Lajme nga rajoni
Arrin në nëntë numri i viktimave pas shiut në Itali
Ka arritur në nëntë numri i viktimave pas shirave vdekjerprurëse në Itali teksa mijëra të tjerë u evakuuan nga shtëpitë e tyre pasi shiu i rrëmbyeshëm goditi rajonin verior të Italisë Emilia-Romagna, duke shkaktuar përmbytje dhe rrëshqitje dheu.
Ministri i Mbrojtjes Civile, Nello Musumeci, tha se disa zona kishin marrë gjysmën e reshjeve të tyre mesatare vjetore në vetëm 36 orë, duke bërë që lumenjtë të dalin nga shtrati, shkruan Reuters.
Përfaqësuesi lokal i ministrisë së brendshme tha se rreth 14 mijë njerëz do të duhet të evakuohen nga zona sa më shpejt të jetë e mundur.
Autoritetet thanë se përmbytjet kishin goditur 37 qytete dhe komunitete dhe rreth 120 rrëshqitje dheu që ishin regjistruar.
Të paktën një urë, pranë qytetit të Bolonjës, u shemb, disa rrugë u dëmtuan nga përmbytjet dhe shumë shërbime hekurudhore u pezulluan.
Lajme nga rajoni
Nëna 42-vjeçare në Krujë, lind vajzën dhe e flak të gjallë duke i marrë jetën
Tmerr në Krujë me një nënë monstër që e lindi fëmijën e saj dhe e flaku të gjallë në lumë ku u gjet e vdekur.
Ngjarja makabte ndodhi kur gruaja 42 vjeçare sot në mëngjes ka lindur një fëmijë dhe menjëherë më pas e ka futur në një qese dhe e ka hedhur në breg të lumit të Tapizës.
Këtë veprim e ka bërë me pretendimin se foshnja, një vajzë, lindi e vdekur.
Por e vërteta u zbulua sot në drekë, disa orë pasi u krye akti i rëndë.
Specialistët për Hetimin e Krimeve të Komisariatit të Policisë Krujë, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, ndaluan shtetasen L. K., 42 vjeçe, banuese në Tapizë, për veprën penale “Vrasja e foshnjes”.
Kjo shtetase, ditën e sotme, rreth orëve të mëngjesit, dyshohet se pasi ka lindur foshnjen në ambientet e banesës së saj, duke pretenduar se ka lindur e vdekur, e ka futur në një qese dhe më pas e ka hedhur në bregun e lumit të Tapizës.
Materialet procedurale i kaluan Prokurorisë, për veprime të mëtejshme.
Lajme nga rajoni
Rast i rëndë në Preshevë: Fëmija 3-vjeçar mbytet në pishinë, që ishte në oborrin e shtëpisë së tij
Në urgjencën e Preshevës sot është sjellë një fëmijë tre vjeçar pa shenja jete, gjë që shkaktoi vëmendje të madhe publike.
Ekipet e kujdesit kanë njoftuar menjëherë policinë për këtë ngjarje të trishtë, ndërsa në vend është konstatuar se fëmija ka dalë nga shtëpia e familjes dhe ka rënë në pishinën e oborrit.
Ka pasur një përpjekje për reanimim, por pa sukses
Ambulanca nisi menjëherë përpjekjet për të sjellur në jetë fëmijën, por fatkeqësisht përpjekjet e tyre nuk dhanë rezultat. Fëmija nuk mbijetoi dhe ka tronditur thellë të gjithë të opinionin
Është njoftuar Prokuroria e Lartë Publike në Vranjë, ndërsa detajet për hapat e mëtejshëm do të publikohen pas hetimeve.
Lajme nga rajoni
Erdogan njofton tërheqjen nga politik pas zgjedhjeve lokale të marsit
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve