Lajme nga vendi
Qytetarët nuk duan ta kujtojnë vitin 2022
Inflacioni, kriza e thellë ekonomike dhe rritja e çmimeve janë gjërat e para që u vijnë në mend qytetarëve kur përmendet viti 2022. Me një dozë të vogël optimizmi disa presin që viti i ardhshëm mund të sjell ndryshim për të mirë, por është i madh numri i atyre që mendojnë se kriza do të thellohet edhe më shumë.
“-Për asgjë nuk mund ta mbaj mend, katastrofë..Si të duket ty mirë a, se mua më duket katastrof.
-Çfarë prisni prej vitit të ardhshëm.
-Jo asgjë, çfarë ndryshimi ”, tha një qytetar
“Këtë vit ishte vërtetë një krizë dhe vet inflacioni që u ngrit, me siguri ndikoi në të gjithë Evropën, u rritën çmimet, kjo na goditi edhe neve, shpresoj se viti I ardhshëm do të jetë më I mirë dhe më I relaksuar”, u shpreh një tjetër qytetar.
“Prej vitit 2023 pres diçka, por siç e shoh situatën nuk mund të pres diçka. Për askund është, deri më tani situate është për askund, nuk ka paga, nuk ka standarde, tanët ikin jashtë vendit, autoriteteve tona nuk u intereson aspak për punësimet..”, tha një qytetare.
Disa nga qytetarët shpresojnë që në vitin 2023 të mos ketë më luftëra, si në Ukrainë.
“Shpresoj dhe besoj se do të jetë më mirë, por duke e ndjekur situatën mendoj se do të jetë sfidë, por besoj tek Zoti dhe nëse vërtetë duam të përmirësohet, se me ndihmën e Zotit do të përmirësohet”, deklaroi një qytetar.
“Nëse ka ndonjë ndryshim, të ndryshojnë prej këtyre që e kanë në dispozicion shtetin, sepse vetëm ata e kanë në dispozicion dhe e kanë dështuar, për ta është mirë, për fuqinjë punëtore dështim”, tha një qytetar.
“Të shpresojmë, të shpresojmë se do të bëhet më mirë, të punohet më shumë… A beson se do të bëhet më mirë? Ndoshta, sigurt jo, por ndoshta.. Do të rregullohet diçka do të rregullohet diçka, mund të rregullohet 20-25 përqind”, shtoi një tjetër qytetar.
Për shkak të konfliktit në Ukrainë Evropën e përfshiu një krizë e thellë ekonomike që ndikoi në rritjen e çmimeve të të gjitha produkteve dhe shërbimeve. Përveç faturave të larta për energji elektrike, qytetarët paguajnë shumëfish më shumë edhe për ushqim dhe derivate të naftës./Alsat.mk
Lajme nga vendi
Partitë nuk duhet të mbështesin “media fiktive” pasi këto pengojnë raportimin e mediave serioze!
Mediat si hallkë e rëndësishme e shoqërisë së një vendi luajnë rol të jashtëzakonshëm në krijimin e opinionit publik, informimin e saktë dhe objektiv të qytetarëve. Në fakt, jo të gjithë që thirren në emër të medias pasi numër i madh portaleve onljan krijohen vetëm për të thith fonde gjatë fushatave zgjedhore dhe pastaj shuhen. Ky paradoks bëhet edhe më i madh që vet partitë politike krijojnë portale fiktive që të jenë në mbështetje të tyre. Por, kjo vetëm se dëmton skenën publike edhe partitë politike sepse këto të vetshpallura media gjithçka bëjnë por vetëm gazetari nuk ka aty. E tani vjen edhe momenti kur edhe organizata ndërkombëtare shprehin këtë shqetësim, OSBE/ODIHR thonë që disa njerëz kanë denoncuar se një numër i madh i mediave online të regjistruara për reklama zgjedhore janë krijuar vetëm për të thithur fonde gjatë fushatës zgjedhore. Prandaj, ky trend apo fenomen negativ duhet të ndalet sa më parë.
OSBE: media të shumta onljan janë krijuar vetëm për të thithë fonde gjatë fushatës –
Krijimi i një numri të madh të mediave onljan ka bërë që ky trend negativ të mos ndalet vetëm të rritet sa më shumë. E për çudi vetë partitë politike janë ato që nxisin në krijimin e këtyre “mediave fiktive” që të bëjnë propagandë partiake. Prandaj, kjo qasje dëmton dhe rëndon veprimtarinë e mediave serioze që ta bëjnë punën ashtu siç duhet dhe ashtu siç dinë. Ky fenomen nuk ka kaluar pa vërejtje edhe nga organizatat ndërkombëtare.
“Disa njerëz kanë denoncuar se një numër i madh i mediave onlajn të regjistruara për reklama zgjedhore janë krijuar vetëm për të thithur fonde gjatë fushatës zgjedhore dhe në disa raste këto fonde i kanë adresuar tek partitë politike”, deklaroi Xhillian Stirk – shefe e misionit vëzhguesit të OSBE/ODIHR-së.
Kjo deklaratë e shefes së misionit të OSBE/ODIHR lë shumë për të kuptuar, është mesazh që i transmetohet partive politike që të jenë të kujdesshëm në këtë drejtim që të mos bastardojnë skenën mediatike në vend. Veprimtaria e mediave fiktive e njëllos dhe e hijezon veprimtarinë e mediave serioze në vend.
