Connect with us

Lajme nga vendi

Liria e të shprehurit dhe siguria e gazetarëve para Gjykatës në Strasburg – publikim i ri i SHGM

Published

on

Me rastin e 10 dhjetorit, Ditës botërore për të drejtat e njeriut, në kuadër të projektit Safejournalists u përgatit një analizë e re me titull: “Liria e të shprehurit dhe siguria e gazetarëve para Gjykatës së Strasburgut – Analiza e aktgjykimeve të Gjykatës Evropiane për të drejtat e njeriut në lëndët maqedonase të nenit 10 nga Konventa Evropiane për të drejtat e njeriut”, autorë i të cilës janë M-r Velimir Delovski dhe D-r Kostadin Bogdanov, recenzoi Prof. D-r Besa Arifi ndera redaktor është Dragan Sekulovski.

Autorët e analizojnë edhe qëndrimin e GjEDNj lidhur me mbrojtjen, jo vetëm të përmbajtjes së informatave, por edhe të mjeteve të transmetimit të informatave, si dhe të të drejtës së opinionit për të pranuar informata dhe ide që kanë rëndësi publike.

Në analizën theks i veçant është vënë në mbrojtjen e të drejtës së informimit përmes mbrojtjes së gazetarëve dhe profesionit të gazetarisë, si dhe përmes mbrojtjes të së drejtës së qytetarëve për të qenë të informuar në mënyrë të drejtë për tema të rëndësishme. Sipas praktikës së GjEDNj kjo e drejtë nuk i mbron vetëm gazetarët, por edhe shkrimtarët, hulumtuesit akademik, artistët, kolumnistët, blogerët dhe përdoruesit e rrjeteve sociale, që ndikojnë në krijimin e opinionit publik.

Cilët lëndë janë përpunuar?

  1. Lënda e parë është Selmani në vitin 2017 kundër IRJM (2017), e cila njëkohësisht është edhe lënda e parë në të cilën Gjykata ka konstatuar shkelje të nenit 10 të GjEDNj në vendin tonë
  2. Lënda e dytë i referohet aktgjykimit të GjEDNj për lëndën Makraduli kundër IRJM (2018), për ndjekje penale për shpifje të deputetit dhe nënkryetarit të partisë politike

  3. Lënda e tretë është lënda Gelevski kundër Maqedonisë së Veriut (2020), në të cilën pranohet kontributi i kolumnistëve si kreatorë të opinionit publik ndaj debatit aktual politik lidhur me çështje që janë me interes publik

  4. Lënda e katërt është lënda Kostova dhe Apostolov, GjEDNj ka gjetur shkelje të nenit 10 në lidhje me procedurën civile për shpifje që është zhvilluar kundër aplikuesve, kryeredaktorja e gazetës javore “Fokus”, Jadranka Kostova dhe Vlado Apostolov, gazetarë në atë gazetë

Këto lëndë janë shqyrtuar në detaje dhe janë shpjeguar në analizën, nga të cilat mund të merren jo vetëm konkluzione të përgjithshme për praktikën e Gjykatës, por edhe të krijohet një ide për të gjithë procesin e zhvillimit, të procedurës dhe rezultatet e tij.

Advertisement

Mbrojtja e parashikuar nga neni 10 për gazetarët në lidhje me informatat për çështje të interesit të përgjithshëm i nënshtrohet kushtit që gazetarët të veprojnë në mirëbesim dhe në bazë të saktë faktike, pra të japin informata në përputhje me etikën gazetareske. Nocioni i gazetarisë së përgjegjshme përkufizohet përmes metodës dhe mjeteve të përdorura për marrjen e informacionit të caktuar për publikun, si dhe respektit të treguar ndaj personit që është subjekt i informacionit.

Konkluzionet dhe rekomandimet janë se liria e shprehjes mund të jetë ekzistuese dhe aktive, vetëm duke krijuar një mjedis, legjislativ dhe institucional, për zbatimin faktik të standardeve të Strasburgut në kontekstin mediatik dhe gjyqësor maqedonas. Marrja e vendimeve për rastet e përmendura më parë është shembull i mirë i një praktike pozitive të vendimmarrjes në favor të gazetarëve, pra në rastet kur shkelen të drejtat e tyre, trend që duhet të vazhdojë edhe në të ardhmen.

