Lajme nga vendi
Opozita:Marrëveshja e Ohrit nuk është zbatuar plotësisht
Marrëveshja e Ohrit nuk është zbatuar plotësisht dhe vendi vazhdon të ballafaqohet me problemet që ka pasur para më shumë se dy dekadave. Kështu vlerësojnë partitë opozitare në vend, duke komentuar 21 vjetorin e nënshkrimit të marrëveshjes që i dha fund konfliktit në vend. Deputeti i VMRO-DPMNE-së, Mile Lefkov deklaron se Marrëveshja Kornizë, solli paqe por nuk mundi ta parashikojë krimin e BDI-së që ndodhi pas nënshkrimit të saj.
“Maqedonia ka Marrëveshje Kornizë por nuk ka ardhmëri evropiane. Ka marrëveshje kornizë ama Tetova nuk ka ujë për pije, Haraçina nuk ka kanalizim. Maqedonia ka Marrëveshje Kornizë por të rinjtë shqiptar dhe maqedonas migrojnë. Ky është dështimi i këtij pushteti. Nëse nisemi nga kjo atëherë nuk ka hapësirë për festim por për përgjegjësi. Ky është manifestim i BDI-së në prag të zgjedhjeve në Tetovë”, tha Mile Lefkov, deputet VMRO-DPMNE.
Nga Aleanca për Shqiptarët thonë se Marrëveshja e Ohrit ishte menduar të sigurojë barazinë mes bashkësive etnike dhe zhvillimin e vendit, por pas 21 viteve, ende nuk është arritur qëllimi në asnjë nga shtyllat e këtij dokumenti.
“Për ta kuptuar më qartë dështimin e qeverive të këtyre dy dekadave, të udhëhequra nga BDI, mjafton të kujtojmë se një fëmijë i lindur në vitin 2001, sot në moshën 21 vjeçare ka ndërprerë studimet dhe ka braktisur vendin, duke marrë rrugën e mërgimit. Shumë nga bashkëmoshatarët e tij janë fëmijë të dëshmorëve që sakrifikuan për këtë marrëveshje dhe shumë gra që atëherë ngelën pa burra, sot i përcollën edhe djemtë e tyre. 21 vjet pas nënshkrimit të Marrëveshjes së Ohrit, partia në pushtet BDI, mburret me migrimin e të rinjve dhe me investimet e pakta të afaristëve privat, duke tentuar të vjedh mundin dhe sakrificën e tyre”, thanë nga Aleanca për Shqiptarët.
Nga Aleanca për Shqiptarët, thonë se mos-implementimi i Marrëveshjes së Ohrit ka sjellë rritjen e krimit dhe korrupsionit, kryesisht në dëm të qytetarit shqiptar. Partitë opozitare vlerësojnë se në vend vazhdon të sundojë pabarazia mes popujve, mungesa e drejtësisë individuale për qytetarët, si dhe është rritur varfëria.
Të punësuarit e parkut kombëtar “Mali Sharr” për një javë janë trajnuar nga një ekip amerikan se si duhet të përballen me zjarret në pyje. Sipas drejtorit të parkut kombëtar vetëm për një muaj në malin Sharr janë djegë mbi 400 hektarë, ndërsa për katër ditë 220 hektarë pyje edhe kullota.
Tash më të punësuarit e parkut kombëtar nacional mali Sharr kanë marrë një trajnim nga një ekip, nga këto shërbime morëm orientime se si të ballafaqohemi me zjarre që muajin e fundit kanë qenë aktive në mali Sharr ku janë djegur 400 hektarë dhe në rastin e fundit në Sellcë janë djegë 220 hektarë ku për katër ditë kanë sjell shumë dëme në biodiversitet, në atë që quhet natyrë, janë djegur pyje të niveli të lartë, të ulëta livadhe, shkurre të ndryshme dhe të mos flasim për botë të egër dhe insekte të caktuara”, është shprehur Ibrahim Dehari, drejtor i Parkut Kombëtar “Mali Sharr”.
Koalicioni VLEN do të qëndroj në Berlin të Gjermanisë dhe në Cyrih të Zvicrës këto ditë për të takuar mërgatën në prag të zgjedhjeve presidenciale dhe parlamentare me 24 prill dhe 8 maj.
Nga data 12 deri më 18 prill në vend janë raportuar 46 raste të reja me kollën e keqe, me rritje prej 4,5 për qind krahasuar me javën e kaluar, njoftoi pasditen e sotme Instituti i Shëndetit Publik (ISHP).
Shumica e rasteve janë raportuar si pjesë e epidemisë në Shkup – 37, ndërsa raste janë raportuar edhe në Manastir – tre, Kumanovë – dy dhe nga një në Tetovë, Kriva Pallankë, Prilep dhe Strumicë.
Mosha e pacientëve varion nga një muaj deri në 73 vjeç, ndërsa numri më i madh i rasteve janë nga grupmosha 10 deri në 14 vjeç. Sa i përket statusit të vaksinimit të të sëmurëve, 31 persona janë të pa vaksinuar, të pavaksinuar ose me status të panjohur vaksinimi, 13 janë të vaksinuar plotësisht dhe dy janë të vaksinuar sipas moshës.
Nga 46 rastet e reja, nëntë raste janë shtruar në spital.
Deri më 18 prill, në vend janë regjistruar gjithsej 489 raste me kolln e keqe, me një incidencë prej 26.6/100 mijë banorë.
Kjo paraqet një rritje të disafishtë të numrit të të sëmurëve krahasuar me pesëvjeçarin e kaluar 2019-2023, kur janë regjistruar gjithsej 10 raste.
Zjarret në Parkun Kombëtar “Sharr”, për një muaj digjen mbi 400 hektarë
VLEN takon mërgatën shqiptare në Berlin dhe Cyrih
46 raste të reja me kollën e keqe
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve
You must be logged in to post a comment Login