Gjykata e Strugës e hodhi poshtë propozimin e mbrojtjes për vjetërsim e lëndës që ka të bëjë me blerjen e makinave luksoze nga kreu i komunës, Ramiz Merko. Vlerësimet fillestare janë se vjetërsimi absolut do të ndodh në vitin 2028. Gjithashtu është shtyrë gjykimi për pllakën përkujtimore që ishte vendosur në objektin e komunës së Strugës. Ndaj Merkos janë nëntë raste aktive gjyqësore.Ramiz Merko do të vazhdojë të gjykohet për blerjen e makinës luksoze Audi A6 me vlerë 67 mijë euro dhe tre veturave të tjera për nevojat e komunës në vlerë prej 114 mijë euro, pasi Gjykata e Strugës mori vendim me të cilin nuk pranohet propozimi i mbrojtjes për vjetërsim të lëndës.Dy nga dëshmitarët e thirrur nuk u paraqitën sot në gjykatë. Dëshmi ka dhënë vetëm Nada Bojaxhievska, punonjëse e Entit Shtetëror të Revizionit, e cila ka marrë pjesë në përgatitjen e revizionit të punës së komunës së Strugës në vitin 2018, kur është blerë vetura.Ndërkohë në aktakuzë thuhet se në kundërshtim me parimet e ligjshmërisë dhe integritetit, si dhe në kundërshtim me interesin publik, në kushtet kur komuna kishte borxhe të papaguara dhe llogari bankare të bllokuar, i akuzuari ka blerë katër automjete, me çka ka sjellë përfitim material për bartësin e prokurimit publik.Ndryshe, dënimi me burg për këtë vepër është nga një deri në pesë vjet. Mbrojtja e Merkos beson se ai nuk është fajtor.Nga ana tjetër është shtyrë gjykimi për pllakën përkujtimore që ishte vendosur në objektin e komunës së Strugës, i cili ishte caktuar për sot.Aktualisht janë nëntë raste gjyqësore aktive kundër Merko

Prokuroria Themelore Publike (PPO) Shkup ka nxjerrë udhëzime specifike për veprime më efikase në situatat kur rrezikohet siguria në komunikacion dhe ka bazë për ndjekje penale të kryesve.

Nga Prokuroria theksuan se në takimin koordinues me Policinë e Shkupit kanë kërkuar veprim të detyrueshëm të menjëhershëm kur gjatë një aksidenti trafiku konstatohet se shoferi nuk ka patentë shofer, ka vozitur në semafor të kuq, ka vozitur me shpejtësi të madhe, ka qenë në gjendje të dehur, ka lëvizur në drejtim të kundërt dhe ka kaluar në vijë të plotë.

Udhëzimet kërkojnë veprim të obliguar urgjent në situata kur gjatë aksidentit te shoferi apo shoferët është konstatuar drejtimi i makinës pa leje, kalim në semafor të kuq, shpejtësi shumë më e madhe se e lejuara, gjendje të dehur, vozitje në drejtim të kundërt, por edhe kalim në dy vija të plota. Procedura urgjente do të udhëhiqet edhe në situatë kur shoferi e ka lëshuar vendin e ngjarjes së aksidentit dhe nuk ka ofruar ndihmë për këmbësorët ose persona të tjerë”, theksuan nga Prokuroria e Shkupit.

Prokurorët po ashtu kërkojnë që policia t’i sigurojë të dyshuarit me dosje të plota kundërvajtëse dhe penale në mënyrë që të kuptojnë të gjitha kundërvajtjet e mëparshme dhe gjobat që kanë pasur ngasësit. Ata gjithashtu kërkuan që kallëzimet penale të bëra nga MPB-ja në të ardhmen të përmbajnë më shumë detaje.

“Kallëzimet penale duhet të përmbajnë sa më shumë të dhëna precize, të detajuara dhe të sakta për dëshmitarët, të paraqiturit dhe të dëmtuarit me numra telefoni dhe adresa nga letërnjoftimet, por edhe adresa të banimit momental. Me kujdes të veçantë duhet të sigurohen prova dhe të fotodokumentohen shenjat e komunikacionet të cilat vlejnë në lokacionin ku ka ndodhur aksidenti”, thonë tutje nga Prokuroria e Shkupit.

Advertisement

Në periudhën e kaluar është evidente prania e shtuar e policisë rrugore nëpër rrugët e Shkupit.

Që nga fillimi i muajit shkurt deri më 20 shkurt nëpunësit policorë nga të gjithë tetë sektorët e punëve të brendshme të MPB-së kanë lëshuar 18.132 urdhëpagesa të qytetarëve-pjesëmarrës në komunikacion për shkeljet e kryera në bazë të Ligjit për siguri në komunikacionin rrugor dhe Ligjit për automjete.

Kujtojmë se Maqedoninë e Veriut javë më parë e trazoi një aksident i rëndë, ku ndërroi jetë Frosina Kulakova, pasi ishte goditur me veturë në një vendkalim për këmbësorë.

Ky rast hapi debat të madh në opinion për sigurinë në trafik ndërsa u mbajtën edhe disa protesta.

Advertisement

Elfete Ismaili: Lotët e Dellçevistit Xhaferi, shfaqje hipokrite e një politikani të dështuar

Pas konferencës së shtypit që Talat Xhaferi nga BDI mbajti rreth përfaqësimit të shqiptarëve në ushtri, ku sipas tij ky përfaqësim është në nivelin më të ulët historik dhe se është shpërfillur parimi i përfaqësimit të drejtë dhe adekuat ,duke u përjashtuar shqipëtarët nga pozitat drejtuese, ka reaguar zëvendesministrja Elfete Ismaili.

Ja se çfar thuhet në reagimin e zv. Ministres Ismaili:

Shumë prej nesh e kemi dëgjuar shprehjen “lotët e krokodilit”, por kur këto lot rrjedhin nga Talat Xhaferi dhe klika e tij, nuk kemi mënyrë t’i konsiderojmë ndryshe, përveç si një sjellje hipokrite dhe një pikëllim të pasinqertë.

Kjo nuk është hera e parë që këta “dalëzotës të Dellçevizmit” shprehin dhembshuri dhe ndjeshmëri për fatin e shqiptarëve. Ata gjithmonë kanë ditur të përdorin emocione të shfrenuara për të fituar mbështetje, por kur kanë pasur mundësinë të veprojnë, janë treguar të paaftë dhe të papërgjegjshëm për të adresuar kërkesat dhe shqetësimet tona.

Advertisement

Tani, kur janë në opozitë, ata bëhen zëdhënës të “shqetësimeve” tona, por fatkeqësisht, kur ishin në pushtet, nuk ndërmorën vepra konkrete për të përmirësuar gjendjen dhe pozicionin e shqiptarëve, përfshirë këtu edhe problemet që ndërlidhen me përdorimin e gjuhës shqipe në institucione shtetërore, si Ministria e Mbrojtjes, e cila, përkundër faktit që ka pasur shqiptarë në pozita të ministrave, nuk arriti të sigurojë zbatimin e të drejtave gjuhësore.

Mos ta harrojmë: shqiptarët nuk harrojnë lehtë. Ata nuk harrojnë trajtimin e poshtërues që u është bërë nga këta politikanë të deridjeshëm. Ata nuk harrojnë se si këta nuk arritën të ndryshonin gjendjen e atyre pak të punësuarëve, të cilat i lanë të paavansuar, duke ndenjur në shtëpi dhe të etiketuar si “pomlad sorabotnika”. Për më tepër, është e qartë se këta politikanë nuk kanë treguar asnjëherë vullnetin e duhur për të avancuar interesat e shqiptarëve në vend, duke i lënë ata të përballen me padrejtësi dhe diskriminim.

Prandaj, mos i merrni seriozisht “lotët” e tyre. Sot ka njerëz që po veprojnë për shqiptarët, jo vetëm me fjalë, por me vepra konkrete. Ata janë ata që nuk kanë nevojë për spektakël dhe shfaqje, por që po angazhohen me seriozitet për ndryshime të vërteta.

Është e vërtetë se kemi ende sfida dhe pengesa për të kaluar, por unë si zëvendësministre dhe pjesë e koalicionit VLEN, ne jemi të vendosur dhe stoikë deri në arritjen e qëllimit tonë – dhe ai është meritokracia dhe drejtësia, e jo korrupsioni dhe hajnia që e ka dëmtuar këtë vend për kaq shumë vite.

Të keni parasysh, peri i ngatërruar nuk zgjidhet me ngut, kërkon kohë dhe punë të palodhur. Por ne jemi duke punuar me angazhim dhe përkushtim në këtë drejtim, për një të ardhme më të ndritshme dhe më të drejtë për të gjithë qytetarët.

Advertisement

Ministria e Mbrojtjes është një institucion serioz që siguron sigurinë e të gjithë njerëzve në Maqedoninë e Veriut dhe kontribuon në sigurinë e përgjithshme të qytetarëve në kuadër të NATO-s. Për këtë punë, na duhen njerëz seriozë, me eksperiencë, me vullnet dhe angazhim të plotë për të arritur objektivat tona.