Lajme nga vendi
Për shkak të mjegullës së dendur mbrëmë janë anuluar të gjitha ngritje-uljet nga aeroporti i Shkupit
Mbrëmë janë anuluar të gjitha ngritje-uljet nga aeroporti i Shkupit. Informacioni është i disponueshëm në ueb-faqen e aeroportit, transmeton Portalb.mk.
Shkak për këtë është bërë mjegulla e dendur dhe dukshmëria e zvogëluar në luginën e Shkupit.
Avioni që fluturonte në linjën Hamburg – Shkup, mbrëmë nuk arriti të ulej në aeroportin e Maqedonisë, pas 11 tentativave të pasuksesshme, pas së cilës është dashur të ndryshojë destinacionin e aterimit.
Mjegulla e dendur dhe dukshmëria e zvogëluar kanë qenë arsyeja që aeroplani të ridrejtohet nga Shkupi në aeroportin e Prishtinës.
Mjegulla ka disa ditë me radhë që po shkakton probleme në aeroportin e Shkupit dhe duhet kërkuar zgjidhje alternative.
Dy ditë më parë për shkak të mjegullës së dendur u anuluan nëntë fluturime nga aeroporti i Shkupit, ndërsa katër u spostuan.
Mëngjesin e djeshëm ka pasur mjegull në disa rrugë të vendit. Në akset rrugore Manastir – Prilep, Ohër – Strugë, Shkup – Kumanovë, Shkup – Veles, Veles – Katllanovë, Koçan – Shtip ku dukshmëria është nga 50 deri në 100 metra, ndërsa në Tetovë – Grupçin deri në 50 metra.
Në mbrëmjen e 31 dhjetorit, të paktën tre fluturime u devijuan për në Prishtinë, kështu që të nesërmen në mëngjes avionët fluturuan prej andej për në Shkup për të marrë pasagjerë.
Lajme nga vendi
Vazhdon trendi i rënies së numrit të filloristëve në Tetovë
Regjistrimi i fëmijëve në shkollat fillore do të fillojë pas përfundimit të pushimit që kanë fëmijët në këtë periudhë, respektivisht pas 7 majit. Në 12 shkollat fillore të komunës së Tetovës të dhënat e deritanishme flasin se duhet të regjistrohen 840 nxënës. Por në këto lista nuk janë përfshirë fëmijët e lindur jashtë Tetovës, bëjnë të ditur nga Sektori për Arsim në komunën e Tetovës.
Në ndërkohë, vazhdon problemi i rënies së numrit të nxënësve që regjistrohen në shkollat e Malësisë së Tetovë, ku këtë vit pritet që të regjistrohen 100 nxënës më pak.
Edhe përskaj rënies së numrit të nxënësve, nuk parashihet që të mbyllet ndonjë shkollë, sidomos në fshatrat e Malësisë, pohojnë nga Sektori për Arsim në komunën e Tetovës.
“Jo, me këto numra nuk rrezikohet që të mbyllet ndonjë paralele, apo ndonjë shkollë. Besoj se ende jemi në nivel që të mos vijmë deri tek kjo situatë. Poashtu nuk rrezikohen edhe vendet e punës për mësimdhënës”, nënvizoi Ademi.
Kushtet për regjistrim janë certifikata e lindjes, vërtetim se fëmija është vaksinuar, certifikatën e stomatologut dhe fëmija duhet të jetë vet prezent gjatë regjistrimit. Fëmija mund të regjistrohet në klasën e parë nëse mbush gjashtë vjeç deri më 31 janar të vitit ardhshëm, pas një kërkese të mëparshme të prindit, gjegjësisht kujdestarit dhe një mendimi të marrë nga pedagogu ose psikologu në shkollë.
Prindi ose kujdestari është i detyruar të regjistrojë në shkollë fillore fëmijën që do të mbushë gjashtë vjeç deri në fund të vitit kalendarik. Prindi ose kujdestari ka të drejtë ta regjistrojë fëmijën në shkollën fillore të zonës ku banon ose qëndron përgjithmonë. Shkolla fillore është e obliguar të përfshijë nxënës nga zona e saj. Me kërkesë të prindit dhe nëse ka pëlqim nga shkolla, si dhe vende të lira, fëmija mund të regjistrohet në një shkollë që nuk është në zonën e tij të banimit./Koha/
Lajme nga vendi
VLEN: Qeveri dhe Badinter PO, pa BDI-në dhe Levicën
Koalicioni opozitar shqiptar VLEN i ka reaguar Frontit Evropian të cilët sot deklaruan se nuk ka qeveri pa shumicë të dyfishtë dhe badenter.
Ata thonë se kur ka ardhur koha për përgjegjësi për skandalet e korrupsionit, BDI përpiqet të përdorin si mburojë të gjithë popullin shqiptar dhe komunitetet më të vogla etnike që i përdorin si peng.
“Këto trillime janë parë mjaftueshëm deri tani dhe më nuk kalojnë. Pas 8 majit do të ketë edhe Qeveri me VLEN si përfaqësues politik i vetëm i shqiptarëve, do të ketë edhe një shumicë të Badinterit, me çka do të jetë e siguruar baza e Marrëveshjes së Ohrit dhe do të ketë përgjegjësi për të gjithë ata që kanë shkelur ligjin.
Nuk mundet dhe nuk duhet që shkuarja në opozitë e BDI-së të përfaqësojë problem për mbijetesën e shtetit. Kjo është tërësisht e papërgjegjshme dhe qyqare.
Prandaj ju bëjmë thirrje të ndalen duke turpëruar shqiptarët dhe luftëtarët e lavdishëm të UÇK-së. Nuk është fundi i botës nëse shkojnë në opozitë. Garantojmë që nuk do të ketë hakmarrje politike, por vetëm përgjegjësi fer dhe të drejta në procedurat gjyqësore”, thuhet në reagimin e VLEN-it.
Lajme nga vendi
Në Klinikë punonin persona pa kontrata pune, Inspektorati ua ndalon hyrjen në Klinikën e Toksologjisë në Shkup
Inspektorati Shëndetësor dhe Sanitar do të jap vendim sipas të cilës punëtorët shëndetësor të cilët nuk kanë marrëveshje për punë në Klinikën për Toksologji do t’ju ndalohet hyrja në Klinikë.
Ky vendim i ISHS-së vjen pasiqë menaxhmenit i Klinikës nuk ka vepruar sipas vendimit të paralajmërimit të lëshuar me masa të urdhëruara inspektuese.
Siç njofton Drejtoresha e ISHS-së, Renata Mlladenovska menaxhmenit i Klinikës nuk ka vepruar sipas masave të përcaktuara nga ISHS, përveç një pikës për të thirrur Bordin Drejtues.
Mlladenovska tha se nëse nuk veprohet sipas vendimeve të ISHS-së do të pasojnë dënime në para për organizatorët dhe drejtorin medicinal, por edhe për vetë Klinikën.
E pyetur se si mundet të paraqiten në punë persona të cilët nuk kanë marrëveshje për punë Mlladenovska tha se kjo përgjigje duhet të kërkohet tek menaxhmenti i Klinikës./Telegrafi/
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve