Connect with us

Lajme nga vendi

Shtetasit e huaj lënë monedha false prej një dhe dy euro në pikpagesat e Maqedonisë

Published

on

Punonjësit e Ndërmarrjes Publike për Rrugë Shtetërore të Maqedonisë tash e një kohë paralajmërojnë për paraqitjen e monedhave të falsifikuara prej 1 dhe 2 eurosh, dënimin e të cilave vetë e paguajnë në fund.

Gjegjësisht, pasi banka kompetente i zbulon monedhat e falsifikuara, ato dërgohen në Bankën Popullore dhe në fund u hiqet nga paga punonjësve për një shkelje të tillë.

Një problem i tillë nuk është aktual vetëm këtu, por edhe në të gjithë Evropën.

Operacione të mëdha policore u nisën këtë verë në vende si Italia dhe Irlanda për të zbuluar se kush i prodhon këto monedha.

Në një aksion të përbashkët të policisë bullgare dhe greke, të mbështetur nga Europol, një grup i organizuar kriminal u shkatërrua disa vite më parë dhe u zbulua një vendprodhim pranë Selanikut.

Advertisement

Më pas policia sekuestroi makineri të ndryshme, mjete dhe pajisje të ngjashme.

Këto monedha këtu në kabinat e pagesës vijnë kryesisht nga automjete të huaja.

Nga pikëpagesat rrugore të Maqedonisë thanë se për gjashtë muajt e parë të vitit kanë pranuar 259 monedha të dyshimta me prerje 1 euro dhe 11.579 monedha me vlerë 2 euro.

Bankat nuk kanë pajisje adekuate për të zbuluar monedhat e falsifikuara, siç ka për kartëmonedhat.

Një nga metodat e mundshme të zbulimit është magnetizimi i monedhave, por së fundmi falsifikuesit e kanë zgjidhur edhe atë “problem”.

Advertisement

Me përjashtim të pikave të pagesës, në banka shmanget përdorimi i monedhave.

Advertisement
1 Comment

You must be logged in to post a comment Login

Leave a Reply

Lajme nga vendi

Ndryshime të mëdha të motit: Nga mesi i javës Maqedonia duhet të përgatitet për ulje drastike të temperaturave

Published

on

Maqedonia pritet të përjetojë një ndryshim të madh të motit këtë javë, me temperaturat që bien ndjeshëm dhe parashikime për reshje bore në zonat malore.

Pas disa ditësh me temperatura verore që arritën deri në 30 gradë Celsius, Drejtoria për Punë Hidrometeorologjike (DPHM) paralajmëron një ulje të ndjeshme të temperaturave duke filluar nga e marta, me parashikime që temperaturat maksimale do të bien në intervalin prej 15 deri në 23 gradë Celsius.

Nga e enjtja pritet një rënie edhe më e madhe, me temperaturat që do të variojnë nga 11 deri në 18 gradë Celsius, dhe një ulje të mëtejshme të pritshme të premten dhe të shtunën, ku temperaturat maksimale do të jenë vetëm 9 deri në 16 gradë Celsius. Juliana Fidanovska Mishkovska nga DPHM thekson se nuk pritet të ketë temperatura nën zero në mëngjes, por reshjet e shiut në malet më të larta do të kthehen në reshje bore për shkak të depërtimit të masës ajrore më të ftohtë nga veriu.

Ky ndryshim i papritur i temperaturave mund të jetë i pafavorshëm për qytetarët me sëmundje kronike, probleme në zemër dhe presion, si dhe për ata që janë ndjeshëm ndaj ndryshimeve të motit. DPHM rekomandon që qytetarët të përgatiten për këto ndryshime duke marrë masa paraprake, si të mbajnë veshje të ngrohta dhe të jenë të kujdesshëm ndaj ndikimit të motit në shëndetin e tyre.

Continue Reading

Lajme nga vendi

Ilir Meta mbështet VMRO-DPMNE-në: Fitorja e tyre do t’i jep një dimension të ri zhvillimit ekonomik të vendit

Published

on

Kryetari i Partisë së Lirisë, Ilir Meta, ka shprehur mbështetjen e tij për VMRO-DPMNE-në. Sipas ish presidentit të Shqipërisë, nga fitorja e VMRO-së do të kenë përfitim të gjithë qytetarët e Maqedonisë, shkruan SHENJA.

“Fitorja e pritshme e VMRO-DPMNE në zgjedhjet e afërta do t’i japë një dimension të ri zhvillimit ekonomik të Maqedonisë së Veriut në të ardhmen nga i cili do të përfitojnë të gjithë qytetarët e saj.

Të mos harrojmë se vizioni dhe politikat e saj në qeverisje e shndërruan Maqedoninë e Veriut, vendin e 10-të në botë dhe të 5-të në Europë për klimën e biznesit dhe investimet e huaja.

Falë vizionit të VMRO-DPMNE, Maqedonia e Veriut shpërtheu për rritjen e bujqësisë dhe blegtorisë duke e nisur me 10 milionë euro financim në vit e duke e çuar në 200 milionë euro.

Ekipi i ri i VMRO-DPMNE besoj se ka mësuar mjaftueshëm nga gabimet e bëra në të kaluarën dhe pasojat e nepotizmit, të cilat eklipsuan arritjet e jashtëzakonshme ekonomike dhe sociale.

Advertisement

Maqedonia e Veriut do të vazhdojë të ecë e sigurt në rrugën euro-atlantike dhe përsëri shqiptarët do të jenë garancia kyçe për këtë!”, ka shkruar Meta.

Continue Reading

Lajme nga vendi

Shkupi formon shtab krize për evakuimin e shtetasve nga Lindja e Mesme

Published

on

Ministria e Punëve të Jashtme e Maqedonisë së Veriut ka formuar një shtab për kriza, i cili do të ketë kompetenca për evakuimin e qytetarëve maqedonas nga Lindja e Mesme, nëse ka nevojë.

Ky vendim është marrë pas sulmit iranian ndaj Izraelit me dronë dhe raketa, në orët e para të 14 prillit.

Izraeli ka thënë se bashkë me aleatët i ka rrëzuar shumicën e dronëve dhe raketave.

Ministri i Punëve të Jashtme, Bujar Osmani, deklaroi të dielën se evakuimi i qytetarëve të Maqedonisë së Veriut do të varet nga puna e aeroportit në Tel Aviv, i cili u rihap në mëngjes.

Rruga e dytë e mundshme për evakuim është përmes Jordanisë.

Në shtabin e krizës janë të njëjtët anëtarë që ishin në shtabin në tetor të vitit të kaluar për evakuim të shtetasve maqedonas nga Izraeli, pas sulmeve të Hamasit – grupit palestinez të shpallur terrorist prej Shteteve të Bashkuara dhe Bashkimit Evropian – në tokën izraelite, më 7 tetor.

Advertisement

Osmani shtoi se në Izrael janë 40 deri në 50 qytetarë, mes të cilëve edhe familjarët e personelit diplomatik në Tel Aviv.

“U bëj thirrje të gjithë qytetarëve të Maqedonisë së Veriut në Izrael që të jenë në komunikim të vazhdueshëm me ambasadën tonë në Tel Aviv, ndërsa në dispozicion janë edhe telefonat e shërbimit të MPJ-së në Maqedoninë e Veriut”, tha Osmani.

“Për fat të keq, paralajmërimet për përshkallëzimin e situatës në Lindjen e Mesme janë bërë të vërteta. Çdo dhunë është e dënueshme, qoftë nga Izraeli, Irani apo Hamasi. Ne i dënojmë të gjitha veprimet, siç i dënuam të mëparshmet, dhe siç do t’i dënojmë sulmet e radhës hakmarrëse që janë paralajmëruar”, u shpreh shefi i diplomacisë maqedonase.

Ai kërkoi nga presidenti i shtetit, Stevo Pendarovski të thërrasë mbledhjen e Këshillit të Sigurimit për shkak të rrezikut nga përshkallëzimi, dhe aktivizimin e rrugës ballkanike të migrimit.

Nga kabineti i presidentit Pendarovski thuhet se për momentin nuk ka nevojë të mblidhet Këshilli i Sigurimit.

“Presidenti Stevo Pendarovski është në komunikim me partnerët tanë në NATO. Situata po monitorohet me kujdes dhe aktualisht vlerësohet se nuk ka kërcënim për sigurinë e Maqedonisë së Veriut”, thuhet në komunikatën e presidencës së Maqedonisë së Veriut./REL

Advertisement
Continue Reading

Më të lexuarat