Lajme nga vendi
Është rritur sasia e drurit të prerë për djegie
Në tremujorin e dytë të këtij viti, është rritur sasia e drurit të prerë për zjarr, ndërkohë është zvogëluar prodhimi i saj në krahasim me periudhën e njëjtë të vitit të kaluar, transmeton Portalb.mk. Në muajin prill, maj dhe qershor në Maqedoninë e Veriut janë prodhuar 116 562 metra kub dru për zjarr, ndërsa në periudhën e njëjtë të vitit të kaluar ishin prodhuar 122 043 metra kub.
Në këtë periudhë, sivjet janë shitur 103 339 metra kub, ndërsa në periudhën e njëjtë të vitit të kaluar 100 945 metra kub. Në bazë të llojit të drurit të prerë, dominon druri i ahut (44.7 %), të gjitha llojet e lisit (39.5 %), pisha e bardhë dhe e zezë (11.2 %), çam dhe bredh (2.3 %) dhe llojet tjera gjetherënëse (2.3 %).
Shpenzimet për veglat për përpunimin dhe prerjen e drurit janë 18 317 000 denarë, ndërsa për kryerjen e shërbimeve janë shpenzuar 50 713 000 denarë, duke përfshirë 41 590 000 për prerjen e drurit dhe 6 421 000 për mbjelljen e tyre.
Me propozim të Ministrisë së Ekonomisë, Qeveria e Maqedonisë së Veriut në seancën e 11 gushtit ka miratuar Vendimin për përcaktimin e marzhit më të lartë tregtar si kusht i veçantë në tregtinë për: drutë e dushkut; dru zjarri ahu dhe peletit për ngrohje. Sipas vendimit, marzhi më i lartë tregtar për këto produkte për të gjithë tregtarët është përcaktuar maksimalisht 10%, bëri të ditur ministri i Ekonomisë Kreshnik Bekteshi.
Lajme nga vendi
Sot votuan të burgosurit, të sëmurët dhe diaspora
Derisa po vazhdon heshtja e zgjedhjeve presidenciale, të drejtën e votës po e shfrytëzojnë votuesit nga diaspora, të burgosurit, të moshuarit dhe të sëmurët dhe personat e pafuqishëm. Votimi për president ka nisur me anëtarët e këshillave zgjedhorë që kanë udhëtuar për të zhvilluar votimin në diasporë. Në Listën zgjedhore janë shënuar 191 votues, të cilët duhet të votojnë në diasporë.
Për zgjedhjet presidenciale, në listën zgjedhore janë regjistruar 1.814.317 votues. Në certifikatat nga Lista Zgjedhore për votim në vend janë regjistruar 1.713.758 votues, ndërsa jashtë vendit në përfaqësitë diplomatike-konsullore pritet të votojnë 2.569 votues.
Në certifikatën e posaçëm nga Lista zgjedhore për personat që vuajnë dënimin me burg ose ndodhen në paraburgim gjatë zgjedhjeve janë regjistruar 2 147 votues.
Në Listën Zgjedhore për personat që gjatë zgjedhjeve ndodhen në institucionet për përkujdesje jashtëfamiljare janë regjistruar edhe 534 votues, të cilët kanë dorëzuar kërkesë për votim. Dy persona janë renditur si persona të zhvendosur brenda vendit.
Votuesit në zgjedhjet e shtatë presidenciale do të mund të zgjedhin një nga shtatë kandidatët për president, pasi në garë janë pesë burra dhe dy gra.
Lajme nga vendi
Shporta sindikale minimale për prill është 60.212 denarë
Shporta sindikale minimale për prillin arrin në 60.212 denarë dhe është për 1.214 denarë më e lartë se sa në mars vitin e kaluar, kur ishte 58.998 denarë. Me një banesë të marrë me qera prej 60 metrave katrorë, megjithatë, arrin 75.587 denarë, kumtoi Lidhja e Sindikatave të Maqedonisë (LSM).
Sipas llogaritjes së LSM-së, nga shporta minimale sindikale, një familje katëranëtarëshe për ushqim dhe pije i duhet të ndajë 22.200 denarë ose 36,9 për qind, për veshmbathje dhe këpucë 4.866 denarë, gjegjësisht 8,1 për qind, për qera, ujë, energji elektrike dhe ngrohje 6.014 denarë ose 10 për qind, për higjienë personale dhe mbajtjen e higjienës së shtëpisë 1.827 denarë ose tre për qind, për shëndet 1.059 denarë ose 1,8 për qind, për transport 5.068 denarë, gjegjësisht 8,4 për qind.
Një familjeje katëranëtarëshe në prill të këtij viti i nevojiteshin 3.004 denarë për komunikime, gjegjësisht pesë për qind nga shuma e shportës minimale, për rekreacion dhe kulturë 4.378 denarë ose 7,3 për qind, për arsim 6.955 denarë ose 11,6 për qind, për restorante dhe hotele 3.890 denarë ose 6,5 për qind, kurse për mallra dhe shërbimet tjera 950 denarë, gjegjësisht 1,6 për qind.
Nëse jetojnë në banesë me qira nevojiten edhe 15.375 denarë shtesë.
Lajme nga vendi
QMK: Rrëshqitje të dheut në disa rrugë të Maqedonisë
QMK-ja ka raportuar se përmes numrit të vetëm për thirrje urgjente E-112 është marrë njoftim për rrëshqitje të dheut në rrugën afër Kalimancit, në rrugën rajonale Makedonska Kamenicë-Vinicë, 5 kilometra para hyrjes në Maqedonska Kamenica.
“Për situatën është njoftuar Ndërmarrja Publike për mirëmbajtjen e rrugëve rajonale dhe autostrada, ndërsa ekipet kanë dalë në terren për riparimin e rrëshqitjes”, shtojnë nga QMK.
Gjithashtu, është marrë njoftim për rrëshqitje të dheut në drejtimin e rrugës fshat Udovë-Demir Kapi.
“Lokacioni i saktë është 2-3 kilometra pas fshatit Udovë në drejtim të Demir Kapisë. Për situatën është njoftuar NP për Mirëmbajtjen e Rrugëve rajonale dhe autostrada dhe ekipet kanë dalë në terren për riparimin e rrëshqitjes”, thonë nga QMK.
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve
You must be logged in to post a comment Login