Lajme nga vendi
Ledion Ibishi, fitues I festivalot Bletëzat 2022
Mbrëmë në Tetovë u mbajt edicioni i 28 i festivalit të këngëve për fëmijë Bletëzat 2022.Fitues i këtij edicioni u shpall këngëtari i vogël nga Tetova Ledion Ibishi me këngën Ylli i skenës, me tekst Laurije Ibrahimi me muzikë dhe orkestrim të Albert Camit. Pas marrjes së çmimi ledioni u shpreh se dëshiron që të vazhojë me muzikë dhe ti përkushtohet më shumë.
Juria profesionale në përbërje profesoreshat emuzikës Valbona Mustafi Alimi, Kanita Aliu dhe Gadaf Elmazi- solo këngëtar, ndanë edhe tre çmime të dyta fëmijëve Diona memeti, Zara Neziri dhe Eda Saiti, ndërsa pesë çmime të treta edhe atë Lisa Zenki, isra Bekteshi, Rea Qormemeti, Ensar Baca dhe Rozana Velaj.Poashtu janë ndarë edhe çmime të tjera profesionale, si Menada Ilire, Bletëza më e vogël, Best Hit, Best talent, vokali më i mirë, muzika më e mirë, orkestrimi më i mirë, performansa më e mirë, mikrfoni i artë dhe best spot. Ndërkaq, 20 këngët garuese u interpretuan nga fëmijët e ardhur nga Shqipëria, Kosova dhe Maqedonia e Veriut. Mbështetës kryesor i festivalit të këngëve për fëmijë Bletëzat 2022, kësaj radhe ishte komuna e Tetovës, me ç`rast kryetari Bilall Kasami, duke bërë hapjen e festivalit shprehu gatishmëri që edhe në të ardhmen të përkrahë festivalin.
Edicionin e 28 të festivalit të këngëve për fëmijë Bletëzat 2022 e ndihmuan edhe komuna e Bogovinës, Komuna e Tearcës dhe Jehona Events Agency e cila ka bërë dekorimin e skenës. Këngët konkuruese edhe këtë vit u shoqruarn nga korri i fëmijëve pranë shkollës fillore Liria në Tetovë, të udhëhequr nga profesoresha e muzikës Laurije Ibrahimi.Si çdo vit, edhe këtë vit kishte një numër të madh të publikut, në mesine trye shumë prind, fëmijëte të cilëve ishin pjesë e festivalit.
Në këtë festival kishte edhe paraqitje revilae të talentëve të rinj.Kanita Abdiu luajti një performansë në gitarë, Rida Vehapi me violinë, Erion Ballanca performoi një këngë të ri të re, grupi i valleve pranë shkollës fillore 7 marsi në Çellopek, kënaqen publikun me një valle me motive popullore.
Befasi e këtij festivali ishte performance e një vogëlueshe refugjate nga Ukraina Dasha Nefjodova, e cila interpretoi këngën Ukraina je ti, e që nxiti emocione në sallë me shpresën që sa më shpejt të përfundoi lufta në Ukrainë dhe ajo të kthehet në shtëpinë saj.
Festivali i këngëve për fëmijë, u transmetua mbrëmë drejtpërdrejt në Televizionin Koha, kurse së shpejti do të postohet edhe në rrjetet tjera sociale. Festivali Bletëzat falënderon bashkëpuntorët e këtij festivali si, profesoreshën Njomza Mezini nga Kosova, Zinçe Mimidinovski nga Dibra dhe autorët e këngëve si Laurije Ibrahimi, Ramazan Çeka, Avni Qaili, Albert Cami dhe shumë të tjerë. Këtë festival e udhëheqën moderatorët Ermira Selami dhe Iva Nasufi, ndërsa me profesionalizëm u realizua edhe nga stafi teknik i Televizionit Koha.
Lajme nga vendi
Njëmbëdhjetë persona në kontakt me të punësuaren e hospitalizuar në Klinikën infektive nën mbikëqyrje 14-të ditore

Njëmbëdhjetë persona në kontakt me një të punësuare të shtruar në Klinikën infektive janë nën mbikëqyrje 14-të ditore, pasi ajo është diagnostikuar me ethe hemorragjike krimea kongo, informoi sot Renata Mlladenovska, drejtore e Inspektoratit Shtetëror Sanitar dhe Shëndetësor (ISHSSH).
“Pas marrjes së informacionit nga Instituti për Shëndet Publik, të njëjtën ditë, pra më 5 gusht, ekip i epidemiologëve nga Qendra për Shëndet Publik – Shkup, ka kryer kontroll epidemiologjik, janë bërë anketa dhe kontakte. Informacioni është ndarë dhe me ISHSSH-në dhe si institucion lëshuam edhe 11 zgjidhje, ato janë kontakte të tashmë pacientes së shtruar e cila është edhe e punësuar në Klinikën infektive. Ato 11 kontakte do të jenë nën mbikëqyrje shëndetësore 14-ditore”, tha Mlladenovska.
Ajo sqaroi se çfarë nënkupton mbikëqyrja shëndetësore.
“Pacientja, përkatësisht kontaktet do të duhet të paraqiten dhe të jenë në kontakt të vazhdueshëm me epidemiologun kujdestar nga Qendra për Shëndet Publik – Shkup, nuk është izolim klasik, megjithatë nuk duhet të kenë kontakt me të tjerët – nëse është familja e ngushtë, thjesht të durojnë këto 14 ditë që të mos përhapet ky infeksion dhe shpresoj që ky të jetë rasti i fundit. Sa u përket 29 kontakteve të mëparshme, nga ato 29 kontakte, një është konfirmuar si rast, kemi mbikëqyrje shëndetësore, vendime të marra për 40 persona”, ka thënë Mlladenovska.
E pyetur nëse këta 11 kontakte janë të gjithë nga Klinika infektive apo familja, ajo sqaroi se nga këta 11, dhjetë persona janë nga familja e ngushtë e pacientes dhe një kontakt është e një kolege të saj poashtu nga Klinika infektive.
Më herët, kryetari i Komisionit për Sëmundje Infektive, Zllate Mehmedoviq, tha për MIA-n se Komisioni absolutisht qëndron prapa asaj që është bërë nga Instituti i Shëndetit Publik, masat e ndërmarra dhe rekomandimet që jepen.
Nga ajo që kanë parë, shtoi ai, rasti i parë është rast i infektimit të drejtpërdrejtë, ndërsa i dyti me gjasë është gjatë transmetimit përmes gjakut të kontaminuar.
Në rastin e parë të infeksionit të drejtpërdrejtë ndërroi jetë një paciente 27-vjeçare, pas infektimit nga pickimi i rriqrës.
Lajme nga vendi
Dogana e Maqedonisë ka konfiskuar fletobligacione në vlerë 92 milionë dollarë nga një shtetas i Turqisë

Drejtori i Doganave, Stefan Bogoev në një konferencë të jashtëzakonshme për shtyp njoftoi se Doganat e Maqedonisë së Veriut kanë konfiskuar fletobligacione në vlerë të 92 milionë dollarëve, shkruan TV21. Bogoev tha se janë konfiskuar 184 fletobligacione me vlerë të veçantë nominale prej 500 mijë dollarëve.
“Obligacionet janë gjetur tek një udhëtar, shtetas i Turqisë, i cili ka ardhur me fluturim të rregullt nga Stambolli dhe është përcaktuar për të kaluar në të ashtuquajturin “kanal i gjelbër”, respektivisht se nuk ka mall për të deklaruar, ndërsa gjatë kontrollit me skaner dhe kontrollit shtesë të detajuar, tek i njëjti janë gjetur në 4 dosje brenda një çante të zezë”, tha mes tjerash Bogoev duke shtuar se personi në fjalë është dënuar nga gjykata e vendit, ndërsa fletobligacionet i janë dorëzuar Agjencisë për Menaxhim me Pronë të Konfiskuar.
Lajme nga vendi
100 ushtarë nesër nisen për në Slloveni, janë kërkuar mjete materiale dhe teknike

Nesër në mëngjes ushtarët maqedonas duhet të nisen për në Slloveni, ku do të ndihmojnë në përballimin e përmbytjeve katastrofike. Këtë e theksoi sot ministrja e Mbrojtjes, Slavjanka Petrovska, duke theksuar se nuk ka pasur vonesa në ndihmën e ofruar.
Që në momentin e parë kur ndodhi aksidenti, e gjithë maja e shtetit kontaktoi autoritetet atje dhe ne i dhamë mbështetjen tonë vetëmohuese. Nga ata na thanë se sapo të bëjnë analizat do të dorëzohen kërkesat dhe kanë mbërritur dje. Për këtë kemi reaguar menjëherë dhe sot në seancën e Qeverisë do të marrim vendim që të dërgohen 100 ushtarë nga përbërje të ndryshme, të cilët do t’u përgjigjen nevojave të ushtrisë dhe shtetit slloven, tha Petrovska.
Ministri sqaroi se ushtarët tanë tashmë janë gati. Në kërkesë thuhet se kërkohen 200 ushtarë.
Sipas saj, janë kërkuar mjete të tjera materialo-teknike të cilat nuk jemi në gjendje t’i dorëzojmë.
Presidenti Stevo Pendarovski dje në bisedë me presidenten sllovene Natasha Pirc-Musar shprehu keqardhje dhe keqardhje për Slloveninë dhe gjithë banorët e saj për humbjet dhe dëmet e pësuara nga vërshimet, të cilat ishin të përmasave të mëdha, dhe shprehu gatishmërinë për të ndihmuar.
-
Lajme nga vendi1 year ago
Zyra e Avokatit të Popullit në Tetovë sot do të jetë e hapur
-
Lajme nga vendi1 year ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi9 months ago
Kovaçevski paralajmëroi drejtor të ri të Drejtorisë për Zbatimin e Sanksioneve