Lajme nga vendi
MASH-i filloi debatin publik për përgatitjen e Ligjit të ri për arsim të mesëm
Nevoja për sjelljen e zgjidhjes së re ligjore për arsimin e mesëm në vend fillimisht duhet kërkuar në faktin se ligji ekzistues zbatohet prej më shumë se 27 vitesh ndërsa në ndërkohë arsimi i mesëm është bërë i detyrueshëm, si dhe janë sjellur plane dhe programe të reja mësimore ku vazhdimisht janë duke u azhurnuar dhe plotësuar. Kemi shumë të drejta dhe mundësi të reja për të gjithë pjesëmarrësit në procesin arsimor në shkollat e mesme dhe e gjithë kjo duhet të jetë pjesë e një kornize ligjore. Sot jemi këtu së bashku pikërisht për të bërë këtë kornizë. Kemi themelin, të cilin mund ta avancojmë mirë.
Këtë e theksoi ministri i Arsimit dhe Shkencës Jeton Shaqiri në hapjen e debatit të parë nga disa debate publike që do të organizohen në ditët në vijim, me rastin e përpilimit të Ligjit të ri për Arsimin e Mesëm, i cili, siç u shpreh ai duhet të jetë në frymën e parimeve europiane dhe gjithëpërfshirjen e të gjithë nxënësve.
“Nëse në të kaluarën zgjidhjet ligjore silleshin me dyer të mbyllura, pa praninë e ekspertëve, praktikantëve, mësimdhënësve, sot në përputhje me përkushtimin për punë transparente dhe llogaridhënie ndaj qytetarëve, Ministria e Arsimit dhe Shkencës zgjidhjet ligjore i sjell përmes një procesi gjithëpërfshirës, përmes debateve publike me të gjithë pjesëmarrësit në veprimtarinë arsimore” potencoi Shaqiri.
Ai gjithashtu rikujtoi se Strategjia për Arsimin 2018-2025 në pjesën e arsimit të përgjithshëm përcakton këto prioritete: Përmirësimin e përmbajtjes së arsimit të mesëm, rritjen e përfshirjes së nxënësve dhe përmirësimin e inkluzionit dhe integrimit ndëretnik në arsimin e mesëm, përmirësimin e kapaciteteve të burimeve njerëzore në shkollat e mesme dhe përmirësimin e kushteve të mësimit dhe cilësisë së arsimit. Siç theksoi këto parime, besoj se me zgjidhjen e re ligjore do të kontribuojmë në modernizimin e sistemit arsimor nacional.
“Do të ofrojmë qasje sistematike për të inkurajuar zhvillimin kognitiv, socio-emocional dhe psikomotor në përputhje me potencialin dhe afinitetet të çdo nxënësi. Do të mundësojmë zhvillimin e kompetencave kyçe që do t’iu nevojiten nënësve për arsimimin e mëtejshëm dhe rolin e tyre aktiv në shoqërinë bashkëkohore”, u shpreh ministri.
Ai të pranishmëve ju bëri thirrje që të jenë aktiv në debat dhe të japin mendimet e tyre për propozim versionin e ligjit të përgatitur nga grupi punues i përbërë nga përfaqësues të disa palëve të interesuara dhe të shprehin sugjerime, me qëllim të miratimit të versionit më të mirë të zgjidhjes ligjore.
Me Ligjin e ri për Arsimin e Mesëm, arsimi i mesëm përkufizohet si institucional, kadrovik dhe përmbajtjësor i organizuar në atë mënyrë që mundëson arsimimin e të gjithë nxënësve, përfshirë fëmijët/personat me shtetësi të huaj apo fëmijët pa shtetësi, formimin e ekipeve gjithëpërfshirëse dhe mbështetjen e nxënësve me vështirësi. Definohet edhe roli i asistentëve arsimor, gjegjësisht përfshirja e tyre në procesin arsimor me status të rregulluar, njofton Ministria e Arsimit dhe Shkencës.
Çmimet e derivateve të naftës do të pësojnë ndryshime nga mesnata, me ulje për benzinën dhe naftën, ndërsa vaji ekstra i lehtë do të shtrenjtohet lehtë.
Sipas vendimit të Komisioni Rregullator për Energjetikë, benzina dhe nafta do të lirohen për 1,5 denarë për litër. Në të njëjtën kohë, çmimi i vajit ekstra të lehtë rritet për 0,5 denarë për litër.
Ndërkohë, në fuqi mbetet edhe ulja shtesë që ofron OKTA, prej 3 denarësh për naftën dhe 2 denarësh për benzinën.
Pas përfshirjes së të gjitha këtyre ndryshimeve, çmimet e reja të karburanteve janë:
Benzina BS-98 – 80,5 den/l
Benzina BS-95 – 78,5 den/l
Nafta – 91 den/l
Vaji ekstra i lehtë – 97,0 den/l
Vendimi hyn në fuqi nga mesnata dhe pritet të reflektohet menjëherë në pikat e shitjes së karburanteve në vend.
Qëndrimet e pushteteve bullgare për kushtëzimin ndaj Maqedonisë së Veriut për hapjen e bisedimeve të anëtarësimit në Bashkimin Evropian pritet që të vazhdojnë edhe me pushtetin e ardhshëm në Sofje.
Fitorja e partisë së ish-kryetarit bullgar pro-Rus Rumen Radev në zgjedhjet e djeshme nuk sjell gjë të re të mirë për Shkupin në rrugën e premtuar për hyrje në BE.
Shtatë pushtetet e deritashme në Bullgari kanë patur të njëjtin qëndrim, pra kushtëzim nga Shkupit, se pa futjen e bashkësisë bullgare në kushtetutën e vendit nuk mund të ketë fillim të bisedimeve për hyrje në BE.
Radev, si edhe krejt pushtetet e deritashme atje i ka të njëjtat qëndrime, kushtëzime ndaj Shkupit.
Zgjedhjet e së dielës janë zgjedhjet e teta me radhë në këto pesë vite në vendin i cili e ka bllokuar Maqedoninë e Veriut në procesin drejt bllokut evropian.
Edhe kur ishte në postin më të lartë në Bullgari, Radev kishte të njëjtat qëndrime me ato të qeverive që ndërroheshin ndaj Maqedonisë së Veriut.
“Përfshirja e bullgarëve në kushtetutën e RMV-së do ta përshpejtojë ndjeshëm rrugën e vendit drejt BE-së dhe shpresoj që fqinji ynë jugperëndimor do ta bëjë këtë sa më shpejt të jetë e mundur në mënyrë që të hapë derën e negociatave për anëtarësim të plotë”, pat thënë Radev gjatë një takimi me 4 Dhjetor 2025 përfqësuesit e bashkësisë bullgare në Maqedoninë e Veriut, nga qytetet e Manastirit, Ohrit, Shkupit, Prilepit, Kavadarit dhe Koçanit.
“Ne të gjithë shpresojmë që integrimi i RMV-së të ndodhë sa më shpejt të jetë e mundur, por kjo nuk mund të jetë në kurriz të të drejtave të bashkësisë bullgare në vend”, pa thënë Radev para pesë muajve.
Shkoi Orbani, erdhi Radevi
Përdërisa në Hungari Viktor Orban pro-rus po largohet nga pushteti pas humbjesë së madhe në zgjedhjet, në në krye të pushtetit në bullgari pritet qët ë jetë një pro-rus poashtu.
Radevi pat thirrur për rivendosjen e marrëdhenieve me Rusinë e Putinit dhe e ka kritikuar BE-në për ndihmën me armë Ukrainës në luftën e saj ndaj okupimit rus.
Sapo vendet e tjera të BE-së morën frymë se problemi Orban iku, tash BE-së i njëjti problem i lind përsëri, por kësaj herë në Bullgari.
Ardhja në pushtet e një kryeministri pro-rus nuk është në të mirë të unitetit brenda BE-së dhe politikës së jashtme të saj. Bllokadat që i bënte Orban tash pritet që t’i bëjë Radev, përmes fuqisë së vetos.
Do të ishte “mrekulli” nëse Radev do të ndryshonte e të zbuste qëndrimin ndaj Maqedonisë së Veriut, për të përmbushur kërkesat e Hristijan Mickoskit për bashkësinë maqedonase në Bullgari dhe kërkesën për garanci nga BE e Bullgaria se nuk do të ketë kërkesa e bllokada të tjerë që ndërlidhen me identitetin dhe gjuhën maqedonase. / Zhurnal.mk
Lajme nga vendi
Nis ndërtimi i rrugës Strugë–Morovisht, Qyra: “Struga nuk pret më, Struga punon, Struga fiton”
Kryetari i Komunës së Strugës, Mendi Qyra, ka njoftuar nisjen zyrtare të punimeve për një nga projektet më të rëndësishme infrastrukturore në qytet – rrugën Strugë–Morovisht, e njohur si “Kolektori”.
Sipas tij, projekti që kishte mbetur pezull për më shumë se 20 vite, tashmë po realizohet brenda vetëm pesë muajve të qeverisjes së re. Ai theksoi se ky aks rrugor pritet të zgjidhë problemet e kahershme të trafikut dhe të sjellë një standard të ri infrastrukture, me katër korsi, trotuare dhe hapësira të gjelbra.
“Struga nuk pret më. Struga punon. Dhe Struga fiton”, deklaroi Qyra.
Projekti po realizohet me mbështetjen e Ministrisë së Transportit dhe, sipas autoriteteve, përmes një procesi transparent, kostoja është ulur nga 2.2 milionë euro në 1.2 milionë euro. Mjetet e kursyera, sipas njoftimit, do të ridrejtohen për investime të tjera në interes të qytetarëve.
Rruga do të shtrihet nga rrethrrotullimi te Foni drejt rrugës Turistike (ish-Apolonia), duke u lidhur më tej me Morovishtin.
Irani refuzon negociatat me SHBA pas sekuestrimit të anijes së mallrave
Ari bie në minimum njëjavor/ Tensionet SHBA-Iran forcojnë dollarin dhe nxisin rritjen e naftës me 5%
Lirohen çmimet e naftës dhe benzinës në Maqedoni!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga bota4 weeks ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen
-
Lajme nga rajoni4 weeks agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Sport4 weeks agoBARDHI: NËNVLERËSIMI VETËM SE NA MOTIVON KUNDËR DANIMARKËS!