Connect with us

Lajme nga vendi

Petliçkovski: Për momentin nuk ka nevojë për masa kufizuese, të përgatitemi për vjeshtë

Published

on

Me situatën aktuale të Kovid-19 nuk ka nevojë për masa të reja kufizuese, rekomandimet e fundit për mbajtjen e detyrueshme të maskave në spitale, barnatore, transport publik dhe shtëpi të të moshuarve janë të mjaftueshme për momentin, deklaroi kryetari i Komisionit për Sëmundjet Infektive, Aleksandar Petliçkovski.

Në një intervistë në “Kanal 5”, ai tha se masat kufizuese duhet të ruhen kur të jenë të nevojshme.

Megjithatë, duke qenë se, siç theksoi ai, virusi befason dhe rikthehet me versione të reja, do të merret parasysh seriozisht hapja e çështjes së planifikimit të vjeshtës.

“Virusi na befasoi me shfaqjen e një versioni të ri që përhapet edhe më lehtë dhe ka një mënyrë mjaft efektive për të shmangur imunitetin tashmë të fituar. Për momentin në Australi situata është më e rëndë, pasi atje ka mbërritur vjeshta dhe në këtë valë me omikronin shfaqet edhe gripi. Situata është komplekse dhe ka shumë presion mbi institucionet, prandaj mendojmë se duhet ta hapim pak më seriozisht çështjen e planifikimit të vjeshtës, para së gjithash për shkak të gripit dhe vaksinimit të pamjaftueshëm, që mund të jetë problem për ne në vjeshtë”, tha Petliçkovski.

Ai nuk përjashtoi mundësinë e kthimit të maskave në shkolla, nëse është e nevojshme.

Advertisement

Sipas tij, duket se po i afrohemi pikut të kësaj vale të Kovidit e cila do të zgjasë disa javë.

Sa i përket imunitetit kolektiv, ai tha se kemi arritur një nivel solid, si në të gjithë botën. Por ai tha se kjo nuk do të thotë garanci për mosinfektim.

Advertisement
Click to comment

You must be logged in to post a comment Login

Leave a Reply

Lajme nga vendi

Ilir Meta mbështet VMRO-DPMNE-në: Fitorja e tyre do t’i jep një dimension të ri zhvillimit ekonomik të vendit

Published

on

Kryetari i Partisë së Lirisë, Ilir Meta, ka shprehur mbështetjen e tij për VMRO-DPMNE-në. Sipas ish presidentit të Shqipërisë, nga fitorja e VMRO-së do të kenë përfitim të gjithë qytetarët e Maqedonisë, shkruan SHENJA.

“Fitorja e pritshme e VMRO-DPMNE në zgjedhjet e afërta do t’i japë një dimension të ri zhvillimit ekonomik të Maqedonisë së Veriut në të ardhmen nga i cili do të përfitojnë të gjithë qytetarët e saj.

Të mos harrojmë se vizioni dhe politikat e saj në qeverisje e shndërruan Maqedoninë e Veriut, vendin e 10-të në botë dhe të 5-të në Europë për klimën e biznesit dhe investimet e huaja.

Falë vizionit të VMRO-DPMNE, Maqedonia e Veriut shpërtheu për rritjen e bujqësisë dhe blegtorisë duke e nisur me 10 milionë euro financim në vit e duke e çuar në 200 milionë euro.

Ekipi i ri i VMRO-DPMNE besoj se ka mësuar mjaftueshëm nga gabimet e bëra në të kaluarën dhe pasojat e nepotizmit, të cilat eklipsuan arritjet e jashtëzakonshme ekonomike dhe sociale.

Advertisement

Maqedonia e Veriut do të vazhdojë të ecë e sigurt në rrugën euro-atlantike dhe përsëri shqiptarët do të jenë garancia kyçe për këtë!”, ka shkruar Meta.

Continue Reading

Lajme nga vendi

Shkupi formon shtab krize për evakuimin e shtetasve nga Lindja e Mesme

Published

on

Ministria e Punëve të Jashtme e Maqedonisë së Veriut ka formuar një shtab për kriza, i cili do të ketë kompetenca për evakuimin e qytetarëve maqedonas nga Lindja e Mesme, nëse ka nevojë.

Ky vendim është marrë pas sulmit iranian ndaj Izraelit me dronë dhe raketa, në orët e para të 14 prillit.

Izraeli ka thënë se bashkë me aleatët i ka rrëzuar shumicën e dronëve dhe raketave.

