Lajme nga vendi
Kovaçevski: Lufta kundër korrupsionit është në krye të agjendës sime
Detyrë themelore në luftën kundër korrupsionit është funksionimi i pandërprerë dhe i pavarur i institucioneve. Numri dy, është integriteti dhe profesionalizmi i atyre që drejtojnë institucionet dhe numri tre, vullneti politik i atyre që marrin pjesë në punën e institucioneve që lufta kundër korrupsionit të jetë në nivelin më të lartë. Kur flasim për luftimin e korrupsionit, nuk kam parasysh vetëm korrupsionin e nivelit të lartë, por korrupsionin në të gjitha nivelet e shoqërisë. Pra, nga sporteli më i ulët në shoqëri në një vetëqeverisje lokale deri te nivelet më të larta të korrupsionit, tha sot kryeministri Dimitar Kovaçevski në konferencë për shtyp në Qeveri.
Kovaçevski theksoi se ato çështje janë adresuar në Programin e Qeverisë dhe në punën e institucioneve që janë pjesë e Qeverisë dhe në zgjidhjet ligjore që janë dorëzuar, votuar, disa të bllokuara në Kuvend, si dhe se lufta kundër korrupsionit është në krye të agjendës së tij.
Duke iu përgjigjur pyetjes së një gazetari për komentet negative të përfaqësuesve të bashkësisë ndërkombëtare për korrupsionin në vend, kryeministri tha se po ashtu shumë qartë e ka thënë se pas zgjidhjes së çështjeve më të mëdha në pjesën politike – anëtarësimit në NATO, nënshkrimit të marrëveshjeve me vendet fqinje , me fillimin e negociatave, problemi më i madh që mbetet për t’u zgjidhur në periudhën e ardhshme është lufta kundër korrupsionit dhe promovimi i sundimit të ligjit.
Sipas tij, kompetencë e Qeverisë është që të sigurojë funksionimin e pavarur të të gjitha organeve hetimore, prokuroriale dhe gjyqësore në vend.
Korrupsioni, siç tha ai, është një luftë e gjithë shoqërisë, në të gjitha nivelet e qeverisjes, sepse pushteti në vend është i ndarë – kemi pushtet ekzekutiv, legjislativ, vendor, gjyqësor dhe secili duhet të japë kontributin e tij për sundimin suprem të ligjit dhe luftë supreme kundër korrupsionit.
“Nëse shikojmë raportet e institucioneve ndërkombëtare, Maqedonia e Veriut ka bërë përparim. Kjo mund të shihet përmes të gjitha raporteve që janë në dispozicion, të cilat janë bërë nga institucionet ndërkombëtare. Ai progres është i dukshëm, nga sundimi i demokracisë në vend, nga transparenca e institucioneve, shtoi Kovaçevski, duke kujtuar se Qeveria vlerësohet me transparencë qind për qind për atë që duhet të informojë.
Ai kërkoi që të gjitha institucionet të ndjekin këtë shembull dhe të gjithë të jenë të fokusuar, “sepse një nga problemet më të mëdha të çdo shoqërie, dhe mbi të gjitha të ekonomive në zhvillim si kjo e jona dhe shoqërive që pretendojnë të bëhen pjesë e BE-së, është sundimi i të drejtës”.
“Nëse marrin parasysh raste të caktuara në shtet, këtu para së gjithash mendoj për pavarësinë dhe pushtetin gjyqësor e prokurorial etj. se një zgjidhje e caktuar ligjore duhet të avancohet, atëherë Qeveria normalisht është në dispozicion për të përgatitur ato zgjidhje ligjore. Sigurisht që Parlamenti është vendi ku do të diskutohet, komisionet përkatëse të Kuvendit. Nëse nevojitet një monitorim i caktuar ekspertësh për avancimin e punës, qeveria është në dispozicion për të kërkuar, nëse është e nevojshme, asistencë të huaj, asistencë eksperte që do të sillte dhe do të ishte e pranishme fizikisht këtu në vend, të gjitha këto janë në dispozicion dhe unë jam një qind për qind në dispozicion për punë të tilla, tha Kovaçevski.
Si ish zëvendëskryeministër i ngarkuar për luftën kundër korrupsionit foli edhe Lupço Nikollovski, i cili tani është ministër i Bujqësisë. Nikollovski theksoi shumë aktivitete të cilat i ka bërë Qeveria sa ishte në atë pozitë, si dhe se vendi është përmirësuar në shkallën e korrupsionit.
Kreu i Aleancës për Shqiptarët, Arben Taravari i cili është larguar nga koalicioni VLEN pasi vendosi të shkojë në zgjedhje lokale ndaras, ka pranuar se ka realizuar bisedë me kreun e BDI-së Ali Ahmeti. Në një intervistë për Lajm ai thotë se takim nuk ka pasur, por është dëgjuar me të në telefon.
Takim me Ali Ahmetin a keni pasur apo prisni të keni?
“Jo, jo, jo. Ka pasur një bisedë telefonike dhe ajo është…”, deklaroi Arven Taravari, kryetar i ASH.