Mediat fiktive janë ato që ushqimin kryesor që i servojnë publikut janë dezinformatat apo siç njihen lajmet e rreme, prandaj është e udhës kur të luftohen lajmet e rreme të shihen burimet dhe financimet e atyre mediave. Të ndërpritet kjo “gjakderdhje” në media njëherë e përgjithmonë.
Si ndikon dezinformimi në publik?
Se sa dezinformata krijon stres dhe panik te qytetarët, tregon rasti i dy javëve më parë, kur u bë publike informacioni se tre deri në nëntë adoleshentë vdiqën në parkun e qytetit në Shkup nga droga. Ky lajm mund të futet në listën e informacioneve më të rrezikshme, të publikuara deri më tani, në të cilat vihet në pikëpyetje jeta e të rinjve dhe i gjithë ky është vetëm një lajm i rremë, i cili shkaktoi panik shtesë në këtë kohë stresuese.
“Dezinformimi, si një “grumbull” informacionesh të pasakta, që krijohet dhe publikohet qëllimisht në rrjetet sociale dhe në media, mbart me vete një rrezik të madh. Shpesh, përdoruesit e rrjeteve sociale i ndajnë ato vetëm me një “klik”, pa u ndalur së menduari nëse një përmbajtje e caktuar është false apo jo. Dhe këtu qëndron rreziku më i madh”, thotë në një prononcim për “Fokus” Marina Tuneva, eksperte e mediave.
Sipas saj, është zhgënjyese fakti që transferimi i shpejtë i dezinformatave në komunikimin publik rrit efektivitetin e tyre dhe pasojë e kësaj shpeshherë është një publik i zemëruar, në panik, i frikësuar apo i çorientuar.
“I tillë është rasti me (de)informatat rreth adoleshentëve që dyshohet se kanë vdekur nga droga dehëse. Dezinformimi ose informacioni i gabuar është veçanërisht i rrezikshëm kur në shpërndarjen ose vazhdimin e tyre përfshihen njerëz që gëzojnë besueshmëri dhe besim te qytetarët.
Teknologjia digjitale vetëm sa i përmirëson më tej këto tregime, të cilat arrijnë kështu një audiencë shumë më të gjerë. Mediat sociale po kthehen në një lloj makinerie që është përshtatur në mënyrë perfekte për të përhapur dezinformata. Por problemi është se me dije apo jo, në grackë bien edhe mediat, të cilat duke iu referuar asaj që publikohet në rrjetet sociale, marrin pjesë në mënyrë të barabartë në manipulimin e publikut”, pohoi Tuneva.
Duhet edukim të posaçëm mediatik për të identifikuar “lajmet e rreme”-
Mediat që i përmbahen parimeve të punës profesionale kanë një rol të madh në paraqitjen e së vërtetës, dhe ky mbase është roli kryesor i tyre. Dhe, duke mbajtur qëndrime të tilla disa media të caktuara në vend do të jenë dritare verifikimi për secilin lajm që plasohet në opinion dhe për të cilin ka hamendësi, qytetarët do të kenë ku të futen për të kuptuar nëse kemi të bëjmë me të vërtetë apo është një dezinformim.
Por, në përgjithësi është më së e nevojshme madje shihet si nevojë imediate që edukimi mediatik të futet si lëndë mësimore në shkollat e mesme. Që në fazë sa më të hershme gjeneratat e reja të jenë të trajnuara në formën e duhur për të detektuar “lajmet e rreme” dezinformimin. Pra, kjo shihet si metoda e vetme përmes të cilës mund të mbrohemi si shoqëri nga kjo veprimtari famëkeqe që janë krijuar laborator për fabrikim të informatave të pasakta për një grusht klikimesh. Gjë që është shumë e rrezikshme dhe shumë e dëmshme për shoqërinë. /Zhurnal.mk
Lajme nga vendi
Dorëzohet një ankesë në KSHZ për procedurën e votimit në zgjedhjet presidenciale
Në 48 orët e fundit, pas përfundimit të votimit për zgjedhjet presidenciale, Komisioni Shtetëror Zgjedhor (KSHZ) ka pranuar vetëm një kundërshtim për votim në Likovë. Afati për paraqitjen e kundërshtimeve për procedurën e votimit është brenda 48 orëve pas përfundimit të votimit.
“Afati për paraqitjen e kundërshtimeve për procedurën e votimit është duke rrjedhur, Komisioni Shtetëror Zgjedhor ka pranuar një kundërshtim për procedurën e votimit në Likovë”, tha për AIM zëdhënësja e KSHZ-së, Radica Todorovska-Aleksovska.
Lajme nga vendi
Maksim Dimitrievski: Nuk hyj në një Qeveri me BDI-në dhe LSDM-në
Lideri i ZNAM, Maksim Dimitrievski tha se partia e tij nuk do të përfshihet në asnjë koalicion pas zgjedhor nëse marrin pjesë LSDM dhe BDI, pasi siç tha, u ngritën përmes krimit dhe korrupsionit dhe shtoi se ju nevojiten reforma serioze./TV21
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve