Connect with us

Lajme nga vendi

TARAVARI KËRKON QEVERI TEKNIKE!

Published

on

“Qeveri Teknike

Histeria politike që ka pushtuar planetin, duket se rezidencën e saj e ka në Maqedoni. Kaq të vegjël sa jemi gjeografikisht, është gati e paimagjinueshme që të kemi kaq shumë korupsion. Por ne që jetojmë e pësojmë përditë këtu, jemi dëshmitarë të gjallë të llomit burokratik e koruptiv ku pluskon çdo gjë dhe gjithçka
Nga çmenduria e luftës më të afërt kontinentale është afektuar gjithë bota. Kanë nxjerrë shpatat sehirxhinj të rinj, e kanë mprehur më shumë thikat sehirxhinjtë e vjetër. Në mes të këtij kaosi sa të dhimbshëm aq të turpshëm, Maqedonia gjendet në një pozitë që vetëm mëshira e Zotit e mban ende me shpresë.
Sikur mos të mjaftonte mënyra kriminale e ardhjes në pushtet (manipulimi i vullnetit zgjedhor është krim që duhet dënuar), qeveria që është në sherr të vazhdueshëm me disa shtete, tani i ngjan më shumë një organizate siciliane të viteve “70” se sa insitucionit më të lartë drejtues të jetës së popullit.
Ju mungojnë unazat në gishtin e vogël, parashtesa Don se purrot dhe kostumet i kanë, dhe duken si kartelet e famshme kolumbiane ose meksikane.
Problemet e qeverisë Kovaçeski janë aq shumë sa mjerë ai që mund të gjendet në vend të tij. Është aq në hall sa nuk është çudi që të japë dorëheqjen ose t’i kalojë me pahir grupit të vuan dënimin në burgje me 5 yje All In Inclusive…
Gjithsesi nuk duhet fokusuar vetëm tek problemi por duhet besuar tek Zgjidhja.
Duke e konsideruar gjendjen më emergjente se kurrë, zgjidhje optimale dhe e vetme del formimi i një qeverie Teknike!
Pa bërë gara partiake, sepse deri tani kemi kuptuar që garat partiake manipulohen dhe nuk ka një Fitues por ka një Të Fituar…gjuha shqipe na lejon tepër qartë e shkurt ta bëjmë dallimin midis këtyre dy koncepteve krejt të ndryshme!
Është e domosdoshme që inatet partiake të dalin jashtë zyrave vendimarrëse, jashtë mureve të selive pushtetare, dhe të fillojë të funksionojë një kabinet qeveritar që do të mbushë xhepat e qytetarëve dhe jo xhepat e tyre personalë.
Ndërhyrje imediate profesioniste kërkohet në këto vatra që rrezikojnë gjithë vendin:
1. Korupsioni
2. Papunësia
3. Arsimimi
4. Shëndetësia
5. Administrata
Kur them administrata nuk duhet të nënkuptojmë më taktikën e deritanishme “parti e re në pushtet-fis i ri në punë”, por të investohet tek secili që është i punësuar për kualifikim gjithnjë e më të mirë.
Një pjesë e asaj që quhet ngritje profesionale e që do duhet ta kishin administratorët sot, është transformuar në tulla dhe tjegulla të eprorëve të tyre partiakë.
Investimi në përmirësimin profesional të atyre që punojnë në administratë është jo vetëm e drejtë e tyre por mbi të gjitha është favor për shtetin dhe qytetarët e tij.
Me shërimin e këtyre 5 pikave nevralgjike do të marrë frymë dhe ekonomia pasi Maqedonisë nuk i mungojnë paratë, i mungon transparenca. Paratë e popullit shkojnë në llogaritë bankare të një grupi të vogël e kështu qytetet kanë nga 4-5 bosa dhe pjesa tjetër ose shërbëtorë ose armiq të oborrit (por si njëra palë si tjetra mund të përkufizohen në hallexhinj)
Një problem tjetër që po na kushton dhe ç’është më e keqja mund të na kushtojë më shumë nga ç’pandehim është raporti ynë me fshqinjët e afërt dhe të largët.
Diplomacia pra është një sektor shumë i ndjeshëm ku duhet ndërhyrje ndërpartiake, pa pasione politike, me kthjelltësi dhe vizion pasi është moment vendimtar për të ardhmen e vendit.
Kemi dekada që presim një ditë, e jo sepse nuk jemi të aftë të dallojmë kohët, të nesërmen nga viti, të “së shpejti” me “së voni”…por sepse kemi qenë të gjithë viktima të tre kalendareve që nuk kanë të njëjtin ritëm kohor. Sipas kalendarit pushtetar të gjithë lajmëroheshim se maksimumi 1 muaj dhe BE-ja do fillonte negociatat, dhe pas hapjes së negociatave ishte çështje ditësh pranimi në BE (gjithnjë sipas kalendarit qeveritar).
Kalendari tjetër ishte ai evropiano-brukselian, ku dita zgjat sipas strategjisë politike, raporti është i thjeshtë- korupsion i lartë shton orët ditore. Sipas nivelit tonë të korupsionit bëmë që BE-ja të na masi një ditë sa një vit.
Kalendari tjetër dhe i fundit është ai gregorian. Ai që masim lindjet, dasmat, përvjetoret, ikjet pa kthim. Ky është dhe kalendari më i dhimbshëm dhe i vetmi që nuk është as në duart e qeverisë dhe as në duart e BE-së. Ky ndryshe është kalendari i popullit, ndaj të cilit çdokush është i pafuqishëm për të shtuar apo hequr ndonjë datë.
Qeveria Teknike do duhet ta ketë prioritet daljen nga kriza e dilemave historike dhe pajtimin e kalendarit qeveritar dhe atij të BE-sê me kalendarin e popullit ku dita është 24h!
Po kjo qeveri e cila le të jetë e përkohshme do duhet të vendosë shembullin për të gjitha qeveritë e tjera që do të vinë, duke punuar e duke mos pritur elozhe e lëvdata por duke mbaruar me sukses deryrat e saj e duke shpëtuar vendin.
A është kjo zgjidhja më e drejtë?!
Jo, natyrisht që jo! Dinastitë qeveritare kanë bërë shumë shkelje, vjedhje, abuzime, me pak fjalë Krime dhe çdo i tillë duhet dënuar por…a është e rëndësishme që tani të nisim hetuesinë e fajtorëve ndërkohë që fati i shtetit po rrokulliset drejt një vdekje klinike?!
Me logjikë të ftohtë dhe me përgjegjësi ndaj vendit, mbetet vetëm krijimi i Qeverisë Teknike që të nis operacinet tepër delikate për të cilat vendi ka nevojë.
Maqedonia nuk ka më nevojë për Stojanin që e ka futur n’punë djali i axhës dhe as për Shabanin që merita me të cilën ka marrë postin është lidhja e familjare me ndonjë shef partie. Tani është koha e të gjithë atyre zonjave dhe zotërinjve që kanë shkëlqyer në aulat e universiteteve vendorë e Ndërkombëtare, që e duan vendin e mbi të gjitha njerëzit e këtij vendi, është koha e qeverimit nga Ekspertë. Ky propozim del mbi çdo koncept partiak, madje edhe mbi vet partinë pasi gjendemi jo në një udhëkryq por fatkeqsisht buzë greminës. Nuk ka as një minutë kohë për lojra politike apo për pseudo-strategji! Kovaçeski duhet të mbledhë menjëherë partitë politike dhe bashkë me to të mbledhë dhe mendjen, kurse partitë të vihen në front të kësaj pune që duhet zgjidhur ose tani ose ndryshe nuk do të ketë më vend për asnjë zgjidhje, nuk do të ketë ç’ujë të hidhet mbi një zjarr të shuar por që ka djegur gjithë vendin.”- shkruan nënkryetari i ASH-së, Arben Taravari.

Advertisement
1 Comment

You must be logged in to post a comment Login

Leave a Reply

Lajme nga vendi

Partitë vazhdojnë me prezantimin e programeve zgjedhore, javë jo e plotë deri në rrethin e parë të zgjedhjeve presidenciale

Published

on

Në kuadër të fushatës për zgjedhjet parlamentare, që filloi të enjten, edhe sot kandidatët për deputetë në gjashtë njësitë zgjedhore do t’i prezantojnë platformat e tyre para qytetarëve në disa pjesë të vendit. Në të njejtën kohë vazhdon edhe fushata për zgjedhjet presidenciale, rrethi i parë i të cilave do të mbahet të mërkurën, më 24 prill, përderisa rrethi i dytë duhet të mbahet së bashku me zgjedhjet parlamentare, më 8 maj.

Kandidati për president i mbështetur nga koalicioni i LSDM-së, Stevo pendarovski në suaza të karvanit zgjedhor sot do t’i vizitojë banorët e Novo Sellës, Bosillovës, Vasilevës, ndërsa tubime do të mbajë në Radovish dhe në Strumicë.

Kandidatja për presidente e mbështetur nga VMRO-DPMNE, GOrdana Siljanovska-Davkova do ta prezantojë programin para qytetarëve në Makedonska Kamenicë, Pehçevë, Berovë dhe Dellçevë.

Kandidati presidencial, Stevço Jakimovski dhe koalicioni “Guximshëm për Maqedoninë” do të mbajë tubim në lagjen e Shkupit Karposh, ndërsa kandidati për prersident, Maksim Dimitrievski nga Lëvizja ZNAM – Për Maqedoninë tonë do ta prezantojë programin para qytetarëve në Resnjë, Pretor, Novaci dhe në Manastir.

Në kuadër të ditës së tretë të fushatës për zgjehdjet parlamentare, kryetari i LSDM-së, Dimitar Kovaçevski do të jetë mes qytetarëve të Bërvenicës dhe të Tetovës.

Advertisement

Mbrëmë nga Ohri dhe Struga, Kovaçevski porositi se BE-ja është mundësia e vetme për përparim  të shtetit.

Nga Struga, ai theksoi se vendit i nevojitet unitet nacional për integrim në BE, në vend se unitet nacional për moratorium dhe se kjo është rruga e vetme për ndryshime dhe mu ky është vendimi që duhet të sillet në këto zgjedhje.

Duke e komentuar fjalimin e liderit të VMRO-DPMNE-së Hristian Mickoski nga tubimi në Ohër, të enjten, për unitet maqedonas dhe për moratorium, ai tha se gjithnjë e më shumë njerët e kuptojnë se moratoriumi i vetëm, në, sip theksoi, kokën e Mickoskit është moratoriumi për integrim të shtetit në BE.

Kandidati për president, Stevo Pendarovski, mbrëmë para banorëve të Butelit theksoi se rruga drejt BE-së është rruga e vetme e drejtë, e cila nuk do të na kthejë në pasigurinë ballkanase.

Sa i përket ofertës së kryetarit të VMRO-DPMNE-së, Hristijan Mickoski për koalicion me Të Majtën dhe Lëvizjen ZNAM është zgjedhje demokratike e secilit të bëjë koalicion me kë të dojë, por siç tha, “oferta për koalicionim me partinë e tij që në ditën e parë të fushatës për zgjedhjet parlamentare tregon se ai kërkon ndihmë”.

Advertisement

“Në mes fushatës nuk kërkojmë ndihmë nga ndonjë mik. Më duket se kjo është shenjë e qartë e dobësisë, sepse z.Mickoski e di se çfarë e pret me 24 prill dhe 8 maj. Përndryshe pse do të kërkonte ndihmë nga jashtë?, ka thënë Pendarovski.

kandidati për president ng ZNAM, Maksim Dimitrievski, mbrëmë nga Velesi porositi se nuk do të koalicionojnë, as nuk do të bisedojnë me dikë për koalicion të ardhshlm pa u nënshkruar dhe definuar paraprakisht linjat e kuqe për shtetin.

E porositi Mickoskin të ketë kujdes, çka, si dhe në çfarë mënyre i prezanton qëndrimet e tij dhe të ketë kujdes çfarë oferta jep, sepse për anëtarët e ZNAM fjala ka peshë.

kandidati për president nga Fronti Evropian i kryesuar nga BDI, Bujar Osmani dje nga Saraji u premtoi të rinjve se nëse zgjedhet president, do të krijojë shtet në të cilin pa dallim të përkatësisë etnike, secili do të mund t’i realizojë ëndrrat e veta.

Paraprakisht në takim me odat ekonomike paralajmëroi se do të vazhdojë krijimi i këshillit nacional për rritje ekonomike, ku do të bënin pjesë përfaqësues të partive politike dhe faktorë ekonomik, ndërsa i cili do të funksiononte si një lloj bordi drejtues shtetëror me qëllim të arritjes së konsensusit shtetëror lidhur me parametrat dhe rregullativat kyçe për një zhvillim të përshpejtuar dhe të qëndrueshëm.

Advertisement

Kandidatja për president nga koalicioni i udhëhequr nga VMRO-DPMNE, Gordana Siljanovska- Davkova mbrëmë nga Kriva Pallanka tha se beteja më e rëndësishme që duhet të fillojë më 24 prill, është lufta e pakompromis kundër krimit dhe korrupsionit.

“Kur kritikojmë BDI-në, nuk kritikojmë shqiptarët. Kur kritikojmë vendimet e koalicionit, nuk nisemi nga aspektet etnike apo fetare, por nga përfshirja e thellë e tyre në krim dhe korrupsion. Mendoj se beteja më e rëndësishme që duhet të fillojë më datën 24 dhe të konfirmohet me shpejtësinë më të madhe në të ardhmen është lufta e pakompromis kundër krimit dhe korrupsionit”, tha Siljanovska- Davkova.

Duke theksuar rolin e presidentit, ajo tha se para Pendarovskit janë miratuar shumë ligje për të cilat është dashur të vë veto, por nuk e ka bërë.

“Tetë vite presidenti ka bërë thirrje për veting. Kjo do të thotë ose rizgjedhje e përgjithshme ose formë tjetër e vetingut, kur duhet të bëhet vlerësim ose rivlerësim i të gjithë kandidatëve për sa i përket pronës ose asaj që është bërë. Por, tre herë të angazhoheni për diçka dhe të mos bësh asnjë hap drejt saj, mendoj se ju paralajmëron se duhet t’i vendosni vetes veto për atë që premton dhe nuk e përmbush”, tha Siljanovska- Davkova.

Lideri i VMRO-DPMNE-së, Hristian Mickoski në tubimin në Kriva Pallankë, i bëri thirrje opozitës për unitet nacional.

Advertisement

“Jetojmë në kohë të vështira. Shteti është në kaos, institucionet janë paralizuar, apatia dhe zhgënjimi ndjehet kudo. Ka humbur besimi te politikanët, sepse vullneti i popullit shumë herë është shkelur. Asgjë nuk funksionon. Maqedonia është marrë nga duart e qytetarëve dhe qytetarët me të drejtë janë skeptikë nëse kjo mund të ndryshohet, tha mbrëmë lideri i VMRO-DPMNE-së, Hristijan Mickoski.

Sipas Mickoskit, këto zgjedhje janë shansi i fundit për shpëtim, ndryshimet janë të mundshme dhe të arritshme. Ai theksoi se populli nuk ka kontroll mbi shtetin e vet sepse, siç tha, qindra njerëz të BDI-së drejtojnë me vendin. BDI-ja dhe LSDM-ja, siç theksoi ai, po bëjnë konspiracion kundër shtetit me ndarje të pozitave dhe funksioneve shtetërore.

