Connect with us

Lajme nga vendi

Mickoski: Nevojitet Qeveri e re e zgjedhur nga populli, lirimi i rrymës është gënjeshtër

Published

on

Gjysma e dytë e janarit dhe gjysma e parë e shkurtit është mundësia e fundit për zgjedhje të parakohshme, konsideron lideri i VMRO-DPMNE-së, Hristian Mickoski, duke cekur se do të ishte papërgjegjësi në vjeshtë të ketë zgjedhje të parakohshme, të shpenzohen dhjetëra milionë euro në kushte të krizës, kështu që të ketë zgjedhje presidenciale në mars apo prill.

“Do të ishte papërgjegjësi të veprohet ashtu. Prandaj vlerësoj se ky është momenti i fundit”, tha sot Mickoski, duke u përgjigjur në pyetje të gazetarëve në komunën Kisella Vodë.

Sipas Mickoskit, është papërgjegjësi kjo Qeveri të vazhdojë të funksionojë.

“Gjithnjë e më e zëshme është pakënaqësia në kuadër të grupeve të deputetëve të partive të cilat e mbështesin këtë Qeveri. Këtu para së gjithash mendoj për BDI-në dhe LSDM-në sepse shohin se si shteti po fundoset, po shkon prapa, nuk ka reforma, nuk ka rezultate, politikanë të paaftë kriminel e udhëheqin atë Qeveri dhe i inkurajuar nga ato sinjale që i marr nga grupet e deputetëve të LSDM-së de BDI-së, mendoj se këtë vit do të gjenden 61 deputetë të cilët do ta shpërndajnë këtë Parlament”, tha Mickoski.

Do të shkojmë në zgjedhje të parakohshme parlamentare, theksoi ai.

Advertisement

“Dhe më pas do të vijë një qeveri e cila do të zgjedhet nga populli, qeveri popullore, jo e zgjedhur në rreth të ngushtë të njerëzve apo kryeministër i zgjedhur nga një rreth i ngushtë i njerëzve, që do të punojë për interesat e popullit dhe të shtetit, e jo për interesa personale apo partiake. Kështu që, i inkurajuar nga këto sinjale mendoj se kemi mundësi të madhe që ato dy data 14 apo 21 maj të jenë data zgjedhore dhe të shohim në fund të ditës nëse me të vërtetë beson në atë që e flet Qeveria e BDI-së dhe LSDM-së se punojnë mirë, se me të vërtetë janë të suksesshëm do të mund ta kontrollojmë atë në zgjedhje, ashtu? Populli le të thotë, populli është sovrani i shtetit. Nuk janë funksionarët e BDI-së të mbështetur nga LSDM sovranë të këtij shteti”, tha ai.

Tarifa e lirë prej 0,6 denarë rritet në 1,3 denarë, harruan të thonë se më shumë se dy herë. Dhe tani, kur çdo qytetar të llogarisë sa kilovat orë shpenzon në atë të lirë dhe sa në një nga blloqet, do të shihni që fatura me taksën e shtuar plus 5 për qind do të jetë të paktën 20 për qind më e lartë. Por nga 1 janari do ta shohin dhe përjetojnë të gjithë qytetarët, kështu është përgjigjur Hristijan Mickoski.

Mickoski shtoi se kjo është kështu për shkak se në vitin 2021 dhe 2022, nga buxheti shtetëror të gjithë qytetarët kanë transferuar mbi 265 milionë euro në SHA EMV, ELEM i dikurshëm.

“Ndërsa, vetëm në vitin 2022, në fund të nëntorit, pa llogaritur dhjetorin, janë transferuar 180 milionë euro. Dhe me dhjetorin do të jetë më shumë se 200 milionë euro. Dhe si shkojnë ato para? Transferohen nga buxheti i shtetit në EMV, ndërsa EMV shpall tender për miniera, kompanitë shantazhohen që të mos aplikojnë për atë tender për miniera dhe për urgjencë lidhen kontrata private. E njëjta gjë bëhet me mazutin, e njëjta gjë bëhet me thëngjillin e importuar gjegjësisht transportin, por kështu bëhet edhe me paradhënien e faturave për energjinë elektrike të importuar”, shtoi ai.

Kryetari i VMRO-DPMNE-së tha se nga ato 200 milionë, llogaritet se së paku 30 milionë po vidhen. Mickoski u bëri thirrje të gjithë atyre që bëjnë thirrje për luftë kundër krimit dhe korrupsionit “të shkojnë të hapin dokumentet dhe të shohin se ku është krimi”.

Advertisement

Mickoski për importin e energjisë elektrike tha se për një muaj e gjysmë duke filluar nga 7 apo 10 nëntor deri në fund të vitit 2022 janë mbi 45 milionë euro.

“Gjithë kohën i dëgjojmë të thonë se prodhojnë, se plotësohen nevojat, thuajse nuk ka importe etj. Dhe këtu pohoj, le të më mohojnë se vetëm për një muaj e gjysmë SHA EMV ka shpenzuar më shumë se 45 milionë euro”, tha ai.

Sipas tij, “kostot për kapacitetet cross border nuk janë llogaritur dhe po t’i llogaritësh edhe ato, do të marrësh diku rreth 600 mijë euro diferencë, jo 800 mijë, që përsëri është mjaft duke marrë parasysh se 2 milionë është e gjithë marrëveshja”.

“Pra ju keni një fitim prej 30 për qind, që është diçka e pabesueshme. Paguhet paraprakisht. Kështu vidhet Maqedonia. Dhe kushdo që thotë luftë kundër korrupsionit, menjëherë do t’ju jap një shembull”, është përgjigjur Mickoski i pyetur se si e komenton çmimin e blerjes së energjisë elektrike për 40% më të lartë se çmimi i tregut./Zhurnal.mk

Advertisement
Advertisement

Lajme nga vendi

Rokas: Identiteti dhe gjuha nuk janë pjesë e kornizës negociuese, ata mbrohen më së miri me anëtarësimin në BE

Published

on

Ambasadori i BE-së në Shkup Michalis Rokas, sot në Ohër e vlerësoi pozitivisht Raportin e Parlamentit Evropian, duke thënë se ai jep mbështetje për procesin integrues të shtetit dhe procesit reformues, sidomos reformat në gjyqësi, luftën kundër korrupsionit dhe sfidat tjera me të cilat ballafaqohet shteti.

Në lidhje me nenet kontestuese në Raport për identitetin dhe gjuhën, ai tha se Parlamenti Evropian është institucion i pavarur që sjell vendime politike në pajtim me procedurat e brendshme.

“Më e rëndësishme është të theksohet se identiteti dhe gjuha nuk janë pjesë e kornizës negociuese. Identiteti dhe gjuha mbrohen më mirë me anëtarësim të plotë në BE”, tha Rokas.

Continue Reading

Lajme nga vendi

Aksione në klubet e natës në Tetovë dhe Gostivar, policia ndalon shtatë shtetase të huaja

Published

on

MPB Maqedoni njofton se midis natës 9 dhe 10 korrik 2025, nga ora 22:00 deri në orën 02:00 të mëngjesit, në bazë të një plani të përgatitur paraprakisht nga Sektori për Punë të Brendshme të Tetovës dhe Drejtoria e Punëve të Brendshme të Gostivarit, u krye kontroll aksionar në një objekt hotelerik – bar nate në fshatin Zhelinë, në pronësi të J.F. (47) nga fshati Zhelinë, për zbulimin e shtetasve të huaj, qëndrimit të paligjshëm dhe keqpërdorimit të qëndrimit turistik.

“Gjatë kontrollit në objekt, u gjetën pesë shtetase femra të Republikës së Shqipërisë, të moshës 24 deri në 50 vjeç. Gjithashtu, në një objekt hotelerik – klub nate në fshatin Zubovcë, Gostivar, në pronësi të R.B. (50) nga fshati Dobridol, u gjetën dy shtetase femra të Republikës së Shqipërisë, të moshës 33 dhe 36 vjeç”.

“Për shkak të keqpërdorimit të qëndrimit turistik dhe qëndrimit në kundërshtim me qëllimin, ato u ndaluan në Stacionet Policore të Tetovës dhe Gostivarit për procedura të mëtejshme”, thonë nga MPB.lajmpress

Continue Reading

Lajme nga vendi

QMK: Nëntë zjarre janë aktive, nën kontroll katër

Published

on

“Aktive janë nëntë zjarre në ambient të hapur deri në orën shtatë të mëngjesit të sotëm, nga gjithsej 63 gjatë ditës së djeshme”, informoi Qendra për menaxhim me kriza (QMK). Nën kontroll janë katër zjarre, një është lokalizuar, ndërsa 49 janë shuar.

Nëntë zjarre janë aktive në zona të hapura që nga ora 7 e mëngjesit të sotëm, nga gjithsej 63 dje, njoftoi Qendra e Menaxhimit të Krizave (QMK). Katër zjarre janë nën kontroll, një është lokalizuar dhe 49 janë shuar.

QMK njoftoi se aktive janë zjarret në Çuçer Sandevë – Bllacë, ku është kapluar bimësi e ulët, në fshatin Vizbeg në Shuto Orizare ku po digjet një deponi, në Prilep – fshati Beshishtë, një vend i quajtur “Beshishki rid”, pyll i përzier. Në zjarret në Makedonski Brod, është kapluar pylli dhe shkurret, midis fshatrave Creshnevë dhe Lokvica, bimësi e ulët nga një zjarr i përhapur nga fabrika “Samokov” në fshatin Ramne, si dhe pyll i përzier në fshatrat Sllatinë dhe Kovçë. Gjithashtu në komunën e Çashkës, nën “Sollunska Glava”, pranë vendit të quajtur “Burimet e Babunës” dhe “Babina Dupka”, ka tym në pjesën shkëmbore, ndërsa po digjet edhe pylli me kërcell të ulët në fshatin Nikoliq në Dojran.

Është lokalizuar zjarri në Koçav, në një vend të quajtur Babishte, ndërmjet fshatrave Jastrebnik dhe Polaki, ku janë kapuar bimësi e ulët dhe pyll i përzier.

Sipas QMK-së, nën kontroll janë zjarret në Dellçevë në Deponinë e qytetit “Ostrec”, në Vinicë – fshati Dragobrashtë (bimësi e ulët), në Kriva Pallankë – fshati Gradec dhe fshati Lozakovë dhe në Zhelinë – fshati Larce – lokacion ndryshe (pyll i përzier).

Advertisement

LAMM sot në mëngjes kumtoi se komunikacioni nga qarkorja Orman deri në qarkoren Mirkovc është lëshuar për komunikacion të rregullt, gjithashtu edhe prej Shkup – GJP për VK Bllacë dhe në të dy drejtimet e rrugës eksprese Rankovcë-Kriva Pallankë. Komunikacioni në këto rrugë ishte në ndërprerje për shkak të zjarrëve.

Për shkak të situatës me zjarret në Qeveri mbrëmë pati mbledhje Shtabi i Krizës, ndërsa është aktivizuar edhe mekanizmi evropian për ndihmë në përballje me zjarret.

Ministri i Punëve të Brendshme, Pançe Toshkovski deklaroi pas mbledhjes së Shtabit të Krizës se shkak për përhapjen, në masë të madhe ishin kushtet e pavolitshme të motit dhe era e fuqishme, por për disa kemi dyshime të bazuara se janë shkaktuar nga faktori njeri afër kapaciteteve kyçe infrastrukturore, rrugëve, rajoneve dendësisht të banuara dhe objekteve private.

“Maksimalisht po vihen në funksion të gjitha kapacitetet e shtetit, me atë që duhet të theksoj se nga Greqia janë dhënë për ndihmë dy kanaderë, të cilët do të vihen në funksion, si dhe dy ekipe këmbësorike të cilat janë vënë në dispsozicion përmes mekanizmit të BE-së. Të gjitha institucionet qeveritare tërësisht janë mobilizuar dhe janë përfshirë aktivisht në terren. Në gjendje gatishmërie janë vënë 300 ushtarë, prej të cilëve rreth 150 aktivisht u përfshinë në terren, si dhe rreth 400 nëpunës policorë, të cilët u përfshinë aktivisht në terren”, deklaroi Toshkovski.

Advertisement
Continue Reading

Më të lexuarat