Analizën e plotë mund ta gjeni në këtë – HALLKË.

  • Kjo analizë është përgatitur me mbështetjen financiare të Bashkimit Evropian. Përmbajtja e publikimit është përgjegjësi vetëm e Shoqatës së Gazetarëve të Maqedonisë dhe autorëve dhe nuk pasqyron domosdoshmërish pikëpamjet e Bashkimit Evropian.
Advertisement

Lajme nga vendi

Partitë vazhdojnë me prezantimin e programeve zgjedhore, javë jo e plotë deri në rrethin e parë të zgjedhjeve presidenciale

Published

on

Në kuadër të fushatës për zgjedhjet parlamentare, që filloi të enjten, edhe sot kandidatët për deputetë në gjashtë njësitë zgjedhore do t’i prezantojnë platformat e tyre para qytetarëve në disa pjesë të vendit. Në të njejtën kohë vazhdon edhe fushata për zgjedhjet presidenciale, rrethi i parë i të cilave do të mbahet të mërkurën, më 24 prill, përderisa rrethi i dytë duhet të mbahet së bashku me zgjedhjet parlamentare, më 8 maj.

Kandidati për president i mbështetur nga koalicioni i LSDM-së, Stevo pendarovski në suaza të karvanit zgjedhor sot do t’i vizitojë banorët e Novo Sellës, Bosillovës, Vasilevës, ndërsa tubime do të mbajë në Radovish dhe në Strumicë.

Kandidatja për presidente e mbështetur nga VMRO-DPMNE, GOrdana Siljanovska-Davkova do ta prezantojë programin para qytetarëve në Makedonska Kamenicë, Pehçevë, Berovë dhe Dellçevë.

Kandidati presidencial, Stevço Jakimovski dhe koalicioni “Guximshëm për Maqedoninë” do të mbajë tubim në lagjen e Shkupit Karposh, ndërsa kandidati për prersident, Maksim Dimitrievski nga Lëvizja ZNAM – Për Maqedoninë tonë do ta prezantojë programin para qytetarëve në Resnjë, Pretor, Novaci dhe në Manastir.

Në kuadër të ditës së tretë të fushatës për zgjehdjet parlamentare, kryetari i LSDM-së, Dimitar Kovaçevski do të jetë mes qytetarëve të Bërvenicës dhe të Tetovës.

Advertisement

Mbrëmë nga Ohri dhe Struga, Kovaçevski porositi se BE-ja është mundësia e vetme për përparim  të shtetit.

Nga Struga, ai theksoi se vendit i nevojitet unitet nacional për integrim në BE, në vend se unitet nacional për moratorium dhe se kjo është rruga e vetme për ndryshime dhe mu ky është vendimi që duhet të sillet në këto zgjedhje.

Duke e komentuar fjalimin e liderit të VMRO-DPMNE-së Hristian Mickoski nga tubimi në Ohër, të enjten, për unitet maqedonas dhe për moratorium, ai tha se gjithnjë e më shumë njerët e kuptojnë se moratoriumi i vetëm, në, sip theksoi, kokën e Mickoskit është moratoriumi për integrim të shtetit në BE.

Kandidati për president, Stevo Pendarovski, mbrëmë para banorëve të Butelit theksoi se rruga drejt BE-së është rruga e vetme e drejtë, e cila nuk do të na kthejë në pasigurinë ballkanase.

Sa i përket ofertës së kryetarit të VMRO-DPMNE-së, Hristijan Mickoski për koalicion me Të Majtën dhe Lëvizjen ZNAM është zgjedhje demokratike e secilit të bëjë koalicion me kë të dojë, por siç tha, “oferta për koalicionim me partinë e tij që në ditën e parë të fushatës për zgjedhjet parlamentare tregon se ai kërkon ndihmë”.

Advertisement

“Në mes fushatës nuk kërkojmë ndihmë nga ndonjë mik. Më duket se kjo është shenjë e qartë e dobësisë, sepse z.Mickoski e di se çfarë e pret me 24 prill dhe 8 maj. Përndryshe pse do të kërkonte ndihmë nga jashtë?, ka thënë Pendarovski.

kandidati për president ng ZNAM, Maksim Dimitrievski, mbrëmë nga Velesi porositi se nuk do të koalicionojnë, as nuk do të bisedojnë me dikë për koalicion të ardhshlm pa u nënshkruar dhe definuar paraprakisht linjat e kuqe për shtetin.

E porositi Mickoskin të ketë kujdes, çka, si dhe në çfarë mënyre i prezanton qëndrimet e tij dhe të ketë kujdes çfarë oferta jep, sepse për anëtarët e ZNAM fjala ka peshë.

kandidati për president nga Fronti Evropian i kryesuar nga BDI, Bujar Osmani dje nga Saraji u premtoi të rinjve se nëse zgjedhet president, do të krijojë shtet në të cilin pa dallim të përkatësisë etnike, secili do të mund t’i realizojë ëndrrat e veta.

Paraprakisht në takim me odat ekonomike paralajmëroi se do të vazhdojë krijimi i këshillit nacional për rritje ekonomike, ku do të bënin pjesë përfaqësues të partive politike dhe faktorë ekonomik, ndërsa i cili do të funksiononte si një lloj bordi drejtues shtetëror me qëllim të arritjes së konsensusit shtetëror lidhur me parametrat dhe rregullativat kyçe për një zhvillim të përshpejtuar dhe të qëndrueshëm.

Advertisement

Kandidatja për president nga koalicioni i udhëhequr nga VMRO-DPMNE, Gordana Siljanovska- Davkova mbrëmë nga Kriva Pallanka tha se beteja më e rëndësishme që duhet të fillojë më 24 prill, është lufta e pakompromis kundër krimit dhe korrupsionit.

“Kur kritikojmë BDI-në, nuk kritikojmë shqiptarët. Kur kritikojmë vendimet e koalicionit, nuk nisemi nga aspektet etnike apo fetare, por nga përfshirja e thellë e tyre në krim dhe korrupsion. Mendoj se beteja më e rëndësishme që duhet të fillojë më datën 24 dhe të konfirmohet me shpejtësinë më të madhe në të ardhmen është lufta e pakompromis kundër krimit dhe korrupsionit”, tha Siljanovska- Davkova.

Duke theksuar rolin e presidentit, ajo tha se para Pendarovskit janë miratuar shumë ligje për të cilat është dashur të vë veto, por nuk e ka bërë.

“Tetë vite presidenti ka bërë thirrje për veting. Kjo do të thotë ose rizgjedhje e përgjithshme ose formë tjetër e vetingut, kur duhet të bëhet vlerësim ose rivlerësim i të gjithë kandidatëve për sa i përket pronës ose asaj që është bërë. Por, tre herë të angazhoheni për diçka dhe të mos bësh asnjë hap drejt saj, mendoj se ju paralajmëron se duhet t’i vendosni vetes veto për atë që premton dhe nuk e përmbush”, tha Siljanovska- Davkova.

Lideri i VMRO-DPMNE-së, Hristian Mickoski në tubimin në Kriva Pallankë, i bëri thirrje opozitës për unitet nacional.

Advertisement

“Jetojmë në kohë të vështira. Shteti është në kaos, institucionet janë paralizuar, apatia dhe zhgënjimi ndjehet kudo. Ka humbur besimi te politikanët, sepse vullneti i popullit shumë herë është shkelur. Asgjë nuk funksionon. Maqedonia është marrë nga duart e qytetarëve dhe qytetarët me të drejtë janë skeptikë nëse kjo mund të ndryshohet, tha mbrëmë lideri i VMRO-DPMNE-së, Hristijan Mickoski.

Sipas Mickoskit, këto zgjedhje janë shansi i fundit për shpëtim, ndryshimet janë të mundshme dhe të arritshme. Ai theksoi se populli nuk ka kontroll mbi shtetin e vet sepse, siç tha, qindra njerëz të BDI-së drejtojnë me vendin. BDI-ja dhe LSDM-ja, siç theksoi ai, po bëjnë konspiracion kundër shtetit me ndarje të pozitave dhe funksioneve shtetërore.

Kandidati për president nga GROM, Stevço Jakimovski vlerësoi se E Majta dhe ZNAM po bëhen pjesë e VMRO-DPMNE-së dhe dorë e zgjatur e këtij koalicioni.

Zgjedhjet presidenciale do të mbahen të mërkurën, ndërsa për fundjavë janë paralajmëruar edhe tubime parazgjehdore në Shkup, për ç’shkak nga MPB paralajmërojnë se në rajonin qendror të qytetit do të vendoset regjim i posaçëm i komunikacionit.

Sot në hapësirat e KSHZ-së duhet të votojnë edhe anëtarët e këshillave zgjedhorë të cilët duhet të jisen jashtë vendit për shkak të votimit të diasporës e cila do të votojë një ditë para zgjehdjebe kur do të votojnë të sëmurët, personat e pamundur dhe të burgosurit.

Advertisement

Dje kryetari i KSHZ-së, Aleksandar Dashtevski në intervistë për servisin nacional tha se KSHZ është e gatshme të mbajë zgjehdje të drejta, demokratike dhe kredibile, dhe se rezultatet fillestare jozyrtare priten deri në mesnatë.

Prej sot, siç paralajmëroi, do të fillojë distribuimi i materialit të besueshëm dhe jo të hbesueshëm drejt komisioneve komunlae zgjedhore të cilat më pas materialin duhet ta dorëzojnë në këshillat zgjehdorë. Shkollat, në hapësirat e të cilave do të mbahet votimi të mërkurën, një ditë më parë do të punojnë deri në orën 11:00, pas pka do të fillojë distribuimi i materialit zgjedhor.

Fushata e deritnaishme, sipas kreut të KSHZ-së, është në suaza të rregullave të lojës dhe deri më tani nuk janë vërejtur incidente dhe sulme më serioze.

Continue Reading

Lajme nga vendi

Hasani: Arsovska, Bexheti dhe Levica nuk lejuan organizimin e tubimit në Sheshin Maqedonia, çdo përgjigje ditën e hënë do të ishte e vonshme

Published

on

Bashkim Hasani nga Vlen ka informuar se siç e kërkon procedura kanë kërkuar kërkesë deri tek qyteti i Shkupit që tubimin Qëndror ta organizojnë në Sheshin Maqedonia në Shkup, siç theksoi Hasani për të parë të gjithë se çka është tubim madhështor.

“Deri sot nuk kemi marrë asnjë përgjigje nga qyteti gjë që nënkupton që përgjigja është negative, e këtë vendim e kanë marrë kryetarja Danella Arsovska, Blerim Bexheti bashkë me Levicën të cilët janë në koalicion. Në panik për të pamundësuar koalicionin VLEN të organizojë tubim, duke ditur atmosferën dhe përkrahjen e madhe të qytetarëve çdo përgjigje që do të vinte ditën e hënë do të ishte e vonshme dhe tendencioze për shkak kohës së shkurtë për organizim”, tha Hasani.

Continue Reading

Lajme nga vendi

Humbin jetën dy persona në një aksident në rrugën Shtip – Koçan

Published

on

Një aksident i rëndë trafiku ka ndodhur në autostradën e shpejtë Shtip-Koçan, në afërsi të zonës industriale në Shtip. Sipas informacioneve fillestare nga aksidenti kanë humbur jetën dy persona.

Zëdhënësja e SPB Shtip, Gordana Panajotova, ka konfirmuar se në këtë autostradë të shpejtë ka ndodhur një aksident i rëndë trafiku.

Ajo tha për AIM-n se hetimet dhe sigurimi i vendit të aksidentit nga ana e policisë është duke vazhduar.

Aksidenti ka ndodhur rreth orës 14:25 mes dy automjeteve të pasagjerëve.

Continue Reading

Më të lexuarat