Lajme nga vendi
Heshtje në Entin Shtetëror për Statistikë lidhur me keqpërdorimet e përkatësisë etnike
Enti Shtetëror i Statistikave vazhdon të heshtë për skandalin e keqpërdorimit të përkatësisë etnike në konkursin e fundit të këtij institucioni. As sot nga Enti Statistikave nuk morëm asnjë përgjigje nëse kanë ndërmarrë hapa për keqpërdorimet e evidentuara ose jo. Përveç dy të punësuarve me etni turke të cilët janë sistemuar në pozicionet e parapara për shqiptar, Alsat sot ka zbuluar edhe një rast tjetër nga i njëjti konkurs. Në departamentin për industri dhe ndërtimtari, në vendin e një turku ashtu siç ka parashikuar mekanizmi i balansuesit është punësuar një maqedonase me emrin Verica Dinova.
Ndërkohë nga Ministria e Shoqërisë Informatike dhe Administratës thonë se për momentin nuk ka mekanizma për të parandaluar një gjë të tillë. Ministri Admirim Haliti thotë se dikasteri i tij është duke punuar në krijimin e një moduli përmes të cilit do të pamundësohet keqpërdorimi i mekanizmit të balansuesit gjatë punësimit. Për këtë sipas tij, ka mbështetjen edhe të kryeministrit Dimitar Kovaçevski dhe zëvendëskryeministrit të parë, Artan Grubi.
“Ne si Ministri jemi duke i ndjekur të gjitha problemet të cilat paraqiten gjatë zbatimit të Ligjit për të punësuarit në sektorin publik dhe Ligjit për shërbyesit administrativ dhe të njëjtit i detektojmë dhe zgjidhim përmes zgjidhjeve të reja ligjore, duke krijuar një modul mbi platformën e Agjencisë së Administratës për të fiksuar (pamundësia për ta ndryshuar) ndryshimin e numrit amë të kandidatëve dhe përkatësinë etnike. Ky modul është në përputhje me të drejtën e pa kontestuar për shprehje të lirë të përkatësisë kombëtare të garantuar me Kushtetutë”, deklaroi Admirim Haliti, Ministër i Shoqërisë Informatike dhe Administratës.
Alsat ditë më parë publikoi vendimet nga konkursi i fundi i Entit Shtetëror të Statistikave të përfunduar më 29 dhjetor të vitit kaluar. Në vendimet të cilat i ka firmosur drejtori i këtij institucioni, Apostoll Simovski vërehet se në vend të dy shqiptarëve janë punësuar dy turq. Kjo dyshohet të ketë ardhur si rezultat i deklarimit të rrejshëm të përkatësisë etnike nga ana e kandidatëve edhe pse zyrtarisht nuk është konfirmuar ose përgënjeshtruar nga Enti i Statistikave. /alsat.mk
Lajme nga vendi
Rokas: Identiteti dhe gjuha nuk janë pjesë e kornizës negociuese, ata mbrohen më së miri me anëtarësimin në BE

Ambasadori i BE-së në Shkup Michalis Rokas, sot në Ohër e vlerësoi pozitivisht Raportin e Parlamentit Evropian, duke thënë se ai jep mbështetje për procesin integrues të shtetit dhe procesit reformues, sidomos reformat në gjyqësi, luftën kundër korrupsionit dhe sfidat tjera me të cilat ballafaqohet shteti.
Në lidhje me nenet kontestuese në Raport për identitetin dhe gjuhën, ai tha se Parlamenti Evropian është institucion i pavarur që sjell vendime politike në pajtim me procedurat e brendshme.
“Më e rëndësishme është të theksohet se identiteti dhe gjuha nuk janë pjesë e kornizës negociuese. Identiteti dhe gjuha mbrohen më mirë me anëtarësim të plotë në BE”, tha Rokas.
Lajme nga vendi
Aksione në klubet e natës në Tetovë dhe Gostivar, policia ndalon shtatë shtetase të huaja

MPB Maqedoni njofton se midis natës 9 dhe 10 korrik 2025, nga ora 22:00 deri në orën 02:00 të mëngjesit, në bazë të një plani të përgatitur paraprakisht nga Sektori për Punë të Brendshme të Tetovës dhe Drejtoria e Punëve të Brendshme të Gostivarit, u krye kontroll aksionar në një objekt hotelerik – bar nate në fshatin Zhelinë, në pronësi të J.F. (47) nga fshati Zhelinë, për zbulimin e shtetasve të huaj, qëndrimit të paligjshëm dhe keqpërdorimit të qëndrimit turistik.
“Gjatë kontrollit në objekt, u gjetën pesë shtetase femra të Republikës së Shqipërisë, të moshës 24 deri në 50 vjeç. Gjithashtu, në një objekt hotelerik – klub nate në fshatin Zubovcë, Gostivar, në pronësi të R.B. (50) nga fshati Dobridol, u gjetën dy shtetase femra të Republikës së Shqipërisë, të moshës 33 dhe 36 vjeç”.
“Për shkak të keqpërdorimit të qëndrimit turistik dhe qëndrimit në kundërshtim me qëllimin, ato u ndaluan në Stacionet Policore të Tetovës dhe Gostivarit për procedura të mëtejshme”, thonë nga MPB.lajmpress
Lajme nga vendi
QMK: Nëntë zjarre janë aktive, nën kontroll katër