Televizioni Alsat që në fillim të muajit prill raportoi për një bisedë telefonike 40 minutëshe mes Taravarit dhe Ahmetit, e cila sipas burimeve tona ka bërë që Taravari të lëkundet në bindjet, që deri dje i mbronte me aq fanatizëm ndaj BDI-së. Disa herë, Taravari përmendi që partia e tij ka kanale komunikimi me BDI-në, por edhe sinjale për bashkëpunim në zgjedhjet lokale. Madje, duke relativizuar se edhe partitë tjera të VLEN-it kanë kontakte. Ndaj kësaj, mori përgjigje të ashpër nga Lëvizja Besa, Lëvizja Demokratike, Alternativa dhe përfaqësuesi i Lëvizjes Vetëvendosje se nuk kanë asnjë arsye për të komunikuar me një parti të korruptuar, funksionarët e të cilës janë në lista të zeza.
Biseda telefonike është realizuar pikërisht në kohën kur Aleanca për Shqiptarët do të duhej të vendoste për mënyrën e garimit në zgjedhjet lokale, për çka Taravari disa herë përsëriti se ekzistojnë dy opsione për të garuar në zgjedhje. I pari, të garojnë së bashku me VLEN-in dhe i dyti të garojë vetëm si ASH, që në këtë rast nuk do të përjashtohej mundësia për të bashkëpunuar në komuna të caktuara me BDI-në.
Lajme nga vendi
MPB: Gjatë festave të Pashkëve fotografimi për dokumentet personale do të bëhet pa termin
Ministria e Punëve të Brendshme, në pritje të festave të Pashkëve, njofton se sot të gjitha Seksionet për Çështje Administrative pranë Departamentit për Çështje Administrative të MPB-së, përveç Sektorit për Çështje Administrative Shkup, do të punojnë nga ora 08:00 deri në ora 16:00.
Departamenti për Çështje Administrative Shkup, ose më saktë njësitë e tij organizative, sot do të punojnë me këtë orar:
Pika e kontrollit pranveror dy ndërrime nga ora 7:30 e mëngjesit deri në 19:30;
Postblloku i “RTMV” dy ndërrime nga ora 7:30 deri në 19:30, dhe me të njëjtin orar do të funksionojnë edhe pikat e kontrollit në “Beko” dhe Gjorçe Petrov.
Pikat e kontrollit në Draçevë dhe Butel do të funksionojnë me një turn nga ora 10:00 deri në ora 18:00.
Ministria e Brendshme njofton qytetarët se fotografimi për dokumente personale do të bëhet pa caktuar termin dhe dhënia e dokumenteve do të bëhet në vazhdimësi.
Lajme nga vendi
Më shumë se 1000 propozime për ndryshimin e emrave të rrugëve dhe shkollave në Tetovë
Përskaj nismës së ndryshimit të emrave të rrugëve, në Tetovë janë shtuar kërkesat edhe për ndryshimin e emrit të disa shkollave. Individë të sektorit të arsimit thonë se disa emra të shkollave, madje nuk kanë asnjë domethënie as simbolike dhe as historike për qytetarët. Nga gjithësej pesë shkolla të mesme katër prej tyre kanë emra që nuk përkojnë me siç është rasti i shkollës së mjekësisë Nikolla Shtejn.
“Ato pak të dhëna që ne i kemi nuk themi dot se janë të sakta thjeshtë ka qenë një infermier partizan që as nuk është nga shteti ynë e as nuk lidhet diçka me vendin tonë. Meqë edhe jemi shkolla më e madhe në vend shpesh kemi kërkesa nga prindër e nxënës se përse shkolla nuk merr një emër që do lidhej qoftë me Tetovën qoftë me ndonjë personalitet të mjekësisë”, tha Malësore Ramadani, drejtoreshë e SHMK “Nikolla Shtejn”.
Kërkesa të këtilla ka pasur edhe në shkollat tjera.
“Në kuadër të Komunës së Tetovës funksionojnë pesë shkolla të mesme nga të cilat vetëm njëra nga to ka emrin “7Marsi” ndërsa katër të tjerat kanë emra të periudhës së komunizmit dhe realisht sipas kërkimeve që kemi bë për një shkollë që quhet Nikolla Shtejn, nuk ka të dhëna as në google apo mjete tjera kërkimore”, tha Nazmi Dauti, sektori për Arsim Tetovë.
Nisma të ngjashme për ndërrim të emrave të shkollave fillore dhe të mesme ka pasur disa herë, por shkaku i mungesës së kohezionit politik në pushtetin lokal, ndryshimi i tyre, gjithnjë ka dështuar.
Problemi me emrat e shkollave po hapet në të njëjtën kohë kur procedura për ndryshimin e emrave të rrugëve në Tetovë është në fazën e debatit publik. Numri i propozimeve të dorëzuara në dy debatet e fundit publike ka arritur në 1050. Edhe pse sot duhej që të mbahet debati i tretë publik, debati është anuluar për javën e ardhshme, shkaku i festës së Pashkëve. Zëdhënësi i komunës Albion Alili për Alsat thotë se procedura zhvillohet pa përplasje.
“Pas debateve komisioni do të vlerësojë propozimet dhe biografitë e emrave të propozuar dhe do veprojë për emërtim të tyre. Realisht komisioni po punon në formën e paraparë dhe do veprohet. Nuk ka ndonjë përplasje siç plasohet në opinion, gjithëçka shkon si duhet”, u shpreh Albion Alili, zëdhënës i komunës së Tetovës.
Për momentin nuk ka ndonjë afat konkret se sa procedura do të zgjasë. /Alsat.mk
BE: Është thelbësore për Kosovën ta formojë shpejt Qeverinë e re
Taravari konfirmon bisedën telefonike me Ahmetin
MPB: Gjatë festave të Pashkëve fotografimi për dokumentet personale do të bëhet pa termin
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve