një anëtar nga radhët e mjekëve traumatologë të licencuar dhe një anëtar nga radhët e mjekëve të licencuar në fushën e psikiatrisë.

Kompetencat e këtij komisioni janë të shqyrtojë kërkesat për kompensimin e demit dhe të jep propozime për vlerën e kompensimit të demit.

Advertisement

Përcaktimi i vlerës së kompensimit vlerësohen në bazë të disa kritereve të cilat kanë nga 5, 10 dhe 15 pikë. Edhe atë: lloji I kafshimit, numri I kafshimeve, shkalla e përjetuar e frikës, mosha e të lënduarit, fëmijët, pasojat e shkaktuara si rezultat i kafshimit, shenjat në trup, dëmtimi i gjendjes psiqike. Ndërkaq shuma llogaritet në bazë të pikëve të grumbulluara. Që në total gjithsej janë 100 pikë.

Qytetarët gjatë paraqitjes së kërkesës në komunë duhet të dorëzojnë këto dokumente: letërnjoftim ose pasaportë të vlefshme për kontroll dhe nëse i dëmtuari është i mitur, dokumentet i dorëzon prindi ose kujdestari, dokumentacion mjekësor nga institucioni shëndetësor që ka mjekuar lëndimin e shkaktuar nga kafshimi i qenit endacak, vërtetim nga Ministria e Punëve të Brendshme e Republikës së Maqedonisë së Veriut (stacioni policor ku është paraqitur rasti), procesverbal nga inspektorati komunal (për rastin e paraqitur, fotografi nga lëndimi, deklaratë nga dëshmitarët (nëse ka), kopje e faturës fiskale për shpenzimet e bëra në lidhje me ngjarjen, kopje e llogarisë së transaksionit të parashtruesit.

Advertisement

Lajme nga vendi

Mickoski reflektoi duke pranuar emrin kushtetues të shtetit – a do të reflektoi edhe për ndryshimet kushtetuese?

Published

on

Pasi kryeministri në ardhje Hristijan Mickoski reflektoi duke pranuar realitetin politik, emrin kushtetues të shtetit, njohësit e zhvillimeve politike presin që ajo të pasqyrohet edhe në amendamentet kushtetuese.

“Mandatari veç theksoi se gjatë betimit do të përmend emrin kushtetues të vendit. Kjo ndonëse ka të bëjë edhe me reagimet dhe sugjerimet e mara nga faktori ndërkombëtar mbase gjykoj se edhe ai vet është i vetëdijshëm se si kryeministër duhet sjellje më ndryshe sesa nga pozita e opozitarit. Pa dyshim se reflektim do të ketë edhe për ndryshimet kushtetuese sepse në parim nuk janë kundër por synojnë në harmonizim të disa gjërave me shtetin fqinjë dhe faktorin ndërkombëtar. Dhe në këto rrethana të zgjedhjeve të BE ata në Bullgari dhe në nëntor në SHBA, ndonëse do duhet pak kohë qeveria e re të menaxhojë eventualisht për të harmonizuar diçka Ndërkaq reflektim vlerësoj se do të ketë sepse integrimi është pa alternativë për vendin”, thotë Qenan Aliu për PRESSonline.al

Mandatari Hristijan Mickoski – në paraqitjen e emrave të ministrave të rinj dhe programin për qeverinë e re, e përdor emrin kushtetues të shtetit tre herë në një fjali. Për të katërtën herë e vendos pranë mbiemrit të tij si mandatar.

Në daljen e tij të fundit televizive, Mickoski tha:

“Unë do të bëj betimin si kryeministër i ri me emrin kushtetues të shtetit, kjo është e qartë. Në daljet e mia jashtë vendit do të përdor emrin kushtetues. Nuk mund të sillemi me standarde të dyfishta, nuk mund t’u kërkojmë qytetarëve të respektojnë ligjet dhe kushtetutën dhe nuk i respektojmë ato. Por në paraqitjet e mia në vend dhe në deklaratat do të përdor emrin e vendit tim, që është Maqedonia”.

Advertisement

Më 5 qershor, Mickoski tha se nuk do ta përdor emrin Maqedonia e Veriut në fjalimet e tij dhe se do të nënshkruajë të gjitha dokumentet dhe ligjet me emrin kushtetues.