“Aktive janë nëntë zjarre në ambient të hapur deri në orën shtatë të mëngjesit të sotëm, nga gjithsej 63 gjatë ditës së djeshme”, informoi Qendra për menaxhim me kriza (QMK). Nën kontroll janë katër zjarre, një është lokalizuar, ndërsa 49 janë shuar.
Nëntë zjarre janë aktive në zona të hapura që nga ora 7 e mëngjesit të sotëm, nga gjithsej 63 dje, njoftoi Qendra e Menaxhimit të Krizave (QMK). Katër zjarre janë nën kontroll, një është lokalizuar dhe 49 janë shuar.
QMK njoftoi se aktive janë zjarret në Çuçer Sandevë – Bllacë, ku është kapluar bimësi e ulët, në fshatin Vizbeg në Shuto Orizare ku po digjet një deponi, në Prilep – fshati Beshishtë, një vend i quajtur “Beshishki rid”, pyll i përzier. Në zjarret në Makedonski Brod, është kapluar pylli dhe shkurret, midis fshatrave Creshnevë dhe Lokvica, bimësi e ulët nga një zjarr i përhapur nga fabrika “Samokov” në fshatin Ramne, si dhe pyll i përzier në fshatrat Sllatinë dhe Kovçë. Gjithashtu në komunën e Çashkës, nën “Sollunska Glava”, pranë vendit të quajtur “Burimet e Babunës” dhe “Babina Dupka”, ka tym në pjesën shkëmbore, ndërsa po digjet edhe pylli me kërcell të ulët në fshatin Nikoliq në Dojran.
Është lokalizuar zjarri në Koçav, në një vend të quajtur Babishte, ndërmjet fshatrave Jastrebnik dhe Polaki, ku janë kapuar bimësi e ulët dhe pyll i përzier.
Sipas QMK-së, nën kontroll janë zjarret në Dellçevë në Deponinë e qytetit “Ostrec”, në Vinicë – fshati Dragobrashtë (bimësi e ulët), në Kriva Pallankë – fshati Gradec dhe fshati Lozakovë dhe në Zhelinë – fshati Larce – lokacion ndryshe (pyll i përzier).
LAMM sot në mëngjes kumtoi se komunikacioni nga qarkorja Orman deri në qarkoren Mirkovc është lëshuar për komunikacion të rregullt, gjithashtu edhe prej Shkup – GJP për VK Bllacë dhe në të dy drejtimet e rrugës eksprese Rankovcë-Kriva Pallankë. Komunikacioni në këto rrugë ishte në ndërprerje për shkak të zjarrëve.
Për shkak të situatës me zjarret në Qeveri mbrëmë pati mbledhje Shtabi i Krizës, ndërsa është aktivizuar edhe mekanizmi evropian për ndihmë në përballje me zjarret.
Ministri i Punëve të Brendshme, Pançe Toshkovski deklaroi pas mbledhjes së Shtabit të Krizës se shkak për përhapjen, në masë të madhe ishin kushtet e pavolitshme të motit dhe era e fuqishme, por për disa kemi dyshime të bazuara se janë shkaktuar nga faktori njeri afër kapaciteteve kyçe infrastrukturore, rrugëve, rajoneve dendësisht të banuara dhe objekteve private.
“Maksimalisht po vihen në funksion të gjitha kapacitetet e shtetit, me atë që duhet të theksoj se nga Greqia janë dhënë për ndihmë dy kanaderë, të cilët do të vihen në funksion, si dhe dy ekipe këmbësorike të cilat janë vënë në dispsozicion përmes mekanizmit të BE-së. Të gjitha institucionet qeveritare tërësisht janë mobilizuar dhe janë përfshirë aktivisht në terren. Në gjendje gatishmërie janë vënë 300 ushtarë, prej të cilëve rreth 150 aktivisht u përfshinë në terren, si dhe rreth 400 nëpunës policorë, të cilët u përfshinë aktivisht në terren”, deklaroi Toshkovski.
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve