Lajme nga vendi

Ali Ahmeti: Kapacitetet tona në shërbim të tetovarëve

Published

8 months ago

August 5, 2022

Bashkimi Demokratik për Integrim, mbrëm në Tetovë ka mbajtur konventën ku janë promovuar kandidatët e Listës për këshilltarë për Këshillin e komunës së Tetovës. Aktivitit të BDI-së dhe gjithë të pranishmëve ju drejtua kryetari i Bashkimit Demokratik për Integrim, z. Ali Ahmeti, zëvendës kryeministri i parë z. Artan Grubi dhe bartësi i Listës për këshilltarë z. Faton Ahmeti, të cilët kërkuan përkrahjen për Listën e BDI-së për zgjedhjet e 20 Gushtit.

Të tërë kapacitetet tona do të jenë në shërbim të këshilltarëve dhe të drejtuesve të dikastereve që drejtojnë prandaj fitorja e BDI-së në shumicë e këtyre kandidatëve është fitore për qytetarët dhe shqiptarëve sepse Tetova nuk është vetëm e tetovarëve por e të gjithëve, kryeqendër që jep dritë dhe rezaton gjithandej, tha mes tjerave kreu i BDI-së Ahmeti para të pranishmëve.

“Këto zgjedhje janë të imponuara pa fajin tonë. Ne as që kemi ditur, as na kanë vënë në dijeni për dobësitë dhe të metat që i kanë, se ne nuk jemi egoist nuk luftojmë për të bërë politika ditore e as nuk kemi punuar për politika ditore. Projektet tona janë afatgjate dhe strategjike, planet tona janë 5 vjeçare, 15 vjeçare, 20 vjeçare, ne nuk bëjmë politkë sot për nesër. Ne kemi investuar në organizim të mirëfilltë dhe në etablim politik të BDI-së me të gjitha profilet dhe specialistët e fushave të nevojshme, prandaj pot ë ishte kërkuar ndihma do u jepeshte dhe tani ne nuk dalim të bëjmë rivalitet dhe të masim forcat sepse nuk ka forcë që na përballon, siç thuhet në një proverbë ‘lum ai që ka mik BDI dhe mjerë ai që e ka kundërshtar’. Pjesëmarrja, organizimi i strukturave këtë e vërteton dhe sigurisht oponentëve po ju dridhen këmbët dhe përsëri nuk e bëjmë për rivalitet, për t’u dukur, e bëjmë për të ndihmuar qytetarët dhe për të ndihmuar kryetarin aktual të qytetit se mandati i tij vazhdon por puna e tij cilësore duhet të rritet sepse tetovarët meritojnë qeverisje të mirë dhe jemi të gatshëm se kemi kapacitete e njohuri që Tetova më mirë të organizohet, komuna më mirë të punojë në drejtim të realizimit të kërkesave të qytetarëve në infrastrukturë, në arsim e shëndetësi sepse të gjitha janë të ndërlidhura. Të tërë kapacitetet tona do të jenë në shërbim të këshilltarëve dhe të drejtuesve të dikastereve që drejtojnë prandaj fitorja e BDI-së në shumicë e këtyre kandidatëve është fitore për qytetarët dhe shqiptarëve sepse Tetova nuk është vetëm e tetovarëve por e të gjithëve, kryeqendër që jep dritë dhe rezaton gjithandej. Projektet dhe premtimet që ne i kemi bërë të behën realitet dhe të mbështeten nga qeveria dhe të inciohen nga këshilltarët dhe këshilli, që sa më suksesshëm të përmbyllim këtë kapitull dhe pas 3 viteve e 4 muajve do matemi në ring se kush do drejtojë komunën në 4 vitet e ardhëshme”, ka theksuar në fjalimin e tij para të pranishmëve kryetari i BDI-së Ali Ahmeti.

Gjuhën e flamurin e kemi bë për çdo shqiptar, Univeristetin e Tetovës për çdo student, çerdhe e spital për secilin qytetarë sepse kështu na ka mësuar Ali Ahmeti dhe do vazhdojmë 0me të njejtin përkushtim, bashkë me kolegët e mi do të qëndrojmë mbrapa Faton Ahmetit dhe këshilltarëve për të realizuar projektet dhe për të ndihmuar administratën për të dalë nga pavarësia e saj dhe nuk duam të shohim qytetin në zgjedhje tjera si pasojë e padijes, tha mes tjerave Grubi.

“Do të demonstrojmë duke përkrahur listën tonë dhe të gjitha projektet e komunës së Tetovës sepse e keni vënë re të gjithë ju që nuk është bë akoma një vit dhe çdo promovim është bë në projekte që ka realizuar Qeveria dhe administrata e BDI në Tetovë dhe kjo nuk na pengon fare, le të vazhdojë kështu deri në fund sepse projektet i bëjmë për tetovarët, siç janë të mirat që ja kemi bë Tetovës dhe Maqedonisë së Veriut, gjuhën e flamurin e kemi bë për çdo shqiptar, Univeristetin e Tetovës për çdo student, çerdhe e spital për secilin qytetarë sepse kështu na ka mësuar Ali Ahmeti dhe do vazhdojmë, me të njejtin përkushtim bashkë me kolegët e mi do të qëndrojmë mbrapa Faton Ahmetit dhe këshilltarëve për të realizuar projektet dhe për të ndihmuar administratën për të dalë nga pavarësia e saj dhe nuk duam të shohim qytetin në zgjedhje tjera si pasojë e padijes. Ju ftoj që në këto ditë të verës e pushimit që u trazoj kjo paaftësi, të angazhoheni dhe të përkrahni Faton Ahmetin dhe të dëmsonstrojmë se si një parti si BDI-ja di të menaxhojë komunën, shumica apsolute në Këshillin e Tetovës nuk do të lejojë një avanturë të përsëritur por do të sigurojë përkrahje për Tetovën sepse këtë nuk e bëjmë për administratën por për Tetovën, në emrin tim dhe të Fatmirit, Naserit, Bujarit, Kreshnikut, Jetonit të jepni përkrahje kësaj liste të mrekullueshme sepse vet i treguat Ali Ahmetit e ai ua siguroi këtë listë dhe më 20 gusht të mbështesim këtë listë”, ka thënë Zëvendës kryeministri i parë Artan Grubi në fjalimin e tij.

Më 20 gusht në zgjedhjet për këshillin komunal të Tetovës, qytetarët do të vendosin për t’i dhënë fund mendësisë klienteliste dhe pa vizion të udhëheqësisë aktuale, dhe për të vendosur një baraspeshë të pushtetit në Tetovë, nga e cila do të përfitojnë qytetarët, ngase nevojat që ata kanë, do të jenë kryefjala e veprimit tone, tha Faton Ahmeti bartës i Listës së BDI-së për zgjedhjet në Këshillin komunal të Tetovës.

“BDI çdoherë ka zgjedhur anën e popullit dhe ka punuar me bindje në reliazimin e nevojave të qytetarëve, andaj besimi i dhënë nga qytetarët për NE është përgjegjësi dhe obligim, e jo privilegj kolltuqesh, ashtu siç e përjetojnë oponentët tanë politik. Falë politikave të urta dhe vizionare të Kryetarit Ahmeti, BDI tash e 20 vite kryeson të gjitha proçeset dhe politikat progresive e integruese të vendit, dhe ne sot në qeveri dhe komuna po qeverisim si të partnerë të barabartë dhe të Zot të shtëpisë, dhe nuk i kemi duart e lidhura duke bërë matematika joparimore me forca të dyshimta, që nuk ua duan të mirën shqiptarëve dhe ardhmërisë europiane të vendit. Më 20 gusht, të gjithë BASHKË do të vendosim për Tetovën, por jo vetëm! Më 20 gusht në zgjedhjet për këshillin komunal të Tetovës, qytetarët do të vendosin për t’i dhënë fund mendësisë klienteliste dhe pa vizion të udhëheqësisë aktuale, dhe për të vendosur një baraspeshë të pushtetit në Tetovë, nga e cila do të përfitojnë qytetarët, ngase nevojat që ata kanë, do të jenë kryefjala e veprimit tonë. Bashkimi Demokratik për Integrim në këtë garë hyn i vetëm dhe me forca të reja pas një proçesi shumë transparent dhe demokratik të riorganizimit të brendshëm. Proces nga i cili BDI doli më e fortë dhe fitmitare, dhe këtë padyshim se do ta dëshmojmë më 20 gusht, me votën BASHKË për Tetovën”, deklaroi Faton Ahmeti sonte para të pranishmëve.zhurnal.mk

Lajme nga vendi

Ministria e Brendshme dyshon për terrorizëm një të mitur, fëmija dërgonte kërcënime me bombë nga shtëpia

Published

2 hours ago

March 22, 2023

TetovaExpres

Ministria e Punëve të Brendshme sot (22.03.2023) në Prokurorinë Themelore Publike për krim të organizuar dhe korrupsion ka dorëzuar kallëzim penal kundër një 15-vjeçari nga Shkupi, për veprën penale “terrorizëm”.

Merrni lajme në Viber
“Më datë 24.02.2023, i mituri i denoncuar ka krijuar një adresë emaili duke përdorur celularin e tij dhe në të njëjtën ditë duke përdorur kompjuterin laptop nga shtëpia e tij ka dërguar një mesazh me përmbajtje kërcënuese në adresën zyrtare të emailit të një shkolle të mesme në. Shkupi, i cili ka kryer kontrolle, është konstatuar se është fals. Në të njëjtën kohë, për të fshehur aktivitetet e tij gjatë dërgimit të mesazhit, i mituri ka përdorur një aplikacion VPN.

Pas masave dhe aktiviteteve të ndërmarra nga Sektori për krime kompjuterike dhe kriminalistikë digjitale, është konstatuar IP adresa e përdorur, pronar i së cilës është babai i të miturës, dhe në bazë të urdhëresës për bastisje në shtëpi të lëshuar nga Gjykata Themelore Penale Shkup, është bërë bastisje. është kryer në shtëpinë e prindit të të miturës, nga ku është konfiskuar përkohësisht telefoni celular, karta SIM dhe kompjuteri laptop në përdorim të të miturës.

Nga ekspertiza e kryer është konstatuar se e njëjta adresë elektronike është përdorur për dërgimin e mesazheve me përmbajtje kërcënuese në disa shkolla në territorin e qytetit të Shkupit nga celulari dhe nga kompjuteri laptop në disa raste”, tha Ministria e Brendshme.

Më datë 03.03.2023, në prani të prindit të tij, inspektor për të mitur dhe dhunë në familje nga RSV Shkup dhe avokat, me të miturin është bërë intervistë zyrtare në stacionin policor, me ç’rast i njëjti ka sqaruar mënyrën e kryerjes së veprës penale.

Lajme nga vendi

Komunat shqiptare, shtrijnë dorën e bashkëpunimit

Published

3 hours ago

March 22, 2023

TetovaExpres

Me iniciativë të ambasadorit të Shqipërisë në Kosovë Qemal Minxhozi, disa kryetarë të komunave nga Shqipëria dhe Kosova, kanë vizituar komunën e Tetovës.Ky takim, ka për qëllim thellimin e bashkëpunimit mes komunave në sferën e turizmit, ndërsa komuna e Tetovës ka një bashkëpunim me disa prej komunave në shumë sfera, sidomos në sferën e kulturës, turizmit dhe sportit, tha nikoqiri i këtij takimi Bilall Kasami, kryetar i komunës së Tetovës.