Kandidati për president nga GROM, Stevço Jakimovski vlerësoi se E Majta dhe ZNAM po bëhen pjesë e VMRO-DPMNE-së dhe dorë e zgjatur e këtij koalicioni.

Zgjedhjet presidenciale do të mbahen të mërkurën, ndërsa për fundjavë janë paralajmëruar edhe tubime parazgjehdore në Shkup, për ç’shkak nga MPB paralajmërojnë se në rajonin qendror të qytetit do të vendoset regjim i posaçëm i komunikacionit.

Sot në hapësirat e KSHZ-së duhet të votojnë edhe anëtarët e këshillave zgjedhorë të cilët duhet të jisen jashtë vendit për shkak të votimit të diasporës e cila do të votojë një ditë para zgjehdjebe kur do të votojnë të sëmurët, personat e pamundur dhe të burgosurit.

Advertisement

Dje kryetari i KSHZ-së, Aleksandar Dashtevski në intervistë për servisin nacional tha se KSHZ është e gatshme të mbajë zgjehdje të drejta, demokratike dhe kredibile, dhe se rezultatet fillestare jozyrtare priten deri në mesnatë.

Prej sot, siç paralajmëroi, do të fillojë distribuimi i materialit të besueshëm dhe jo të hbesueshëm drejt komisioneve komunlae zgjedhore të cilat më pas materialin duhet ta dorëzojnë në këshillat zgjehdorë. Shkollat, në hapësirat e të cilave do të mbahet votimi të mërkurën, një ditë më parë do të punojnë deri në orën 11:00, pas pka do të fillojë distribuimi i materialit zgjedhor.

Fushata e deritnaishme, sipas kreut të KSHZ-së, është në suaza të rregullave të lojës dhe deri më tani nuk janë vërejtur incidente dhe sulme më serioze.

Continue Reading

Lajme nga vendi

Hasani: Arsovska, Bexheti dhe Levica nuk lejuan organizimin e tubimit në Sheshin Maqedonia, çdo përgjigje ditën e hënë do të ishte e vonshme

Published

on

Bashkim Hasani nga Vlen ka informuar se siç e kërkon procedura kanë kërkuar kërkesë deri tek qyteti i Shkupit që tubimin Qëndror ta organizojnë në Sheshin Maqedonia në Shkup, siç theksoi Hasani për të parë të gjithë se çka është tubim madhështor.

“Deri sot nuk kemi marrë asnjë përgjigje nga qyteti gjë që nënkupton që përgjigja është negative, e këtë vendim e kanë marrë kryetarja Danella Arsovska, Blerim Bexheti bashkë me Levicën të cilët janë në koalicion. Në panik për të pamundësuar koalicionin VLEN të organizojë tubim, duke ditur atmosferën dhe përkrahjen e madhe të qytetarëve çdo përgjigje që do të vinte ditën e hënë do të ishte e vonshme dhe tendencioze për shkak kohës së shkurtë për organizim”, tha Hasani.

Continue Reading

Lajme nga vendi

Humbin jetën dy persona në një aksident në rrugën Shtip – Koçan

Published

on

Një aksident i rëndë trafiku ka ndodhur në autostradën e shpejtë Shtip-Koçan, në afërsi të zonës industriale në Shtip. Sipas informacioneve fillestare nga aksidenti kanë humbur jetën dy persona.

Zëdhënësja e SPB Shtip, Gordana Panajotova, ka konfirmuar se në këtë autostradë të shpejtë ka ndodhur një aksident i rëndë trafiku.

Ajo tha për AIM-n se hetimet dhe sigurimi i vendit të aksidentit nga ana e policisë është duke vazhduar.

Aksidenti ka ndodhur rreth orës 14:25 mes dy automjeteve të pasagjerëve.

Continue Reading

Më të lexuarat