“Komunikimi i përgjithshëm institucional që është pjesë e Kushtetutës dhe ligjeve do të respektohet për aq kohë sa ato ligje janë në fuqi. Por në deklaratat e mia emri do të jetë Maqedoni”, tha Mickoski më 5 qershor, përcjell PRESSonline.al

Kryetari i Kuvendit Afrim Gashi ka caktuar seancën për zgjedhjen e Qeverisë së re të shtunën në ora 11:00.(PRESSonline.al)

Continue Reading

Lajme nga vendi

KAMBOVSKI DHE LIMANI DHANË DEKLARATË SOLEMNE SI ANËTARË TË RINJ TË KËSHILLIT GJYQËSOR, POR NUK U PËRGJIGJËN NËSE AI DUHET TË SHPËRNDAHET

Published

on

Askush të mos përzihet në pushtetin gjyqësor, porositën sot anëtarët e rinj të Këshillit gjyqësor Isamedin Limani dhe Aleksandar Kambovski, të cilët dhanë dekalrata solemne para kryetarit të Kuvendit, Afrim Gashi. Limani dhe Kambovski nuk u përgjigjën se çka mendojnë për propozimin për shpërndarje të Këshillit gjyqësor.

“Çdoherë kam besuar në pavarësi, në transparencë, llogaridhënie, përgjegjësi, luftë kundër korrupsionit. Shpresoj se këto bindje të mija do të trajtohen në këshill”, deklaroi Kambovski.

I pyetur se çka mendon për shpërndarjen e Këshillit, Kambovski tha se nuk ka çka të mendojë tani, sepse duhet të shqyrtohen propozimet e reja, ndërsa tani për tani nuk i din ato.

“Çdoherë është mirë gjqyësia të jetë e pavarur. Kjo është një nga autoritetet në shtet. Siç janë të pavarura autoritetet e tjera, edhe gjyqësia duhet të jetë e pavarur dhe vetë të vendosë për nevojat e veta”, shtoi Kambovski.

Ndërkaq gjyqtari Limani, iu referohet  dispozitave ligjore dhe kushtetuese për pavarësinë e Këshillit gjyqësor.

Advertisement

“Në pajtim me dispozitat kushtetuese dhe ligjore dihet se Këshilli gjyqësor është organ i pavarur kushtetues i cili do të kudjeset për sigurimin e pavarësisë së gjyqësorit. Këshilli gjyqësor duhet të sigurojë kushte që ajo pavarësi të jetë më transparente, dhe të mund të punojnë në mënyrë më efikase gjykatat”, deklaroi Limani.

As ai nuk u përjgigj nëse konsideorn se Këshilli gjyqësor duhet të shpërndahet, por tha se nëse duhet të bëhen reforma tët jera, Kuvendi është ai i cili mund ta ndryshojë Kushtetutën.

“Sepse krijuesi i Kushtetutës, Kuvendi është ligjvënës dhe krijues i Kushtetutës, ata kanë kompetencë nëse e ndryshojnë kushtetutën sepse dihet se amandamentet që janë sjellë në vitin 2006 se gjyqësori është autoritet i pavarur, por ata mund ta ndryshojnë kushtetutën, mund të sjellin edhe reforma të tjera”, tha Limani.

Gjyqtari nga Gjykata supreme, Isamedin Limani dhe gjyqtari nga Gjykata e Apelit Manstir, Aleksandar Kambovski u zgjidhën në 6 qershor të këtij viti pasi që gjykatësit votuan për kandidatët nga zona e tyre e apelit. Për Limanin votuan  shtatë gjykatës, ndërsa Kambovski u zgjodh për anëtar të Këshillit gjyqësor me gjithsej 28 vota të fituara.

Në pajtim me ligjin përr këshill gjyqësor anëtarët e Këshilli nga radhët e gjykatësve kanë mandat prej gjashtë viteve, me të drejtë rizgjedhjeje për edhe një mandat pas skadimit të së paku gjashtë viteve nga ndërprerja e mandatit paraprak në Këshillin gjyqësor.

Advertisement
Continue Reading

Lajme nga vendi

Aksident në rrugën Gostivar-Ohër, automjeti godet një ari

Published

on

Një ari ka mbetur i ngordhur pasi një automjet e ka goditur mëngjesin e sotëm në rrugën e Gostivarit-Ohër, ndërsa nuk ka persona të ndaluar.

Sipas njoftimit në numrin e vetëm të urgjencës 112, aksidenti trafiku ka ndodhur në ora 05:37 në gurthyesin e dytë në rrugën Gostivar-Ohër.

“Në vendin e aksidentit janë të pranishëm zyrtarë policorë nga stacioni policor i Gostivarit dhe një ekip hetimor.

Për largimin e ariut të ngordhur nga rruga kryesore janë njoftuar edhe Parku Kombëtar i Mavrovës dhe Njësia e Zjarrfikësve – Gostivar”, thuhet në njoftimin e Qendrës Rajonale për Menaxhimin e Krizave – Tetovë.

Continue Reading

Më të lexuarat