Connect with us

Lajme nga vendi

Kryetari i Komunës së Tetovës z. Bilall Kasami uron Vitin e Ri 2023

Published

on

Të dashur qytetarë,

Viti 2022 ishte vit i vështirë dhe me shumë sfida, duke filluar nga kriza ekonomike, energjetike, trazirat në Ballkanin Perëndimor e deri tek lufta në Ukrainë, gjegjësisht agresioni rus mbi këtë shtet sovran. Ky kontekst i vështirë dhe me shumë probleme edhe brenda Maqedonisë së Veriut, ka dimensionuar edhe veprimin politik të Lëvizjes Besa. Pikërisht, në kuadër të këtyre dinamikave politike, ekonomike dhe sociale, Lëvizja Besa është angazhuar në çdo moment për të mirën e qytetarëve të vendit dhe në veçanti për kërkesat e popullit shqiptar. Në çdo moment kemi përcjellë punën e qeverisë dhe kemi reaguar dhe reflektuar politikisht mbi të gjitha dështimet e saj në të gjitha nivelet. Përgjatë gjithë këtyre sfidave qeveria ka dështuar në të gjitha drejtimet, duke mos përmbushur asnjë premtim të dhënë. Për arsye që dihen kjo qeveri nuk është legjitime dhe nuk ka legjitimitetin të udhëheq me vendin. Lufta kundër krimit dhe korrupsionit është edhe një dëshmi për dështimin e qeverisë, e cila jo vetëm që nuk e luftoi krimin dhe korrupsionin, por përkundrazi e motivoi politikisht duke zgjedhur figurat më të dështuara në vendet kyçe të drejtësisë për të cilën gjë flasin edhe organizatat ndërkombëtare të cilat e rendisin Maqedoninë e Veriut në mesin e shteteve me shkallën më të lartë të korrupsionit.

Të dashur qytetarë,

Lëvizja BESA me politikat e saja do të vazhdojë të luftojë për të drejtat dhe mirëqenien e shqiptarëve në vend, pasi prioriteti ynë është përmirësimi i jetës së qytetarëve. Ne në asnjë rast nuk do të lëvizim nga kërkesat tona, prandaj jemi të bindur dhe të vendosur për të rezistuar fortë ndaj çdo vështirësie dhe sfide me të cilat do të përballemi. Lëvizja BESA do të jetë gardian i çdo qytetari shqiptar, gardian i të drejtave të tyre në Maqedoninë e Veriut.

Advertisement

Ne e themi pa hamendje se ndryshimet kushtetuese do të kenë votën tonë vetëm nëse në kushtetutë largohet termi 20%, dhe të zëvendësohet me Gjuhën Shqipe si gjuhë zyrtare. Rruga jonë është e qartë, Lëvizja BESA edhe në të kaluarën ka mbështetur procesin integrues të vendit në strukturat euroatlantike, por edhe tani ne mbajmë qëndrim perëndimor duke mbajtur llogari edhe për të drejtat e shqiptarëve. Shqiptarët nuk janë pakicë në vend, por janë komb shtetformues në Maqedoninë e Veriut.
Shumë të respektuar qytetarë,

Me vizionin dhe politikat tona qeverisëse kemi arritur që për një vit Tetovën ta bëjmë një qytet të sigurt, të zhvilluar dhe të barabartë për të gjithë, pa dallime etnike, fetare apo partiake. E kemi transformuar Tetovën në një qytet me infrastrukturë moderne duke i përmbushur të gjitha standardet e nevojshme për një jetë sa më cilësore. Këtë vizion politik qeverisjeje, këtë angazhim të vendosur për të mirën e të gjithëve, ne duam ta shtrijmë në çdo qytet, fshat apo lagje shqiptare.

Tetova dhe Zhelina janë shembulli sesi punojmë dhe qeverisim ne.

Të dashur qytetarë,

Më lejoni që nga zemra t’ua uroj festën e Vitit të Ri. Viti 2023 qoftë një vit i mbarë për të gjithë, një vit që do të sjellë shëndet dhe lumturi në familjet Tuaja,

Advertisement

Gëzuar!

Lajme nga vendi

Aksion policor si nëpër filma, arrestohen dy persona në pik pagesën afër Tetovës

Published

on

Ministria për Punë të Brendshme njofton se gjatë ditës së sotme policia e Shkupit në bashkëpunim me atë të Tetovës ka arrestuar dy persona nga Haraçina, pasi të njëjtit janë kapur duke transportuar 35 kilogramë drogë. Nga MPB bëjnë të ditur se pas dokumentimit të plotë të rastit ndaj dy personave në fjalë po ngritët kallëzim përkatës.

“Në orët e paradites në pikën pagesore në magjistralen Gostivar – Tetovë, zyrtarët policorë i kanë dhënë shenjë ndalimi automjetit të pasagjerëve “Range Rover”, me targa të Shkupit, i drejtuar nga K.A.(32), në të cilin O.A. (23) ishte pasagjer, të dy nga fshati Haraçinë i Shkupit. Personat nuk i janë bindur urdhrit të policisë për ndalimin e mjetit, por janë larguar me vrap duke dëmtuar një automjet të policisë, por shumë shpejt janë ndaluar dhe privuar nga liria. Gjatë kontrollit në bagazhin e automjetit janë gjetur 4 thasë me marihuanë, me peshë totale të rreth 35 kilogramëve, me vlerë të rreth 100 mijë eurove”, njoftojnë nga MPB.

 

Advertisement

Continue Reading

Lajme nga vendi

Do të rritet çmimi për nxjerrjen e pasaportave, letërnjoftimeve dhe lejeve për vozitje në Maqedoni

Published

on

Ministria për Punë të Brendshme informon se duke vepruar sipas përfundimit të Qeverisë, zbaton procedurë për ndryshimin e vendimit për çmimet për formularët për nxjerrjen e dokumenteve personale. Nga MPB për “360 shkallë” thonë se për momentin dokumentet personale nxirren me çmimet që kanë qenë deri tani.

Çmimet do të ndryshohen kur vendimi të hyjë në fuqi dhe të publikohet në Gazetën zyrtare të RMV-së, përcjell Telegrafi Maqedoni.

Çmimi i pasaportës për personat deri në 27 vjeç do të mbetet i pandryshuar dhe do të jetë 1.500 denarë, por pasaporta për personat mbi 27 vjeç do të jetë 2.000 denarë, që është rritje prej 500 denarë. Çmimi i letërnjoftimit do të jetë 310 denarë, që është rritje prej 120 denarë. Çmimi i patentë shoferit do të jetë 410 denarë, që është rritje prej 130 denarë.

Do të ketë ndryshime edhe në çmimet dhe formularët për procedurat me urgjencë.

Advertisement

Çmimi i pasaportës me procedurë urgjente do të jetë 6.100 denarë, që është rritje prej 1.600 denarë.

Çmimi i patentë shoferit me procedurë urgjente do të jetë 1.230 denarë, që është rritje prej 390 denarë.

Nga MPB thonë se ndryshimi i çmimeve vjen si pasojë e rritjes së çmimeve të blerjes së formularëve të importuar, rritjes së kostove për mirëmbajtjen e sistemit, që kryhet nga një operator ekonomik i huaj, si dhe blerjes së makinerive të reja për shkak të nevojës për zëvendësimin makinerive për personalizim.

Ndryshe, deri në shkurt të vitit 2024, qytetarët kanë detyrim ligjor të ndryshojnë të gjitha dokumentet personale të cilat i kanë me emrin e vjetër të shtetit “Republika e Maqedonisë”.

Advertisement
Continue Reading

Lajme nga vendi

Nuk vdes nga sheqeri 19, pretendojnë mjekët – Nga se vdiq atëherë 6-vjeçarja Jana, e kishin gabuar mjekët?

Published

on

Pse vdiq 6-vjeçarja Jana? Spitali klinik në Manastir është nën mbikëqyrje të jashtëzakonshme inspektuese. Dokumentacioni i plotë është duke u krehur nga prokuroria, policia, por pritet edhe një kontroll i jashtëzakonshëm nga një komision i formuar posaçërisht nga Ministria e Shëndetësisë.

Ndërkohë po merren deklarata nga stafi i përfshirë dhe po bisedohet me të gjithë ata që kanë pasur kontakt me vajzën.

Drejtori i spitalit në Manastir, Aleksandar Obednikovski, ka kërkuar nga ministri që të dërgohet një komision nga Shkupi që të mos ketë dyshim se diçka po fshihet.

Lajmi shqetësoi opinionin, sidomos pasi babai i Janës së vogël zbuloi se sipas analizave të gjakut ajo kishte sheqer 9 dhe më pas i dhanë glukozë me infuzion, e cila e rriti më tej sheqerin në 19, më pas ajo vdiq. Shkaqet e vdekjes komentohen edhe nga mjekët në rrjetet sociale.

Advertisement

Mjeku Nenad Lazarov thotë në statusin e tij në Facebook “Nuk vdes akute nga glicemia 19”.

Në postimin e tij, kolegët mjekë komentojnë situatën dhe thonë:

“Ju nuk vdisni nga glicemia, por vdisni nga ketoacidoza. Një humbje e rëndë për prindërit, por një ndërlikim i hiperglicemisë në fëmijëri, një gjendje akute ku shfaqet rezistenca ndaj insulinës, e ka këtë ndërlikim”.

Advertisement
Continue Reading

Më të lexuarat