Ministri i Punëve të Jashtme, Bujar Osmani, deklaroi të dielën se evakuimi i qytetarëve të Maqedonisë së Veriut do të varet nga puna e aeroportit në Tel Aviv, i cili u rihap në mëngjes.

Rruga e dytë e mundshme për evakuim është përmes Jordanisë.

Në shtabin e krizës janë të njëjtët anëtarë që ishin në shtabin në tetor të vitit të kaluar për evakuim të shtetasve maqedonas nga Izraeli, pas sulmeve të Hamasit – grupit palestinez të shpallur terrorist prej Shteteve të Bashkuara dhe Bashkimit Evropian – në tokën izraelite, më 7 tetor.

Advertisement

Osmani shtoi se në Izrael janë 40 deri në 50 qytetarë, mes të cilëve edhe familjarët e personelit diplomatik në Tel Aviv.

“U bëj thirrje të gjithë qytetarëve të Maqedonisë së Veriut në Izrael që të jenë në komunikim të vazhdueshëm me ambasadën tonë në Tel Aviv, ndërsa në dispozicion janë edhe telefonat e shërbimit të MPJ-së në Maqedoninë e Veriut”, tha Osmani.

“Për fat të keq, paralajmërimet për përshkallëzimin e situatës në Lindjen e Mesme janë bërë të vërteta. Çdo dhunë është e dënueshme, qoftë nga Izraeli, Irani apo Hamasi. Ne i dënojmë të gjitha veprimet, siç i dënuam të mëparshmet, dhe siç do t’i dënojmë sulmet e radhës hakmarrëse që janë paralajmëruar”, u shpreh shefi i diplomacisë maqedonase.

Ai kërkoi nga presidenti i shtetit, Stevo Pendarovski të thërrasë mbledhjen e Këshillit të Sigurimit për shkak të rrezikut nga përshkallëzimi, dhe aktivizimin e rrugës ballkanike të migrimit.

Nga kabineti i presidentit Pendarovski thuhet se për momentin nuk ka nevojë të mblidhet Këshilli i Sigurimit.

“Presidenti Stevo Pendarovski është në komunikim me partnerët tanë në NATO. Situata po monitorohet me kujdes dhe aktualisht vlerësohet se nuk ka kërcënim për sigurinë e Maqedonisë së Veriut”, thuhet në komunikatën e presidencës së Maqedonisë së Veriut./REL

Advertisement
Continue Reading

Lajme nga vendi

Gjuha e urrejtjes në Maqedoni, një realitet shqetësues

Published

on

Anketa e fundit e opinionit publik nga Instituti për Hulumtime Politike në Shkup, për Detektor, zbulon se 90% e qytetarëve maqedonasë kanë vënë re përhapjen e gjuhës së urrejtjes në shoqërinë e tyre, kryesisht përmes rrjeteve sociale dhe me motivacion politik. Një nga tre qytetarë beson se kjo gjuhë është inkurajuar nga bindjet politike, ndërsa një pjesë e vogël e kësaj gjuhe është e lidhur edhe me përkatësinë etnike, pamjen fizike, besimet fetare dhe moshën.

Një faktor i shqetësueshëm është rritja e gjuhës së urrejtjes në 5 vitet e fundit, sipas 64.2% të anketuarve. Përveç kësaj, afërsisht 80% e tyre vërejnë intensifikim të saj gjatë fushatave zgjedhore. Edhe pse të dy bashkësitë etnike, maqedonasit dhe shqiptarët, shqetësohen për këtë dukuri, ndarja e qëndrimeve midis tyre është e dukshme, me shqiptarët që kanë një ndjesi më të ulët të përkeqësimit të kësaj situata.

Rrjetet sociale identifikohen si mjeti kryesor për përhapjen e gjuhës së urrejtjes për 58.3% të anketuarve. Megjithatë, vetëm një pjesë e vogël e tyre kanë përjetuar drejtpërdrejt këtë fenomen, duke theksuar që ka ende hapësirë për ndryshim dhe parandalim të saj.

Në lidhje me legjislacionin aktual, shqetësimet ndaj efikasitetit të tij ndaj gjuhës së urrejtjes janë të ndara midis qytetarëve, me një pjesë të madhe që kërkon ligje më të rrepta për parandalimin e saj, ndërsa një pjesë tjetër mendojnë se mund të keqpërdoren. Anketa është realizuar me 1078 të anketuar në mars të këtij viti.

Continue Reading

Më të lexuarat