Lajme nga vendi
Çmimi i energjisë elektrike në Maqedoni i ngjashëm me atë në Serbi dhe Kosovë, ndërsa shumë më i ulët se në Kroaci
Maqedonia ka çmimin më të ulët të energjisë elektrike dhe çmimet pothuajse të barabarta në tarifën e shtrenjtë me Serbinë dhe Kosovën, ndërsa Kroacia ka çmime dukshëm më të larta si në tarifën e ulët ashtu edhe në atë të lartë. Gjatë vitit të kaluar, të gjitha shtetet e rajonit korrigjuan të paktën një herë çmimet që qytetarët paguajnë për energjinë e konsumuar, shkruan Meta.mk, transmeton Portalb.mk.
Vendi në fillim të korrikut filloi me sistem të ri përllogaritjeje, ndaj përveç çmimeve të reja dhe tarifave më të larta të energjisë elektrike, për qytetarët janë risi edhe 4 bllok tarifat në të cilat ndahet rryma e shtrenjtë, ndërsa secila prej tyre është me çmim të ndryshëm. Më pak do të paguhet në bllokun e parë, i cili është i kufizuar në 210 kilovat/orë të konsumuar. Blloku i dytë është për konsum nga 210 deri në 630 kilovat-orë, i treti për 630 deri në 1050 kilovat-orë dhe blloku i katërt tarifor më i shtrenjtë, është i destinuar për konsumatorët më të mëdhenj dhe energjia elektrike e konsumuar do të llogaritet për mbi 1050 kilovat- orë.
Futja e blloqeve tarifore, të cilat nga autoritetet në vend u justifikuan për shkak të krizës energjetike dhe pasigurisë që na pret këtë dimër, nuk janë të reja në vendet e rajonit. Në Kroaci ka modele tarifore të kaltra, të bardha, të kuqe dhe të zeza.
Çmimet variojnë si në tarifën e lartë ashtu edhe në atë të ulët dhe lëvizin nga 2,12 deri në 3,7 në tarifën e ulët dhe nga 6,40 deri në 7,70 denarë në tarifën e lartë. Këto çmime janë pa TVSH dhe kosto të tjera.
Serbia gjithashtu ka sistem me tarifa të shumëfishta që ndahen në zona jeshile, kaltër dhe të kuqe, ndërsa çmimet për rrymë të lirë variojnë nga 0,8 deri në 2,5 denarë dhe nga 3,3 deri në 10,3 denarë, pa TVSH për tarifën e shtrenjtë.
Në Kosovë çmimet e rrymës në tarifën e lirë variojnë nga 1,8 deri në 3,6 denarë, ndërsa në energjinë e konsumuar të shtrenjtë, paguhet nga 4,2 deri në 7,3 denarë për kilovat orë.
Për krahasim, çmimet pa TVSH dhe kosto të tjera në Maqedoninë e Veriut për tarifën e ulët është 0,61 denarë, për bllokun e parë në atë të shtrenjtë është 4,3, në të dytin 4,7, në të tretin 5,2 dhe në të katërtin 14,1 denarë për kilovat/orë.
Në Kroaci, konsumatorët mund të zgjedhin orëmatës me një tarifë dhe me shumë tarifa, ndërsa në bazë të kësaj edhe një model tarifor. Me orëmatës një tarifor, energjia elektrike llogaritet gjithmonë sipas të njëjtës tarifë ditore, gjegjësisht çmimi për kilovat është i njëjtë gjatë gjithë ditës. Me orëmatës me shumë tarifa, në varësi të modelit tarifor të zgjedhur, energjia elektrike mund të llogaritet sipas të njëjtës tarifë ditore në modelin tarifor të kaltër ose sipas një tarife ditore gjithnjë e më të ulët në atë të bardhë.
Edhe në Kroaci ka energji elektrike të shtrenjtë dhe të lirë, e cila ndryshon nga ora shtatë ose tetë në 21 ose 22 dhe anasjelltas. Çmimet që vlejnë nga prilli i këtij viti në modelin tarifor të kaltër janë 0,84 HRK, ose 6,90 denarë për kilovat/orë, pa TVSH dhe shpenzime të tjera për transmetim dhe shfrytëzim të rrjetit, që është çmimi i vetëm për ata që kanë orëmatës me një tarifë .
Çmimi i energjisë elektrike në modelin tarifor të bardhë është 0,95 kuna, për tarifën e lartë dhe 0,45 kuna për tarifën e ulët, ndërsa në të kuqe 0,78 kuna për kilovat orë për tarifën e lartë dhe 0,38 kuna për tarifën e ulët. Modeli i tarifës së zezë konsiderohet si shtesë dhe është i destinuar për të ashtuquajturat konsumi i menaxhuar, pra energjia nuk është në dispozicion të konsumatorit 24 orë në ditë. Furnizuesi e përcakton kohën e përdorimit me telekomandë dhe çmimi i energjisë elektrike është 0,48 HRK si tarifë e vetme.
Në Serbi, në të gjelbërtën hyjnë konsumatorët që konsumojnë më së paku, deri në 350 kWh, ndërsa çmimet e energjisë elektrike sipas vendimit të shkurtit të vitit 2021 variojnë nga 5,6 dinarë për kilovat nëse orëmatësi është një tarifor dhe 6,4 dinarë për rrymën e shtrenjtë dhe 1. 6 dinarë për kilovat nëse orëmatësi është me tarifë të dyfishtë. Në tarifën kaltër përfshihen konsumatorët që konsumojnë nga 350 deri në 1600 kWh. Çmimet për kilovat orë në këtë model janë 8.4 dinarë për matje me një tarifë dhe 9.6 dhe 2.4 dinarë për rrymën e shtrenjtë, përkatësisht të lirë. Familjet që konsumojnë më shumë se 1600 kWh hyjnë në zonën e kuqe të konsumit dhe paguajnë energjinë elektrike me çmim prej 19.2 dhe 4.8 dinarë për kilovat/orë.
Në Kosovë, konsumatorët e energjisë elektrike janë të ndarë në dy blloqe, ata që konsumojnë deri në 800 kWh dhe mbi 800 kWh në muaj. Në shkurt të këtij viti, në përgjigje të krizës energjetike, Organi Rregullator i Energjetikës mori vendim për rritjen e çmimit të kilovatit, por vetëm për konsumatorët që konsumojnë më shumë se 800 kilovat orë në muaj.
Amvisëritë që janë më kursyese do të vazhdojnë të paguajnë të njëjtat fatura, për energjinë elektrike të lirë rreth tre cent dhe për energjinë elektrike të shtrenjtë për rreth shtatë cent për kilovat-orë, ndërsa ata që shpenzojnë më shumë do të paguajnë rreth gjashtë cent në më të ultën dhe rreth 12 cent për kilovat -orë në tarifën më të lartë. Kjo do të thotë se çmimet në tarifën e lirë variojnë nga 1,8 deri në 3,6 denarë, ndërsa në energjinë e shtrenjtë të konsumuar, paguajnë nga 4,2 deri në 7,3 denarë për kilovat/orë.
Lajme nga vendi
Një avokat dyshohet se i vuri zjarrin Odës së Avokatëve të RMV-së, kërkohet me urdhër ndërkombëtar
Autoritetet kompetente në vend kanë lëshuar fletarrest ndërkombëtar për të dyshuarin i cili me 25 nëntor qëllimisht i ka vënë zjarrin Odës së Avokatëve. Bëhet fjalë për avokatin Aleksandar Risteski, të cilit Oda i ka hequr licencën disa javë para ngjarjes për shkak të shkeljes disiplinore, transmeton Portalb.mk
Fletarresti ndërkombëtar është publikuar në faqen e Ministrisë së Punëve të Brendshme (MPB), i cili, siç thuhet, është lëshuar me urdhër të Prokurorisë Themelore Publike Shkup.
Ankesën për veprën e Risteskit, siç raporton televizioni Telma, në Odën e Avokatëve e ka dorëzuar Qendra për Çështje Sociale në Shën Nikollë, nga ku janë ankuar se avokati ka sulmuar dhe kërcënuar zyrtarët e Qendrës në lidhje me një rast që ai e drejtonte.
Zyrtarët, siç thanë për Telmën nga Oda e Avokatëve, janë thirrur në cilësinë e dëshmitarëve dhe janë dokumentuar deklaratat e tyre, pas së cilës gjykata disiplinore e Odës, e cila është organ i pavarur, ka marrë vendim që Risteskit t’ia heq licencën e avokatit për tre vjet.
Sipas Odës, edhe pse ka të drejtë, ai nuk e ankimoi vendimin e gjykatës disiplinore.
Prokuroria Themelore Publike Shkup dje ka njoftuar se ka hapur hetim kundër një 41-vjeçari nga Shkupi për shkaktim zjarrvënies së qëllimshme në objektin ku ndodhet Oda e Avokatëve dhe në të cilin është shkaktuar dëm material në shuma rreth 150.000 euro.
Sipas Prokurorisë, i dyshuari po ndiqet për veprën penale të krimeve të rënda kundër sigurisë publike.
“Më 25 nëntor, i dyshuari qëllimisht ka djegur objektin e Odës së Avokatëve të RMV-së në rrugën “Metodia Shatorov Sharlo”, duke shkaktuar rrezik të konsiderueshëm për jetën dhe trupat e njerëzve dhe pronën e përmasave më të mëdha“, njoftuan dje nga Prokuroria Publike e Republikës së Maqedonisë së Veriut.
Sipas informacioneve nga atje, ai është përgatitur për rastin një javë më parë.
Ai më 25 nëntor ka ardhur me automjetin e tij në afërsi të objektit të Odës së Avokatëve në Komunën e Aerodromit dhe i maskua ka thyer derën e hyrjes me sëpatë. Më pas i ka radhitur në shkallë kubikët e vajgurit, afër tyre vendosi edhe bombola gazi dhe i ndezi.
Pas kësaj, nuk ka humbur kohë dhe sipas hetimeve, vetëm tridhjetë minuta pas ngjarjes është larguar nga vendi, përmes pikës kufitare “Bllacë”.
Prokuroria njoftoi se kërkon ndalimin e të dyshuarit, i cili do të fillojë të zbatohet pas gjetjes dhe arrestimit të tij.
Moti sot do të jetë kryesisht me vranësira dhe reshje shiu, në male dhe viset më të larta me reshje të dëborës. Reshjet do të jenë më të dendura në pjesët perëndimore të vendit, ndërsa në viset malore do të rritet shtresa e dëborës.
Do të fryjë dhe erë mesatare nga drejtimi juglindor. Temperatura minimale do të jetë në interval prej 2 deri në 7, ndërsa ajo maksimale do të arrij prej 3 deri në 10 gradë.
Në Shkup moti do të jetë i ngjashëm, me vranësira dhe reshje shiu. Temperatura minimale do të ulet në 4, ndërsa ajo maksimale do të arrij në 8 gradë Celsiusë.
Lajme nga vendi
Durmishi ndau mjete financiare për organizatat e konsumatorëve për zbatimin e Programit për mbrojtjen e konsumatorëve
Ministri i Ekonomisë dhe Punës, Besar Durmishi ndau sot mjete financiare për organizatat e konsumatorëve për zbatimin e Programit për mbrojtjen e konsumatorëve, Programit për bashkëfinancimin e projekteve për zhvillimin dhe avancimin e sipërmarrësisë dhe zejtarisë, aktivitetet programore të rrjeteve të zejtarëve të biznesit, si dhe Programin për mbështetjen e konkurrueshmërisë së industrisë përpunuese dhe përgjegjësisë shoqërore.
Ministria e Ekonomisë dhe Punës, në përputhje me Thirrjen publike për ndarjen e mjeteve për realizimin e programeve (projekteve) të shoqatave të konsumatorëve, ka ndarë mjete financiare për organizatat e konsumatorëve në qytete të ndryshme të shtetit. Janë ndarë mjete për:
Organizata e Konsumatorëve të Ohrit: 350.000,00 denarë;
Organizata e Konsumatorëve të Manastirit: 350.000,00 denarë;
Organizimi e Konsumatorëve të Koçanës: 319.500,00 denarë;
Organizata e Konsumatorëve të Shtipit: 300.000,00 denarë;
Organizata e Konsumatorëve të Tetovës: 340.000,00 denarë;
Organizata e Konsumatorëve të Maqedonisë-Shkup (OKM): 340.200,00 denarë
Në kuadër të Programit për zhvillimin e sipërmarrësisë dhe konkurrueshmërisë së ndërmarrjeve të vogla dhe të mesme, si dhe për nxitjen e zhvillimit dhe avancimit të sipërmarrësisë dhe konkurrueshmërisë së ndërmarrjeve, Ministria e Ekonomisë dhe Punës realizon bashkëfinancimin e projekteve të fondacioneve dhe shoqatave që lidhen me mbështetjen jofinanciare për zhvillimin e biznesit dhe konkurrencës, për bashkëfinancimin e projekteve të shoqatave, fondacioneve dhe odave të zejtarëve për zhvillimin dhe promovimin e zejtarëve, etj., si dhe bashkëfinancimin e projekteve për veprimtari zejtare.
Për të tre masat, është parashikuar bashkëfinancim i 70% të shpenzimeve të projektit, por jo më shumë se 350.000 denarë për aplikant, ndërsa pas realizimit të programit, do të ndahen subvencione për 26 projekte me vlerë të përgjithshme prej 6.132.240 denarë.
Në kuadër të Programit për mbështetjen e konkurrueshmërisë së industrisë përpunuese dhe përgjegjësisë shoqërore, Ministria e Ekonomisë dhe Punës ka realizuar masën për kompensimin e një pjesë të shpenzimeve për akreditimin e laboratorëve, parashikohet zgjerimi i fushëveprimit të akreditimit të
laboratorëve ekzistues për testimin ose prokurimin e pajisjeve për laboratorët për lëshim në treg të produkteve me cilësi të sigurt.
Në kuadër kësaj mase, parashikohet bashkëfinancimi i shpenzimeve prej 50% të shumës jo më shumë se 400.000 denarë për secilin aplikant. Vlera e përgjithshme e vlerësuar është 3.000.000 denarë. Përdorues të kësaj skeme janë 11 laboratorë.
Te masa e kompensimit të një pjese të shpenzimeve për mirëmbajtjen dhe zbatimin e praktikave të pranueshme sociale të subjekteve afariste, vlera e përgjithshme e mjeteve është 2.000.000 denarë, ndërsa Ministria e Ekonomisë dhe Punës bashkëfinancoi 8 kompani.
Duke marrë parasysh nevojat e kompanive, Ministria e Ekonomisë dhe Punës do të vazhdojë të zbatojë masa dhe aktivitete që synojnë përmirësimin e konkurrueshmërisë. Lista e përdoruesve është tashmë e disponueshme në faqen e internetit të Ministrisë.
Një avokat dyshohet se i vuri zjarrin Odës së Avokatëve të RMV-së, kërkohet me urdhër ndërkombëtar
Moti sot në Maqedoninë e Veriut
Durmishi ndau mjete financiare për organizatat e konsumatorëve për zbatimin e Programit për mbrojtjen e konsumatorëve
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve
You must be logged in to post a comment Login