Lajme nga vendi
VMRO-DPMNE kërkon zgjedhje të parakohshme/ LSDM: Qytetarët nuk duan politikë destruktive
Ndonëse ka kaluar një javë nga zgjedhjet lokale në Marvovë-Rostushë, Qendër Zhupë dhe Tetovë, partitë më të mëdha politike në vend nuk mund të bien dakord se kush është fituesi i zgjedhjeve. Partia në pushtet LSDM-ja vlerëson se VMRO-DPMNE ka përjetuar fiasko.
“Asnjë fjalë nga Mickoski për atë që kandidati i tyre për kryetar të Komunës së Mavrovës dhe Rostushes, i cili njëkohësisht është edhe anëtar i Komitetit Ekzekutiv të partisë, është mposhtur me diferencë prej 1300 votave. Asnjë fjalë nga Mickoski për faktin që nuk arriti t’i bllokojë zgjedhjet në Qendër Zhupë dhe fitoi kandidati i koalicionit të udhëhequr nga LSDM. Fitorja e dyfishtë e LSDM-së dhe koalicionit në Qendër Zhupë dhe Mavrovë-Rostushë dhe rënia e dukshme e votave për VMRO-DPMNE në Tetovë treguan se qytetarët nuk duan destruktime dhe bllokada, por përparim, zhvillim, shtet evropian dhe vlera evropiane.”- thonë nga LSDM.
Për partinë opozitare, këto rezultate janë arsye për mbajtjen e zgjedhjeve të parakohshme parlamentare.
“LSD-ja anti-maqedonase ka frikë nga zgjedhjet, sepse Kovaçevski kurrë më nuk do të jetë kryeministër. LSD-ja anti-maqedonase e di se populli nuk i përkrah politikat e tyre destruktive dhe kjo shihet nga rezultatet e zgjedhjeve në Tetovë. VMRO-DPMNE e mposhti LSD-në me 2:1. Humbja e LSD-së në Tetovë do të jetë humbja e LSD-së në të gjithë Maqedoninë. Duke kundërshtuar idenë për zgjedhje, duke ikur nga ballafaqimi me popullin, LSD-ja anti-maqedonase vetëm tregon se sa të mjerë dhe egoistë janë. Janë të gatshëm ta falimentojnë vendin vetëm për të qenë një ditë më shumë në funksion.”- thonë nga VMRO-DPMNE.
Analiza e zgjedhjeve në Tetovë tregon se vetëm Lëvizja Besa ka shënuar rritje të votave, ndërsa dy partitë më të mëdha kanë rënie prej nga 700 votash. Në zgjedhjet në Mavrovë-Rostushë, fitoi kandidati i LSDM-së, Medat Kurtovski me 60% të votave, ndërsa në Qendër Zhupë, kandidati i vetëm për kryetar komune, Arijan Ibraim, arriti të sigurojë census për shkak se dalja ishte 47,46%.
Të punësuarit e parkut kombëtar “Mali Sharr” për një javë janë trajnuar nga një ekip amerikan se si duhet të përballen me zjarret në pyje. Sipas drejtorit të parkut kombëtar vetëm për një muaj në malin Sharr janë djegë mbi 400 hektarë, ndërsa për katër ditë 220 hektarë pyje edhe kullota.
Tash më të punësuarit e parkut kombëtar nacional mali Sharr kanë marrë një trajnim nga një ekip, nga këto shërbime morëm orientime se si të ballafaqohemi me zjarre që muajin e fundit kanë qenë aktive në mali Sharr ku janë djegur 400 hektarë dhe në rastin e fundit në Sellcë janë djegë 220 hektarë ku për katër ditë kanë sjell shumë dëme në biodiversitet, në atë që quhet natyrë, janë djegur pyje të niveli të lartë, të ulëta livadhe, shkurre të ndryshme dhe të mos flasim për botë të egër dhe insekte të caktuara”, është shprehur Ibrahim Dehari, drejtor i Parkut Kombëtar “Mali Sharr”.
Koalicioni VLEN do të qëndroj në Berlin të Gjermanisë dhe në Cyrih të Zvicrës këto ditë për të takuar mërgatën në prag të zgjedhjeve presidenciale dhe parlamentare me 24 prill dhe 8 maj.
Nga data 12 deri më 18 prill në vend janë raportuar 46 raste të reja me kollën e keqe, me rritje prej 4,5 për qind krahasuar me javën e kaluar, njoftoi pasditen e sotme Instituti i Shëndetit Publik (ISHP).
Shumica e rasteve janë raportuar si pjesë e epidemisë në Shkup – 37, ndërsa raste janë raportuar edhe në Manastir – tre, Kumanovë – dy dhe nga një në Tetovë, Kriva Pallankë, Prilep dhe Strumicë.
Mosha e pacientëve varion nga një muaj deri në 73 vjeç, ndërsa numri më i madh i rasteve janë nga grupmosha 10 deri në 14 vjeç. Sa i përket statusit të vaksinimit të të sëmurëve, 31 persona janë të pa vaksinuar, të pavaksinuar ose me status të panjohur vaksinimi, 13 janë të vaksinuar plotësisht dhe dy janë të vaksinuar sipas moshës.
Nga 46 rastet e reja, nëntë raste janë shtruar në spital.
Deri më 18 prill, në vend janë regjistruar gjithsej 489 raste me kolln e keqe, me një incidencë prej 26.6/100 mijë banorë.
Kjo paraqet një rritje të disafishtë të numrit të të sëmurëve krahasuar me pesëvjeçarin e kaluar 2019-2023, kur janë regjistruar gjithsej 10 raste.
Zjarret në Parkun Kombëtar “Sharr”, për një muaj digjen mbi 400 hektarë
VLEN takon mërgatën shqiptare në Berlin dhe Cyrih
46 raste të reja me kollën e keqe
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve
You must be logged in to post a comment Login