“Janë disa projekte të përbashkëta si me komunën e Pejës, me Durrësin, me Bujanocin dhe Ulqinin tani më kemi bashkëpunim, në kuadër të aktiviteteve sportive , me komunën e Prizrenit këtë vit veçmë fillon bashkëpunimi për promovimin e Turizmit, ku rruga e Butiqeve në Tetovë do të fillojë së shpejti të rikonstruohet dhe do të ketë pamje moderne, poashtu bashkëpunim kemi me komunën e Gjilanit ku kemi konkuruar në fonde ndërkombëtare, prandaj kemi bashkëpunim me një pjesë të madhe të komunave “, tha kryetari i komunës së Tetovës Bilall Kasami.

Për ambasadorin e Shqipërisë në Kosovë Qemal Minxhozi, ky bashkëpunim duhet të thellohet edhe më shumë në të ardhmen që edhe qytetarët e Shqipërisë dhe Kosovës të njihen me rajonet shqiptare.

“Ne dëshirojmë që të kemi një program të përbashkët turistik, si Kossva, si Shipëria, si Maqedonia e veriut.Ka patur mbledhje të përbashkëta të qeverive mes këtyre shteteve dhe ne dëshirojmë që të integrohemi bashkërisht, edhe në sferën e turizmit.Prandaj, pushteti lokal ka edhe obligim që të vazhdojë implementimin e vendimeve të qeverive”, tha ambasadori i Shqipërisë në Kosovë Qemal Minxhozi.

Lidhjet mes komunave shqiptare nuk kanë munguar në të kaluarën dhe këta lidhje duhet edhe më shumë të zhvillohen, tha kryetari i komunës së Gjakovës Ardian Gjini.

“Ne dëshirojmë që me pas sa më shumë bashkëpunim më të afërt, e dijmë se afërisa jonë me Tetovën dhe komunat me shumicë shqiptare në Maqedoninë e veriut, i ndihmojnë edhe Kosovës edhe Shqipërisë duke pasur marrëdhënie më të afrëta njëherë me vet shtetin e Maqedonisë së Veriut, por edhe neve në mes veti me rritur këtë bashkëpunim në të gjitha sferat edhe në arsim, turizëm edhe në kulturë edhe në sfera tjera.Lidhjet nuk kanë munguar dhe këta lidhje duhet edhe më shumë me i zhvilluar” tha kryetari i komunës së Gjakovës Ardian Gjini.

pas qëndrimit në tetovë ku është vizituar edhe xhamia e pashës, kryetarët e komunave shqiptare nga Shqipëria, Kosova, Maqedonia e veriut dhe Lugina e Preshevës, janë nisur për në Pogradec të Shqipërisë.

Lajme nga vendi

MPB dhe SHGM me protokoll për sigurinë e gazetarëve në internet

Published

3 hours ago

March 22, 2023

TetovaExpres

Ministri i Punëve të Brendshme, Oliver Spasovski, sot ka mbajtur takim pune me grupin punues të Shoqatës së Gazetarëve të Maqedonisë, të udhëhequr nga kryetari i SHGM-së Mlladen Çadikovski, në të cilin u promovua Protokolli i përgatitur për sigurinë e gazetarëve në internet, me fokus për gazetaret.

Si rezultat i zhvillimit të këtij protokolli, ndër të tjera, në Ministrinë e Punëve të Brendshme është caktuar një person-pikë kontakti për kërcënimet në internet ndaj gazetarëve dhe në përgjithësi punonjësve të medias. Protokolli ofron hapa praktike që gazetarët të veprojnë kur janë subjekt i një kërcënimi përmes rrjeteve sociale dhe në përgjithësi në internet, përmes përfshirjes proaktive të Ministrisë së Punëve të Brendshme në mbrojtjen e punonjësve të medias. Ky është një nga aktiviteteve të rradhës të zhvilluara bashkërisht nga MPB-ja she SHGM-ja për përmirësimin e sigurisë së gazetarëve, që nga viti 2017, kur u nënshkrua një Memorandum Bashkëpunimi.

Në takim u diskutua edhe për aspekte të tjera të sigurisë së gazetarëve dhe punonjësve të medias gjatë kryerjes së aktiviteteve të tyre, kërcënimet që janë të pranishme në hapësirën e internetit, nevojën për raportim të lirë dhe të papenguar të ngjarjeve në terren, efikasitetin në mbrojtjen e gazetarëve me zbatim të plotë të instrumenteve ligjore që kanë institucionet dhe u theksua bashkëpunimi i shkëlqyer mes MPB-së dhe SHGM-së.

“Është e qartë se impenjimi ynë si ministri është që gazetarëve t’u ofrojmë të gjitha kushtet që ata ta bëjnë punën e tyre pa probleme dhe këtë e kemi treguar që nga viti 2017 e deri më tani. Nuk duhet të ketë asnjë dyshim për këtë, sepse liria e mediave është një nga shtyllat bazë mbi të cilën mbështetet demokracia. Dhe ky protokoll, në përpilimin e të cilit kanë marrë pjesë përfaqësues të MPB-së, SHGM-së dhe ekspertë të komunitetit akademik, ofron zgjidhje që do të kontribuojnë që çdo gazetar, veçanërisht femrat gazetare, të ndihen të sigurtë, por edhe të dijnë të veprojnë në rastet e kërcënimeve online. Për ne liria e gazetarëve është prioritet dhe në atë drejtim vazhdojmë me aktivitete të rradhës në bashkëpunim me SHGM-në. Në periudhën paraprake kemi kryer trajnime të shumta, së bashku me SHGM-në dhe Misionin e OSBE-së në Shkup, kemi zhvilluar Doracakun për sigurinë e gazetarëve gjatë ngjarjeve me rrezikshmëri të lartë dhe sot mund të konstatojmë se është përgatitur edhe Protokolli për sigurinë e gazetarëve në internet”, theksoi ministri Spasovski.

Kryetari i SHGM-së Mlladen Çadikovski tha se ky Protokoll është një hap plus në ndërtimin e një atmosfere të sigurt për të punuar gazetarët.

“Besojmë se ky është një hap pozitiv në kuadër të rritjes së sigurisë së kolegëve gazetarë. Sot ne jo vetëm përballemi me kërcënime për sigurinë tonë, por përballemi edhe me rrezikun e kërcënimeve online, ku fatkeqësisht, viktimat kryesore janë gazetaret. Në këtë mënyrë presim që të zvogëlohen sulmet dhe rreziku prej tyre dhe të zhduket mosndëshkimi i autorit. Shpresojmë që rekomandimet që gjenden në këtë Protokoll do ta gjejnë vendin e tyre në krijimin e një atmosfere të sigurt për punën e gazetarëve”, tha Çadikovski.

Në procesin e përgatitjes së këtij Protokolli janë bërë analiza të gjëra, është përdorur literatura aktuale ligjore për këtë temë, si dhe praktika të shumta institucionale, për të gjetur qasjen më të mirë për mbrojtje dhe siguri më të madhe të gazetarëve në internet. Në këtë mënyrë do të zvogëlohet mundësia e autocensurës për shkak të frikës ekzistuese të sulmit dhe do të rritet liria e shprehjes dhe standardet profesionale gazetareske. Anëtarë të grupit punues të përbërë për përgatitjen e këtij protokolli nga SHGM-ja ishin Mlladen Çadikovski dhe Dragan Sekullovski, Nikolla Dujovski, profesor në Fakultetin e Sigurisë Shkup në USHKO Manastir, Jasna Baçovska Nediq, profesoreshë në Fakultetin Juridik “Justiniani i Parë” Shkup, Toni Angellovski, ndihmës i ministrit për Marrëdhënie me Publikun dhe Planifikim Strategjik në MPB, ndërsa nga femrat gazetare në grupin punues ishin Sashka Cvetkovska, Evi Shkopi dhe Kristina Atovska.