Lajme nga vendi
Projekt i ri për siguri kibernetike me mbështetjen e BE-së, do të përfshihen Maqedonia e Veriut, Shqipëria dhe Mali i Zi
Udhëheqësja e programit për siguri kibernetike në e-GA, Merle Maigre, njoftoi se me mbështetjen e Bashkimit Evropian tashmë janë duke punuar në një projekt të ri për sigurinë kibernetike, në të cilin përveç Republikës së Maqedonisë së Veriut, do të përfshihen edhe Shqipëria dhe Mali i Zi, transmeton Portalb.mk.
Maigre e njoftoi këtë në një takim të rregullt koordinues online, ku morën pjesë zëvendëskryeministrja Sllavica Gërkovska, ministri i Shoqërisë Informative dhe Administratës Admirim Aliti, përfaqësues nga Akademia e E-Government Estonez (e-GA) dhe USAID në Maqedoninë e Veriut, si dhe përfaqësues nga Agjencia për komunikime elektronike që punon në projekte të lidhura me sigurinë kibernetike në vend.
Maigre theksoi se aktivitetet do të ndahen me ekipin e Projektit USAID-CIDR, i cili tashmë po punon në vendin tonë për sigurinë kibernetike të infrastrukturës kritike të informacionit, me qëllim që të mos mbivendosen projektet, por edhe të rritet efikasiteti i tyre.
Zëvendësja e kreut të Qeverisë përgjegjëse për politika të qeverisjes së mirë Gërkovska theksoi se është shumë i rëndësishëm koordinimi i aktiviteteve ndërmjet sektorëve që punojnë për forcimin e kapaciteteve në fushën e sigurisë kibernetike në mënyrë që projektet të mos mbivendosen, nga njëra anë, por gjithashtu të rritet bashkëpunimi dhe efikasiteti i projekteve të realizuara në Republikën e Maqedonisë së Veriut me mbështetjen e partnerëve të huaj.
Në takim, të pranishmit u njohën me aktivitetet që aktualisht janë duke u zhvilluar nga Ministria e Shoqërisë Informatike dhe Administratës së bashku me grupin e punës që fokusohet në disa aspekte kyçe në fushën e sigurisë kibernetike, konkretisht energjetikë, banka dhe financa, si dhe komunikimet dhe teknologjinë, por edhe në ndërtimin e elasticitetit digjital të sistemit.
Përfaqësuesja e USAID-it, Don Carmin, e përshëndeti iniciativën e zëvendëskryeministres Gërkovska dhe theksoi se koordinimi i rregullt me E-GA do të jetë i një rëndësie të madhe në realizimin e projekteve.
Zëvendëskryeministrja Gërkovska njoftoi se në këto takime të rregullta koordinuese do të përfshijë edhe përfaqësues të Ministrisë së Mbrojtjes, ku gjithashtu po zhvillohen aktivitete edhe në fushën e sigurisë kibernetike.
Gjatë vëzhgimit do të tentojmë të regjistrojmë nëse votimi po zhvillohet në pajtim me standardet e OSBE-së. U dëshirojmë sukses votuesve në arritjet e tyre të ardhshme, deklaroi sot koordinatori i posaçëm i OSBE-së, Nikoloz Samharadze pasi me shefen e misionit të AP të OSBE-së, Karina Odebrik vizituan vendvotime në SHF “Kiro Gligorov” në lagjen Kapishtec në Shkup.
Ai potencoi se aktivitetet e tyre janë në kuadër të misionit të përbashkët të Asamblesë parlamentare të OSBE/ODIHR-së dhe Këshillit të Evropës.
“Këtu jemi në qendër të Shkupit, kryejmë vëzhgim të vendvotimit në një shkollë fillore. Po ashtu do të bëjmë vëzhgime në tërë shtetin, në rajonet rurale dhe urbane dhe të gjitha vërejtjet dhe vëzhgimet tona, do t’i themi nesër në konferencë për shtyp në ora tre”, paralajmëroi Samharadze.
Karina Odebrik, shefe e misionit të AP të OSBE-së, informoi se kanë mbi 300 vëzhgues, ndërsa nga Asamblea parlamentare 56 vëzhgues nga 25 vende.
“Ajo që është me rëndësi gjatë vëzhgimit, është, t’i mbledhim të gjitha vërejtjet dhe vëzhgimet dhe të gjithë i vendosim në një deklaratë të përbashkët”, sqaroi Odebrik./MIA
Ministria e Punëve të Brendshme deri më tani nuk ka regjistruar shqetësime më serioze të rendit dhe qetësisë publike gjatë votimit, i cili në përgjithësi ka ndodhur në mënyrë të qetë dhe pa probleme, informoi zëdhënësi i MPB-së, Toni Angellovski.
“Nga hapja e vendvotimeve deri në ora 11:00 janë regjistruar dy kallëzime për vendosjen e tendave të partive politike pranë një vendvotimi në Shuto Orizarë, si dhe për ngjitjen e afisheve dhe fletushkave të shpërndara në zonën e Çairit në Shkup.
Po merren masa për zbardhjen e rasteve. Raportime për agjitacion kemi edhe në Tetovë, Shkup, fshatin Banicë të Kumanovës, Strumicë dhe komunën e Bogovinës, por pas masave të marra nga zyrtarët policorë ato pretendime deri më tani nuk janë vërtetuar,” tha Angellovski.
Lajme nga vendi
Deri në ora 11:00 jehona e votuesve në zgjedhjet parlamentare është 13,69%, thonë nga KSHZ
Aleksandar Dashtevski nga KSHZ njoftoi se jehona e votuesve në zgjedhje parlamentare deri në ora 11:00 është 13,69%.
“Për zgjedhjet parlamentare, nga 1976 vendvotime, në këto vendvotime kanë votuar 140.990 qytetarë, 13,69% është dalja. Dalja më e madhe në zgjedhjet parlamentare është në Krivogashtan 28,38%, ndërsa dalja më e ulët për zgjedhjet parlamentare është në Vrapçishte, 5,2%”, tha Dashtevski.
Samharadze: Po vëzhgojmë nëse votohet në pajtim me standardet e OSBE-së
MPB: Merren masa për zbardhjen e rasteve në Shuto Orizare, Çair, Kumanovë
Deri në ora 11:00 jehona e votuesve në zgjedhjet parlamentare është 13,69%, thonë nga KSHZ
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve
You must be logged in to post a comment Login