Lajme nga vendi
(video) Rritet fluksi i të prekurve me kollën e keqe
Në spitalin e fëmijëve në Kozle, fluksi i të prekurve me kollën e keqe është shumë i madh, por në spital shtrohen vetëm foshnjat më të rrezikuara. Aktualisht në repartin e kujdesit intensiv në “Kozle” janë 5 foshnje, më i madhi 3 muajsh, ndërsa më i vogli vetëm 25 ditë.“Gjendje më të rëndë tani për momentin janë ata me qëndrim më të gjatë se 4-5 ditë, ata kanë sulme shumë të shpeshta, kur kanë nevojë për ajër, gjysma e nënave e kanë kaluar kollën e keqe, tani edhe nënat kanë pertusis. Nëse kolliten rastësisht, prej jashtë mund t’i dëgjoni që është shumë dramatike dhe shumë alarmante sepse sëmundja përhapet, vetëm sepse fëmijët nuk janë të vaksinuar”, thonw në repartin e kujdesit intensiv në “Kozle.Sipas të dhënave të Qendrës së Shëndetit Publik, në javën e fundit, janë regjistruar 72 raste të reja me kollën e keqe, apo 67% më shumë krahasuar me javën paraprake. Numri më i madh apo 58, janë në Shkup. Mosha e të prekurve është nga 0-44 vjet, ndërsa numri më i madh janë të grupmoshës 10-14 vjet. Nga fillimi i vitit deri më 21 mars në vend janë regjistruar gjithsej 287 raste me pertusis.TV KOHA
Lajme nga vendi
Dragan Pavloviç-Llatas një nga mësitët e BDI-së tek Mickoski?!
Gazetari Dragan Pavlloviç-Llatas thuhet nga burime jozyrtare partiake se është vënë në mision ndërmjetësimi për të lobuar tek VMRO-DPMNE e Mickoskit, që BDI të bëhet pjesë e Qeverisë.
Llatas njihet në disa raste si personi që është parë në takime me Musa Xhaferin.
Mickoski bëri të ditur se Ahmeti po dërgon emisarë për të bërë qeverinë.
“Më vjen keq që Ali Ahmeti dëshiron të paraqitet në publik si ideolog dhe shumë i fortë dhe në prapavijë na dërgon emisarë dhe do të thosha se dëshiron pa kushte të hyjë në një koalicion të ardhshëm me VMRO-DPMNE-në dhe me koalicionin ‘Maqedonia juaj’. Me vjen keq qe Ali Ahmeti e rrethoi veten me njerez te cilet po ashtu e keqperdorin per te bere, me kusht, krim dhe grabitje te Maqedonise, dhe me vjen keq qe Ali Ahmeti duke u rrethuar me keta njerez, ne vend qe te perfundoje si pensionist politik dhe te ishte ideolog. , ai do të përfundojë si bashkëpunëtor në krimin e bashkëpunëtorëve të tij të afërt të cilët së shpejti nga sot, opinioni maqedonas, të gjithë qytetarët në Maqedoni pa dallim etnie, do të jenë dëshmitarë dhe për të cilin kemi prova të shumta”, deklaroi Mickoski.
Nga BDI ende nuk janë deklaruar pas deklaratës së Mickoskit dhe se kush janë emisarët.
Lajme nga vendi
Mickoski: Ali Ahmeti më dërgon njerëz për të bërë qeveri me VMRO-në!
Ahmeti po më dërgon emisarë dhe dëshiron të hyjë në koalicion qeveritar me VMRO-DPMNE-në, por në të do të jetë Koalicioni Vlen, thotë Mickoski.
Kryetari i VMRO-DPMNE-së, Hristijan Mickoski, sot në përgjigje të pyetjes së gazetarëve tha se koalicioni i ardhshëm qeveritar do të udhëhiqet nga partia e tij, dhe në të do të jetë koalicioni “Vlen”.
Ai ishte në inspektim të aktiviteteve ndërtimore në Komunën e Aeroportit të Shkupit, ku tha se duhet të respektohet vullneti i qytetarëve për të cilin ata tash më kanë vendosur.
“Nëse analizoni rezultatin e zgjedhjeve do të arrini në përfundimin e mëposhtëm, se kandidatët e qeverisë Stevo Pendarovski dhe Bujar Osmani kanë fituar gjithsej 300 mijë vota. Nëse shikoni rezultatin e votimit nga qytetarët, i cili është rezultat i kryetares së ardhshme Gordana Siljanovska-Davkova dhe kryetarit të komunës së Gostivarit, Arben Taravari, është afër 450.000 vota, që do të thotë një herë e gjysmë më shumë”, vlerëson Mickoski.
Mickoski tha se BDI dëshiron të hyjë në koalicion qeveritar me VMRO-DPMNE, por kritikoi liderin Ali Ahmeti se është i rrethuar nga njerëz që abuzojnë me të.
“Më vjen keq që Ali Ahmeti është i rrethuar me njerëz të cilët po e keqpërdorin atë për të bërë, thënë kushtimisht, kriminalitet dhe grabitje të Maqedonisë, dhe poashtu më vjen keq që Ali Ahmeti duke u rrethuar me këta njerëz, në vend që të përfundojë si pensionist politik dhe të jetë ideolog, ai do të përfundojë si bashkëpunëtor i krimit të njerzve të tij të afërt të cilët, duke filluar nga sot, do të përfundojnë aty ku e kanë vendin, dhe për të cilën opinioni maqedonas dhe të gjithë qytetarët në Maqedoni pa dallim etnie, do të jenë dëshmitarë dhe për të cilat ne kemi një numër të madh të provave”, ka thënë Mickoski.
Lajme nga vendi
Forumi i Gruas dhe Forumi Rinor i Koalicionit VLEN prezantojnë “Plani 2030” në Komunën e Bogovinës dhe në Sheshin e Tetovës
Sot, Forumi i Gruas dhe Forumi Rinor i Koalicionit VLEN vizitoi Komunën e Bogovinës për të prezantuar programin “PLANI 2030”.
Në kuadër të fushatës së tyre derë më derë, Forumi i Gruas dhe Forumi Rinor i Koalicionit VLEN u shoqërua nga kandidatet për deputetë në njësinë zgjedhore 6, Kaltrina Beqiri, Sevime Veseli Berzati, Majlinda Ymeri dhe Imerlije Saliu.
Pas vizitës në Bogovinë, qëndruan në aktivitetin në Sheshin e Tetovës, për të qenë sa më afër qytetarëve dhe për të pirë kafe me ta.
Pjesëmarrja e aktive e grave tregon se angazhimi i tyre në politikë është në rritje, dhe Forumi i Gruas i Koalicionit VLEN është vendi ku dëgjohet zëri dhe ambiciet e tyre për një të ardhme më të mirë për vendin tonë.
Ndërkaq sot, në ora 17:00 Forumi i Gruas do të marshojë drejt Banjës së Tetovës.
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve