Shqipe Sylejmani është shkrimtarja dhe aktivistja shqiptare, që është përzgjedhur mes personaliteteve të vitit 2022 nga Festivali Prestigjoz në Zvicër. Ajo ka botuar dy libra, edhe aktualisht i ka bërë thirrje të gjithë shqiptarëve të votojnë që të shpallet fituese më datën 1 prill.

Në një lidhje me Skype për “ABC e Mëngjesit”, Shqipja ka treguar se tashmë është kthyer edhe një frymëzim për të gjitha vajzat shqiptare në Zvicër, që duan të kenë një karrierë të mirë dhe të realizojnë ëndrrat e tyre.

“Çdo herë kur një vajzë e re shikon një shqiptare që përmendet në TV, apo ka një karrierë të mirë, është në vizibilitet edhe të komunitetit jo vetëm shqiptar, por edhe të Zvicrës. Shpresoj edhe një inspirim për të gjitha vajzat e reja të shkojnë edhe ato në këtë drejtim, që të shprehin kulturën e tyre dhe të ndjekin ëndrrat e tyre.

Dihet që rruga e shqiptarëve në Zvicër nuk është e lehtë dhe unë këtë nominim e kam marrë. Tani shpresoj që ndjekësit e zemrës të votojnë në të gjithë Zvicrën. Deri në fund të marsit merret verdikti dhe më 1 prill shpallet personi i vitit 2022. Të gjithë ata që duan të votojnë e kanë linkun në rrjetet sociale, mund të votojnë vetëm personat që janë në Zvicër”, tha ndër të tjera ajo./abcnews.al

Advertisement

Stresi këto ditë ka qenë në qendër të vëmendjes për shkak të fitores në Big Brother VIP Kosova. Reperi u shpall fitues i edicionit të parë dhe arriti të fitojë plot 160 mijë euro.

Gjatë qëndrimit në shtëpi, ai ka folur shpesh për prindërit dhe për marrëdhënien që ka me ta. Këngëtari ka bërë një dedikim për ta përmes një postimi të shpërndarë në rrjete sociale.

Sot festohet Dita e Verës.

Që në kohët antike, tempulli i 14 Marsit, Festa e Ditës së Verës, ka qenë në qytetin e Elbasanit.

E quajtur ndryshe si dita e largimit të dimrit, kjo festë ka krijuar tashmë traditën e saj jo vetëm tek banorët e qytetit të Elbasanit, por edhe në qytete të tjera të vendit dhe veçanërisht në Tiranë.

Por zanafillën Dita e Verës e ka në faltoren Zana e Çermenikës, e ndërtuar në rrethinat e qytetit të Elbasanit, e cila ishte perëndesha e gjuetisë, pyjeve dhe e të gjithë natyrës. Sipas gojëdhënës, kjo zanë dilte nga faltorja e saj ditën e 14 marsit.

Advertisement

Gatimet karakteristike të Elbasanit janë ballakumet, revania, gjeli i detit, arrat, apo palat e fikut, të cilat tradicionalisht iu dhurohen fëmijëve të vegjël, të cilët janë të parët që bëjnë vizita mbarësie nëpër shtëpitë e të afërmve dhe të fqinjëve.

Të parët, tregojnë se një natë para ditës së Verës, njerëzit mblidheshin më shpejt në shtëpitë e tyre, për të festuar së bashku me të afërmit, epilogun e kësaj feste. Zgjimi bëhej në të gdhirë dhe të moshuarit herët në mëngjes hapnin derën e shtëpisë për bujari, merrnin shtamën për ta mbushur me ujë të freskët dhe sillnin në shtëpi një plis bari të gjelbëruar, ndërkohë që të rinjtë plehronin portokallet dhe ullinjtë.

Dreka e kësaj dite ishte një rit plot humor dhe shijim për të gjithë elbasanasit, të cilët zakonisht e kalonin këtë drekë në natyrë, ku organizoheshin lojëra popullore. Në Elbasan e në Peqin festohet edhe nata e verës, nata para ardhjes së saj, me mish, raki, gjel deti, ballakume, ëmbëlsira. Në këtë ditë elbasanasit urojnë njëri-tjetrin për një jetë sa më të gjatë dhe të lumtur.

Ballakumja, ëmbëlsira tradicionale e Ditës së Verës

Në fakt askush nuk mund ta kuptojë Festën e Ditës së Verës, një festë tradicionale pagane, e cila kremtohet çdo 14 mars, pa shijimin e ballakumes, ëmbëlsirës simbol të Elbasanit, një qytet i cili ndodhet në qendër të Shqipërisë dhe i njohur për traditat e tij, sidomos në fushën e arsimit dhe kulturës.

Advertisement

© SYRI.net